ଭୁବନେଶ୍ୱର: ରାଜ୍ୟରେ କରୋନା ଟେଷ୍ଟିଂ ବଢିବା ସହ ଅଧିକ ସଂକ୍ରମିତ ଚିହ୍ନଟ ହେଉଛନ୍ତି । ତେଣୁ ରାଜ୍ୟରେ କରୋନା ନିୟନ୍ତ୍ରଣରେ ଆସିଥିବା ସୂଚନା ଦେଇଛନ୍ତି ସ୍ୱାସ୍ଥ୍ୟ ବିଭାଗ ପ୍ରମୁଖ ସଚିବ ପ୍ରଦୀପ୍ତ ମହାପାତ୍ର । ଦିନ ବଢିବା ସହ ନୂଆ ନୂଆ ସଂକ୍ରମିତ ସାମ୍ନାକୁ  ଆସୁଛନ୍ତି । ରାଜ୍ୟରେ ଲଗାତାର ମାସେ ହେବ ହଜାର ହଜାର ସଂକ୍ରମିତ ଚିହ୍ନଟ ହେଉଛନ୍ତି । କିନ୍ତୁ ସୋମବାରର ସଂକ୍ରମଣ ଅନ୍ୟ ଦୁଇଦିନ ତୁଳନାରେ କମ ରହିଛି । ଗତ ୨୪ଘଣ୍ଟାରେ ୨୨୪୪ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ଯଦିଓ ପୂର୍ବରୁ ସ୍ଥାନୀୟ ସଂକ୍ରମଣ କମ ରହୁଥିଲା କିନ୍ତୁ ଏବେ ସ୍ଥାନୀୟ ସଂକ୍ରମଣ ଚିନ୍ତା ବଢିଛି । ଗତକାଲି ୨୯୨୪ଜଣ ସଂକ୍ରମିତ ଚିହ୍ନଟ ହୋଇଥିବା ବେଳେ ଗତ ୨୪ ଘଣ୍ଟାରେ ଚିହ୍ନଟ ହୋଇଛନ୍ତି ୨୨୪୪ ସଂକ୍ରମିତ । ତେବେ ଚିହ୍ନଟ ହୋଇଥିବା ସମୁଦାୟ ସଂକ୍ରମିତଙ୍କମଧ୍ୟରୁ ୧୩୯୦ ଟି କେସ୍ କ୍ୱାରେଣ୍ଟାଇନ ସେଣ୍ଟରରୁ ଚିହ୍ନଟ ହୋଇଥିବା ବେଳେ ଅବଶିଷ୍ଟ ୮୫୪ଟି ମାମଲା ସ୍ଥାନୀୟ ସଂକ୍ରମଣ ମାମଲା ରହିଛି । ଏନେଇ ସୂଚନା ଦେଇଛି ସୂଚନା ଓ ଲୋକ ସମ୍ପର୍କ ବିଭାଗ ।

6. Boudh: 49
7. Cuttack: 194
8. Dhenkanal: 18
9. Gajapati: 6
10. Ganjam: 243
11. Jagatsinghpur: 16
12. Jajpur: 98
13. Jharsuguda: 12
14. Kalahandi: 67
15. Kandhamal: 121
16. Kendrapada: 27
17. Keonjhar: 13
18. Khurda: 311
19. Koraput: 94
20. Malkangiri: 98
21. Mayurbhanj: 91

— I & PR Department, Odisha (@IPR_Odisha) August 17, 2020

ସୋମବାରରେ ଚିହ୍ନଟ ହୋଇଥିବା ସଂକ୍ରମିତଙ୍କ ମଧ୍ୟରୁ ସର୍ବାଧିକ ଗଞ୍ଜାମ ଓ ଖୋର୍ଦ୍ଧାରୁ ଚିହ୍ନଟ ହୋଇଛନ୍ତି । ୨୪ ଘଣ୍ଟାରେ ଖୋର୍ଦ୍ଧାରୁ ୩୧୧ ଓ ଗଞ୍ଜାମରୁ ୨୪୩ ଜଣ ସଂକ୍ରମିତ ଚିହ୍ନଟ ହୋଇଛନ୍ତି । ଏହା ପରେ ଅଧିକ ସଂକ୍ରମିତ କଟକ ଜିଲ୍ଲାରୁ ଚିହ୍ନଟ ହୋଇଛନ୍ତି ସୋମବାରରେ କଟକରୁ ୧୯୪ ସଂକ୍ରମିତ ଚିହ୍ନଟ ହୋଇଛନ୍ତି । ସେହିଭଳି ଅନୁଗୁଳରୁ ୧୫, ବାଲେଶ୍ୱରରୁ ୧୪୨, ବରଗଡ଼ରୁ ୩୫, ଭଦ୍ରକରୁ ୧୦୪, ବଲାଙ୍ଗୀରରୁ ୩୭, ବୌଦ୍ଧରୁ ୪୯, ଢେଙ୍କାନାଳରୁ ୧୮, ଗଜପତିରୁ ୬, ଜଗତସିଂହପୁରରୁ ୧୬ , ଯାଜପୁରରୁ ୯୮, ଝାରସୁଗୁଡ଼ାରୁ ୧୨, କଳାହାଣ୍ଡିରୁ ୬୭ , କନ୍ଧମାଳରୁ ୧୨୧, କେନ୍ଦ୍ରାପଡ଼ାରୁ ୨୭ , କେନ୍ଦୁଝରରୁ ୧୩, କୋରାପୁଟ ୯୪, ମାଲକାନଗିରିରୁ ୯୮, ମୟୁରଭଞ୍ଜରୁ ୯୧, ନବରଙ୍ଗପୁରରୁ ୨୧, ନୟାଗଡ଼ରୁ ୧୩, ନୂଆପଡ଼ାରୁ ୯, ପୁରୀରୁ ୬୮, ରାୟଗଡ଼ାରୁ ୧୬୦, ସମ୍ବଲପୁରରୁ ୩୫, ସୁନ୍ଦରଗଡ଼ରୁ ୧୩୬, ସୋନପୁରରୁ ୧୧ଜଣ ସଂକ୍ରମିତ ଚିହ୍ନଟ ହୋଇଛନ୍ତି ।

୨୯ଟି ଜିଲ୍ଲାରୁ ୨୨୪୪ ନୂଆ ପଜିଟିଭ ଚିହ୍ନଟ ହୋଇଛନ୍ତି । ସେ ମଧ୍ୟରେ କ୍ୱାରେଣ୍ଟାଇନରୁ ୧୫୯୦ ଓ ଲୋକାଲ କେସ ୮୫୪ ରହିଛି । ଏଥିସହ ରାଜ୍ୟରେ ମୋଟ ସଂକ୍ରମିତଙ୍କ ସଂଖ୍ୟା ୬୨,୨୯୪ରେ ପହଞ୍ଚିଛି । ଗତକାଲି କରୋନା ଜନିତ ୧୦ଜଣଙ୍କ ମୃତ୍ୟୁ ହୋଇଥିବା ବେଳେ ଆଜି ରାଜ୍ୟରେ ଆଉ ୧୦ମୁଣ୍ଡ ନେଇଛି କରୋନା । ରାଜ୍ୟରେ ସୋମବାରରେ କରୋନା ଜନିତ ମୃତ୍ୟୁ ସଂଖ୍ୟା ୩୫୩ରେ ପହଞ୍ଚିଛି । ବର୍ତ୍ତମାନ ସୁଦ୍ଧା ୪୨ ହଜାର ୨୭୬ ସୁସ୍ଥ ହୋଇଥିବା ବେଳେ ୧୯ ହଜାର ୬୧୨ଟି ସକ୍ରିୟ ମାମଲା ରହିଛି ।

ଭୁବନେଶ୍ୱର: କରୋନା ସଂକ୍ରମଣରେ ରୋକ ଲଗାଇବାକୁ ସଫଳ ହେଉଛି ରାଜ୍ୟ । ଏବେ ରାଜ୍ୟରେ କମୁଛି କରୋନା ସଂକ୍ରମଣ । ଗତକାଲିଠାରୁ ନିୟନ୍ତ୍ରଣକୁ ଆସିଛି କରୋନା । ରାଜ୍ୟରେ ଲଗାତାର ହଜାର ହଜାର ସଂକ୍ରମିତ ଚିହ୍ନଟ ହେଉଛନ୍ତି ସତ କିନ୍ତୁ କରୋନା ସଂକ୍ରମଣ ହ୍ରାସ ପାଉଥିବା ଜଣା ପଡ଼ିଛି । କାରଣ ରାଜ୍ୟରେ କରୋନା ଟେଷ୍ଟିଂ ବଢୁଛି କିନ୍ତୁ କମ୍ ସଂଖ୍ୟକ ପଜିଟିଭ ଚିହ୍ନଟ ହେଉଛନ୍ତି ।

ପୂର୍ବରୁ କମ୍ ଟେଷ୍ଟିଂ ଥିବା ବେଳେ ଅଧିକ ସଂକ୍ରମିତ ଚିହ୍ନଟ ହେଉଥିବା ବେଳେ ଏବେ ଅଧିକ ଟେଷ୍ଟିଂରେ କମ ସଂକ୍ରମିତ ଚିହ୍ନଟ ହେଉଛନ୍ତି । ଯାହା କରୋନା କାଳରେ ଖୁସି ଖବର ସାବ୍ୟସ୍ତ ହୋଇଛି । ବର୍ତ୍ତମାନ ୫୦ ହଜାର ନମୁନା ପରୀକ୍ଷାରୁ ୨୨୪୪ ପଜିଟିଭ ଚିହ୍ନଟ ହୋଇଛନ୍ତି । ସ୍ୱାସ୍ଥ୍ୟ ବିଭାଗ ପ୍ରମୁଖ ସଚିବ ପ୍ରଦୀପ୍ତ ମହାପାତ୍ର ଏନେଇ ସୂଚନା ଦେଇଛନ୍ତି ।

ସଚିବ ପ୍ରଦୀପ୍ତ ମହାପାତ୍ର କହିଛନ୍ତି ଯେ,  ଦୁଇ ଦିନ ମଧ୍ୟରେ ରାଜ୍ୟରେ ଏକ ଲକ୍ଷରୁ ଅଧିକ ଟେଷ୍ଟିଂ କରାଯାଇଛି। ଏପର୍ଯ୍ୟନ୍ତ ମୋଟ୍ ୧୦ ଲକ୍ଷ ଟେଷ୍ଟ ହୋଇସାରିଛି। ଯାହାକି ରାଜ୍ୟ ସରକାରଙ୍କ ପାଇଁ ମାଇଲଷ୍ଟୋନ୍ ପାଲଟିଛି । ଓଡ଼ିଶାରେ ପଜିଟିଭଙ୍କ ସଂଖ୍ୟା ଗୋଟିଏ ମାସରେ ୯ ଦଶମିକ ୨ ପ୍ରତିଶତରୁ ୫.୫ ପ୍ରତିଶତକୁ କମିଛି । ୨ ଦିନରେ ଗଞ୍ଜାମ ଜିଲ୍ଲାରେ ୧୪ହଜାର ୯୫୩ ଟେଷ୍ଟ ହୋଇଛି । ଏହା ଦେଶର ଅନ୍ୟ ରାଜ୍ୟ ତୁଳନାରେ ସର୍ବାଧିକ । ଗଞ୍ଜାମରେ ପଜିଟିଭ ହାର ୩.୬% କମିଛି । ପୂର୍ବ ସପ୍ତାହକୁ ଦେଖିଲେ ଗଞ୍ଜାମରେ ପରିସ୍ଥିତିର ସୁଧାର ଆସିଛି । କରୋନାଜନିତ ମୃତ୍ୟୁହାର କମି ଏବେ ୦.୫୮ ପ୍ରତିଶତ ରହିଛି । ଓଡ଼ିଶା ଏକମାତ୍ର ରାଜ୍ୟ ଯେଉଁଠି କରୋନା ଚିକିତ୍ସା ସଂପୂର୍ଣ୍ଣ ମାଗଣା ରହିଛି।