ଭୁବନେଶ୍ୱର: ଦିନକ ପରେ ଆଲୋକର ପର୍ବ ଦୀପାବଳି । ହେଲେ ଦୀପାବଳିକୁ ନେଇ ସବୁ ଖୁସି ଛଡ଼ାଇ ନେଇଛି କରୋନା । ପର୍ବ ଅଛି ହେଲେ ତାହାର ମହକ ଆଉ ନାହିଁ । କରୋନା ପାଇଁ ଧର୍ମାନୁଷ୍ଠାନ ଠାରୁ ଆରମ୍ଭ କରି ସମସ୍ତ ପର୍ବପର୍ବାଣିରେ କଟକଣା ଜାରି କରିଛନ୍ତି ସରକାର । ତେବେ ଦୀପାବଳିକୁ ନେଇ ପୂର୍ବରୁ ଏକ ଗାଇଡଲାଇନା ଜାରି କରାଯାଇଥିଲା । ରାସ୍ତାରେ ବାଣ ଫୁଟାଇବାକୁ ନେଇ ରୋକ ଲଗାଯାଇଥିବା ବେଳେ ରାସ୍ତା ଉପରେ ମଧ୍ୟ ଦୀପ ଦୋକାନକୁ ଖୋଲିବାକୁ ବାରଣ କରାଯାଇଥିଲା ।

ସେପଟେ ଆଜି ଦୀପାବଳି ପାଇଁ କମିଶନରେଟ ପୋଲିସ ପକ୍ଷରୁ ସୁରକ୍ଷା ବ୍ୟବସ୍ଥା କରାଯାଇଛି । ଦୀପ ବିକ୍ରି ଓ ବାଣ ଫୁଟେଇବାକୁ ମନା କରାଯାଇଛି । ଭୁବନେଶ୍ୱରବାସୀଙ୍କୁ କରୋନା କଟକଣାର ନିୟମ ମାନିବାକୁ ଡିସିପି ଅନୁରୋଧ କରିଛନ୍ତି । ନିୟମ ଉଲଙ୍ଘନ କଲେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ସୂଚନା ଦିଆଯାଇଛି ।

ତେବେ ରାଧାନୀରେ ସୁରକ୍ଷା ଦୃଷ୍ଟିରୁ ୧୭  ପ୍ଲାଟୁନ ଫୋର୍ସ ମୁତୟନ କରାଯାଇଛି । ଲୋକଙ୍କୁ ଅନୁରୋଧ ଯେଉଁଠି ବାଣ ବିକ୍ରି ହେଉ ଅବା ବାଣ ଫୁଟାଉଥିଲେ ୧୦୦ କୁ ଫୋନ କରନ୍ତୁ । ତେବେ ଧନ ତେରାସରେ ପୋଲିସ ପାଟ୍ରୋଲିଂକୁ କଡାକଡି କରାଯାଇଛି ବୋଳଇ ଭୁବନେଶ୍ୱର ଡିସିପି କହିଛନ୍ତି ।

ଭୁବନେଶ୍ୱର: ଓଡିଶାରେ ଆସିଲା ନୂଆ ମଡେଲ ଜେଲ ମାନୁଆଲ । ରାଜ୍ୟ ସରକାରଙ୍କ ଅନୁମୋଦନ ପରେ କାର୍ଯ୍ୟକାରୀ ହେଲା ଏହି ନୂଆ ମାନୁଆଲ । ନୂଆ ମାନୁଆଲ ଆଧାରରେ ଜେଲରେ ରହୁଥିବା କଏଦୀମାନେ ପାଇବେ ଅନେକ ସୁବିଧା । ବିଭିନ୍ନ କମିଟି ଦ୍ୱାରା ଦିଆଯାଇଥିବା  ପ୍ରସ୍ତାବ ପରେ ଚଳିତ ଜେଲ ମାନୁଆଲ କାର୍ଯ୍ୟକାରୀ ହେବ। ପୂର୍ବରୁ ୧୯୪୨ ଜେଲ ମାନୁଆଲ କାର୍ଯ୍ୟ କରୁଥିଲା । ୨୦୧୬ରେ ବ୍ୟୁରୋ ଅଫ ପୋଲିସ ରିସର୍ଚ୍ଚ ଆଣ୍ଡ ଡେଭେଲପମେଣ୍ଟ ନୂଆ ମାନୁଆଲ ପାଇଁ ପ୍ରସ୍ତାବ ଦେଇଥିଲା ।

ଏନେଇ ସୂଚନା ଦେଇଛନ୍ତି ଜେଲ ଡିଜି ସନ୍ତୋଷ ଉପାଧ୍ୟାୟ । ନୂଆ ମାନୁଆଲ୍‌ରେ କଏଦୀଙ୍କ ସୁରକ୍ଷା, ମାନବାଧିକାର ଯେପରି ଅକ୍ଷୁର୍ଣ୍ଣ ରୁହେ ସେଥିପ୍ରତି ବିଶେଷ ଧ୍ୟାନ ଦିଆଯାଇଛି । ଜେଲ୍‌ରେ କଏଦୀଙ୍କ ଚିକିତ୍ସା ସୁବିଧା, ଜେଲ୍ ପରିଚାଳନାକୁ ବି ଗୁରୁତ୍ୱ ଦିଆଯାଇଛି । ସର୍କଲ ଜେଲ୍‌ରେ ହଜାରେ, ଜିଲ୍ଲା ଜେଲ୍‌ରେ ୫୦୦ କଏଦୀ ରହିପାରିବେ । ସବ୍ ଜେଲ୍‌ରେ ୩୦୦ କଏଦୀଙ୍କ ରହିବା ନେଇ ମାନୁଆଲ୍‌ରେ ବ୍ୟବସ୍ଥା ହୋଇଛି । ଦୋଷୀ କଏଦୀଙ୍କୁ ମାସରେ ୨ ଥର ସାକ୍ଷାତକାର ଦେବାକୁ ଅନୁମତି ମିଳିଛି ।

ଭୁବନେଶ୍ୱର: ଏଣିକି ନବମ ଓ ଦଶମ ଶ୍ରେଣୀ ଛାତ୍ରଛାତ୍ରୀଙ୍କୁ ଅନଲାଇନରେ ଶିକ୍ଷା ମାଗଣାରେ ଯୋଗାଇବ TCS । ଏ ନେଇ ବିଦ୍ୟାଳୟ ଓ ଗଣଶିକ୍ଷା ବିଭାଗ ଭିତରେ ବୁଝାମଣା ପତ୍ର ସ୍ୱାକ୍ଷରିତ ହୋଇଛି । ଏହା କେବଳ ୨୧୪ଟି ଆଦର୍ଶ ବିଦ୍ୟାଳୟ ଓ ୧୦୧ ଗୋଟି ଉତ୍କର୍ଷ ବିଦ୍ୟାଳୟରେ ଲାଗୁ ହେବ । ଏହା ଦ୍ଵାରା ଛାତ୍ରଛାତ୍ରୀ ବ୍ୟବସ୍ଥିତ ଢଙ୍ଗରେ ଅନଲାଇନରେ ଶିକ୍ଷା ପାଇପାରିବେ ବୋଲି କହିଛନ୍ତି ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ସମୀର ଦାଶ ।

ଏହା ଟାଟା କନ୍‌ସଲ୍‌ଟାନ୍ସି ଲିମିଟେଡ୍‌ର ସିଏସ୍‌ଆର୍‌ ତରଫରୁ ବିନାମୂଲ୍ୟରେ କରାଯିବ । ଏହି କାର୍ଯ୍ୟକ୍ରମରେ ଛାତ୍ରଛାତ୍ରୀମାନେ ଅନ୍‌ଲାଇନ୍‌ ମାଧ୍ୟମରେ ନିଜର ପାଠ୍ୟ ବିଷୟ, ଭିଡିଓ, ଗୃହପାଠ୍ୟ, ଡିବେଟ୍‌, କୁଇଜ୍‌ ସର୍ବେକ୍ଷଣ ଆଜି ବିଭିନ୍ନ ଶିକ୍ଷଣ କାର୍ଯ୍ୟକରିପାରିବେ । ଏହି ଶିକ୍ଷଣ କାର୍ଯ୍ୟକୁ ସୁଚାରୁ ରୂପେ ସଂପାଦନ ପାଇଁ ଶିକ୍ଷକଶିକ୍ଷୟିତ୍ରୀମାନଙ୍କୁ ବିନାମୂଲ୍ୟରେ ଟିସିଏସ୍‌ ଦ୍ୱାରା ତାଲିମ ଦିଆଯିବ । ଯାହାଦ୍ୱାରା ସେମାନେ ବିଭିନ୍ନ ପ୍ରକାରର ଡିଜିଟାଲ୍‌ ଶିକ୍ଷକତା ପ୍ଲାଟ୍‌ଫର୍ମ ଓ ଶିକ୍ଷାବିଜ୍ଞାନ ବିଷୟରେ ଧାରଣା ପାଇପାରିବେ ।

ଟାଙ୍ଗି: ଭିଆଇପି ଠକଙ୍କୁ ଗିରଫ ଘଟଣା । ଲମ୍ଭିବାରେ ଲାଗିଛି ଠକ ମାନଙ୍କର ଚେର । ଲୁଟ ତାଲିକାରେ ଯୋଡ଼ି ହୋଇଛନ୍ତି ସାମ୍ବାଦିକ ଏବଂ ପୋଲିସ ବାବୁ । ଖୋର୍ଦ୍ଧାର ଟାଙ୍ଗି ଅଞ୍ଚଳ ଦଲାଲ ମାନଙ୍କର ଚରାଭୂଇଁ ପାଲଟିଛି । ଠକ କାହ୍ନୁ ପ୍ରଧାନଙ୍କୁ ଗିରଫ ପରେ ଖୋଲିଥିଲା ଅନ୍ୟ ଠକ ମାନଙ୍କର ପଞ୍ଜିକା । ଘଟଣାରେ ଜଣେ କାର୍ଯ୍ୟରତ ଦୈନିକ ଖବର କାଗଜ ସାମ୍ବାଦିକ ଓ ଜଣେ ଅଵସର ପ୍ରାପ୍ତ  ପୋଲିସ୍ ଅଫିସର ଦଲାଲିରେ ସଂପ୍ରୁକ୍ତି ଥିବା ଜଣାପଡ଼ିଥିଲା । ଥାନାରେ ମାମଲା ପରେ ସାମ୍ବାଦିକ ଓ  ଅବସର ପ୍ରାପ୍ତ ପୋଲିସ୍ ଅଧିକାରୀ ଫେରାର ହୋଇଯାଇଛନ୍ତି ।

କାର୍ଯ୍ୟରତ ସାମ୍ବାଦିକ ହେଲେ ରଣପୁରର ସୁକାନ୍ତ ଡାକୁଆ  ଓ ଅବସର ପ୍ରାପ୍ତ ପୋଲିସ୍ ଅଧିକାରୀ ଜଣକ ହେଲେ ଗୀରିଜା ଶଙ୍କର ରଥ । ଗତ ୧୧ ତାରିଖରେ କାହ୍ନୁ ପ୍ରଧାନଙ୍କୁ ଗିରଫ କରିଥିଲା ଚାନ୍ଦପୁର ପୋଲିସ୍ । ଗିରଫ କାହ୍ନୁ ପ୍ରଧାନର ଘର ଖୋରଧା ଜିଲା ଟାଙ୍ଗି ଗାଁରେ । ପୋଲିସ୍ ତା ନିକଟରୁ ଅନେକ ନକଲି  ID CARD  ଜବତ କରିଥିଲା । ସେ ନିଜକୁ ହୋମ୍ ସେକ୍ରେଟାରୀ ପରିଚୟ ଦେଇ ଲୋକଙ୍କ ଠାରୁ କୋଟି କୋଟି ଟଙ୍କା ଠକି ନେଇଥିବା  ପୋଲୁସ୍ ତଦନ୍ତରୁ ଜଣାପଡ଼ିଛି । ତେବେ ଏହି ୩ ଜଣ ପୁରା ପ୍ଲାନରେ ଠକାମିର ଧନ୍ଧା ଚଳାଇଥିଲେ । ଯାହା ଟଙ୍କା ଆସୁଥିଲା ସେସବୁକୁ ବାଣ୍ଟି ନେଉଥିଲେ । କାହ୍ନୁଙ୍କ ଠାରୁ ବିଭିନ୍ନ ପ୍ରକାରର ID CARD, ଏଟିଏମ୍ କାର୍ଡ, କାର,  ଜବତ କରାଯାଇଛି ।