ନୂଆଦିଲ୍ଲୀ: ଦେଶରେ ସଂକ୍ରମଣର ମାତ୍ରା କ୍ରମାଗତ ଭାବେ ନିୟନ୍ତ୍ରଣକୁ ଫେରୁଛି । ଯାହା ଦେଶ ପାଇଁ ଏକ ଶୁଭ ସଙ୍କେତ । ତେବେ ଗୃହ ମନ୍ତ୍ରାଳୟ ପକ୍ଷରୁ ଦେଶର କରୋନା ସ୍ଥିତି ସମ୍ପର୍କରେ ଆଜି ଏକ ରିପୋର୍ଟ ପ୍ରକାଶ କରାଯାଇଛି । ବିଭାଗ ପକ୍ଷରୁ ପ୍ରେସ ବିଜ୍ଞପ୍ତିରେ ସବିଶେଷ ସୂଚନା ଦିଆଯାଇଛି । ଶେଷ ୨୪ ଘଣ୍ଟା ମଧ୍ୟରେ ୩୬ ହଜାର ୪୬୯ ଜଣ ସଂକ୍ରମିତ ଚିହ୍ନଟ ହୋଇଛନ୍ତି । ସୂଚନା ଯୋଗ୍ୟ ଯେ ଜୁଲାଇ ପରଠାରୁ ଗୋଟିଏ ଦିନରେ ଏତେ କମ୍ ସଂଖ୍ୟକ କରୋନା ସଂକ୍ରମିତ ଦିନକରେ ଚିହ୍ନଟ ହୋଇନଥିଲେ । ତେଣୁ ଦେଶ ପାଇଁ ଏହା ଏକ ବଡଧରଣର ସଫଳତା ଅଟେ ।
3 vaccine candidates in different stages of clinical testing- Covaxin has got approval for phase III trials, Cadila also progressing with phase-II trials & Serum is completing phase 2b trial and has an ongoing trial in Brazil, South Africa & US: Balram Bhargava, DG, ICMR pic.twitter.com/t3Rl5yLqpy
— ANI (@ANI) October 27, 2020
ଉକ୍ତ ପ୍ରେସ ବିଜ୍ଞପ୍ତିରେ ଆଲୋଚନା କରାଯାଇଥିବା କିଛି ପ୍ରମୁଖ ବିନ୍ଦୁ :
୧. ଦେଶର ସମୁଦାୟ ସଂକ୍ରମଣର ୭୮ ପ୍ରତିଶତ କେବଳ ୧୦ଟି ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳରୁ ଚିହ୍ନଟ ହୋଇଛି ।
୨. ଶେଷ ୨୪ ଘଣ୍ଟାରେ ୫ଟି ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳରୁ ୫୮ ପ୍ରତିଶତ ସଂକ୍ରମିତ ଚିହ୍ନଟ ହୋଇଛନ୍ତି ।
୩. ପାର୍ବଣ ଋତୁରେ କେରଳ, ପଶ୍ଚିମବଙ୍ଗ, ମହାରାଷ୍ଟ୍ର, କର୍ଣ୍ଣାଟକ ଓ ଦିଲ୍ଲୀରେ ସଂକ୍ରମିତଙ୍କ ସଂଖ୍ୟା ବଢିଛି ।
୪. ସୁସ୍ଥଙ୍କ ସଂଖ୍ୟା ୧ ଲକ୍ଷରୁ ୧୦ ଲକ୍ଷକୁ ଆଣିବା ପାଇଁ ୫୭ ଦିନ ସମୟ ଲାଗିଥିଲା, ମାତ୍ର ଏବେ ମାତ୍ର ୧୩ ଦିନରେ ୧୦ ଲକ୍ଷ ସଂକ୍ରମିତ ସୁସ୍ଥ ହୋଇପାରିଛନ୍ତି । ଏହା ଏକ ବଡଧରଣର ସଫଳତା ।
୫. ଭାରତରେ କରୋନା ସୁସ୍ଥଙ୍କ ସଂଖ୍ୟା ୭୨ ଲକ୍ଷରୁ ଅଧିକ ହେଲାଣି, ଯାହା ବିଶ୍ୱରେ ସର୍ବାଧିକ ।
୬. ସାରା ଦେଶରେ ୧୦ କୋଟିରୁ ଅଧିକ କରୋନା ଟେଷ୍ଟ ହୋଇସାରିଛି ।
୭. ପ୍ରତି ୧୦ ଲକ୍ଷରେ ୮୬ ମୃତ୍ୟୁ ଓ ୫୭୦୦ ସଂକ୍ରମିତ ଚିହ୍ନଟ ହୋଇଛନ୍ତି ।
୮. ପ୍ରତି ୧୦ ଲକ୍ଷ ଜନସଂଖ୍ୟାରେ ୭୫ ହଜାର ୬୦୦ରୁ ଊର୍ଦ୍ଧ୍ୱ ଟେଷ୍ଟ କରାଯାଉଛି ।
୯. ଶେଷ ୫ ସପ୍ତାହରେ ସପ୍ତାହକରେ ୧୧ ଲକ୍ଷ ଟେଷ୍ଟ କରାଯାଉଛି ।
୧୦. ଦେଶରେ ୩ଟି ଭ୍ୟାକ୍ସିନର ପରୀକ୍ଷଣ ଚାଲିଛି, କୋଭାକ୍ସିନ ପରୀକ୍ଷଣ ୩ୟ ପର୍ଯ୍ୟାୟରେ ରହିଛି ।
୧୧. ପ୍ରଦୂଷଣ ପ୍ରବଣ ଅଞ୍ଚଳରେ ସଂକ୍ରମଣର ମାତ୍ରା ଅଧିକ
୧୨. ନୀତି ଆୟୋଗ, ରାଜ୍ୟଗୁଡିକୁ ଭ୍ୟାକ୍ସିନ ଆବଣ୍ଟନ ପ୍ରକ୍ରିୟା ପାଇଁ ପ୍ରସ୍ତୁତ ରହିବା ନେଇ ପରାମର୍ଶ ଦେଇଛନ୍ତି ।
