ଭୁବନେଶ୍ୱର: ଭୁଲ ମାନିଲେନି ଲେଖାଶ୍ରୀ । ନିଜେ ଭୁଲକରି ଚୌକିଟାଣ ଦେଖାଉଛନ୍ତି ବିଜେପି ନେତ୍ରୀ । ନିଜେ ଭୁଲ କଲେ ଏବେ ଅନ୍ୟମୁଣ୍ଡରେ ଅଠା ବୋଳି ଖସିବା ଉଦ୍ୟମ କରୁଛନ୍ତି । ବିବାଦୀୟ  ମନ୍ତବ୍ୟ ଦେଇ ଏବେ ହରଡ଼ଘଣାରେ ପଡ଼ିଛନ୍ତି ଲେଖାଶ୍ରୀ ମାଡାମ । ଆଉ ବିଚଳିତ ହୋଇ ବିଜେଡିକୁ ଟାର୍ଗେଟ୍ କରୁଛନ୍ତି । ଟାର୍ଗେଟ କରି କହିଛନ୍ତି ବିଜେଡି ପାଖରେ ଏବେ ପ୍ରସଙ୍ଗ ନାହିଁ କେବଳ ଲେଖାଶ୍ରୀ ହିଁ ଏକମାତ୍ର ପ୍ରସଙ୍ଗ  ।

ଯେଉଁମାନେ ଅପମାନିତ କରିବାକୁ ଚାହୁଁଛନ୍ତି, ମୋତେ କଳାପାହାଡ଼ର ଭଉଣୀ ବୋଲି କହୁଛନ୍ତି ସେମାନେ ପ୍ରକୃତରେ କଳାପାହାଡ଼ । ବିଜେଡି ସାରକାର ପୁରୀକୁ କାହିଁକି ବିଶ୍ୱପ୍ରସିଦ୍ଧ କରିପାରିନାହଁ ବୋଲି ମୁଁ ପ୍ରସଙ୍ଗ ଉଠାଇଥିଲି, ଯାହା ଶାସକଦଳଙ୍କୁ କଷ୍ଟ ଦେଉଛି । ମୁଁ କୌଣସି ଭୁଲ କରିନାହିଁ ମହାପ୍ରଭୁଙ୍କୁ ଅପମାନିତ କରିନାହିଁ ବୋଲି କହିଛନ୍ତି ଲେଖାଶ୍ରୀ  । ଏବେ ପ୍ରଶ୍ନ ହେଲା ସମ୍ବିତ ପାତ୍ରଙ୍କ ପାଇଁ ବାହାର ଲୋକ ପୁରୀକୁ ଚିହ୍ନିବା ବୟାନର ବିକାଶ ସହ କ’ଣ ସଂପର୍କ ରହିଛି ? ପୁରୀ ବିଶ୍ୱ ପ୍ରସିଦ୍ଧ ହେବାର ସମ୍ବିତ ପାତ୍ର ନିର୍ବାଚନ ଲଢିବା ସହ ସଂପର୍କ କଣ ? ଏହାର ଉତ୍ତର କିନ୍ତୁ ଲେଖାଶ୍ରୀ ଦେଇ ନାହାନ୍ତି । ସେ ବୁଝାଇ ପାରିନାହାନ୍ତି ଯେ, କେମିତି ସମ୍ବିତ ନିର୍ବାଚନ ଲଢିବାରୁ ପୁରୀ ରାତାରାତି ବିଶ୍ୱ ପ୍ରସିଦ୍ଧ ହୋଇଗଲା । ପୁରୀ କୋଲକତାରେ ଅଛି ବୋଲି ଯେଉଁମାନେ ଭାବୁଥିଲେ,ସେହି ବିଜ୍ଞ ଲୋକମାନଙ୍କ ବାବଦରେ ମଧ୍ୟ ସେ କିଛି କହିନାହାନ୍ତି । ତେବେ ଲେଖାଶ୍ରୀଙ୍କ ବୟାନ ଗୋଟିଏ କଥା ପ୍ରମାଣ କରୁଛି ଆଉ ତା’ ହେଲା ସେ ବିବାଦକୁ ନେଇ ଘାବରାଇ ଯାଇଛନ୍ତି । ଯେଉଁଥିପାଇଁ ଅଦଭୁତ ଯୁକ୍ତି ସବୁ ରଖୁଛନ୍ତି ।

ଅନ୍ୟପକ୍ଷରେ ବିଜେପି ନେତ୍ରୀ ଲେଖାଶ୍ରୀଙ୍କ ଏଭଳି ମନ୍ତବ୍ୟକୁ ନେଇ କଂଗ୍ରେସ ପକ୍ଷରୁ ମାଷ୍ଟର କ୍ୟାଣ୍ଟିନ ଛକରେ ବିକ୍ଷୋଭ ପ୍ରଦର୍ଶନ କରାଯାଇଛି । ଦଳ ପକ୍ଷରୁ ସମ୍ବିତ ପାତ୍ର ଓ ଲେଖାଶ୍ରୀଙ୍କ ଗିରଫଦାରୀ ଦାବି କରାଯାଇଛି । ଉଭୟ ବିଜେପି ନେତା ଜଗନ୍ନାଥଙ୍କ ପାଖରେ କ୍ଷମା ନ ମାଗିଲା ଯାଏଁ ଓଡ଼ିଶା ମାଟିରେ ପୁରାଇ ଦେବେନାହିଁ ବୋଲି ଚେତାବନୀ ଦେଇଛନ୍ତି କଂଗ୍ରେସ ନେତା । ପ୍ରତିବାଦ ସ୍ୱରୂପ ନରେନ୍ଦ୍ର ମୋଦି, ସମ୍ବିତ ପାତ୍ର ଓ ଲେଖାଶ୍ରୀଙ୍କ କୁଶପୁତ୍ତଳିକା ଜଳା ଯାଇଛି । ବିଜେପି ନେତ୍ରୀ ଲେଖାଶ୍ରୀ ସାମନ୍ତସିଂହାରଙ୍କ ଶ୍ରୀକ୍ଷେତ୍ର ପୁରୀକୁ ନେଇ ଦେଇଥିବା ବିବାଦୀୟ ମନ୍ତବ୍ୟକୁ ନେଇ ସବୁଆଡେ ସୃଷ୍ଟି ହୋଇଛି ଝଡ।

ସେପଟେ ଓଡ଼ିଶା ମନ୍ଦିର ସେବାୟତ ସଂଘ ପକ୍ଷରୁ ଏଭଳି ମନ୍ତବ୍ୟକୁ ତୀବ୍ର ନିନ୍ଦା କରାଯାଇଛି । ଆଗାମୀ ଦିନରେ ଲେଖାଶ୍ରୀଙ୍କୁ ରାଜ୍ୟର ବିଭିନ୍ନ ସ୍ଥାନରେ ବିରୋଧ କରାଯିବ ବୋଲି କହିଛନ୍ତି ସଂଘର ସଭାପତି କାମେଶ୍ୱର ତ୍ରିପାଠୀ ।

ଭୁବନେଶ୍ୱର: ରାଜଧାନୀ ଇନ୍ଫୋସିଟି ନାବାଳିକା ଗଣ ଦୁଷ୍କର୍ମ ଘଟଣା । ତଦନ୍ତକୁ ବାଧିତ କରିବାର ସବୁ ଉଦ୍ୟମ ଜାରି ରଖିଛନ୍ତି ଓଟିଭି କର୍ତ୍ତୁପକ୍ଷ । କମିଶନଙ୍କ ପାଖରେ ବ୍ୟକ୍ତିଗତ ଭାବେ ହାଜର ହେବାକୁ ଡରୁଛନ୍ତି ଓଟିଭି ଏମଡି ଜଗି ମଙ୍ଗତ ପଣ୍ଡା । ଯାହାର ଉଦାହରଣ ଆଜି ମଧ୍ୟ ଦେଖିବାକୁ ମିଳିଛି । ଆଜି ରାଜ୍ୟ ଶିଶୁ ଅଧିକାର ସୁରକ୍ଷା ଆୟୋଗଙ୍କ ସମ୍ମୁଖରେ ଜଗିଙ୍କ ହାଜର ହେବାର ଥିଲା । କିନ୍ତୁ ମ୍ୟାଡମ୍ ନିଜେ ଆସିନଥିଲେ । ନିଜ ଓକିଲ ଓ ପ୍ରତିନିଧିଙ୍କୁ ଆୟୋଗଙ୍କ ଆଗରେ ହାଜିର ପକାଇବାକୁ ପଠାଇଥିଲେ ।   ବାରମ୍ବାର ହାଜିରା ପାଇଁ ନୋଟିସ ଯାଇଥିଲେ ମଧ୍ୟ ତିଳେମାତ୍ର ଖାତିର କରୁନାହାନ୍ତି । ଅହଂକାର ଏବଂ ନିଜ ଯିଦରୁ ଓହରୁନାହାନ୍ତି ଏମ୍‌ଡି ମାଡାମ ।

ପ୍ରତିନିଧି ଏବଂ ଓକିଲଙ୍କୁ ପଠାଇ ବାରମ୍ବାର କେସ ଦବାଇବାକୁ ଚେଷ୍ଟା କରିଚାଲିଛନ୍ତି । ତେବେ ଗତ ୧୦ ତାରିଖରେ ହାଜର ହେବାକୁ ନୋଟିସ ହୋଇଥିଲେ ମଧ୍ୟ ଆଜି ଓଟିଭି ଏମ୍‌ଡିଙ୍କ ପ୍ରତିନିଧି ଓ ଓକିଲଙ୍କୁ ପଠାଇ କାମ ସାରିଦେଇଛନ୍ତି । ରାଜ୍ୟ ଶିଶୁ ଅଧିକାର ସୁରକ୍ଷା ଆୟୋଗ ଜଗିଙ୍କୁ ବ୍ୟକ୍ତିଗତ ଭାବରେ ହାଜିର ହୋଇ ଉତ୍ତର ରଖିବା ପାଇଁ କହିଥିଲେ । କିନ୍ତୁ ସେ ଏଥର ମଧ୍ୟ ବେଖାତିର କରି ଆସିନାହାନ୍ତି । ରାଜ୍ୟ ଶିଶୁ ଅଧିକାର ସୁରକ୍ଷା ଆୟୋଗଙ୍କ ପାଖରେ ହାଜିର ହୋଇଛନ୍ତି ଓଟିଭି ଏମ୍‌ଡିଙ୍କ ପ୍ରତିନିଧି ଓ ଓକିଲ । ଅଭିଯୋଗ କାରିଣୀଙ୍କ ମା’ ବି ହାଜର ହୋଇଛନ୍ତି ।

ଭୁବନେଶ୍ୱର: ଉପନିର୍ବାଚନରେ ବିଜୟୀ ହୋଇଥିବା ଦୁଇ ନୂଆ ବିଧାୟକଙ୍କୁ ଶପଥ ପାଠ କରାଇଛନ୍ତି ବାଚସ୍ପତି ।  ବାଲେଶ୍ୱର ସ୍ୱରୂପ ଦାସ ଏବଂ ତିର୍ତ୍ତୋଲରୁ ବିଜୟ ଶଙ୍କର ଦାସ ଶପଥ ଗ୍ରହଣ କରିଛନ୍ତି । ନବନିର୍ବାଚିତ ହୋଇଥିବା ଦୁଇ ବିଧାୟକଙ୍କୁ ଆଜି ଶପଥପାଠ କରାଇବାର କାର୍ଯ୍ୟକ୍ରମ ରହିଥିଲା । ପୂର୍ବ ନିର୍ଧାରିତ ସମୟରେ ହିଁ ଶପଥପାଠ କରାଇଛନ୍ତି ବାଚସ୍ପତି ସୂର୍ଯ୍ୟ ନାରାୟଣ ପାତ୍ର । ଶପଥପାଠ ପରେ ବାଚସ୍ପତିଙ୍କଠାରୁ ଆଶୀର୍ବାଦ ନେଇଛନ୍ତି ଦୁଇ ନବନିର୍ବାଚିତ ବିଧାୟକ ।

ଶପଥପାଠ ସମୟରେ ଯାହା ପ୍ରମାଣପତ୍ର ଦେବାକଥା ସେସବୁକୁ ବାଚସ୍ପତିଙ୍କୁ ଦେଇଛନ୍ତି ଦୁଇ ବିଧାୟକ । ତେବେ ଆଗକୁ ବିଧାନସଭାର ଶୀତକାଳୀନ ଅଧିବେଶନ ରହିଛି ସେଥିପାଇଁ ଶପଥ ନେଲା ପରେ ଦୁଇ ବିଧାୟକ ଅଧିବେଶନକୁ ଯାଇପାରିବେ । ଦୁଇ ବିଧାୟକ ଶୀତକାଳିନ ଅଧିବେଶନରେ ପ୍ରଥମ ଥର ପାଇଁ ଅଂଶଗ୍ରହଣ କରିବେ ।

ସୂଚନାଯୋଗ୍ୟ ଯେ, ବାଲେଶ୍ୱର ଏବଂ ତିର୍ତ୍ତୋଲ ଉପନିର୍ବାଚନରେ ନିଜର ପତିଆରା ସାବ୍ୟସ୍ତ କରିସାରିଛି ବିଜୁ ଜନତା ଦଳ । ସେ କଂଗ୍ରେସ ହେଉକି ବିଜେପି ହେଉ, ଉପନିର୍ବାଚନରେ ବିଜେଡିର ସମକକ୍ଷ ହୋଇପାରିନାହିଁ କୌଣସି ଦଳ । ମୁଖ୍ୟମନ୍ତ୍ରୀଙ୍କ ଉନ୍ନତିମୂଳକ କାର୍ଯ୍ୟ ଏବଂ ପ୍ରତିଶ୍ରୁତି ଦେଇ ପ୍ରତିଶ୍ରୁତି ରଖିବା ଆଚରଣ ଆଜି ଲୋକଙ୍କର ଭରସାକୁ ଜିତିପାରିଛି ।