ଜାକର୍ତ୍ତା: ଗୋଟିଏ ପଟେ ଅନେକ କମ୍ପାନୀ କୋଭିଡ-୧୯ ଟିକା ପ୍ରସ୍ତୁତ କରିବାରେ ବ୍ୟସ୍ତ ଅଛନ୍ତି ଏବଂ ଅନେକ ଦେଶ ଭ୍ୟାକ୍ସିନ୍ ଡୋଜ୍ ନେବାକୁ ପ୍ରସ୍ତୁତ ହେଉଛନ୍ତି । ଅନ୍ୟପକ୍ଷରେ, କେତେକ ଧାର୍ମିକ ଗୋଷ୍ଠୀ ନିଷିଦ୍ଧ ଘୁଷୁରୀ ମାଂସରୁ ପ୍ରସ୍ତୁତ ଉତ୍ପାଦନ ଉପରେ ପ୍ରଶ୍ନ ଉଠାଉଛନ୍ତି । ଯେଉଁଥିପାଇଁ ଟୀକାକରଣ ଅଭିଯାନ ବାଧାପ୍ରାପ୍ତ ହେବାର ଭୟ ସୃଷ୍ଟି ହୋଇଛି । ଘୁଷୁରୀ ମାଂସକୁ ବ୍ୟବହାର କରି ତିଆରି ହୋଇଥିବା କୋଭିଡ-୧୯ ଟିକା ଇସଲାମିକ ଆଇନ୍ ଅନୁଯାୟୀ ଯଥାର୍ଥ କି ନୁହେଁ ସେନେଇ ସାରା ବିଶ୍ୱର ଇସଲାମ ଧର୍ମଗୁରୁଙ୍କ ମଧ୍ୟରେ ଦ୍ୱନ୍ଦ୍ୱ ସୃଷ୍ଟି ହୋଇଛି ।
ପ୍ରକୃତରେ, ଟିକା ସଂରକ୍ଷଣ ଏବଂ ପରିବହନ ସମୟରେ ନିରାପତ୍ତା ସହ କାର୍ଯ୍ୟକାରିତାକୁ ବଜାୟ ରଖିବା ପାଇଁ ଘୁଷୁରୀ ମାଂସରୁ ପ୍ରସ୍ତୁତ ଜେଲାଟିନ୍ ବହୁଳ ଭାବରେ ବ୍ୟବହୃତ ହୁଏ । କିଛି କମ୍ପାନୀ ଘୁଷୁରୀ ମାଂସ ବିନା ଟିକା ବିକଶିତ କରିବାରେ ବର୍ଷ ବର୍ଷ ଧରି କାର୍ଯ୍ୟ କରିଆସୁଛନ୍ତି। ଘୁଷୁରୀ ମାଂସ ବ୍ୟବହାର ନକରି ସ୍ୱିଜରଲ୍ୟାଣ୍ଡର ଫାର୍ମାସ୍ୟୁଟିକାଲ୍ କମ୍ପାନୀ ‘ନୋଭାର୍ଟିସ୍’ ମେନିଞ୍ଜାଇଟିସ୍ ଟିକା ପ୍ରସ୍ତୁତ କରିଥିବାବେଳେ ସାଉଦି ଏବଂ ମାଲେସିଆର କମ୍ପାନୀ ଏଜେ ଫାର୍ମା ମଧ୍ୟ ସମାନ ଟିକା ପ୍ରସ୍ତୁତ କରିବାକୁ ଚେଷ୍ଟା କରୁଛନ୍ତି ।
ଯଦିଓ ଫାଇଜର, ମଡର୍ଣ୍ଣା ଏବଂ ଏଷ୍ଟ୍ରାଜେନେକା ମୁଖପାତ୍ର କହିଛନ୍ତି- ସେମାନଙ୍କର କୋଭିଡ-୧୯ ଟିକାରେ ଘୁଷୁରି ମାଂସରୁ ପ୍ରସ୍ତୁତ ଉତ୍ପାଦ ବ୍ୟବହାର ହୋଇନାହିଁ । ତଥାପି ଅନେକ କମ୍ପାନୀ ସେମାନଙ୍କ ଟିକାରେ ଘୁଷୁରି ମାଂସରୁ ପ୍ରସ୍ତୁତ ଉତ୍ପାଦ ବ୍ୟବହାର ହୋଇଛି କି ନାହିଁ ସ୍ପଷ୍ଟ କରିନାହାଁନ୍ତି । ଏଭଳି ପରିସ୍ଥିତିରେ ଇଣ୍ଡୋନେସିଆ ପରି ମୁସଲମାନ ବହୁଳ ଦେଶମାନଙ୍କର ଚିନ୍ତା ବଢ଼ି ଯାଇଛି ।
ବିଶେଷଜ୍ଞମାନେ କ’ଣ କୁହନ୍ତି ?
ବ୍ରିଟିଶ ଇସଲାମିକ ମେଡିକାଲ ଆସୋସିଏସନର ମହାସଚିବ ସଲମାନ ୱାକର କହିଛନ୍ତି ଯେ- ଘୁଷୁରୀ ମାଂସରୁ ପ୍ରସ୍ତୁତ ଦ୍ରବ୍ୟର ବ୍ୟବହାରକୁ ଧାର୍ମିକ ଦୃଷ୍ଟିରୁ ଅପବିତ୍ର ମାନୁଥିବା ୟହୁଦୀ ଏବଂ ମୁସଲମାନ ସମେତ ବିଭିନ୍ନ ଧାର୍ମିକ ସମ୍ପ୍ରଦାୟ ଟିକା ବ୍ୟବହାରକୁ ନେଇ ଦ୍ୱନ୍ଦ୍ୱରେ ରହିଛନ୍ତି । ସିଡନୀ ବିଶ୍ୱବିଦ୍ୟାଳୟର ସହକାରୀ ପ୍ରଫେସର ଡ. ହରନୂର ରସିଦ କହିଛନ୍ତି- ଟୀକାକରଣରେ ଘୁଷୁରୀ ଜେଲାଟିନ ବ୍ୟବହାରକୁ ନେଇ ବିଭିନ୍ନ ଚର୍ଚ୍ଚାରୁ ସହମତି ପ୍ରକାଶ ପାଇଛି ଯେ ଏହା ଇସଲାମ ନିୟମ ଅନୁଯାୟୀ ଗ୍ରହଣୀୟ, କାରଣ ଯଦି ଟିକା ବ୍ୟବହାର କରାଯାଇନଥାନ୍ତା, ତେବେ ‘ବଡ କ୍ଷତି’ ଘଟିବ ।
ଇସ୍ରାଏଲର ରବାନୀ ସଂଗଠନ ‘ଜୋହର’ର ସଭାପତି ରାବଣ ଡେଭିଡ ଷ୍ଟେଭ କହିଛନ୍ତି- ୟହୁଦୀ ନିୟମ ଅନୁଯାୟୀ ଘୁଷୁରୀ ମାଂସ ଖାଇବା କିମ୍ବା ବ୍ୟବହାର ବିନା କାମ ନହେଉଥିଲ ତାର ବ୍ୟବହାର ବୈଧ । ସେ କହିଛନ୍ତି ଯେ- ଯଦି ଏହାକୁ ଇଞ୍ଜେକ୍ସନ ଭାବରେ ଗ୍ରହଣ କରାଯାଏ ଏବଂ ଏହାକୁ ଖାଆନ୍ତି ନାହିଁ ତେବେ ଏହା ଯଥାର୍ଥ ଅଟେ ଏବଂ ଏଥିରେ କୌଣସି ଅସୁବିଧା ନାହିଁ । ରୋଗ କ୍ଷେତ୍ରରେ ଏହାର ବ୍ୟବହାର ବିଶେଷ ଭାବରେ ବୈଧ ଅଟେ ।
ଏସବୁ କରିବା ପାଇଁ ଦେବାଶିଷଙ୍କୁ କିନ୍ତୁ ଅକ୍ଲାନ୍ତ ପରିଶ୍ରମ କରିବାକୁ ପଡ଼ୁଛି। ସେ ୱାନମ୍ୟାନ୍ ଆର୍ମି ଭଳି କାମ କରୁଛନ୍ତି। ଅର୍ଥାତ ନିଜେ ଡ୍ୟାନସ କରୁଛନ୍ତି ନିଜେ ଶୁଟିଂ କରୁଛନ୍ତି ପୁଣି ନି ଏଡିଟିଂ ମଧ୍ୟ କରୁଛନ୍ତି। ସେ ପ୍ରତିଦିନ ଭୋର୍ ୪ରୁ ଉଠି ନାଚ ଅଭ୍ୟାସ କରନ୍ତି ଓ ପରେ ଶୁଟିଂ କରନ୍ତି। ଏହାପରେ ସକାଳ ୯ଟାରୁ ସେ ଅଫିସ୍ ପାଇଁ ବାହାରିଯାଆନ୍ତି। ପୁଣି ରାତି ୯ଟା ପରେ ଅଫିସରୁ ଫେରି ସକାଳେ ଶୁଟିଂ କରିଥିବା ଭିଡିଓକୁ ଏଡିଟିଂ କରି ଅପଲୋଡ କରିଥାନ୍ତି। ତେବେ ଏହି ପରିଶ୍ରମର ଫଳ ସେ ନିଶ୍ଚିତ ପାଇବେ ବୋଲି ଆଶା କରାଯାଉଛି।
