ଖୋର୍ଦ୍ଧା: ପୁଣି ଅଲୋଡ଼ା ହେଲା ଶିଶୁ କନ୍ୟା । ଖୋର୍ଦ୍ଧା ବାଘମାରି ଥାନା ଅଞ୍ଚଳର ଏକ ଜମିରୁ ନବଜାତ ଶିଶୁକନ୍ୟାକୁ ଉଦ୍ଧାର କରାଯାଇଛି । ସ୍ଥାନୀୟ ଅଞ୍ଚଳର ଜଣେ ମହିଳା ଲିଲି ନାୟକ ପ୍ରଥମେ ଶିଶୁ କନ୍ୟାଟିକୁ ଦେଖିଥିଲେ । ପରେ ସେ ଅନ୍ୟ ଲୋକଙ୍କୁ ଡାକିଥିଲେ । ଏହାପରେ ଶିଶୁଟିକୁ ଦେଖିବା ପାଇଁ ସ୍ଥାନୀୟ ଅଞ୍ଚଳରେ ଭିଡ଼ ଜମିଥିଲା । ଏହା ପରେ ଶିଶୁଟି ବଞ୍ଚିଛି କି ନାହିଁ ସେନେଇ ଲୋକ ଜାଣିବାକୁ ଚେଷ୍ଟା କରିଥିଲେ ।
ତେବେ ଶିଶୁଟି ବଞ୍ଚିଛି ବୋଲି ଜାଣିବାକୁ ପାଇବା ପରେ ଆମ୍ବୁଲାନ୍ସ ଡକାଯାଇଥିଲା । ଏହା ପରେ ଆମ୍ବୁଲାନ୍ସ ଯୋଗେ ଶିଶୁ କନ୍ୟାଟିକୁ ଖୋର୍ଦ୍ଧା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରଯାଇଛି । ସେଠାରେ ଶିଶୁଟିର ଚିକିତ୍ସା କରିବା ପରେ ଡାକ୍ତର ତାକୁ ସୁସ୍ଥ ଥିବା କହିଛନ୍ତି ।
ଏହି ଘଟଣା ନେଇ ପୋଲିସ ପାଖରେ ସୂଚନା ପହଞ୍ଚିଛି । କିଏ ଏହି ଶିଶୁ କନ୍ୟାକୁ ଫିଙ୍ଗିଛି, ସେନେଇ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ କରିବା ଆରମ୍ଭ କରିଛି ।
ରାଜ୍ୟରେ ବିଭିନ୍ନ ସମୟରେ ଏଭଳି ଘଟଣା ସାମ୍ନାକୁ ଆସୁଛି । ଶିଶୁକନ୍ୟାକୁ ଜନ୍ମ ଦେଇ ଫିଙ୍ଗିଦେବା ଏକ ଅପରାଧ ବୋଲି କୁହାଯାଉଥିବା ବେଳେ ବାରମ୍ବାର ଏଭଳି ଘଟଣା ଘଟୁଛି ।
ତେଣୁ ବୁଧବାର ରାୟଗଡ଼ା ଜିଲ୍ଲାପାଳ ପ୍ରମୋଦ କୁମାର ବେହେରା ଓ ଗୁଣୁପୁର ଉପଜିଲ୍ଲାପାଳ ସିଦ୍ଧେଶ୍ୱର ବଲିରାମ ବନ୍ଦର ମେଡିକାଲ୍ ଓ ଆଦର୍ଶ ବିଦ୍ୟାଳୟ କୋଭିଡ ସେଣ୍ଟର ପହଞ୍ଚି ପରିସ୍ଥିତି ଅନୁଧ୍ୟାନ କରିଛନ୍ତି । ଏହାପରେ ମେଡିକାଲ୍ ସୁପରିଟେଣ୍ଡଣ୍ଟଙ୍କ ସହ କରୋନା ସଂକ୍ରମଣ ସ୍ଥିତି ନେଇ ଆଲୋଚନା କରିଛନ୍ତି । ମେଡିକାଲ୍ରେ ଜରୁରିକାଳିନ ସେବା ଚାଲିବ । ହେଲେ ଓଟି, ଲେବର୍ ରୁମ୍, ବର୍ହି ବିଭାଗକୁ ୭୨ ଘଣ୍ଟା ପାଇିଁ ବନ୍ଦ କରାଯାଇଛି ।
