ନୂଆଦିଲ୍ଲୀ: କେରଳ ଗୋଲ୍ଡ ସ୍ମଗ୍ଲିଂ ମାମଲା । ୨୦ ଜଣ ଅଭିଯୁକ୍ତଙ୍କ ବିରୋଧରେ ଚାର୍ଜସିଟି ଦାଖଲ କଲା ଏନଆଇଏ । କେରଳରେ ସ୍ୱତନ୍ତ୍ର କୋର୍ଟରେ ଏହି ଚାର୍ଜସିଟ୍ ଦାଖଲ ହୋଇଛି । ୮ ମାସ ଧରି ୧୬୭ କେଜି ସୁନାର ସ୍ମଗ୍ଲିଂ କରିଥିଲେ ଏହି ଅଭିଯୁକ୍ତମାନେ ।
ମାମଲାରେ ୨୦ ଜଣ ଗିରଫ ହୋଇଥିବାବେଳେ ଏବେ ବି ୮ ଜଣ ଫେରାର ଥିବା ଜଣାପଡ଼ିଛି । ସେମାନଙ୍କ ବିରୋଧରେ ଛାନଭିନ୍ ଜାରି ରହିଛି । ଚାର୍ଜସିଟ୍ ଦାଖଲ ହୋଇଥିବା ଅଭିଯୁକ୍ତମାନେ ହେଲେ ସରୀଥ ପିଏସ, ସ୍ବପ୍ରଭା ସୁରେଶ, ଫୈସଲ ଫରିଦ, ସନ୍ଦିପ ନୟର ପ୍ରମୁଖ । ଦୁବାଇରୁ ଆସୁଥିବା ବିଭିନ୍ନ ଜିନିଷରେ ଏମାନେ ସୁନାକୁ ଲୁଚାଇ ବିଦେଶ ଚାଲାଣ କରୁଥିଲେ ।
ବିଶେଷ କରି ବାହାରିନ୍, ସାଉଦିଆରବ ଓ ମାଲେସିଆକୁ ଚାଲାଣ ହେଉଥିଲା ଏହି ସୁନା । ଯାଞ୍ଜ ସମୟରେ ଧରା ପଡିଥିବା ଅଭିଯୁକ୍ତମାନେ ଲମ୍ବା ସମୟ ଧରି ଏଭଳି କାରବାର କରି ଆସୁଥିଲେ । ୨୦୧୯ ନଭେମ୍ବରରୁ ଜୁନ୍ ୨୦୨୦ ପର୍ଯ୍ୟନ୍ତ ୧୬୭ କେଜି ସୁନାର ସ୍ମଗ୍ଲିଂ କରିଥିଲେ ଅଭିଯୁକ୍ତମାନେ ।
