EDରେ ହାଜର ହେବେନି ରିୟା ଚକ୍ରବର୍ତ୍ତୀ, ସୁପ୍ରିମକୋର୍ଟରେ ଶୁଣାଣି ନସରିବା ପର୍ଯ୍ୟନ୍ତ ସମୟ ମାଗିଲେ ରିୟା
ମୁମ୍ବାଇ: ବଲିଉଡ୍ ଅଭିନେତା ସୁଶାନ୍ତ ସିଂହ ରାଜପୁତ ମୃତ୍ୟୁ ମାମଲା । ପ୍ରବର୍ତ୍ତନ ନିର୍ଦ୍ଦେଶାଳୟରେ ହାଜର ହେବେନି ଗାର୍ଲଫ୍ରେଣ୍ଡ ରିୟା ଚକ୍ରବର୍ତ୍ତୀ । ଇଡିରେ ହାଜର ହେବାକୁ ସମୟ ମାଗିଛନ୍ତି ରିୟା । ସୁପ୍ରିମକୋର୍ଟରେ ଶୁଣାଣି ନସରିବା ପର୍ଯ୍ୟନ୍ତ ରିୟା ସମୟ ମାଗିଛନ୍ତି । ମାମଲାରେ ଆଜି ହାଜର ହେବା ପାଇଁ ରିୟାଙ୍କୁ ସମନ କରିଥିଲା ପ୍ରବର୍ତ୍ତନ ନିର୍ଦ୍ଦେଶାଳୟ । ଆର୍ଥିକ କାରବାର ନେଇ ଇଡି ସ୍କାନରରେ ରହିଛନ୍ତି ରିୟା । ରିୟାଙ୍କ ଆୟର ସ୍ରୋତ, ବ୍ୟବସାୟିକ କାରବାର, ଖର୍ଚ୍ଚର ବିବରଣୀ ନେଇ ଖୋଳତାଡ଼ କରିପାରେ ଇଡି ।
ସେପଟେ ସୁଶାନ୍ତ ସିଂ ମାମଲାରେ ଆର୍ଥିକ କାରବାର ଲିଙ୍କ ନେଇ ତଦନ୍ତ କରୁଥିବା ଇଡି ହାତରେ ଗୁରୁତ୍ବପୂର୍ଣ୍ଣ ତଥ୍ୟ ଲାଗିଛି । ସୁଶାନ୍ତଙ୍କ ୪ଟି ଆକାଉଣ୍ଟରୁ ୨ଟିରୁ ରିୟାଙ୍କୁ ଟଙ୍କା ଟ୍ରାନ୍ସଫର କରାଯାଇଛି । ନିକଟରେ ମୁମ୍ବାଇର ପ୍ରାଇମ ଲୋକେସନରେ ରିୟା ଓ ତାଙ୍କ ପରିବାର ୨ଟି ଦାମୀ ବଙ୍ଗଳା କିଣିଛନ୍ତି । ଏହାର କାଗଜପତ୍ର ଦେଖାଇବାକୁ ଇଡି ପକ୍ଷରୁ ରିୟାଙ୍କୁ କୁହାଯାଇଛି । ସେହିପରି ତଦନ୍ତ ବେଳେ ମୁମ୍ବାଇ ଉପକଣ୍ଠ ପାବନିରେ ସୁଶାନ୍ତଙ୍କର ଏକ ଫାର୍ମ ହାଉସ୍ ଓ ଗୋରେଗାଓଁରେ ଏକ ଆପାର୍ଟମେଣ୍ଟ ଥିବା ଜଣାପଡିଛି ।
ସୁଶାନ୍ତ ୨ଟି କାର କିଣିଥିବା ବେଳେ ଆଉ ଏକ କାର ପାଇଁ ଲୋନ୍ ଦେଉଥିବା ଜଣାପଡିଛି । ସେପଟେ ସୁଶାନ୍ତ କେସରେ ତଦନ୍ତ ଆରମ୍ଭ କରିଛି ସିବିଆଇ । ଗାର୍ଲଫ୍ରେଣ୍ଡ ରିୟାଙ୍କ ସମେତ ୬ ଜଣଙ୍କ ନାଁରେ ମାମଲା ରୁଜୁ କରିଛି । ରିୟାଙ୍କ ସହ ସୌଭିକ ଚକ୍ରବର୍ତ୍ତୀ, ଇନ୍ଦ୍ରଜିତ ଚକ୍ରବର୍ତ୍ତୀ, ସଂଧ୍ୟା ଚକ୍ରବର୍ତ୍ତୀ, ସାମୁଏଲ ମିରାଣ୍ଡା ଓ ଶ୍ରୁତି ମୋଦିଙ୍କ ନାଁ ରହିଛି । ଏକ ସ୍ବତନ୍ତ୍ର ଟିମ ଗଠନ କରି ତଦନ୍ତ ଆରମ୍ଭ କରିଛି ସିବିଆଇ । ସେପଟେ ସୁଶାନ୍ତଙ୍କ ପୂର୍ବତନ ମ୍ୟାନେଜର ଦିଶା ସାଲିୟାନଙ୍କ ମୃତ୍ୟୁର କନେକ୍ସନକୁ ନେଇ ମଧ୍ୟ ଚର୍ଚ୍ଚା ହେଉଛି । ପାର୍ଟି, ଫୋନ୍ କଲ, ଆର୍ଥିକ କାରବାର ଭଳି ବିଭିନ୍ନ ଦିଗକୁ ନେଇ ତଦନ୍ତ କରିପାରେ ସିବିଆଇ । ସେପଟେ ମାମଲାର ଯାଞ୍ଚ ପାଇଁ ମୁମ୍ବାଇରେ ପହଞ୍ଚିଥିବା ବିହାରର ଆଇପିଏସ ଅଧିକାରୀ ବିନୟ ତିୱାରୀଙ୍କୁ କ୍ୱାରେଣ୍ଟାଇନରୁ ଛଡ଼ାଯାଇଛି ।
ଶୁସାନ୍ତ ମୃତ୍ୟୁ ମାମଲାରେ CBI ଯାଞ୍ଚ ଉପରେ ପ୍ରଶ୍ନ ଉଠାଇଲେ ରିୟା, କହିଲେ ଏହା ଫେଡେରାଲିଜମ୍ ବିରୋଧୀ
ନୂଆଦିଲ୍ଲୀ: ଅଭିନେତା ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ମାମଲାରେ ପୁନଃ ଏଫ୍ଆଇଆର୍ ଦାଖଲ କରିବା ପରେ ସିବିଆଇ ବିହାର ପୋଲିସର ତଦନ୍ତ ଦାୟିତ୍ୱ ନେଇଛି । ରିୟା ଚକ୍ରବର୍ତ୍ତୀ ଏବଂ ତାଙ୍କ ପରିବାରର ଅଭିଯୁକ୍ତ ପ୍ରେମିକାଙ୍କ ବିରୋଧରେ ଅପରାଧିକ ଷଡଯନ୍ତ୍ର ତଥା ଆତ୍ମହତ୍ୟା ଅଭିଯୋଗରେ ପାଟନା ପୋଲିସ ନିକଟରେ ଏକ ଏଫଆଇଆର ଦାଖଲ କରିଛି। ସିବିଆଇ ପକ୍ଷରୁ ଏଫ୍ଆଇଆର୍ ପଞ୍ଜିକରଣ କରିବା ପରେ ରିୟା ଚକ୍ରବର୍ତ୍ତୀ କହିଛନ୍ତି ଯେ ସୁପ୍ରିମକୋର୍ଟ ତାଙ୍କ ରାୟ ନ ଦେବା ପର୍ଯ୍ୟନ୍ତ ସିବିଆଇ ଏହି ମାମଲା ଠାରୁ ଦୂରରେ ରହିବା ଉଚିତ୍ । ଗୁରୁବାର ସନ୍ଧ୍ୟାରେ ଏକ ବିବୃତ୍ତିରେ ସେ କହିଛନ୍ତି ଯେ ଏହି ସମୟରେ ସିବିଆଇର ଅନୁସନ୍ଧାନ କୌଣସି ଜ୍ଞାତ ଆଇନଗତ ନୀତି ନୁହେଁ ଏବଂ ଦେଶର ଫେଡେରାଲ୍ ଢ଼ାଞ୍ଚା ଉପରେ ପ୍ରଭାବ ପକାଇବ ଏବଂ ଏହା ସମ୍ପୂର୍ଣ୍ଣ ବେଆଇନ୍ ହେବ। ”
ଜଣାଇ ରଖୁଛୁ ଯେ, ଅଭିନେତ୍ରୀ ରିୟା ଚକ୍ରବର୍ତ୍ତୀଙ୍କ ଓକିଲ ସୁପ୍ରିମକୋର୍ଟରେ ଆବେଦଲ କରିଛନ୍ତି । ଯେଉଁଥିରେ ସେ ପାଟନାରେ ଦାଖଲ କରାଯାଇଥିବା ମାମଲାର ଯାଞ୍ଚ ମୁମ୍ବାଇରେ ହେଉ ବୋଲି ଦାବି କରିଛନ୍ତି । ଏହା ପୂର୍ବରୁ ସିବିଆଇ ବିହାର ପୋଲିସଠାରୁ ଏପର୍ଯ୍ୟନ୍ତ କରାଯାଇଥିବା ଅନୁସନ୍ଧାନ ସହ ଜଡିତ ଡକ୍ୟୁମେଣ୍ଟ ମାଗିଥିଲା। ସିବିଆଇର ଏସଆଇଟି ଟିମ୍ ସୁଶାନ୍ତ ରାଜପୁତ ମାମଲାର ତଦନ୍ତ କରୁଛି। ଏଥିରେ ଡିଜି ମନୋଜ ଶଶିଧର ଏବଂ ଏସପି ନୁପୁର ପ୍ରସାଦ ଅନ୍ତର୍ଭୁକ୍ତ। ଜୁଲାଇ ୨୫ରେ, ବିହାର ପୋଲିସ ଭାରତୀୟ ଦଣ୍ଡ ସଂହିତା (ଆଇପିସି) ର ଧାରା ୩୪୧, ୩୪୮, ୩୮୦, ୪୦୬, ୩୦୬, ୫୦୬, ୪୨୦, ୧୨୦ବି ଅଧୀନରେ ଏକ ମାମଲା ରୁଜୁ କରିଥିଲା। ସମାନ ବିଭାଗ ସିବିଆଇ ଏଫଆଇଆରରେ ଲାଗୁ କରାଯାଇଛି।
ଅନୁସନ୍ଧାନକାରୀ ଏଜେନ୍ସି ସିବିଆଇର ଏଫ୍ଆଇଆରରେ ଅଭିଯୁକ୍ତଙ୍କ ମଧ୍ୟରେ ରିୟା ଚକ୍ରବତୀ, ଇନ୍ଦରଜିତ୍ ଚକ୍ରବର୍ତ୍ତୀ, ସନ୍ଧ୍ୟା ଚକ୍ରବର୍ତ୍ତୀ, ଶୋଭିକ୍ ଚକ୍ରବର୍ତ୍ତୀ, ସାମୁଏଲ୍ ମିରାଣ୍ଡା, ଶ୍ରୁତି ମୋଦୀ ଏବଂ ଅନ୍ୟମାନଙ୍କ ବିରୋଧରେ ଏଫ୍ଆଇଆର୍ ପଞ୍ଜିକୃତ ହୋଇଛି। ନିକଟରେ ବିହାର ମୁଖ୍ୟମନ୍ତ୍ରୀ ନୀତୀଶ କୁମାର ସୁଶାନ୍ତ ସିଂ ମାମଲାର ସିବିଆଇ ତଦନ୍ତ ପାଇଁ ସୁପାରିଶ କରିଛନ୍ତି। ତେବେ ମହାରାଷ୍ଟ୍ର ସରକାର ଏପର୍ଯ୍ୟନ୍ତ ସିବିଆଇ ତଦନ୍ତକୁ ଅନୁମୋଦନ କରିନାହାଁନ୍ତି। ରାଜ୍ୟ ସରକାରଙ୍କ ଅନୁମୋଦନ ବିନା ଏଜେନ୍ସି କୌଣସି ରାଜ୍ୟରେ ଲୋକଙ୍କୁ ପଚରାଉଚରା କରିପାରିବ ନାହିଁ ।
RBI ବ୍ୟାଙ୍କ ମାନଙ୍କୁ ଦେଲେ ରିଷ୍ଟ୍ରକଚରିଂର ମଞ୍ଜୁରୀ, ଜାଣନ୍ତୁ ଗ୍ରାହକଙ୍କ ଉପରେ କଣ ପଡ଼ିବ ପ୍ରଭାବ
ନୂଆଦିଲ୍ଲୀ: ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ (ଆରବିଆଇ) ଗୁରୁବାର ମୁଦ୍ରା ନୀତିରେ ପଲିସି ସୁଧ ରେପୋରେ କୌଣସି ପରିବର୍ତ୍ତନ କରିନାହିଁ। ରେପୋ ହାର ୪ ପ୍ରତିଶତରେ ରହିବ, ରିଭର୍ସ ରେପୋ ହାର ୩.୩୫ ପ୍ରତିଶତରେ ଏବଂ MCF ହାର ୪.୨୫ ପ୍ରତିଶତରେ ରହିବ | ଯଦିଓ ଆରବିଆଇ ଋଣ ମାରାଟୋରିୟମର ଅବଧି ବଢ଼ାଇ ନଥିଲା, କିନ୍ତୁ ଆରବିଆଇ କରୋନା ଭାଇରସ ଦ୍ୱାରା ପ୍ରଭାବିତ ଅର୍ଥବ୍ୟବସ୍ଥାକୁ ପୁନର୍ଜୀବିତ କରିବା ପାଇଁ ଉଦ୍ୟମ ଜାରି ରଖିଥିଲା ଏବଂ କମ୍ପାନୀ ଏବଂ ବ୍ୟକ୍ତିଗତ ଋଣର ପୁନଃନିର୍ମାଣର ସୁବିଧାକୁ ଅନୁମତି ଦେଇଥିଲା। ଥରେ ପୁନଃ ନିର୍ମାଣ ହୋଇଗଲେ, ଏହିପରି ଋଣର ଷ୍ଟାଣ୍ଡର୍ଡ ବିବେଚନା କରାଯିବ ।
ଏହାର ଅର୍ଥ, ଯଦି ଉଧାରୀ ନୂତନ ଦେୟ ଢ଼ାଞ୍ଚା ଅନୁସରଣ କରନ୍ତି ତେବେ ଉଧାରୀଙ୍କୁ ଡିଫଲ୍ଟର ଭାବରେ କ୍ରେଡିଟ୍ ବ୍ୟୁରୋକୁ ରିପୋର୍ଟ କରାଯିବ ନାହିଁ ।
ତେବେ ଆସନ୍ତୁ ଜାଣିବା ଲୋନ ରିଷ୍ଟ୍ରକଚରିଂ ହେଲେ ଗ୍ରାହକଙ୍କ ଉପରେ କଣ ପ୍ରଭାବ ପଡ଼ିବ
ଆରବିଆଇ ଅନୁଯାୟୀ, ବ୍ୟକ୍ତିଗତ ଋଣ, ଶିକ୍ଷା ଋଣ, ଅସ୍ଥାବର ସମ୍ପତ୍ତି ନିର୍ମାଣ କିମ୍ବା ଏନକାସମେଣ୍ଟ ପାଇଁ ଦିଆଯାଇଥିବା ଋଣ (ଯଥା ଗୃହ ଋଣ) ଏବଂ ଆର୍ଥିକ ସମ୍ପତ୍ତିରେ ବିନିଯୋଗ ପାଇଁ ଅଂଶଧନ ଦିଆଯାଇଥିବା ଋଣଗୁଡିକ ଅନ୍ତର୍ଭୁକ୍ତ କରାଯାଇଛି | ଏହି ପ୍ରକାର ଋଣ ପୁନର୍ଗଠନ ପାଇଁ ବ୍ୟାଙ୍କଗୁଡିକ କ୍ଷତି-ଲାଭ ଆକାଉଣ୍ଟରେ ଉଚ୍ଚ ବ୍ୟବସ୍ଥା କରିବା ଆବଶ୍ୟକ କରିବେ ନାହିଁ ।
ଏମାନଙ୍କୁ ମିଳିବ ଫାଇଦା
ଆରବିଆଇ ରିଜୋଲ୍ୟୁସନ୍ ଢାଞ୍ଚା ଅନୁଯାୟୀ, ଚାପଗ୍ରସ୍ତ ବ୍ୟକ୍ତିଗତ ଋଣର ରିଜୋଲ୍ୟୁସନ୍ କେବଳ ସେହି ଋଣ ନେଇଥିବା ବ୍ୟକ୍ତିଙ୍କ ପାଇଁ ଉପଲବ୍ଧ ହେବ, ଯେଉଁମାନେ ୧ ମାର୍ଚ୍ଚ ୨୦୨୦ ରେ ୩୦ ଦିନରୁ ଅଧିକ ଡିଫଲ୍ଟ କରିନାହାଁନ୍ତି । ବ୍ୟାଙ୍କଗୁଡିକ ଏହିପରି ଋଣକୁ ଦୁଇ ବର୍ଷର ଋଣ ବିସ୍ତାର କରିପାରିବେ | ଏହି ସମ୍ପ୍ରସାରଣ ଋଣ କିସ୍ତି ଦେୟ ଉପରେ କୌଣସି ପ୍ରତିବନ୍ଧକ ସହିତ କିମ୍ବା ବିନା ଅନୁମତି ଦିଆଯାଇପାରେ ।
ଗ୍ରାହକମାନେ ୩୧ ଡିସେମ୍ବର ପୂର୍ବରୁ ପୁନଃ ନିର୍ମାଣ ପାଇଁ ଆବେଦନ କରିପାରିବେ । ୯୦ ଦିନ ମଧ୍ୟରେ ବ୍ୟାଙ୍କଗୁଡିକ ଏହି ଆବେଦନଗୁଡ଼ିକ ଉପରେ ନିଷ୍ପତ୍ତି ନେବାକୁ ପଡିବ । ବ୍ୟାଙ୍କ ଏବଂ ଆର୍ଥିକ ପ୍ରତିଷ୍ଠାନଗୁଡିକ ଋଣ ପରିଶୋଧ ଅବଧି ସର୍ବାଧିକ ୨ ବର୍ଷ ବୃଦ୍ଧି କରିବାକୁ ସକ୍ଷମ ହେବେ। ସେମାନେ ବ୍ୟକ୍ତିଙ୍କ ଆୟ ଆଧାରରେ ନିଷ୍ପତ୍ତି ନେବାକୁ ସକ୍ଷମ ହେବେ ।
ଋଣ ମୋର୍ଚ୍ଚା ଏବଂ ଋଣ ପୁନର୍ଗଠନ ମଧ୍ୟରେ ପାର୍ଥକ୍ୟ
ଋଣ ମୋର୍ଚ୍ଚା ଅଧୀନରେ କିସ୍ତି ପ୍ରଦାନ ନକରିବା ପାଇଁ ଆରବିଆଇର ଏକ ରିହାତି ଥିଲା। ଏହି ସମୟ ମଧ୍ୟରେ, ଯଦି ସୁଧ ସୃଷ୍ଟି ହୁଏ, ବ୍ୟାଙ୍କ ସେଗୁଡ଼ିକୁ ଆପଣଙ୍କ ମୂଳ ଅର୍ଥରେ ଯୋଡ଼ି ଦିଅନ୍ତି । ଯେତେବେଳେ EMI ଆରମ୍ଭ ହୁଏ, ଆପଣଙ୍କୁ ପୁରା ବକେୟା ରାଶି ଉପରେ ସୁଧ ଦେବାକୁ ପଡିବ | ମୋନାଟୋରିୟମ ଅବଧିର ସୁଧ ଉପରେ ମଧ୍ୟ ସୁଧ ଲାଗିବ ।
ଋଣର ପୁନଃ ନିର୍ମାଣରେ, ବ୍ୟାଙ୍କଗୁଡିକ ନିଷ୍ପତ୍ତି ନେବେ ଯେ EMIକୁ ହ୍ରାସ କରିବେ ନା ଲୋକନର ପିରିୟଡ ବଢ଼ାଇବେ, କେବଳ ସୁଧ ସଂଗ୍ରହ କରିବେ ନା ସୁଧ ଦର ଆଡଜଷ୍ଟ କରିବେ ।
ଦେଶର ନୂଆ ସିଏଜି ହେଲେ ଗିରୀଶ… ରାଷ୍ଟ୍ରପତି ରାମନାଥ କୋବିନ୍ଦ ଦେଲେ ନିଯୁକ୍ତି
ନୂଆଦିଲ୍ଲୀ: ଜମ୍ମୁ-କଶ୍ମୀରର ଲେଫ୍ଟନାଣ୍ଟ ଗଭର୍ଣ୍ଣର (ଏଲଜି) ପଦରୁ ଇସ୍ତଫା ଦେବା ପରେ ଗିରିଶ ଚନ୍ଦ୍ର ମୁର୍ମୁ ଭାରତର ନୂତନ CAG (କମ୍ପ୍ଟ୍ରୋଲର ଏବଂ ଅଡିଟର ଜେନେରାଲ) ଭାବରେ ନିଯୁକ୍ତ ହୋଇଛନ୍ତି । ସେ ରାଜୀବ ମହାରାଣୀଙ୍କ ସ୍ଥାନ ନେବେ। ମୁର୍ମୁଙ୍କ ସ୍ଥାନରେ ପୂର୍ବତନ କେନ୍ଦ୍ର ମନ୍ତ୍ରୀ ମନୋଜ ସିହ୍ନା ଜାମ୍ମୁ କାଶ୍ମୀରର ନୂତନ ଲେଫ୍ଟନାଣ୍ଟ ଗଭର୍ଣ୍ଣର ଭାବରେ ନିଯୁକ୍ତ ହୋଇଛନ୍ତି । ରାଷ୍ଟ୍ରପତିଙ୍କ କାର୍ଯ୍ୟାଳୟରୁ ସୂଚନା ଦିଆଯାଇଥିଲା ଯେ ମୁର୍ମୁଙ୍କ ଇସ୍ତଫା ଗ୍ରହଣ କରାଯାଇଛି । ପୂର୍ବରୁ କଳ୍ପନାଜଳ୍ପନା କରାଯାଇଥିଲା ଯେ ମୁର୍ମୁ କମ୍ପ୍ଟ୍ରୋଲର ଏବଂ ଅଡିଟର ଜେନେରାଲ ଭାବରେ ନିଯୁକ୍ତ ହୋଇପାରନ୍ତି।
ଓଡ଼ିଆ ପୁଅ ଗିରିଶ ଚନ୍ଦ୍ର ମୁର୍ମୁଙ୍କୁ ଗୁରୁ ଦାୟିତ୍ୱ ଦିଆଯାଇଛି । ଭାରତର ନୂଆ (ମହାଲେଖା ନିୟନ୍ତ୍ରକ ଓ ମହା ସମୀକ୍ଷକ) ଭାବେ ମିଳିଛି ନିଯୁକ୍ତି । ସେ ୧୯୮୫ ବ୍ୟାଚ୍ର ଗୁଜୁରାଟ୍ କ୍ୟାଡର ଆଇଏଏସ୍ ଅଫିସର । ନରେନ୍ଦ୍ର ମୋଦି ଗୁଜୁରାଟ୍ ମୁଖ୍ୟମନ୍ତ୍ରୀ ଥିବା ସମୟରେ ସେ ପ୍ରନ୍ସିପାଲ ସେକ୍ରେଟାରୀ ଭାବେ କାର୍ଯ୍ୟ ତୁଲାଇଥିଲେ । ଏଥିସହିତ ଶ୍ରୀ ମୁର୍ମୁ ଜମ୍ମୁ କଶ୍ମୀର ପ୍ରଥମ ଲେପ୍ଟନାଣ୍ଟ ଜେନେରାଲଭାବେ ମଧ୍ୟ ନିଯୁକ୍ତ ହୋଇଥିଲେ । ତେବେ ସେ ବୁଧବାର ରାତିରେ ସମ୍ପୂର୍ଣ୍ଣ ଅପ୍ରତ୍ୟାଶିତଭାବେ ନିଜ ପଦରୁ ଇସ୍ତଫା ଦେଇଥିବା ବେଳେ ଆଜି ତାଙ୍କୁ ନୂଆ ନିଯୁକ୍ତି ଦିଆଯାଇଛି ।
ସିଏଜି ହେଉଛନ୍ତି ଭାରତ ସରକାରଙ୍କ ଚିଫ୍ ଅଡିଟର । ରାଫେଲ୍ ପୂର୍ବରୁ କୋଇଲା ଖଣି ଆବଣ୍ଟନ, ଟେଲିକମ୍ ସ୍ପେକ୍ଟ୍ରମ୍ ଆବଣ୍ଟନ, ଅଲ୍ଟ୍ରା ମେଗା ପାଓ୍ୱାର ପ୍ରୋଜେକ୍ଟସ୍ ଏବଂ ଦିଲ୍ଲୀ ଇଣ୍ଟରନ୍ୟାସନାଲ ଉପରେ ନିଜ ରିପୋର୍ଟକୁ ନେଇ ଚର୍ଚ୍ଚାରେ ରହିଛନ୍ତି ।
ଶ୍ରୀ ମୁର୍ମୁ ପାଖାପାଖି ୧ ବର୍ଷ ହେବ ଜମ୍ମୁ କଶ୍ମୀର ଲେଫ୍ଟନାଣ୍ଟ ଜେନେରାଲ ଭାବେ ଦାୟିତ୍ୱ ତୁଲାଉଥିଲେ । ତାଙ୍କ ଇସ୍ତଫା ପରେ ମନୋଜ ସିହ୍ନାଙ୍କୁ ନୂଆ ଲେଫ୍ଟନାଣ୍ଟ ଜେନେରାଲଭାବେ ନିଯୁକ୍ତି ଦିଆଯାଇଛି । ରାଷ୍ଟ୍ରପତି ରାମନାଥ କୋବିନ୍ଦ ତାଙ୍କ ନିଯୁକ୍ତିକୁ ମଞ୍ଜୁରୀ ଦେଇଛନ୍ତି । ପୂର୍ବତନ କେନ୍ଦ୍ରମନ୍ତ୍ରୀ ତଥା ଭାରତୀୟ ଜନତା ପାର୍ଟିର ନେତା ହେଉଛନ୍ତି ମନୋଜ ସିହ୍ନା । ଜାମ୍ମୁ କାଶ୍ମୀରର ଦ୍ୱିତୀୟ ଉପ-ରାଜ୍ୟପାଳ ଭାବେ ସେ ଦାୟିତ୍ୱ ନେବାକୁ ଯାଉଛନ୍ତି । ଗୁରୁବାର ସକାଳେ ମନୋଜ ସିହ୍ନାଙ୍କ ନିଯୁକ୍ତିକୁ ରାଷ୍ଟ୍ରପତି ଭବନ ତରଫରୁ ଘୋଷଣା କରାଯାଇଛି ।
ଆଖଣ୍ଡଳମଣିଙ୍କ ମନ୍ଦିର ପରିସର ଓ ମୁଖ୍ୟରାସ୍ତାର ସମ୍ପ୍ରସାରଣ ପାଇଁ ହେବ ଜବରଦଖଲ ଉଚ୍ଛେଦ
ଭଦ୍ରକ: ଭଦ୍ରକ ଜିଲ୍ଲାର ପ୍ରସିଦ୍ଧ ଶୈବପୀଠ ଆରଡିରୁ ହଟିବ ଜବରଦଖଲ । ଆଖଣ୍ଡଳମଣିଙ୍କ ମନ୍ଦିର ପରିସର ଓ ମୁଖ୍ୟରାସ୍ତାର ସମ୍ପ୍ରସାରଣ ପାଇଁ ଜବରଦଖଲ ଉଚ୍ଛେଦ କରାଯିବ । ମୁଖ୍ୟରାସ୍ତା ସମେତ ମନ୍ଦିର ଚତୁଃପାର୍ଶ୍ୱ ରାସ୍ତା, ଶିବଗଙ୍ଗା ପୁଷ୍କରିଣୀର ଚତୁଃପାର୍ଶ୍ୱରୁ ଜବର ଦଖଲ ଉଚ୍ଛେଦ ପାଇଁ ହାଇକୋର୍ଟଙ୍କ ନିର୍ଦ୍ଦେଶ ଦେଇଛନ୍ତି ।
ଏନେଇ ରୁଜୁ ଜନସ୍ୱାର୍ଥ ମାମଲାର ଶୁଣାଣି କରି ଜିଲ୍ଲାପାଳଙ୍କୁ ନିର୍ଦ୍ଦେଶ ଦେଇଛନ୍ତି ହାଇକୋର୍ଟ । ବାବା ଆଖଣ୍ଡଳମଣିଙ୍କ ପୀଠ ଓଡିଶାର ଏକ ପୁରାତନ ଶୈବପୀଠ ହୋଇଥିବା ବେଳେ ବର୍ଷସାରା ରାଜ୍ୟ ତଥା ରାଜ୍ୟ ବାହାରର ଶ୍ରଦ୍ଧାଳୁଙ୍କ ଭିଡ ଲାଗିଥାଏ। ମାତ୍ର ପୀଠ ପରିସର ଓ ମୁଖ୍ୟରାସ୍ତାର ସଂକୀର୍ଣ୍ଣତା ଯୋଗୁ ଶ୍ରଦ୍ଧାଳୁ ନାନା ଅସୁବିଧାରେ ସାମନା କରୁଥିବା ଅଭିଯୋଗ ହୋଇଆସୁଥିଲା ।
ଏହି ନିଷ୍ପତ୍ତିକୁ ସାଧାରଣରେ ଗ୍ରହଣ କରାଯାଇଛି । ଦୀର୍ଘ ଦିନ ହେବ ମନ୍ଦିର ପରିସର ଉଚ୍ଛେଦ ପାଇଁ କିଛି ସମାଜସେବୀ ସହ ସ୍ଥାନୀୟ ଲୋକେ ମଧ୍ୟ ଦାବି କରିଆସୁଥିଲେ । ହାଇକୋର୍ଟ ନିର୍ଦ୍ଦେଶ ପରେ ମନ୍ଦିର ପରିସର ଜବରଦଖଲ ହେଲେ ଏଠାକୁ ଆସୁଥିବା ଶ୍ରଦ୍ଧାଳୁ ମାନେ ଆଉ ଅସୁବିଧାର ସମ୍ମୁଖୀନ ହେବେ ନାହିଁ ବୋଲି ସାଧାରଣରେ ମତ ପ୍ରକାଶ କରିଛନ୍ତି ।