spot_img
Home Blog Page 5985

Filmfare Awards-2021: ତାନାଜୀ-ଥାପ୍ପଡ଼ ମଧ୍ୟରେ କଡ଼ା ଟକ୍କର

ମୁମ୍ବାଇ: ୬୬ତମ ଫିଲ୍ମ ଫେୟାର ଆୱାର୍ଡ ନାମାଙ୍କିତ ତାଲିକା ପ୍ରକାଶ ପାଇଛି । ଗତବର୍ଷ କରୋନା ମହାମାରୀ ପାଇଁ କେତେକ ଚଳଚ୍ଚିତ୍ର ରିଲିଜ୍ ବନ୍ଦ ହୋଇ ଯାଇଥିଲା । ତେବେ ନିର୍ଦ୍ଦେଶକ ଓ ଅଭିନେତା ଚଳଚ୍ଚିତ୍ରକୁ ଓଟିଟି ମାଧ୍ୟମରେ ପ୍ରସାରିତ କରିଥିଲେ । ନେଟଫ୍ଲିକ୍ସ, ଆମାଜନ ପ୍ରାଇମରେ ବଡ଼ ବଡ଼ ତାରକାଙ୍କ ଅନେକ ଚଳଚ୍ଚିତ୍ର ମୁକ୍ତିଲାଭ କରିଥିଲା । ଆସନ୍ତୁ ଚଳିତଥର ଫିଲ୍ମ ଫେୟାର ଆୱାର୍ଡରେ କାହାକୁ କେଉଁ ପୁରସ୍କାର ମିଳିବ ।

ଗତବର୍ଷ ଜାନୁଆରୀ ୧୦ ତାରିଖରେ ରିଲିଜ୍ ହୋଇଥିବା ଅଜୟ ଦେବଗନଙ୍କ ଫିଲ୍ମ ତାନାଜୀ-ଦ ଅନସଙ୍ଗ ୱାରିୟର ଶ୍ରେଷ୍ଠ ଫିଲ୍ମ, ଶ୍ରେଷ୍ଠ ନିର୍ଦ୍ଦେଶକ, ଶ୍ରେଷ୍ଠ ଅଭିନେତା, ଶ୍ରେଷ୍ଠ ସହ ଅଭିନେତା, ଟେକ୍ନିକାଲ ଆୱାର୍ଡ, ଶ୍ରେଷ୍ଠ କୋରିଓଗ୍ରାଫି, ଶ୍ରେଷ୍ଠ ସିନେମୋଟୋଗ୍ରାଫି, ଶ୍ରଷ୍ଠ ଆକ୍ସନ ସହ ଅନ୍ୟ ବର୍ଗରେ ଚୟନ ହୋଇଛି । ସେହିଭଳି ଶ୍ରେଷ୍ଠ ଅଭିନେତା ବର୍ଗରେ ସୁଶାନ୍ତ ସିଂହ ରାଜପୁତଙ୍କ ନାଁ ଦିଲ୍ ବେଚାରା ଫିଲ୍ମ ଲାଗି ନାମାଙ୍କିତ ହୋଇଛି । ଅନ୍ୟପଟେ ତାପସୀ ପନ୍ନୁ ଅଭିନୀତ ଫିଲ୍ମ ଥାପ୍ପଡ଼ ମଧ୍ୟ ସମସ୍ତ ବର୍ଗରେ ସ୍ଥାନ ଅକ୍ତିଆର କରିଛି । ପଙ୍ଗା ପାଇଁ କଙ୍ଗନା ରଣାୱତଙ୍କୁ ବେଷ୍ଟ ଆକ୍ଟର ବର୍ଗରେ ଚୟନ କରାଯାଇଛି ।

ଶ୍ରେଷ୍ଠ ଚଳଚ୍ଚିତ୍ର

ଗୁଲାବୋ ସିତାବୋ

ଗୁଞ୍ଜନ ସକ୍ସେନା- ଦ କାର୍ଗିଲ୍ ଗାର୍ଲ

ଲୁଡୋ

ତାନାଜୀ- ଦ ଅନସଙ୍ଗ ୱାରିୟର

ଥାପ୍ପଡ଼

ଶ୍ରେଷ୍ଠ ନିର୍ଦ୍ଦେଶକ

ଅନୁରାଗ ବସୁ (ଲୁଡୋ)

ଅନୁଭବ ସିହ୍ନା (ଥାପ୍ପଡ଼)

ଓମ୍ ରାଉତ (ତାନାଜୀ- ଦ ଅନସଙ୍ଗ ୱାରିୟର)

ଶରଣ ଶର୍ମା (ଗୁଞ୍ଜନ ସକ୍ସେନା- ଦ କାର୍ଗିଲ୍ ଗାର୍ଲ)

ସୁଜିତ ସରକାର (ଗୁଲାବୋ ସିତାବୋ)

ଶ୍ରେଷ୍ଠ ଅଭିନେତା

ଅଜୟ ଦେବଗନ (ତାନାଜୀ)

ଅମିତାଭ ବଚ୍ଚନ (ଗୁଲାବୋ ସିତାବୋ)

ଆୟୁଷ୍ମାନ ଖୁରାନା (ଶୁଭ ମଙ୍ଗଳ ଜ୍ୟାଦା ସାବଧାନ)

ଇରଫାନ ଖାନ (ଅଙ୍ଗ୍ରେଜି ମିଡିୟମ୍)

ରାଜକୁମାର ରାଓ (ଲୁଡୋ)

ସୁଶାନ୍ତ ସିଂହ ରାଜପୁତ (ଦିଲ୍ ବେଚାରା)

ଶ୍ରେଷ୍ଠ ଅଭିନେତ୍ରୀ

ଦୀପିକା ପାଦୁକୋନ (ଛପ୍ପାକ)

ଜାହ୍ନବୀ କପୁର (ଗୁଞ୍ଜନ ସକ୍ସେନା- ଦ କାର୍ଗିଲ୍ ଗାର୍ଲ)

କଙ୍ଗନା ରଣାୱତ (ପଙ୍ଗା)

ତାପସୀ ପନ୍ନୁ (ଥାପ୍ପଡ଼)

ବିଦ୍ୟା ବାଲାନ (ଶକୁନ୍ତଳା ଦେବୀ)

ଭାରତକୁ ଖରା ବିପଦ, ସତର୍କ କରାଇଲେ ବୈଜ୍ଞାନିକ

ନୂଆଦିଲ୍ଲୀ: ମହାମାରୀ କରୋନାରୁ ଏଯାଏଁ ମୁକ୍ତି ମିଳିନି । ସେପଟେ ମାଡ଼ି ଆସୁଛି ଏକ ବିପଦ । ଚଳିତବର୍ଷ ଖରା ସାଜିପାରେ ଜୀବନ ଘାତକ । ଗବେଷଣାରୁ ବୈଜ୍ଞାନିକ ପାଇଥିବା ତଥ୍ୟ ଅନୁଯାୟୀ, ଚଳିତ ବର୍ଷ ଭୟାନକ ଗରମ ହେବ । ଦକ୍ଷିଣ ଏସିଆ ଦେଶ ଗୁଡ଼ିକରେ ଜୀବନନାଶକ ଲୁର ପ୍ରକୋପ ଦେଖା ଦେବ । ଆମେରିକା ସ୍ଥିତ ଓକ୍ ରିଜ୍ ନ୍ୟାସନାଲ ଲ୍ୟାବରେଟୋରୀ ସହିତ ବିଭିନ୍ନ ସଂସ୍ଥାର ବୈଜ୍ଞାନିକ କରିଥିବା ଅଧ୍ୟୟନରୁ ଏହି ତଥ୍ୟ ଜଣାପଡ଼ିଛି । ଏପରିକି ଭାରତରେ ଖାଦ୍ୟ ସାମଗ୍ରୀ ଅମଳ କରୁଥିବା ବଡ଼ ଅଞ୍ଚଳ ଉପରେ ଏହାର ପ୍ରଭାବ ପଡ଼ିବ । ଅତ୍ୟଧିକ ଗରମ ଯୋଗୁଁ କାମ କରିବାରେ ଅସୁବିଧା ହେବ ।

ଗବେଷଣାରୁ ଜଣାପଡ଼ିଛି- ଅତ୍ୟଧିକ ଗରମ ଯୋଗୁଁ ବେଶି ପ୍ରଭାବିତ ହେବ ଉତ୍ତରପ୍ରଦେଶ ଓ ପଶ୍ଚିମବଙ୍ଗ । ୟୁପି ଓ ପଶ୍ଚିମବଙ୍ଗ ସହ ସମୁଦ୍ର ଉପକୂଳବର୍ତ୍ତୀ ଅଞ୍ଚଳ କୋଲକାତା, ମୁମ୍ବାଇ ଏବଂ ହାଇଦ୍ରାବାଦ ଭଳି ସହରରେ ତାତି ଅଧିକ ରହିବ । ଏସବୁ ସ୍ଥାନରେ ଗରମ ଯୋଗୁଁ କାମ କରିବା ବେଳେ ଅସୁବିଧା ସୃଷ୍ଟି ହେବ ।

 Deadly Heat Waves In India Scientists Warn In Spite Of Climate Goals

ଦାବି କରାଯାଇଛି- ଦକ୍ଷିଣ ଏସିଆର ଦେଶ ଗୁଡ଼ିକ ପ୍ରତି ସବୁବର୍ଷ ସଂକଟ ବଢ଼ିବାରେ ଲାଗିଛି । ବଡ଼ ବିପଦରୁ ବର୍ତ୍ତିବା ଲାଗି ତାପମାତ୍ରା ବୃଦ୍ଧି ନିୟନ୍ତ୍ରଣ କରିବା ଲାଗି ଉଦ୍ୟମ କରିବାକୁ ଜୋର ଦେଇଛନ୍ତି ବିଶେଷଜ୍ଞ । ତାପମାତ୍ରା ନିୟନ୍ତ୍ରଣ ନହେବା ଯାଏ ଏଭଳି ବିପଦରୁ ରକ୍ଷା ପାଇହେବ ନାହିଁ ।

ଏବେର ତାପମାତ୍ରା ଠାରୁ ୧.୫ ଡିଗ୍ରୀ ସେଲସିୟସ୍ ବୃଦ୍ଧି ଉକ୍ତ ଅଞ୍ଚଳ ଗୁଡ଼ିକ ଉପରେ ଗମ୍ଭୀର ପ୍ରଭାବ ପକାଇବ । ଏଥିପାଇଁ ଗ୍ରୀନ୍ ହାଉସ୍ ଗ୍ୟାସ୍ ନିର୍ଗତକୁ କମାଇବା ଉପରେ ଗୁରୁତ୍ୱ ଦିଆଯାଇଛି । ତାପମାତ୍ରା ୧.୫ ଡିଗ୍ରୀ ବୃଦ୍ଧି ହେଲେ ଜୀବନଘାତକ ଲୁ ପ୍ରବାହିତ ହେବ ।

ମାର୍ଚ୍ଚ ୩୦ରେ ନାମାଙ୍କନ ପତ୍ର ଦାଖଲ କରିବେ ରୁଦ୍ରପ୍ରତାପ ମହାରଥୀ

ଭୁବନେଶ୍ୱର: ଆସନ୍ତା ୩୦ ତାରିଖରେ ନାମାଙ୍କନ ପତ୍ର ଦାଖଲ କରିବେ ପିପିଲି ବିଜେଡି ପ୍ରାର୍ଥୀ ରୁଦ୍ରପ୍ରତାପ ମହାରଥୀ । ବିଜେଡି ପକ୍ଷରୁ ଏହି ଘୋଷଣା କରାଯାଇଛି । ରୁଦ୍ରଙ୍କ ନାମାଙ୍କନପତ୍ର ଦାଖଲ ପୂର୍ବରୁ ଆଜି ଏକ ବୈଠକ ବସିଥିଲା । ଭୁବନେଶ୍ବରରେ ମନ୍ତ୍ରୀ ସୁଶାନ୍ତ ସିଂହଙ୍କ ବାସଭବନରେ ବସିଥିବା ବୈଠକରେ ବିଜେଡି ସାଂଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ, ପିପିଲି ପାଇଁ ବିଜେଡି ପର୍ଯ୍ୟବେକ୍ଷକ ପ୍ରତାପ ଦେବ, ବିଧାୟକ ଉମାକାନ୍ତ ସାମନ୍ତରାୟ, ଧ୍ରୁଵ ସାହୁ, ଡେଲାଙ୍ଗ ବ୍ଲକ ଦାୟିତ୍ୱରେ ଥିବା ନେତା ଓ କର୍ମୀ ଉପସ୍ଥିତ ରହିଥିଲେ ।

ବୈଠକରେ ନିର୍ବାଚନୀ ରଣନୀତି ନେଇ ଆଲୋଚନା ହୋଇଛି । ପିପିଲି ନିର୍ବାଚନମଣ୍ଡଳୀର ପ୍ରତି ପଞ୍ଚାୟତ ପାଇଁ କମିଟି ଗଠନ କରିଛି ବିଜେଡି । ରୁଦ୍ର ମହାରଥୀଙ୍କୁ ପିପିଲି ଉପନିର୍ବାଚନରେ ବିଜେଡି ପ୍ରାର୍ଥୀ କରିବା ନେଇ ପର୍ଯ୍ୟବେକ୍ଷକ ପ୍ରତାପ ଦେବ ପ୍ରତିକ୍ରିୟା ଦେଇଛନ୍ତି । ରୁଦ୍ରଙ୍କ ପ୍ରାର୍ଥିତ୍ବ ନେଇ ମହାରଥୀ ପରିବାରରେ କୌଣସି ଦ୍ବିମତ ନାହିଁ । ଏହା କେବଳ ଗଣମାଧ୍ୟମର ସୃଷ୍ଟି ବୋଲି ପ୍ରତାପ ଦେବ କହିଛନ୍ତି । ପିପିଲି ଉପନିର୍ବାଚନ ପାଇଁ ରୁଦ୍ର ମହାରଥୀଙ୍କୁ ବିଜେଡି ସୁପ୍ରିମୋ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗତକାଲି ପ୍ରାର୍ଥୀ ଘୋଷଣା କରିଥିଲେ ।

ଦିବଂଗତ ବିଧାୟକ ପ୍ରଦୀପ ମହାରଥୀଙ୍କ ପୁଅ ରୁଦ୍ର ପ୍ରତାପ ମହାରଥୀ ବିପୁଳ ଭୋଟ୍‌ ବ୍ୟବଧାନରେ ପିପିଲି ଉପନିର୍ବାଚନ ଜିତିବେ ବୋଲି ବିଜେଡି ଦମ୍ଭୋକ୍ତି ପ୍ରକାଶ କରିଛି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନେତୃତ୍ବ, ଲୋକପ୍ରିୟତା ଓ ଲୋକାଭିମୁଖୀ କାମ ରୁଦ୍ରଙ୍କୁ ବହୁ ଭୋଟ୍ ବ୍ୟବଧାନରେ ଜିତାଇବ ବୋଲି ରାଜନୈତିକ ସମୀକ୍ଷକ ଆକଳନ କରିଛନ୍ତି । ଜନତା ପାର୍ଟି, ଜନତା ଦଳ ଓ ତା’ପରେ ବିଜେଡି ଗଠନ ପରେ ପିପିଲିରେ ଦଳର ପ୍ରଭାବ ରହିଆସିଛି ।

ରାଷ୍ଟ୍ରପତି ରାମନାଥ କୋବିନ୍ଦଙ୍କ ସ୍ୱାସ୍ଥ୍ୟାବସ୍ଥା ସ୍ଥିର, ଏମ୍ସ ରେଫର୍

ନୂଆଦିଲ୍ଲୀ: ସ୍ଥିର ରହିଛି ରାଷ୍ଟ୍ରପତି ରାମନାଥ କୋବିନ୍ଦଙ୍କ ସ୍ୱାସ୍ଥ୍ୟାବସ୍ଥା । ଏଥିସହ ରାଷ୍ଟ୍ରପତିଙ୍କୁ ଅଧିକ ଚିକିତ୍ସା ଲାଗି ଏମ୍ସ ରେଫର୍ କରାଯାଇଛି । ସେନାର ରିସର୍ଚ୍ଚ ଓ ରେଫରାଲ୍ ହସ୍ପିଟାଲ ଶନିବାର ଏନେଇ ସୂଚନା ଦେଇଛି । ଶୁକ୍ରବାର ରାଷ୍ଟ୍ରପତି ରାମନାଥ କୋବିନ୍ଦ ଛାତିରେ ଯନ୍ତ୍ରଣା ଅନୁଭବ କରିଥିଲେ । ଏହାପରେ ରାଷ୍ଟ୍ରପତିଙ୍କୁ ସେନାର ରିସର୍ଚ୍ଚ ଓ ରେଫରାଲ୍ ହସ୍ପିଟାଲ ନିଆଯାଇଥିଲା । ମିଳିଥିବା ସୂଚନା ଅନୁଯାୟୀ ଡାକ୍ତର ହାର୍ଟର ବାଇପାସ୍ ସର୍ଜରୀ ଲାଗି ପରାମର୍ଶ ଦେଇଛନ୍ତି । ଆସନ୍ତା ୩୦ରେ ସର୍ଜରୀ ହୋଇପାରେ ।

ହସ୍ପିଟାଲ ପକ୍ଷରୁ ଜାରି ବୁଲେଟିନରେ କୁହାଯାଇଛି- ରାଷ୍ଟ୍ରପତିଙ୍କ ସ୍ୱାସ୍ଥ୍ୟାବସ୍ଥା ସ୍ଥିର ରହିଛି । ଅଧିକ ଯାଞ୍ଚ ପାଇଁ ଏମ୍ସ ରେଫର କରାଯାଇଛି । ଏହା ପୂର୍ବରୁ ଶୁକ୍ରବାର ହସ୍ପିଟାଲ ପକ୍ଷରୁ କୁହାଯାଇଥିଲା- ରାଷ୍ଟ୍ରପତିଙ୍କ ନିୟମିତ ସ୍ୱାସ୍ଥ୍ୟ ଯାଞ୍ଚ କରାଯିବା ସହ ପର୍ଯ୍ୟବେକ୍ଷଣରେ ରଖାଯାଇଛି । ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ମେଡିକାଲ ଯାଇ ରାଷ୍ଟ୍ରପତିଙ୍କ ସ୍ୱାସ୍ଥ୍ୟାବସ୍ଥା ନେଇ ସୂଚନା ନେଇଥିଲେ ।

ବିଜେପି ନେତାଙ୍କ ଦାବି, ଫୋନ୍ କରି ନନ୍ଦିଗ୍ରାମରେ ସାହାଯ୍ୟ ମାଗୁଛନ୍ତି ମମତା ବାନାର୍ଜୀ

କୋଲକାତା: ପଶ୍ଚିମବଙ୍ଗରେ ପ୍ରଥମ ପର୍ଯ୍ୟାୟ ନିର୍ବାଚନ ଲାଗି ମତଦାନ ଜାରି ରହିଛି । ଉତ୍ସାହର ସହ ପଶ୍ଚିମବଙ୍ଗର ଭୋଟର ମତଦାନ କରୁଛନ୍ତି । ଆଉ ଏହାରି ଭିତରେ ନନ୍ଦିଗ୍ରାମର ବିଜେପି ନେତା ପ୍ରଳୟ ପାଲ ଏକ ବଡ଼ ଦାବି କରିଛନ୍ତି । ଟିଏମସି ମୁଖ୍ୟ ମମତା ବାନାର୍ଜୀ ନିଜେ ଫୋନ୍ କରି ଟିଏମସିକୁ ଜିତାଇବା ଲାଗି ସାହାଯ୍ୟ ମାଗୁଥିବା ବିଜେପି ନେତା ପ୍ରଳୟ ଅଭିଯୋଗ କରିଛନ୍ତି ।

ବିଜେପି ପକ୍ଷରୁ ଏନେଇ ଏକ ଭିଡିଓ ମଧ୍ୟ ଜାରି କରାଯାଇଛି । ପ୍ରଳୟଙ୍କ ଦାବି ଅନୁସାରେ, ଶନିବାର ସକାଳେ ମମତା ବାନାର୍ଜୀ ଫୋନ୍ କରି ନନ୍ଦିଗ୍ରାମରେ ଟିଏମସକୁ ସାହାଯ୍ୟ କରିବାକୁ କହିଥିଲେ । ତେବେ, ଟିଏମସି ଅଭିଯୋଗକୁ ଅସ୍ୱୀକାର କରିବା ଅଡିଓରେ ଶୁଣା ଯାଉଥିବା ସ୍ୱର ଭେରିଫାଏଡ୍ ନୁହେଁ ବୋଲି କହିଛି । ତେବେ, ବିଜେପି ପକ୍ଷରୁ ଜାରି ଏହି ଅଡିଓ ଓ ଭିଡିଓରେ କୌଣସି ସତ୍ୟତା ନନ୍ଦିଘୋଷ ଟିଭି ଦାବି କରୁନାହିଁ ।

ପ୍ରଳୟଙ୍କ ଅନୁସାରେ, ମମତା ଚାହୁଁଛନ୍ତି ମୁଁ ତାଙ୍କ ପାଇଁ କାମ କରେ ଏବଂ ଟିଏମସିକୁ ପୁଣି ଫେରି ଆସେ । କିନ୍ତୁ ମୁଁ ଦୀର୍ଘ ଦିନ ଧରି ଶୁଭେନ୍ଦୁ ଅଧିକାରୀ ଓ ତାଙ୍କ ପରିବାର ସହ ଜଡ଼ିତ । ମୁଁ ଏବେ ବିଜେପି ପାଇଁ କାମ କରୁଛି । ବାମଦଳର ମାକପାଙ୍କ ଶାସନ ବେଳେ ଅଧିକାରୀ ପରିବାର ନନ୍ଦିଗ୍ରାମରେ ଜନତାଙ୍କ ସହ ଛିଡ଼ା ହୋଇଥିଲା । ମୁଁ କେବେ ଅଧିକାରୀ ପରିବାର ବିରୋଧରେ ଯାଇନାହିଁ କି ଏଥିପାଇଁ ସାହାସ କରିବି ନାହିଁ ବୋଲି ସେ କହିଛନ୍ତି ।

BJP Releases Audio Tape Of West Bengal CM Mamata Asking BJP leader To Help Her Party In Nandigram

ନନ୍ଦିଗ୍ରାମରୁ ଟିଏମସି ମୁଖ୍ୟ ମମତା ବାନାର୍ଜୀ ଲଢ଼ୁଥିବା ବେଳେ ବିଜେପି ପକ୍ଷରୁ ଶୁଭେନ୍ଦୁ ଅଧିକାରୀ ଉକ୍ତ ଆସନରୁ ପ୍ରାର୍ଥୀ ହୋଇଛନ୍ତି । ହାଇପ୍ରୋଫାଇଲ୍ ଆସନ ନନ୍ଦିଗ୍ରାମକୁ ନେଇ ବିଜେପିର ଏଭଳି ଅଡିଓ ପଶ୍ଚିମବଙ୍ଗର ଉଷ୍ଣ ରାଜନୀତିକୁ ଆହୁରି ତତେଇ ଦେଇଛି । ତେବେ, ଏହି ଅଡିଓର ସତ୍ୟତା ନେଇ ନନ୍ଦିଘୋଷ ଟିଭି କୌଣସି ଦାବି କରୁନାହିଁ । ଏହି ଅଡିଓ ବିଜେପି ପକ୍ଷରୁ ଜାରି କରାଯାଇଛି ।

ଏପ୍ରିଲ ୪ରୁ ବର୍ଦ୍ଧିତ ବିଦ୍ୟୁତ ଦର; ଜାଣନ୍ତୁ ଥିଲା କେତେ, ହେଲା କେତେ ?

ଭୁବନେଶ୍ୱର: ରାଜ୍ୟରେ ବୃଦ୍ଧି ଘଟିଲା ବିଦ୍ୟୁତ ଦର ।  ୨୦୨୧-୨୨ ମସିହା ପାଇଁ ଦର ଧାର୍ଯ୍ୟ କଲେ OERC । ଗତବର୍ଷ ତୁଳନାରେ ୫.୬୦ ପ୍ରତିଶତ ବଢିଲା ୟୁନିଟ ପିଛା ବିଦ୍ୟୁତ ଦର । ସର୍ବନିମ୍ନ ୩୦ ପଇସା ବୃଦ୍ଧି ଘଟିଥିବା ଜଣାପଡିଛି । ସେପଟେ ଏପ୍ରିଲ ୪ରୁ ଏହି ନୂଆ ବର୍ଦ୍ଧିତ ଦର ଲାଗୁହେବା ନେଇ ମଧ୍ୟ ସୂଚନା ଦେଇଛି ଓଡ଼ିଶା ବିଦ୍ୟୁତ ନିୟାମକ ଆୟୋଗ ।

ସେପଟେ ପ୍ରିପେଡ ଗ୍ରାହକଙ୍କ ପାଇଁ ୨ ପ୍ରତିଶତ ରିହାତି ରହିବ । ବଢିଥିବା ନୂଆ ବିଲରୁ ବାଦ ପଡିବେ କୃଷି ଏବଂ ବିପିଏଲ ପରିସରଭୁକ୍ତ ଲୋକେ । ଅର୍ଥାତ କୃଷି ଏବଂ ବିପିଏଲ ଶ୍ରେଣୀ ପରିସରଭୁକ୍ତ ବର୍ଗଙ୍କ ପାଇଁ ବର୍ଦ୍ଧିତ ଦର ଲାଗୁ ହେବନାହିଁ । ବିତରଣ ତାରିଫରେ ୩ ପଇସା ବୃଦ୍ଧି କରାଯାଇଛି । ୨୫ ପଇସାରୁ ୨୮ ପଇସା ହୋଇଛି ବିତରଣ ତାରିଫ ଦର । ନୂଆ ବୃଦ୍ଧି ନେଇ ସୂଚନା ଦେଇଛି ଓଡ଼ିଶା ବିଦ୍ୟୁତ ନିୟାମକ ଆୟୋଗ ।

ସୂଚନା ମୁତାବକ ପୂର୍ବରୁ ୫୦ ୟୁନିଟ ପର୍ଯ୍ୟନ୍ତ ୟୁନିଟ ପିଛା ଦର ରହିଥିଲା ୨ଟଙ୍କା ୭୦ ପଇସା । ନୂଆ ଦର ଲାଗୁ ପରେ ୫୦ ୟୁନିଟ ପର୍ଯ୍ୟନ୍ତ ୟୁନିଟ୍ ପିଛା ଦର ହେବ ୩ ଟଙ୍କା ହେବ । ସେହିପରି ୨୦୦ ୟୁନିଟ ପର୍ଯ୍ୟନ୍ତ ୪ଟଙ୍କା ୫୦ ପଇସା ଥିଲାବେଳେ ଏହା ବୃଦ୍ଧି ଘଟି ୪.୮୦ ହେବ । ବର୍ତ୍ତମାନ ୨୦୧-୪୦୦ ୟୁନିଟ ପିଛା ଦର ରହିଛି ୫.୫୦ ପଇସା ଏବଂ ନୂଆ ଦର ଲାଗୁହେଲେ ୫.୮୦ ପଇସା ହେବ । ସେହିପରି ୪୦୦ ୟୁନିଟରୁ ଅଧିକ ୟୁନିଟ ପିଛା ଦର ୫.୯୦ ପଇସା ରହିଥିବା ବେଳେ ବର୍ଦ୍ଧିତ ଦର ଅନୁଯାୟୀ ଏହା ୬.୨୦ ପଇସା ହେବ ବୋଲି ସୂଚନା ଦେଇଛି OERC ।

ସେନା ଭଳି କୃଷକଙ୍କ ଲାଗି ଏହି ରାଜ୍ୟ ସରକାର କରିବେ କ୍ୟାଣ୍ଟିନ୍

ଭୋପାଳ: ବିଜେପିକୁ ଡରାଉଛି କୃଷକ ଆନ୍ଦୋଳନ । ଦୀର୍ଘ ୫ ମାସରୁ ଊର୍ଦ୍ଧ୍ୱ ହେଲା ଦିଲ୍ଲୀ ସୀମାରୁ ଆରମ୍ଭ ହୋଇଥିବା ଚାଷୀ ଆନ୍ଦୋଳନ ପୂରା ଦେଶକୁ ଡେଇଁଛି । କେନ୍ଦ୍ରର ତିନିଗୋଟି କୃଷି ଆଇନକୁ ପ୍ରତ୍ୟାହାର କରିନେବା ଦାବିରେ କୃଷକଙ୍କ ଆନ୍ଦୋଳନ ଜାରି ରହିଛି । ଅନ୍ୟପଟେ ଜୟ ଯବାନ, ଜୟ କିଷାନ ନାରା ଦେଉଛନ୍ତି ସମସ୍ତେ । ହେଲେ କୃଷକଙ୍କ ପ୍ରତି କାହାରି ଦରଦ ନଥିବା ଭଳି ମନେ ହେଉଛି । ଏସବୁ ଭିତରେ ଚାଷୀଙ୍କ ପାଇଁ କିଛି ଚିନ୍ତା କରିଛନ୍ତି ମଧ୍ୟପ୍ରଦେଶର ବିଜେପି ସରକାର ।

ମଧ୍ୟପ୍ରଦେଶରେ ଆର୍ମି କ୍ୟାଣ୍ଟିନ୍ ଭଳି କୃଷକ କ୍ୟାଣ୍ଟିନ୍ ଖୋଲିବ । କୃଷକ କ୍ୟାଣ୍ଟିନରେ ଚାଷୀଙ୍କୁ ରପ୍ତାନୀ ଗୁଣର ସାମଗ୍ରୀ ଶସ୍ତା ଦାମରେ ମିଳିବ । କୃଷକ କ୍ୟାଣ୍ଟିନରୁ କିଣା ଯାଉଥିବା ସାମଗ୍ରୀ ଉପରେ କୌଣସି ପ୍ରକାରର ଟିକସ ରହିବ ନାହିଁ । ସମସ୍ତ ସାମଗ୍ରୀ କୃଷକଙ୍କ ଟିକସ ମୁକ୍ତ ରହିବ । ଦେଶରେ କୃଷି ଆନ୍ଦୋଳନକୁ ନେଇ କେନ୍ଦ୍ରର ବିଜେପି ସରକାର ହରଡ଼ଘଣାରେ ପଡ଼ିଥିବା ବେଳେ ମଧ୍ୟପ୍ରଦେଶ ବିଜେପି ସରକାରଙ୍କ ଏଭଳି ନିଷ୍ପତ୍ତି ଆନ୍ଦୋଳନକୁ କିଛି ମାତ୍ରାରେ ପ୍ରଶମିତ କରିପାରେ ।

MP Government To Open kisan Canteen Just Like Army Canteen

ମଧ୍ୟପ୍ରଦେଶ କୃଷି ବିଭାଗ ଅନୁସାରେ, ୨୫୯ ଗୋଟି ମଣ୍ଡିରେ ଏହି କୃଷକ କ୍ୟାଣ୍ଟିନ୍ ଖୋଲିବ । କ୍ୟାଣ୍ଟିନ୍ ସର୍ଭିସ୍ ଡିଫେନ୍ସ (CSD) ଯୋଗୁଁ କୃଷକଙ୍କ ସମ୍ମାନ ବଢ଼ିବ ବୋଲି ରାଜ୍ୟ କୃଷି ମନ୍ତ୍ରୀ କମଲ ପଟେଲ କହିଛନ୍ତି । ଆମ କୃଷକ ସେନାର ଯବାନ ଭଳି । ଲକଡାଉନରେ ସବୁକିଛି ବନ୍ଦ ଥିବାବେଳେ କୃଷକ ଜନତାଙ୍କୁ ସାହାଯ୍ୟ କରିଥିଲେ । ଆମେ କୃଷକଙ୍କ ଲାଗି ପ୍ରତିଟି ମଣ୍ଡିରେ ଆର୍ମି ଭଳି କ୍ୟାଣ୍ଟିନ୍ ଖୋଲିବୁ । ଫଳରେ କୃଷକ ରପ୍ତାନୀ ଗୁଣବତ୍ତା ମାନର ସାମଗ୍ରୀ ସେନା ଭଳି ଶୁଲଭ ମୂଲ୍ୟରେ ପାଇ ପାରି ବୋଲି ମନ୍ତ୍ରୀ କହିଛନ୍ତି ।

ମଣ୍ଡିରେ କେବଳ କୃଷକ କ୍ୟାଣ୍ଟିନ୍ ନୁହେଁ ଏଥିସହ କୃଷକଙ୍କ ଲାଗି ସ୍ୱାସ୍ଥ୍ୟ ଉପରେ ଧ୍ୟାନ ଦେଇ ଅଟଳ କ୍ଲିନିକ୍ ଖୋଲାଯିବ ବୋଲି ମନ୍ତ୍ରୀ କହିଛନ୍ତି । ମଣ୍ଡିରେ ଧାନ କ୍ରୟ ବେଳେ କୃଷକଙ୍କୁ ସମ୍ମାନ ଦେବା ପାଇଁ ଅଧିକାରୀ ଫାଟକ ନିକଟରେ ଅଭିବାଦନ ଜଣାଇବେ । ଏଥିସହ ମଣ୍ଡିକୁ ଆସୁଥିବା କୃଷକଙ୍କୁ ସ୍ୱାସ୍ଥ୍ୟ ସେବା ଯୋଗାଇ ଦିଆଯିବ । ଅଟଳ କ୍ଲିନିକରେ ଡାକ୍ତର କୃଷକଙ୍କ ଚିକିତ୍ସା କରିବେ । କୃଷକଙ୍କ ସ୍ୱାସ୍ଥ୍ୟ ଖରାପ ଥିଲେ ସରକାର ମାଗଣା ଚିକିତ୍ସା କରିବେ ।

ପୁଣି କୋଭିଡ ମୃତ୍ୟୁ; କରୋନାରେ ୮୬ ବର୍ଷୀୟ ବୃଦ୍ଧଙ୍କ ମୃତ୍ୟୁ

ଭୁବନେଶ୍ୱର: ପୁଣି ରାଜ୍ୟରେ କୋଭିଡରେ ମୃତ୍ୟୁ । ସ୍ୱାସ୍ଥ୍ୟ ବିଭାଗର ସୂଚନା ମୁତାବକ ସୁନ୍ଦରଗଡ଼ ଜିଲ୍ଲାରେ ଜଣେ କରୋନା ସଂକ୍ରମିତଙ୍କ ମୃତ୍ୟୁ ଘଟିଛି । ମୃତକ କୋଭିଡ ରୋଗୀ ଜଣେ ପୁରୁଷ ହୋଇଥିବାବେଳେ ତାଙ୍କ ବୟସ ୮୬ ବର୍ଷ ।

ପୂର୍ବରୁ ସେ ମଧୁମେହ ରୋଗରେ ମଧ୍ୟ ପିଡୀତ ରହିଥିଲେ । କିଛି ଦିନ ତଳେ ତାଙ୍କ ଠାରେ କୋଭିଡ ଲକ୍ଷଣ ଦେଖାଦେବା ପରେ ପରିବାର ଲୋକ ଡାକ୍ତରଖାନାରେ ଭର୍ତ୍ତି କରିଥିଲେ । ପରେ କୋଭିଡ ଟେଷ୍ଟ ହେବାରୁ ରିପୋର୍ଟ ପଜିଟିଭ ଆସିଥିଲା । ଏବଂ ଆଜି ତାଙ୍କର ମୃତ୍ୟୁ ଘଟିଛି ।

ରାଜ୍ୟରେ ପୁନର୍ବାର କରୋନା ଆତଙ୍କ ଖେଳାଇଛି । ସେପଟେ କୋଭିଡ କଟକଣା ଅନେକ ସ୍ଥାନରେ ଲାଗୁ କରୁଛନ୍ତି ସ୍ଥାନୀୟ ପ୍ରଶାସନ । ଖୋର୍ଦ୍ଧା ଜିଲ୍ଲାରୁ ସର୍ବାଧିକ କୋଭିଡ ଆକ୍ରାନ୍ତ ଚିହ୍ନଟ ହେଉଥିବାବେଳଳେ ଦୈନିକ ସଂକ୍ରମଣ ୨୦୦ ପରେ ରହୁଛି । ସେପଟେ ସୁନ୍ଦରଗଡ ଜିଲ୍ଲାରେ ଜଣେ ସଂକ୍ରମିତଙ୍କ ମୃତ୍ୟୁ ଘଟିଛି ।

ଶିକ୍ଷାନୁଷ୍ଠାନରେ ବ୍ୟାପୁଛି କରୋନା, ଝାରସୁଗୁଡ଼ା ଇଞ୍ଜିନିୟରିଂ ସ୍କୁଲରେ ୨୧ ଜଣ କୋଭିଡ୍ ସଂକ୍ରମିତ ଚିହ୍ନଟ

ଝାରସୁଗୁଡ଼ା: ରାଜ୍ୟରେ ମାଡ଼ି ଚାଲିଛି କରୋନା । ବିଶେଷକରି ଶିକ୍ଷାନୁଷ୍ଠାନ ଖୋଲିବା ପରେ କରୋନା ସଂକ୍ରମଣର ଏକାଧିକ ମାମଲା ମିଳୁଛି । କଟକ, ଢେଙ୍କାନାଳ ପରେ ଝାରସୁଗୁଡ଼ାରେ ଗୋଟିଏ ଶିକ୍ଷାନୁଷ୍ଠାନରୁ ଏକାଧିକ ଜଣ କରୋନା ସଂକ୍ରମିତ ହୋଇଛନ୍ତି । ଝାରସୁଗୁଡ଼ା ଇଞ୍ଜିନିୟରିଂ ସ୍କୁଲରୁ ୨୧ ଜଣ କରୋନା ସଂକ୍ରମିତ ହୋଇଥିବା ଜଣାପଡ଼ିଛି ।

21 Students And Staff Of Jharsuguda Engineering School Tested Covid-19 Positive

ଝାରସୁଗୁଡ଼ା ଇଞ୍ଜିନିୟରିଂ ସ୍କୁଲର ଛାତ୍ରଛାତ୍ରୀ ଏବଂ ଅଧ୍ୟାପକଙ୍କୁ ମିଶାଇ ମୋଟ ୨୧ ଜଣ କୋଭିଡ୍ ପଜିଟିଭ ଚିହ୍ନଟ ହୋଇଛନ୍ତି । ସଂକ୍ରମିତଙ୍କ କଣ୍ଟାକ୍ଟ ଟ୍ରେସିଂ ଆରମ୍ଭ ହୋଇଥିବା ବେଳେ ଇଞ୍ଜିନିୟରିଂ ସ୍କୁଲକୁ ମାଇକ୍ରୋ କଣ୍ଟେନମେଣ୍ଟ ଜୋନ୍ ଘୋଷଣା କରାଯିବା ସମ୍ଭାବନା ରହିଛି ।

ଆସାମରେ ମତଦାନ ଜାରି, ମୁଖ୍ୟମନ୍ତ୍ରୀ ସର୍ବାନନ୍ଦ ସୋନୱାଲଙ୍କ ଦୃଢ଼ୋକ୍ତି ପୁଣି ସରକାର ଗଢ଼ିବ ବିଜେପି

ଗୌହାଟି: ବିଜେପି ଶାସିତ ଆସାମରେ ଚାଲିଛି ପ୍ରଥମ ପର୍ଯ୍ୟାୟ ଭୋଟିଂ । ୧୨ଟି ଜିଲ୍ଲାର ୪୭ଟି ଆସନ ପାଇଁ ଭୋଟିଂ ଜାରି ରହିଛି । ସକାଳୁ ଶାନ୍ତି ଶୃଙ୍ଖଳାରେ ଚାଲିଛି ମତଦାନ । ଅପରାହଣ ୨ଟା ସୁଦ୍ଧା ଆସାମରେ ୪୫.୨୪ ପ୍ରତିଶତ ମତଦାନ ହୋଇଛି । ୪୭ଟି ଆସନ ପାଇଁ ୨୬୪ ଜଣ ପ୍ରାର୍ଥୀଙ୍କ ଭାଗ୍ୟ ପରୀକ୍ଷା ହେଉଛି । ଏମାନଙ୍କ ମଧ୍ୟରେ ଅଛନ୍ତି ୨୩ ଜଣ ମହିଳା ପ୍ରାର୍ଥୀ । ୧୨ଟି ଜିଲ୍ଲାର ୮୧ ଲକ୍ଷ ଭୋଟର ମତାଧିକାର ସାବ୍ୟସ୍ତ କରୁଛନ୍ତି । ପ୍ରଥମ ପର୍ଯ୍ୟାୟରେ ବହୁ ହେଭିୱେଟ ନେତାଙ୍କ ଭାଗ୍ୟ ପରୀକ୍ଷା ହେଉଛି ।

ମାଜୁଲିରୁ ମୁଖ୍ୟମନ୍ତ୍ରୀ ସର୍ବାନନ୍ଦ ସୋନେୱାଲ ନିର୍ବାଚନ ଲଢ଼ୁଥିବା ବେଳେ ପିସିସି ଅଧ୍ୟକ୍ଷ ରିପୁନ ବୋରା ଗୋହପୁରରୁ ପ୍ରାର୍ଥୀ ହୋଇଛନ୍ତି । ବିଧାନସଭା ବାଚସ୍ପତି ହିତେନ୍ଦ୍ର ନାଥ ଗୋସ୍ୱାମୀ ଜୋରହାତରୁ ନିର୍ବାଚନ ଲଢ଼ୁଛନ୍ତି । ବିରୋଧୀ ଦଳ ନେତା ଦେବବ୍ରତ ସାଇକିଆ ନାଜିରା ଆସନରୁ ଲଢୁଛନ୍ତି । ଆସାମ ମୁଖ୍ୟମନ୍ତ୍ରୀ ସର୍ବାନନ୍ଦ ସୋନୱାଲ ଭୋଟ୍ ଦେଇ କହିଛନ୍ତି- ଏଥର ରାଜ୍ୟରେ ପୁଣିଥରେ ବିଜେପି ସରକାର ଆସିବ ଏଥିରେ କୌଣସି ସନ୍ଦେହ ନାହିଁ । ଆସାମରେ ତିନୋଟି ପର୍ଯ୍ୟାୟରେ ନିର୍ବାଚନ ହେଉଥିବା ବେଳେ ମେ’୨ରେ ରେଜଲ୍ଟ ଆସିବ ।