ନୂଆଦିଲ୍ଲୀ: କରୋନା ସଂକଟ ମଧ୍ୟରେ ଅନ୍ୟ ରାଜ୍ୟରେ ଫସିରହିଥିବା ଲୋକଙ୍କୁ ନିଜ ରାଜ୍ୟକୁ ପହଞ୍ଚାଇବାରେ ଭାରତୀୟ ରେଳଓ୍ୱାଇ ପ୍ରମୁଖ ଭୂମିକା ଗ୍ରହଣ କରିଛି । ଏହା ବ୍ୟତୀତ ଲକଡାଉନ୍ ସପ୍ଳାଇ ଚେନ୍ ବଜାୟୀ ରଖିବା ପାଇଁ ଭାରତୀୟ ରେଳଓ୍ୱାଇ ମଧ୍ୟ ବହୁ ଯୋଗଦାନ ରହିଛି । ଏହାରି ମଧ୍ୟରେ ଭାରତୀୟ ରେଳଓ୍ୱାଇ ଏକ ଏଭଳି ଆପ୍ ପ୍ରସ୍ତୁତ କରିଛି । ଯାହା ସାହାଯ୍ୟରେ ଟ୍ରେନ୍ ବିଳମ୍ୱରେ ଆସିବା କେବଳ ଏକ ଇତିହାସ ହୋଇରହିଯିବ । ସିଧାସଳଖ ଯଦି କୁହାଯାଏ ଏଭଳି ଏକ ସ୍ୱତନ୍ତ୍ର ଆପର ସହାୟତାରେ ଟ୍ରେନ୍ ନିର୍ଦ୍ଦାରିତ ସମୟ ମଧ୍ୟରେ ନିଜ ଗନ୍ତବ୍ୟ ସ୍ଥଳରେ ପହଞ୍ଚିବ । ଏବେ ପ୍ରଶ୍ନ ଉଠୁଛି ଯେ, ଏହି ଆପରେ ଏଭଳି କ’ଣ ବିଶେଷତ୍ୱ ରହିଛି ଯେ, ଟ୍ରେନ୍ ବିଳମ୍ୱରେ ଆସିବ ନାହିଁ ।
ସ୍ୱତନ୍ତ୍ର ଆପ୍ ଜରିଆରେ ଚାଲୁଥିବା ଟ୍ରେନ୍ର ହେବ ମନିଟରିଂ
ଭାରତୀୟ ରେଳଓ୍ୱାଇ ଏହି ସ୍ୱତନ୍ତ୍ର ଆପ୍ ଜରିଆରେ ଲାଇଭ୍ ମନିଟରିଂ କରିବ । ଏବେ ଯାତ୍ରା ସମୟରେ ଓଭର ହେଡ୍ ତାର ଅବା କୌଣସି ଯାନ୍ତ୍ରିକ ତ୍ରୁଟି ଯୋଗୁଁ ଘଣ୍ଟାଏ ଯାଏଁ ଅପେକ୍ଷା କରିବାକୁ ପଡ଼ିବନି । ଓଏଚ୍ଇ ଆପ୍ ସହାୟତାରେ ସମସ୍ୟା ସମ୍ପର୍କରେ ଶୀଘ୍ର ଜାଣିହେବ । ଏହା ଦ୍ୱାରା ସେହି ସମସ୍ୟାକୁ ଯଥାଶୀଘ୍ର ଠିକ୍ କରାଯାଇପାରିବ । ଭାରତୀୟ ରେଳଓ୍ୱାଇ ପକ୍ଷରୁ ନିର୍ମିତ ଏହି ଆପ୍ ଜିପିଏସ୍ ଜରିଆରେ ଟ୍ରେନ୍ର ରିୟଲ୍ ଟାଇମ୍ ମନିଟିଂ କରିପାରିବ । ଏହି ଆପ୍ କୌଣସି ଓଏଚ୍ଇରେ କୌଣସି ପ୍ରକାର ସମସ୍ୟା ହେଲେ ତାହାର ଫଟୋ ଉଠାଇ ନିକଟତମ ବିଭାଗକୁ ପଠାଇବ । ଏହା ଦ୍ୱାରା ସେହି ସମସ୍ୟାର ଖୁବଶୀଘ୍ର ସମାଧାନ କରାଯାଇପାରିବ ।
ଓଏସୀଙ୍କ ନିଶାନାରେ ପ୍ରଧାନମନ୍ତ୍ରୀ, କହିଲେ ହିନ୍ଦୁତ୍ୱର ବିଜୟ ହୋଇଛି..!
