spot_img
Home Blog Page 5973

ଗଛ ଡାଳରେ ନୁହେଁ ମଣିଷ ଦେହରେ ବସା ବାନ୍ଧିଛନ୍ତି ମହୁମାଛି

ବାଲେଶ୍ୱର: ମଣିଷ ଦେହରେ ମହୁବସା । ଏହା ଶୁଣି ଆପଣଙ୍କୁ ଆଶ୍ଟର୍ଯ୍ୟ ଲାଗୁଥିବା, ହେଲେ ଏହା ସତ । ଗଛ ଡାଳରେ ବଦଳରେ ମଣିଷ ଦେହରେ ମହୁମାଛିମାନେ ବସା ବାନ୍ଧିଛନ୍ତି । ହଜାର ହଜାର ମହୁମାଛିଙ୍କୁ ଖୋଲା ଦେହରେ ବସାଇ ପ୍ରେମ କରୁଛନ୍ତି ତୁକାରାମ । ମଣିଷ ଓ ମହୁମାଛିଙ୍କ ଏଭଳି ପ୍ରେମ ଦେଖିବାକୁ ମିଳିଛି ବାଲେଶ୍ୱର ଜିଲ୍ଲା ନୀଳଗିରିର ଔପଦା ବ୍ଲକ ତରତୁଆରେ ।

ଗାଁର ତୁକାରାମ ନିଜ ଦେହରେ ମହୁମାଛିଙ୍କୁ ବସାଇ ପ୍ରେମ କରୁଛନ୍ତି । ଆଉ ମହୁମାଛିମାନେ ମଧ୍ୟ ତୁକାରାମଙ୍କ ବୋଲ ମାନୁଛନ୍ତି । ଦୀର୍ଘ ବର୍ଷ ହେଲା ମଣିଷ-ମହୁମାଛିମାନଙ୍କ ମଧ୍ୟମରେ ଏଭଳି ସମ୍ପର୍କ ରହିଥିବା ବେଳେ ମହୁମାଛିମାନେ ତୁକାରାମ କିମ୍ବା ତାଙ୍କ ପରିବାରର କୌଣସି କ୍ଷତି କରୁନାହାଁନ୍ତି ।

ନବମ ଶ୍ରେଣୀରୁ ତୁକାରାମ ମହୁମାଛି ଚାଷ କରିଆସୁଛନ୍ତି । ଘର ବାଡିରେ କୋଡିଏରୁ ଉର୍ଦ୍ଧ୍ୱ କାଠ ବାକ୍ସକରି ହଜାର ହଜାର ମହୁମାଛି ଚାଷ କରୁଛନ୍ତି । ଆଉ ସେଥିରୁ ମହୁ ସଂଗ୍ରହ କରି ପରିବାର ପୋଷଣ କରୁଛନ୍ତି ତୁକାରାମ ।

ମାଫିଆଙ୍କ ଆତଙ୍କରାଜ, ଅନ୍ଧାରରେ ଗାୟବ କରୁଛନ୍ତି ଟ୍ରିପ୍‌ ଟ୍ରିପ୍‌ ବାଲି…

ଢେଙ୍କାନାଳ: ପୁଣି ସକ୍ରିୟ ହେଲେଣି ବାଲି ମାଫିଆ । ରାତିର ଅନ୍ଧାରରେ ଚକ୍‌ମା ଦେଇ ଚୋରି କରୁଛନ୍ତି ଟ୍ରିପ୍ ଟ୍ରିପ୍ ବାଲି । ରାଜ୍ୟ ସରକାର କୋଟି କୋଟି ଟଙ୍କା ରାଜସ୍ୱ ହରାଉଥିବା ବେଳେ ସବୁ ଜାଣିଶୁଣି ରାଜସ୍ୱ ବିଭାଗ ଚୁପ୍ ରହୁଥିବା ଅଭିଯୋଗ ହୋଇଛି ।

ବାଲି ଚୋରି କରି ମାଲାମାଲ୍ ମାଫିଆ, ରାଜସ୍ୱ ହରାଉଛନ୍ତି ରାଜ୍ୟ ସରକାର । କିଛିଦିନ ପରେ ଢେଙ୍କାନାଳ ଜିଲ୍ଲାରେ ପୁଣି ବାଲି ମାଫିଆ ସକ୍ରିୟ ହୋଇଛନ୍ତି । ରାତିର ଅନ୍ଧାରର ସୁଯୋଗ ନେଇ ରାଜସ୍ୱ ବିଭାଗକୁ ଚକ୍‌ମା ଦେଇ ବେଆଇନ ଭାବେ ବାଲି ଚୋରି କରୁଥିବା ଅଭିଯୋଗ ହୋଇଛି । ବିଶେଷକରି ଗଁଦିଆ କାଲୁରିଆ ବାଲିଘାଟରୁ ଶହ ଶହ ଟ୍ରିପ୍ ବାଲି ଉଠାଯାଉଛି । ଚୋରା ବାଲି ଚାଲାଣ ବେଳେ ଟ୍ରାକ୍ଟର ଧକ୍କାରେ ଦୁଇ ଜଣଙ୍କ ମୃତ୍ୟୁ ପରେ ସାମ୍ନାକୁ ଆସିଛି ସତ।

ରାଜସ୍ୱ ବିଭାଗ ବାଲି ମାଫିଆଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାରେ ବିଫଳ ହୋଇଥିବାରୁ ରାଜ୍ୟ ସରକାର କୋଟି କୋଟି ଟଙ୍କା ରାଜସ୍ୱ ହରାଉଛନ୍ତି । ଏନେଇ ଢେଙ୍କାନାଳ ଉପ-ଜିଲ୍ଲାପାଳଙ୍କୁ ପଚାରିବାରୁ ଆଇନ ଅନୁଯାୟୀ ମାଫିଆଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯିବ ବୋଲି ସେ କହିଛନ୍ତି ।

ଝିଅମାନେ ସାବଧାନ, ରାହୁଲ ଗାନ୍ଧିଙ୍କ ଠାରୁ ଦୂରେଇ ରୁହ

ରାହୁଲ ଗାନ୍ଧୀ ଅବିବାହିତ ଅଛନ୍ତି, ଝିଅମାନେ ତାଙ୍କ ଠାରୁ ଦୂରେଇ ରୁହ । ଏଭଳି ବିବାଦୀୟ ବୟାନ ଦେଇଛନ୍ତି କେରଳର ଇଦୁକୀର ପୂର୍ବତନ ସାଂସଦ ଜୋଏସ୍ ଜଜ୍ । ଯାହାକୁ ନେଇ ବିରୋଧୀ ଦଳର ନେତାଙ୍କ ମଧ୍ୟରେ ତୀବ୍ର ଅସନ୍ତୋଷ ବୃଦ୍ଧି ପାଇଛି ଏବଂ ଏହାକୁ ଘୋର ନିନ୍ଦା କରିଛନ୍ତି ବିରୋଧୀ ।

କେରଳରେ ବିଧାନସଭା ନିର୍ବାଚନକୁ ନେଇ ପ୍ରଚାର କରୁଛନ୍ତି ରାହୁଲ ଗାନ୍ଧୀ । ଗତ ସୋମବାର ରାହୁଲ ଗାନ୍ଧୀ କୋଚିର ସେଣ୍ଟ ଟେରେସା କଲେଜରେ ନିର୍ବାଚନ ପ୍ରଚାର ସମୟରେ ଜଣେ ଛାତ୍ରୀଙ୍କ ଅନୁରୋଧରେ ତାଙ୍କୁ ଜାପାନୀ ମାର୍ସଲ ଆର୍ଟ ଆଇକିଡୋ ବିଷୟରେ ସମ୍ୟକ୍ ସୂଚନା ଦେଇଥିଲେ । ଏହି ସମୟରେ ଉପସ୍ଥିତ ଥିବା ଛାତ୍ରୀ ମାନଙ୍କ ମଧ୍ୟରେ ମଧ୍ୟ କ୍ରେଜ୍ ଦେଖିବାକୁ ମିଳିଥିଲା । ଗୋଟିଏ ପଟେ ମହିଳା ସଶକ୍ତିକରଣକୁ ନେଇ ରାହୁଲ ଗାନ୍ଧୀ ମନ୍ତବ୍ୟ ଦେଇଥିବା ବେଳେ ଅନ୍ୟପଟେ ଛାତ୍ରୀଙ୍କୁ ଜାପାନର ମାର୍ଶଲ ଆର୍ଟ ଶିଖାଇଥିବାରୁ ଇଦୁକୀର ପୂର୍ବତନ ସାଂସଦ ଜୋଏସ୍ ଜଜ୍ ତାଙ୍କୁ ଘୋର ନିନ୍ଦା କରିଛନ୍ତି । ଚେତାବନୀ ଦେଇ ସେ କହିଛନ୍ତିଯେ, ଝିଅମାନେ ରାହୁଲ ଗାନ୍ଧୀଙ୍କ ଠାରୁ ଦୂରେଇ ରହିବା ଉଚିତ୍ । କାରଣ ରାହୁଲ ଅବିବାହିତ ଅଛନ୍ତି । ଏହା ସହିତ ସେ କହିଛନ୍ତିଯେ, ରାହୁଲ ଜାଣିଶୁଣି ସମସ୍ତ କାର୍ଯ୍ୟକ୍ରମ ମହିଳା କଲେଜରେ ଆୟୋଜନ କରୁଛନ୍ତି । ସୂଚନାଯୋଗ୍ୟ ଜୋଏସ୍ ଜଜ୍ କେରଳର ଇଦୁକି ଜିଲ୍ଲାରେ ଆଶାୟୀ ପ୍ରାର୍ଥୀଙ୍କ ପାଇଁ ନିର୍ବଚାନ ପ୍ରଚାର ସମୟରେ ଏଭଳି ବୟାନ ଦେଇଛନ୍ତି ।

ଜଜ୍ କେରଳର ଇଦୁକି ଜିଲ୍ଲାର LDF ସମର୍ଥିତ ଆଶାୟୀପ୍ରାର୍ଥୀ ଏମଏମ.ମଣିଙ୍କ ପାଇଁ ପ୍ରଚାର କରୁଥିଲେ । ଗତ ସୋମବାର ରାହୁଲ ଗାନ୍ଧୀ କୋଚିର ସେଣ୍ଟ ଟେରେସା କଲେଜରେ ଜଣେ ଛାତ୍ରୀଙ୍କ ଅନୁରୋଧରେ ତାଙ୍କୁ ଜାପାନୀ ମାର୍ସଲ ଆର୍ଟ ଆଇକିଡୋ ବିଷୟରେ ସମ୍ୟକ୍ ସୂଚନା ଦେଇଥିଲେ । ଯାହାକୁ ନେଇ ଇସାରା କରିଛନ୍ତି ଜଜ୍ ।

ଜୋଏସ୍ ଜଜଙ୍କ ଏହି ବୟାନକୁ ନିନ୍ଦା କରିଛନ୍ତି କେରଳର କଂଗ୍ରେସ ନେତା ରମେଶ ଚେନ୍ନିଥଲା । ତାଙ୍କ ମତରେ ଏଭଳି କମେଣ୍ଟ ଦେଇ କେବଳ ରାହୁଲ ଗାନ୍ଧୀ ନୁହଁନ୍ତି ବରଂ ମହିଳାଙ୍କର ମଧ୍ୟ ଅପମାନ କରାଯାଇଛି । ଏହା ସହିତ ଜଜଙ୍କ ବିରୋଧରେ ମାମଲା ରୁଜୁ କରିବା ପାଇଁ ସେ କହିଛନ୍ତି । ତେବେ କେବଳ ରମେଶ ଚନ୍ନିଥଲା ନୁହଁନ୍ତି ବରଂ ଇଦୁକୀରୁ କଂଗ୍ରେସ ସାଂସଦ ଡିଜ୍ କୁରିଆକୋସେ ମଧ୍ୟ ଜଜଙ୍କ ଏହି ବୟାନକୁ ଘୋର ନିନ୍ଦା କରିଛନ୍ତି ।

ମକା ପୋଡ଼ୁ ପୋଡ଼ୁ ଘରେ ଲାଗିଗଲା ନିଆଁ; ଛଅ ଶିଶୁ ଜିବନ୍ତ ଦଗ୍ଧ

ପାଟଣା: ବିହାରର ଅରରିଆରେ ଘଟିଛି ଏକ ଅଭାବନୀୟ ଘଟଣା। ଏକ ଘରେ ନିଆଁ ଲାଗିଯିବାରୁ ୬ ଜଣ ଶିଶୁ ଜୀବନ୍ତ ଦଗ୍ଧ ହୋଇଯାଇଛନ୍ତି। ​ ପଲାସି ବ୍ଲକର ଚହଟପୁର ପଞ୍ଚାୟତର କଭୈୟା ଗ୍ରାମରେ ଏହି ଘଟଣା ଘଟିଛି। ଯାହାପରେ ସମଗ୍ର ଗାଁରେ ଶୋକର ଛାଇ ଖେଳେଇଯାଇଛି। ବର୍ତ୍ତମାନ ପର୍ଯ୍ୟନ୍ତ ଅଗ୍ନିକାଣ୍ଡର କାରଣ ଜଣା ପଡିନାହିଁ । କିନ୍ତୁ ଅନୁମାନ କରାଯାଉଛି ଯେ ଚାଳ ଘର ଭିତରେ ଏହି ପିଲାମାନେ ମକା ପୋଡ଼ୁଥିଲେ, ଆଉ ଏହି ସମୟରେ ନିଆଁ ଛିଟକି ଚାଳରେ ପଡ଼ିବାରୁ ଘରେ ନିଆଁ ଲାଗିଯାଇଥିଲା।

ନିଆଁ ଲାଗିବା ମାତ୍ରେ ସେଠାରେ ଥିବା ଲୋକମାନେ ଚିତ୍କାର କରିଥିଲେ। ପରେ ଗ୍ରାମବାସୀ ମିଶି ନିଆଁକୁ ଆୟତ କରିବାକୁ ଚେଷ୍ଟା କରିଥିଲେ। ହେଲେ ସେତେବେଳକୁ ନିଆଁ ଏତେ ଭୟଙ୍କର ହୋଇଯାଇଥିଲା ଯେ  ପିଲାମାନେ ଜୀବନ୍ତଦଗ୍ଧ ହୋଇଯାଇଥିଲେ । ଆଉ ସେଇଠାରେ ହିଁ ସେମାନଙ୍କ ମୃତ୍ୟୁ ହୋଇଯାଇଥିଲା । ତେବେ ମୃତକଙ୍କ ମଧ୍ୟରେ ୨ ଜଣ ଝିଅ ଥିବାବେଳେ ୪ ଜଣ ପୁଅ ଥିଲେ। ଏବଂ ଏ ସମସ୍ତଙ୍କର ବୟସ ୫ ରୁ ୬ ବର୍ଷ ମଧ୍ୟରେ ଥିଲା।

ଏ ସମ୍ପର୍କରେ ସୂଚନା ପାଇବା ପରେ ଘଟଣା ସ୍ଥଳରେ ସ୍ଥାନୀୟ ଏସପି, ଏସଡିପିଓ  ଏବଂ ସଦର ଏସଡିଓ ପହଞ୍ଚି ପିଲାମାନଙ୍କର ଶବକୁ ପୋଷ୍ଟମଟର୍ମ ପାଇଁ ପଠାଇଥିଲେ । ବର୍ତ୍ତମାନ ପୋଲିସ ଘଟଣାର ତଦନ୍ତ କରୁଛି ।

ଝିଅ ବାହାଘର ପାଇଁ ସାଇତି ରଖିଥିଲେ ଟଙ୍କା, ସବୁ ଜଳିଗଲା…

ଭୁବନେଶ୍ୱର: ଭୁବନେଶ୍ୱର ଉପକଣ୍ଠ ଜଟଣୀ ଥାନା ଅନ୍ତର୍ଗତ ଯାଆଁଳା ଅଞ୍ଚଳରେ ଜଳିଗଲା ଘର । ଆଉ ଘରେ ଥିବା ସମସ୍ତ ଆସବାବପତ୍ର ସହ ଜଳିଗଲା ବିଡ଼ା ବିଡ଼ା ଟଙ୍କା । ଗତ ୨୮ ତାରିଖ ଭୋର ପ୍ରାୟ ୫ଟା ସମୟରେ ଲାଗିଥିଲା ନିଆଁ । ନିଆଁର ପ୍ରକୋପ ଏତେ ମାତ୍ରାରେ ଥିଲା ଯେ, କିଛି ବୁଝିବା ଆଗରୁ ସବୁ ଜଳିପୋଡ଼ି ପାଉଁଶ ହୋଇଯାଇଥିଲା ।

ରାଜଧାନୀ ଭୁବନେଶ୍ୱରଉପକଣ୍ଠରେ ଥିବା ଯାଆଳାଁ ପଞ୍ଚାୟତ ଦକ୍ଷିଣ ମୁଣ୍ଡମୁହାଣ ଗ୍ରାମର ହରିଜନ ସାହିରେ ଏଭଳି ଏକ ଭୟଙ୍କର ଅଗ୍ନିକାଣ୍ଡ ଘଟିଥିଲା । ଏହି ଅଗ୍ନିକାଣ୍ଡରେ ଶରତ ଭୋଇଙ୍କ ୩ ବଖରା ଜଳି ପୋଡି ସଂପୁର୍ଣ୍ଣ ନଷ୍ଟ ହୋଇଯାଇଛି । ଖାଦ୍ୟ ସାମଗ୍ରୀଠାରୁ ଆରମ୍ଭ କରି ସମସ୍ତ ଜରୁରୀ ସାମଗ୍ରୀ ମଧ୍ୟ ପୋଡ଼ି ପାଉଁଶ ହୋଇଯାଇଛି । ହେଲେ ସବୁଠାରୁ ବଡ଼ କଥା ହେଲା ଶରତ ଭୋଇ ନିଜ ଝିଅର ବିବାହ କରେଇବା ପାଇଁ ଲକ୍ଷ ଲକ୍ଷ ଟଙ୍କାର ଆସବାବପତ୍ର କିଣି ରଖିଥିଲେ । ଯାହାକି ନିଆଁରେ ପୋଡ଼ି ପାଉଁଶ ହୋଇଯାଇଛି । ଆସବାବ ପତ୍ର ସାଙ୍ଗକୁ ଝିଅ ବାହାଘର ପାଇଁ ରଖିଥିବା ଟଙ୍କା ମଧ୍ୟ ଜଳିଯାଇଛି । କିଛି ଦିନ ପୂର୍ବରୁ ଝିଅ ବିବାହ ପାଇଁ ବ୍ୟାଙ୍କରୁ ଟଙ୍କା ଉଠାଇ ଘରେ ରଖିଥିଲେ । ସେଥିରେ ଏକାଧିକ ୫୦୦ ଟଙ୍କିଆ ବିଡ଼ା ରହଥିଲା । ଥାନାରେ ଶରତଙ୍କ ଭୋଇଙ୍କ ଲିଖିତ ଅଭିଯୋଗ ଅନୁଯାୟୀ ତାଙ୍କର ପ୍ରାୟ ଦୁଇ ଲକ୍ଷ ଟଙ୍କା ପୋଡ଼ି ପାଉଁଶ ହୋଇଯାଇଛି । ହେଲେ ପୋଲିସ ଓ ଅଗ୍ନିଶମ ବାହିନୀର କହିବାନୁଯାୟୀ ଦୁଇ ଲକ୍ଷ ଟଙ୍କା ନୁହେଁ ପ୍ରାୟ ୭୦ ହଜାର ଟଙ୍କା ଜଳିଯାଇଛି । ଆଉ ଜଳିଯାଇଥିବା ସବୁ ନୋଟ ୫୦୦ ଟଙ୍କିଆ ବୋଲି ଜଣାପଡ଼ିଛି ।

ତେବେ ଅଗ୍ନିକାଣ୍ଡର କାରଣ ଜଣାପଡିନଥିଲେ ମଧ୍ୟ ସଟ୍ ସର୍କିଟରୁ ଏହି ଅଗ୍ନିକାଣ୍ଡ ଘଟିଥାଏ ପାରେ ବୋଲି ଅନୁମାନ କରାଯାଉଛି । ଭୋର ସମୟରେ ହୋଇଥିବାରୁ ଘରର ସମସ୍ତ ଲୋକ ଉଠିପଡିଥିଲେ । ସୌଭାଗ୍ୟ ବସତଃ କେହି ମୃତାହତ ହୋଇନାହାନ୍ତି । ଶୁଖିଲା ଚାଳରେ ହଠାତ୍ ନିଆଁ ଲାଗିଯିବାରୁ ଘରୁ ଜିନିଷ କାଢ଼ିବା ସମ୍ଭବ ହୋଇନଥିଲା । କିନ୍ତୁ ସ୍ଥାନୀୟ ଲୋକ ନିଆଁ ବ୍ୟାପିବା ପୂର୍ବରୁ ପାଖ ଚାଳ ଓଲାରି ପକାଇ ଥିଲେ । ଫଳରେ ନିଆଁ ବ୍ୟାପି ପାରି ନଥିଲା। ଖବର ପାଇ ଜଟଣୀ ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଥିଲେ । ହେଲେ ସେତେବେଳକୁ ଶରତଙ୍କ ଘରର ସମସ୍ତ ଜିନିଷ ପୋଡ଼ି ପାଉଁଶ ହୋଇଯାଇଥିଲା ।

ବାବା ବେଶରେ ବୁଲୁଛନ୍ତି କ୍ରିମିନାଲ ! ଜୀବନରୁ ମାରିଦେବାକୁ ଧମକ ଦେଉଛନ୍ତି, ଲୁଟ୍ କରୁଛନ୍ତି‌

ବଲାଙ୍ଗୀର: ବାବା ବେଶରେ ବୁଲୁଛନ୍ତି କ୍ରିମିନାଲ । ପୂଜା କରିବା ବାହାନାରେ ଦୋକାନରୁ କରୁଛନ୍ତି ଲୁଟ୍‌ । ଆଉ ସନ୍ଧ୍ୟା ହେଲେ ମଦ ପିଇ କରୁଛନ୍ତି ଉତ୍ପାତ । ଏଭଳି ଘଟଣା ସାମ୍ନାକୁ ଆସିଛି ବଲାଙ୍ଗୀର ଜିଲ୍ଲାରୁ । ଗତ କିଛି ଦିନ ହେବ ଏଠାରେ ବାବା ବେଶରେ ଅନେକ ଅସାମାଜିକ ଲୋକ ବୁଲୁଥିବା ସ୍ଥାନୀୟ ଲୋକ ଅଭିଯୋଗ କରିଛନ୍ତି । କିଛି ଦିନ ପୂର୍ବରୁ ଜଣେ ବୁର୍ବୃତ୍ତ ବାବା ବେଶରେ ଆସି ତନ୍ତ୍ରମନ୍ତ୍ର ବୋଲି ବିଭୂତି ଆଦି ଲଗାଇ ଏକ ମୋବାଇଲ ଦୋକାନରୁ ନଗଦ ଦୁଇ ହଜାର ଟଙ୍କା ଓ ଗୋଟିଏ ଦାମି ମୋବାଇଲ ଲୁଟ୍‌ କରିଥିବା ଅଭିଯୋଗା ହୋଇଥିଲା । ସେହି ଘଟଣାର ମାତ୍ର ୫ଦିନ ପରେ ପୁଣି ଏକ ସମାନ ଘଟଣା ସାମ୍ନାକୁ ଆସିଥିଲା । ଏଭଳି ଅନେକ ଦୋକନକୁ ଯାଇ ଦୁର୍ବୃତ୍ତମାନେ ବାବା ବେଶରେ ଲୁଟ୍‌ କରୁଥିବା ସ୍ଥାନୀୟ ଲୋକ ଅଭିଯୋଗ କରିଛନ୍ତି ।

ତେବେ ସବୁଠୁ ବଡ଼ କଥା ହେଲା ଏହି ବାବା ବେଶ ଧାରୀ, ସନ୍ଧ୍ୟା ହେଲେ ମଦ ପିଇ ମାତାଲ ହୁଅନ୍ତି । ଆଉ ଗଣ୍ଡଗୋଳ କରୁଥିବା ମଧ୍ୟ ଦେଖାଯାଆନ୍ତି । ହେଲେ ଏମାନଙ୍କ ବିରୋଧରେ କେହି ଅଭିଯୋଗ କରିବାକୁ ନାରାଜ । କାହା ଭୟରେ ଲୋକମାନେ ଅଭିଯୋଗ କରନ୍ତି ନାହିଁ ସେନେଇ ମଧ୍ୟ ପ୍ରଶ୍ନ ସୃଷ୍ଟି ହେଉଛି । ଏହି ଛଦ୍ମବେଶୀ ବାବା ମାନଙ୍କ ପଛରେ କେହି ବଡ଼ ଅପରାଧୀ ଥାଇପାରନ୍ତି ବୋଲି ଲୋକେ ସନ୍ଦେହ କରୁଛନ୍ତି ।

ଆଉ ଏକ ଘଟଣା ସାମ୍ନାକୁ ଆସିଛି ଯେ, ବାବା ହାତରେ ମଦ ପାଉଚ୍‌‌ ଧରି ଜଣଙ୍କ ଘରେ ପଶିଥିଲେ । ଆଉ ସେଠାରେ ମଦ ପିଇଥିଲେ । ମଦ ପିଇ ଘର ଲୋକଙ୍କୁ ହଇରାଣ ହରକତ ମଧ୍ୟ କରିଥିଲେ । ସ୍ଥାନୀୟ ଲୋକମାନେ ହୋ-ହଲ୍ଲାଶୁଣି ସେଠାରେ ଜମା ହୋଇଥିଲେ । ପରେ ବାବାକୁ ଉତ୍ତମ ମଧ୍ୟ ଦେଇ ଏକ ଖୁଣ୍ଟରେ ବାନ୍ଧି ଦେଇଥିଲେ । ପରେ ପୋଲିସର ଜିମା ଦେଇଥିଲେ । ହେଲେ ଥାନାରେ ଏନେଇ ଉକ୍ତ ପରିବାର ପକ୍ଷରୁ ଅଭିଯୋଗ କରାଗଲା ନାହିଁ । ତେଣୁ ପୋଲିସ ମଧ୍ୟ ତାକୁ କିଛି ସମୟ ରଖି ଛାଡ଼ିଦେଇଥିଲା । ତେବେ ପୋଲିସ ପକ୍ଷରୁ ମିଳିଥିବା ସୂଚନା ଅନୁଯାୟୀ ବାବା ପାଖରେ କିଛି ମାରଣାସ୍ତ୍ର ଥିଲା ଯାହାକୁ ଜବତ କରାଯାଇଛି । ଏହି ଘଟଣାକୁ ସ୍ଥାନୀୟ ସଇଁତଲା ପୋଲିସ ହାଲୁକା ଭାବେ ଗ୍ରହଣ କରିଥିବା ବେଳେ କାହା ଭୟରେ ଗ୍ରାମବାସୀ ମୁହଁ ଖୋଲୁନାହାନ୍ତି ତାହାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି ।

ଏହି ଘଟଣା ବଲାଙ୍ଗୀର ଜିଲ୍ଲା ସଇଁନ୍ତଳା ଥାନା କନ୍ଧକେଲଗାଁ ପଞ୍ଚାୟତ ଅନ୍ତର୍ଗତ ଗୁର୍ଲାମାଲ୍ ଗାଁର । ଏହି ଗାଁର ବାବା ମଠରେ ଥିବା ବାବାଙ୍କ କଳା କାରନାମା ଓ ଦବଙ୍ଗଗିରିକୁ ନେଇ ଲୋକେ ଅତିଷ୍ଟ । ଏହି ମଠରେ ଅନେକ ଦିନ ଧରି ରହିଆସୁଥିବା ତୁଳସୀ ବାଦଲ ଦାସ ନାମକ ଏକ ଆତ୍ମ ଘୋଷିତ ବାବା ନିଜ ପାଖରେ ଟାଙ୍ଗୀଆ, ଛୁରୀ ସହ ଅନ୍ୟାନ୍ୟ ମାରଣାସ୍ତ୍ର ଓ ପୂଜା ସାମଗ୍ରୀ ରଖୁଛନ୍ତି । ବାବାମଠରୁ ପୋଲିସ ସବୁ ମାରଣାସ୍ତ୍ର ଜବତ କରିଛି । ଏହାସହ ଘଟଣାର ତଦନ୍ତ ଆରମ୍ଭ କରିଛି ।

ଅଭିଯୁକ୍ତ ଆତ୍ମଘୋଷିତ ବାବା ବାଦଲ ଦାସ ବରଗଡ଼ ଜିଲ୍ଲା ପଦମପୁର୍ ଅଞ୍ଚଳରୁ ଆସି ସଇଁତଳା ଥାନା ଗୁର୍ଲାମାଲରେ ଏକ ଆଶ୍ରମ କରି ରହୁଥିବା ପୋଲିସ ତଦନ୍ତରୁ ଜଣାପଡିଛି । ତେବେ ଘଟଣା ସଂପର୍କରେ ଗ୍ରାମବାସୀ ଥାନାରେ କୌଣସି ରିପୋର୍ଟ ଦାୟର୍ କରିବାକୁ ମନାକରିବାରୁ ପୋଲିସ ଘଟଣାର ଆପୋଷ ସମାଧାନ କରି ସଂପୃକ୍ତ ବାବାଙ୍କୁ ଛାଡି ଦେଇଥିବା ନେଇ ଟିଟିଲାଗଡ ଏସ୍‌ପିଓ ସୁରେନ୍ଦ୍ର ନାଥ ଶତପଥୀ ସୂଚନା ଦେଇଛନ୍ତି । ଏନେଇ ସଇଁତଳା ଥାନା ଅଧିକାରୀ ବାରିଣୀ ଦାସ କିଛି କହିବାକୁ ମନା କରିଦେଇଛନ୍ତି ।

ମୋଦିଙ୍କ ବିରୁଦ୍ଧରେ ଆଚାର ସଂହିତା ଉଲ୍ଲଙ୍ଘନ ଅଭିଯୋଗ: ଇସିଙ୍କ ନିକଟରେ ଫେରାଦ ହେଲା ଟିଏମସି

କୋଲକାତା: ଏପ୍ରିଲ ୧ରେ ପଶ୍ଚିମବଙ୍ଗରେ ବିଧାନସଭା ଆସନ ପାଇଁ ଦ୍ୱିତୀୟ ପର୍ଯ୍ୟାୟରେ ମତଦାନ ହେବ। ଆଜି ପ୍ରଚାରର ଅନ୍ତିମ ଦିନ। ତେଣୁ ସମସ୍ତ ଦଳ ଆଜି ନିଜ ନିଜର ଶକ୍ତି ପ୍ରଦର୍ଶନ କରି ଭୋଟରଙ୍କ ପାଖରେ ପହଞ୍ଚିବାକୁ ଚେଷ୍ଟା କରିଛନ୍ତି । ତେବେ ଏହାରି ଭିତରେ ପ୍ରଧାନମନ୍ତ୍ରୀଙ୍କ ବିରୋଧରେ ନିର୍ବାଚନ କମିଶନଙ୍କ ଆଗରେ ଫେରଦା ହୋଇଛି ଟିଏମସି ।

ନିକଟରେ ପ୍ରଧାନମନ୍ତ୍ରୀ ମୋଦି ବାଙ୍ଗଲାଦେଶ ଗସ୍ତରେ ଯାଇଥିଲେ। ତେବେ ଏହି ସମୟରେ ସେ ଓରକାଣ୍ଡିର ମତୁଆ ସମ୍ପ୍ରଦାୟର ମନ୍ଦିର ଦର୍ଶନ ମଧ୍ୟ କରିଥିଲେ। ତେବେ ଏହା ବିରୁଦ୍ଧରେ ତୃଣମୂଳ କଂଗ୍ରେସ ନିର୍ବାଚନ କମିଶନଙ୍କ ନିକଟରେ ଅଭିଯୋଗ କରିଛି। ଟିଏମସି କହିଛି ଯେ ପ୍ରଧାନମନ୍ତ୍ରୀ ଆଚାର ସଂହିତାର ଉଲଙ୍ଘନ କରିଛନ୍ତି। ତେଣୁ ତାଙ୍କ ବିରୁଦ୍ଧରେ କଡ଼ା କାର୍ଯ୍ୟାନୁଷ୍ଠାନ ନେବାକୁ ମଧ୍ୟ ଦାବି କରିଛି ଟିଏମସି।

ଅନ୍ୟପଟେ ଶିବସେନା ବି ପ୍ରଧାନମନ୍ତ୍ରୀ ମୋଦିଙ୍କ ବାଂଲାଦେଶ ଗସ୍ତକୁ ମଧ୍ୟ ଟାର୍ଗେଟ କରିଛନ୍ତି। ଶିବସେନା କହିଛି ଯେ ଉତ୍ତରପ୍ରଦେଶ ନିର୍ବାଚନ ସମୟରେ ନେପାଳର ଏକ ମନ୍ଦିରରେ ପ୍ରଧାନମନ୍ତ୍ରୀ ମୋଦୀଙ୍କୁ ଦେଖିବାକୁ ମିଳିଥିଲା। ପଶ୍ଚିମବଙ୍ଗରେ ପ୍ରଥମ ପର୍ଯ୍ୟାୟରେ ଭୋଟ୍ ଦେବା ସମୟରେ ପ୍ରଧାନମନ୍ତ୍ରୀ ମୋଦୀଙ୍କୁ ବାଂଲାଦେଶର ଏକ ମନ୍ଦିରରେ ଦେଖିବାକୁ ମିଳିଛି, ଏହା କୌଣସି ସଂଯୋଗ ନୁହେଁ।

ସୂଚନାଯୋଗ୍ୟ ପଶ୍ଚିମବଙ୍ଗର ମତୁଆ ସମ୍ପ୍ରଦାୟର ଜନସଂଖ୍ୟା ପ୍ରାୟ ୨ କୋଟି । ଆଉ ଏମାନେ ପଶ୍ଚିମବଙ୍ଗ ନିର୍ବାଚନରେ ​​ଭୋଟ୍ ଦୃଷ୍ଟିରୁ ବହୁତ ଗୁରୁତ୍ୱପୂର୍ଣ୍ଣ। ତେଣୁ ଏହି ସପ୍ରଦାୟର ଅଧିକରୁ ଅଧିକ ଭୋଟ୍ ହାତେଇବା ପାଇଁ ବିଜେପି, ଟିଏମସି ଏବଂ ଅନ୍ୟାନ୍ୟ ଦଳ ସମସ୍ତ ପ୍ରକାରର ଚେଷ୍ଟା ଚଲାଇଛନ୍ତି।

ରାଷ୍ଟ୍ରପତି ରାମନାଥ କୋବିନ୍ଦଙ୍କର ବାଇପାସ୍‌ ସର୍ଜରୀ ସଫଳ

ନୂଆଦିଲ୍ଲୀ: ରାଷ୍ଟ୍ରପତି ରାମନାଥ କୋବିନ୍ଦଙ୍କର ବାଇପାସ୍‌ ସର୍ଜରୀ ସଫଳ ହୋଇଛି । ସେ ଏବେ ସୁସ୍ଥ ଅଛନ୍ତି । ଦିଲ୍ଲୀ ଏମ୍‌ସ୍‌ରେ ତାଙ୍କର ସଫଳ ସର୍ଜରୀ ହୋଇଥିବା ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଟୁଇଟ କରି ସୂଚନା ଦେଇଛନ୍ତି । ଜଣେ ଓଡ଼ିଆ ଡାକ୍ତର ଅକ୍ଷୟ କୁମାର ବିଶୋୟୀ ରାଷ୍ଟ୍ରପତିଙ୍କ ବାଇପାସ୍‌ ସର୍ଜରୀ କରିଥିଲେ । ଗତ ୨୬ ତାରିଖରେ ରାଷ୍ଟ୍ରପତିଙ୍କ ଛାତିରେ ଯନ୍ତ୍ରଣା ଅନୁଭବ ହୋଇଥିଲା । ତାଙ୍କୁ ତୁରନ୍ତ ଦିଲ୍ଲୀ ସ୍ଥିତ ଆର୍ମି ହସ୍ପିଟାଲରେ ଭର୍ତ୍ତି କରାଯାଇଥିଲା । ସେଠାରୁ ବାଇପାସ୍‌ ସର୍ଜରୀ ପାଇଁ ତାଙ୍କୁ ଏମ୍‌ସ ହସ୍ପିଷ୍ଟାଲ ସ୍ଥାନାନ୍ତର କରାଯାଇଥିଲା । ରୁଟିନ୍‌ ଚେକ୍‌ଅପ୍‌ ପରେ ରାମନାଥଙ୍କର ମଙ୍ଗଳବାର ସର୍ଜରୀ କରାଯାଇଥିଲା । ସର୍ଜରୀ ସମ୍ପୂର୍ଣ୍ଣ ସଫଳ ହୋଇଛି ବୋଲି ରାଜନାଥ ସୂଚନା ଦେଇଛନ୍ତି ।

ତେବେ ଗତ ୨୭ ତାରିଖରେ ମେଡିକାଲରେ ଥିବା ବେଳେ ରାଷ୍ଟ୍ରପତି ରାମନାଥ କୋବିନ୍ଦଙ୍କ ସ୍ୱାସ୍ଥ୍ୟାବସ୍ଥା ସ୍ଥିର ରହିଥିବା ସୂଚନା ମିଳିଥିଲା । ସେନାର ରିସର୍ଚ୍ଚ ଓ ରେଫରାଲ୍ ହସ୍ପିଟାଲ ଏନେଇ ଶନିବାର ଏନେଇ ସୂଚନା ଦେଇଥିଲେ ।

କ୍ୟାମ୍ପସ୍‌ରେ କରୋନାକୁ ନେଇ ଛାତ୍ର ଅଶାନ୍ତି, ଅଫ୍‌ଲାଇନ୍‌ ପରୀକ୍ଷା ବନ୍ଦ ଦାବିରେ ଆନ୍ଦୋଳନ

କଟକ: କରୋନା ସଂକ୍ରମଣକୁ ନେଇ ଛାତ୍ର ଅଶାନ୍ତି । କଟକ ଭୁବନାନନ୍ଦ ଇଂଜିନିୟରିଂ ସ୍କୁଲରେ କରୋନା ସଂକ୍ରମଣ ପରେ ଛାତ୍ର ଅଶାନ୍ତି ଦେଖାଯାଇଛି । ସ୍କୁଲର କିଛି ଛାତ୍ର କରୋନା ପଜିଟିଭ୍ ଚିହ୍ନଟ ପରେ ସ୍କୁଲକୁ ସାନିଟାଇଜ୍ କରାଯାଇ ନାହିଁ ବୋଲି ଛାତ୍ରଛାତ୍ରୀ ଅଭିଯୋଗ କରିଛନ୍ତି । ଏହାର ପ୍ରତିବାଦରେ ସ୍କୁଲର ଫାଟକ ସମ୍ମୁଖରେ ଟାୟାର ଜାଳି ସେମାନେ ବିକ୍ଷୋଭ ପ୍ରଦର୍ଶନ କରିଛନ୍ତି । ସେପଟେ ଏହି ପ୍ରସଙ୍ଗରେ ପ୍ରତିକ୍ରିୟା ରଖି ସ୍କୁଲର ଅଧ୍ୟକ୍ଷ ଜ୍ଞାନରଂଜନ ରାୟ କହିଛନ୍ତି ଲକ୍ଷଣ ଥିବା ୪୦୦ ପିଲାଙ୍କ ଟେଷ୍ଟିଂ ହୋଇଥିଲା । ଏଥିରୁ ୩ ଜଣ ପଜିଟିଭ ଚିହ୍ନଟ ହୋଇଥିଲେ । ସେମାନଙ୍କୁ ସଙ୍ଗରୋଧରେ ରଖାଯାଇଛି । ଏସ୍‌ଓପି ଅନୁଯାୟୀ ସ୍କୁଲରେ ପରୀକ୍ଷା କରାଯିବ । ପରୀକ୍ଷା ଅନ୍‌ଲାଇନ୍‌ ହେବ କି ନାହିଁ ତାହା କାଉନସିଲ ନିଷ୍ପତ୍ତି ନେବେ ।

ସେହିଭଳି ଝାରସୁଗୁଡା ଇଞ୍ଜିନିୟରିଂ ସ୍କୁଲରେ ଛାତ୍ର ଉତ୍ତେଜନା ଦେଖାଯାଇଛି । ପରୀକ୍ଷା ଚାଲିଥିବା ବେଳେ ଚାରିଦିନ ତଳେ ସ୍କୁଲରୁ ୯ ଛାତ୍ରଛାତ୍ରୀ ଓ ୧୩ କର୍ମଚାରୀଙ୍କୁ ମିଶାଇ ୨୨ ଜଣ କରୋନାରେ ଆକ୍ରାନ୍ତ ଥିବା ଜଣାପଡିଥିଲା । ଏଥିରୁ ସ୍ପଷ୍ଟ ଯେ ସ୍କୁଲକୁ ଆସି ପିଲାମାନେ ପରୀକ୍ଷା ଦେବା ନିରାପଦ ନୁହେଁ । ତେଣୁ ଜିଲ୍ଲା ପ୍ରଶାସନ ପକ୍ଷରୁ ଏଥିରେ ହସ୍ତକ୍ଷେପ କରି ଅଫଲାଇନ୍ ପରୀକ୍ଷାକୁ ବାତିଲ କରାଯାଉ ବୋଲି ଦାବି କରି ଆନ୍ଦୋଳନ କରୁଛନ୍ତି ଛାତ୍ରଛାତ୍ରୀ । ଶନିବାର ଇଞ୍ଜିନିୟରିଂ ସ୍କୁଲରୁ ୨୨ ଜଣ କରୋନା ଆକ୍ରାନ୍ତ ଚିହ୍ନଟ ହେବା ପରେ ଆକ୍ରାନ୍ତ ଛାତ୍ରଛାତ୍ରୀଙ୍କୁ ଆଇସୋଲେସନରେ ରଖାଯାଇ ସେମାନଙ୍କ କଣ୍ଟାକ୍ଟ ଟ୍ରେସିଂ କରାଯାଇ ସ୍କୁଲର ସମସ୍ତ ଛାତ୍ରଛାତ୍ରୀଙ୍କ ସ୍ୱାବ ନମୁନା ପରୀକ୍ଷା ପାଇଁ ପଠାଯାଇଥିଲା । ଦ୍ୱିତୀୟ ଓ ପଞ୍ଚମ ସେମିଷ୍ଟାର ପିଲାଙ୍କ ପରୀକ୍ଷା ଅଫ୍‌ଲାଇନରେ କରାଯାଉଛି । ହେଲେ କରୋନା ଟେଷ୍ଟିଂ ରିପୋର୍ଟ ଆସି ନଥିବାରୁ ଭୟଭୀତ ହୋଇ ଛାତ୍ରଛାତ୍ରୀ ଅଫଲାଇନ୍ ପରୀକ୍ଷା ବାତିଲ କରି ଅନଲାଇନରେ ପରୀକ୍ଷା ଓ ପାଠ ପଢାଇବା ପାଇଁ ଦାବି କରିଛନ୍ତି । ତେବେ ଏନେଇ ସ୍କୁଲ ଅଧ୍ୟକ୍ଷା କହିଛନ୍ତି ଯେ, କରୋନା ପଜିଟିଭ ନଥିଲେ ରିପୋର୍ଟ ଦିଆଯାଏନାହିଁ । ତେଣୁ ଆମକୁ ଅଯଥାରେ ଭୟଭୀତ ହେବାର କୌଣସି ଆବଶ୍ୟକ ନାହିଁ ବୋଲି ସେ ପରାମର୍ଶ ଦେଇଛନ୍ତି ।

ସେହିଭଳି ବ୍ରହ୍ମପୁର ୟୁସିପି ଇଞ୍ଜିନିୟରିଂ ସ୍କୁଲ ସମ୍ମୁଖରେ ମଧ୍ୟ ଛାତ୍ରଛାତ୍ରୀ ଟାୟାର ଜାଳି ବିକ୍ଷୋଭ ପ୍ରଦର୍ଶନ କରିବା ସହ ଧରଣାରେ ବସିଛନ୍ତି । ସେମାନେ ମଧ୍ୟ ଅଫ୍‌ଲାଇନ ପରୀକ୍ଷାକୁ ବିରୋଧ କରି ଆନ୍ଦୋଳନ କରୁଛନ୍ତି । ବର୍ତ୍ତମାନ କରୋନାର ଦ୍ଵିତୀୟ ଲହରୀ ଚାଲିଥିବା ବେଳେ ଅନ୍‌ଲାଇନ୍‌ରେ ପରୀକ୍ଷା କରାଇବାକୁ ଦାବି କରିଛନ୍ତି ଛାତ୍ରଛାତ୍ରୀ ।

ଅନ୍ୟପଟେ ରାଉରକେଲା ଏନ୍‌ଆଇଟିରେ ମଧ୍ୟ କରୋନା ସଂକ୍ରମଣକୁ ନେଇ ଅସନ୍ତୋଷ ଦେଖାଯାଇଛି । ସଂକ୍ରମଣ ବଢ଼ୁଥିବାରୁ ଏନ୍‌ଆଇଟିରେ ଟେଷ୍ଟିଂ ସଂଖ୍ୟା ବଢ଼ାଯାଇଛି । ପଜିଟିଭ୍‌ ଚିହ୍ନଟେ ହେଲେ ତୁରନ୍ତ ପଦକ୍ଷେପ ନିଆଯାଉଛି । ଏହାସହ କରୋନା ନେଗେଟିଭ ଚିହ୍ନଟ ହୋଇଥିବା ସମସ୍ତ ଛାତ୍ରଛାତ୍ରୀଙ୍କୁ ହଷ୍ଟେଲ ଖାଲି କରିବା ପାଇଁ ନିର୍ଦ୍ଦେଶ ଦିଆଯାଇଛି । ଅନ୍ୟପକ୍ଷରେ ଅନ ଲାଇନରେ ପରୀକ୍ଷା କରିବା ଦାବି କରି ରାଉରକେଲା ସହରର ଦୁଇଟି ଇଞ୍ଜିନିୟରିଂ କଲେଜ ଛାତ୍ରଛାତ୍ରୀ ମଙ୍ଗଳବାର ରାସ୍ତାରୋକ କରି ଆନ୍ଦୋଳନ କରିଛନ୍ତି ।

କରୋନା ପାଇଁ ବିରାଟ ଓ ରୋହିତଙ୍କ ମଧ୍ୟରେ ହେଲା ନୂଆ ବନ୍ଧୁତା

0

ନୂଆଦିଲ୍ଲୀ: କରୋନା ମହାମାରୀ ଯୋଗୁ ଏବେ ଭାରତୀୟ କ୍ରିକେଟରମାନେ ବି କ୍ୱାରେଣ୍ଟିନରେ ଅଛନ୍ତି । ମାସ ମାସ ଧରି ଏହି କଡ଼ା ନିୟମ ଭିତରେ ରହିବା ଏତେ ସହଜ ନୁହେଁ। ତେବେ ଏହି କଡ଼ା କ୍ୱାରେଣ୍ଟାଇନ କଟକଣା ଭିତରେ ଯଦି କିଛି ଭଲ ହୋଇଛି ତେବେ ଏହା ହେଉଛି ଦୁଇ ଭାରତୀୟ ଷ୍ଟାର କ୍ରିକେଟର ବିରାଟ କୋହଲି ଓ ରୋହିତ ଶର୍ମାଙ୍କ ନୂଆ ବନ୍ଧୁତ୍ୱ ।

ବହୁ ଦିନ ହେଲାଣି କୋହଲି ଓ ରୋହିତଙ୍କ ସମ୍ପର୍କକୁ ନେଇ ନାନା ପ୍ରକାର ଖବର ସାମ୍ନାକୁ ଆସୁଛି । ଅନେ ଗଣମାଧ୍ୟରେ ଦୁହିଁଙ୍କ ଭିତରେ ଶତ୍ରୁତାଥିବା ମଧ୍ୟ କୁହାଯାଇଛି । ଏହି ଖବର କିନ୍ତୁ ତାଙ୍କ ଫ୍ୟାନ ମାନଙ୍କୁ ବିଚଳିତ କରିଦେଇଥିଲା । କ୍ରିକେଟ ମଇଦାନରେ ସବୁବେଳେ ପରସ୍ପର ମିଶି ବିପକ୍ଷକୁ ଧୂଳିଚଟାଉଥିବା ଏହି ଦୁଇ ଖେଳୀଳୀଙ୍କ ଭିତରେ ଶତ୍ରୁତା ଖବର ଶୁଣି ଫ୍ୟାନ ବହୁତ ନିରାଶ ହୋଇଥିଲେ। ହେଲେ ବର୍ତ୍ତମାନ ଶୁଣିବାକୁ ମିଳିଛି ଯେ ଦୁହିଁଙ୍କ ଭିତରେ ପୁଣି ଥରେ ଆରମ୍ଭ ହୋଇଚି ବନ୍ଧୁତ୍ୱର ସମ୍ପର୍କ ।

ଟାଇମ୍ସ ଅଫ ଇଣ୍ଡିଆର ରିପୋର୍ଟ ମୁତାବକ ଭାରତ-ଇଂଲଣ୍ଡ ସିରିଜ ଚାଲିଥିବାବେଳେ ଟିମ୍ ର ଏହି ଦୁଇ ସିନିୟର କ୍ରିକେଟରଙ୍କ ସହ କୋଟ୍ ରବି ଶାସ୍ତ୍ରୀଙ୍କୁ ସମୟ ମିଳିଥିଲା । ଆଉ ସମୟ ଭିତରେ ସେମାନେ ଉଭୟଙ୍କ ମଧ୍ୟରେ ଥିବା ସମସ୍ୟା ସମ୍ପର୍କରେ କଥା ହୋଇଥିଲେ। ଯାହା ପରେ ସବୁ ସମସ୍ୟାର ସମାଧାନ ହୋଇଯାଇଛି। ଅନେକ ଦିନ ଧରି ଏହି ଦୁଇ ବ୍ୟାଟ୍ସମ୍ୟାନଙ୍କ ସମ୍ପର୍କକୁ ନେଇ ଯେଉଁ କଳ୍ପନାଜଳ୍ପନା ଚାଲିଛି ସେଥିରେ ଏବେ ପୂର୍ଣ୍ଣଛେଦ ପଡ଼ିଛି। ବର୍ତ୍ତମାନ ଖବର ମିଳିଛି ଯେ ଦୁହେଁ ପୁଣିଥରେ ସମ୍ପର୍କ ଆରମ୍ଭ କରିବାକୁ ନିଷ୍ପତ୍ତି ନେଇଛନ୍ତି। ଇଣ୍ଡିଆ-ଇଂଲଣ୍ଡ ଜସିରିଜ ଏହି ଦୁଇଜଣଙ୍କ ବ୍ୟକ୍ତିଗତ ସମ୍ପର୍କକୁ ମଜଭୁତ କରିଛି।

ଏମାନେ ବୁଢିଯାଇଛନ୍ତି ଯେ ଯଦି ସେମାନେ ଏକା ଚିନ୍ତାଧାରା ରଖିବେ ତେବେ ଏଥିରୁ ଦଳକୁ ଫାଇଦା ହେବ । ଯାହାକି ଗତ ୪ ମାସ ମଧ୍ୟରେ ସବୁଠୁ ବଡ଼ ସଫଳତା । ଏବେ ପଡ଼ିଆରେ ଏକାଠି ଇନିଂସ ଆରମ୍ଭ କରିବାଠୁ ନେଇ ପରସ୍ପରର ନିଷ୍ପତ୍ତିକୁ ସମ୍ମାନ ଦେବା ପର୍ଯ୍ୟନ୍ତ କୋହଲି ଏବଂ ଶର୍ମା ବର୍ତ୍ତମାନ ପରସ୍ପରର ମତକୁ ଭଲ ଭାବରେ ବୁଝୁଛନ୍ତି। ନିକଟରେ ଟି-୨୦ ସିରିଜ୍ ଶେଷ ହେବା ପରେ ପ୍ରେଜେଣ୍ଟେଶନ ସମୟରେ ଦୁହିଁଙ୍କୁ ପରସ୍ପର ସହ କଥା ହେଉଥିବା ଦେଖିବାକୁ ମିଳିଥିଲା।