ନୂଆଦିଲ୍ଲୀ: ଚଳିତ ଖରିଫ୍ ଓ ରବି ଚାଷ ଋତୁ ପାଇଁ ପ୍ରଧାନମନ୍ତ୍ରୀ ଫସଲ ବୀମା ଯୋଜନା କାର୍ଯ୍ୟକାରୀ ହେବ । ଏ ନେଇ ଗତ ଜୁଲାଇ ୨୧ ତାରିଖରେ ହୋଇଥିବା ରାଜ୍ୟସ୍ତରୀୟ ସମନ୍ୱୟ କମିଟି ବୈଠକରେ ନିଷ୍ପତ୍ତି ନିଆଯାଇଛି । କେନ୍ଦ୍ର କୃଷି ମନ୍ତ୍ରାଳୟକୁ ମଧ୍ୟ ଏ ସଂକ୍ରାନ୍ତରେ କାର୍ଯ୍ୟକାରିତା ପାଇଁ ପତ୍ର ମାଧ୍ୟମରେ ଅବଗତ କରାଯାଇଛି । ଏହା ଉଭୟ ଋଣଗ୍ରସ୍ତ ଓ ଋଣ ନେଇ ନଥିବା ଚାଷୀଙ୍କ ପାଇଁ ଲାଗୁ କରାଯିବ ।
ଭାଗଚାଷୀ, ଭୂମିହୀନ ଚାଷୀଙ୍କୁ ମିଳିବ ଫସଲ ବୀମା । ତେବେ ସେମାନେ ଉତ୍ପାଦନ କରୁଥିବା ଫସଲ ବୀମା ତାଲିକାଭୁକ୍ତ ହୋଇଥିଲେ ଯାଇ ମିଳିବ ସୁବିଧା । ପୂର୍ବରୁ ଋଣ ନେଇନଥିବା ଚାଷୀଙ୍କୁ ଜମିର ମାଲିକାନା ଦସ୍ତାବିଜ ସହ ଅନ୍ୟାନ୍ୟ ଆଇନଗତ କାଗଜପତ୍ର ଦାଖଲ କରିବାକୁ ହେବ । ଏଥିସହ ସେମାନେ ଆତ୍ମ ଘୋଷଣାପତ୍ର ଦେବେ ଯାହାକୁ ସୋଇଂ ସାର୍ଟିଫିକେଟ ଭାବେ ବ୍ୟବହାର କରାଯିବ ।
ତେବେ କିଶାନ କ୍ରେଡିଟ ପରି ଅନ୍ୟାନ୍ୟ ଋଣ ନେଇଥିବା ଚାଷୀଙ୍କ ପାଇଁ ବୀମା ବାଧ୍ୟତାମୂଳକ ନୁହେଁ । ଯେଉଁମାନେ ଏହି ପରି ଅନ୍ୟ ସୁବିଧା ପାଇ ଆବେଦନ କରିଥିବେ, ସେମାନଙ୍କୁ ଜାତୀୟ ଫସଲ ବୀମା ପୋର୍ଟାଲରେ ସାମିଲ ହେବା ପାଇଁ ଅନୁମତି ମଗାଯିବ । ହେଲ ଯେଉଁ ଚାଷୀଙ୍କ ଲୋନ୍ର ଗୁଣବତ୍ତା ଭଲ ନଥିବ, ସେମାନଙ୍କୁ ବ୍ୟାଙ୍କ ଅଣଋଣି ଚାଷୀ ଭାବେ ତାଲିକାଭୁକ୍ତ କରିବେ । ପଞ୍ଜିକରଣ ପାଇଁ ଆଧାର କାର୍ଡ ବାଧ୍ୟତାମୂଳକ ରହିଛି । ଏବେ ନଜର ପକାଇବା କେଉଁ ବ୍ୟାଙ୍କ କେଉଁ ଜିଲ୍ଲାରେ ବୀମା ପ୍ରଦାନ କରିବେ ।
ମୟୂରଭଞ୍ଜ, ନବରଙ୍ଗପୁର, କେନ୍ଦ୍ରାପଡ଼ା ଓ ଦେବଗଡ଼ ଜିଲ୍ଲା ପାଇଁ ଏଚଡିଏଫସି ଏଗ୍ରୋ ଜିଆଇସି ଲିମିଟେଡର ପ୍ରଥମ କ୍ଲଷ୍ଟର
ଏଆଇସି ଅଫ୍ ଇଣ୍ଡିଆ ଲିମିଟେଡର ଦ୍ୱିତୀୟ କ୍ଲଷ୍ଟରକୁ ମିଳିଛି ଗଞ୍ଜାମ, କଳାହାଣ୍ଡି, ସୁବର୍ଣ୍ଣପୁର ଓ ପୁରୀ ଜିଲ୍ଲା
ଏଚଡିଏଫସି ଏଗ୍ରୋ ଜିଆଇସି ଲିମିଟେଡର ପ୍ରଥମ କ୍ଲଷ୍ଟର ବରଗଡ଼, ଭଦ୍ରକ, ଗଜପତି, ଜୟପୁର, ଯାଜପୁର ଓ ଜଗତସିଂହପୁରରେ ପ୍ରଦାନ କରିବ
ରିଲାଏନସ୍ ଜିଆଇସି ଲିମିଟେଡ ଚତୁର୍ଥ କ୍ଲଷ୍ଟର ପାଇଁ ସୁନ୍ଦରଗଡ଼, ସମ୍ବଲପୁର, କୋରାପୁଟ, ନୂଆପଡ଼ା, କନ୍ଧମାଳ ଓ ବୌଦ୍ଧ ଜିଲ୍ଲା
ବଲାଙ୍ଗୀର, ବାଲେଶ୍ୱର, ମାଲକାନଗିରି, ନୟାଗଡ଼ ଓ ଢେଙ୍କାନାଳରେ ଏଆଇସି ଅଫ୍ ଇଣ୍ଡିଆ ଲିମିଟେଡର ପଞ୍ଚମ କ୍ଲଷ୍ଟର ପ୍ରଦାନ କରିବେ
ରିଲାଏନସ୍ ଜିଆଇସି ଲିମିଟେଡ ଷଷ୍ଠ କ୍ଲଷ୍ଟର କେନ୍ଦୁଝର, କଟକ, ଖୋର୍ଦ୍ଧା, ରାୟଗଡ଼ା, ଅନୁଗୁଳ ଓ ଝାରସୁଗୁଡ଼ାରେ କାମ କରିବ
ଖରିଫ ପାଇଁ ଏପ୍ରିଲ ପହିଲାରୁ ଜୁଲାଇ ୩୧ ଭିତରେ ଲୋନ ପ୍ରଦାନ ସମୟ ଧାର୍ଯ୍ୟ ହୋଇଛି । ତାଲିକାରୁ ବାଦ୍ ପାଇଁ ଜୁଲାଇ ୨୪ ଭିତରେ ବ୍ୟାଙ୍କ ପାଖରେ ଆବେଦନ କରିବା ସମୟ । ଏହି ତାଲିକାରେ ଥିବା ଫସଲ ହେଉଛି
ଧାନ- ଏହା ୩୦ ଜିଲ୍ଲାର ସମସ୍ତ ପଞ୍ଚାୟତ, ଏନଏସି, ପୌର ପରିଷଦ ଓ ମହାନଗର ନିଗମରେ କାର୍ଯ୍ୟକାରୀ ହେବ
ଚିନା ବାଦାମ- ୧୬ଟି ଜିଲ୍ଲାର ୭୫ ବ୍ଲକରେ କାମ ହେବ
ତୁଳା- ୯ଟ ଜିଲ୍ଲାର ୪୪ଟି ବ୍ଲକରେ କାର୍ଯ୍ୟକାରୀ
ହଳଦୀ- ୫ ଜିଲ୍ଲାର ୧୭ଟି ବ୍ଲକ
ଅଦା- ୭ ଜିଲ୍ଲାର ୨୫ଟି ବ୍ଲକ
ମସୁର ଡାଲି- ୧୫ ଜିଲ୍ଲାର ୧୨୩ଟି ବ୍ଲକ
ମକା- ୧୮ ଜିଲ୍ଲାର ୧୮୦ ବ୍ଲକ
ମାଣ୍ଡିଆ- ୬ ଜିଲ୍ଲାର ୬୬ଟି ବ୍ଲକ
