ଅଯୋଧ୍ୟା: ଅନେକ ବର୍ଷର ଅପେକ୍ଷାର ଅନ୍ତ ହୋଇଛି । ଅଯୋଧ୍ୟାରେ ହିନ୍ଦୁଙ୍କ ଆରାଧ୍ୟ ଶ୍ରୀରାମଙ୍କ ପାଇଁ ନିର୍ମାଣ ହେବ ବିଶାଳ ମନ୍ଦିର । ମନ୍ଦିରର ଭୂମିପୂଜା କରି ପ୍ରଧାନମନ୍ତ୍ରୀ ରାମ ମନ୍ଦିର ଆନ୍ଦୋଳନକୁ ଦେଶର ସ୍ୱାଧୀନତା ସଂଗ୍ରାମ ସହ ତୁଳନା କରିଛନ୍ତି । ରାମ ମନ୍ଦିରର ଆଧାର ଶୀଳା ୧୨.୪୪ ମିନିଟ୍ ୮ ସେକେଣ୍ଡରୁ ୧୨.୪୪ ମିନିଟ ୪୦ ସେକେଣ୍ଡ୍ ମଧ୍ୟରେ ପ୍ରଧାନମନ୍ତ୍ରୀ ରଖିଥିଲେ । ଏହାପରେ ସେ ନିଜ ବକ୍ତବ୍ୟ ରଖିଥିଲେ ।

ଜୟ ଶ୍ରୀରାମ ନୁହେଁ ଜୟ ସିୟା ରାମରୁଆରମ୍ଭ

ପ୍ରଧାନମନ୍ତ୍ରୀ ମୋଦି ଜୟ ଶ୍ରୀରାମରୁ ନୁହେଁ ଆଜି ଜୟ ସିୟାରାମରୁ ନିଜ ବକ୍ତବ୍ୟ ଆରମ୍ଭ କରିଥିଲେ । ସେ କହିଥିଲେ ଯେ, ଆଜି ଏଠାରେ ଉପସ୍ଥିତ ରହିବା ମୋର ସୋଭାଗ୍ୟ । ସେ କହିଥିଲେ ଯେ, ଆଜି ଶ୍ରୀରାମଙ୍କ ଜୟଘୋଷ କେବଳ ସିୟାରାମଙ୍କ ମାଟି ନୁହେଁ ପୁରା ବିଶ୍ୱରେ ଶୁଣାଯାଉଛି । ସମଗ୍ର ବିଶ୍ୱର କୋଟି କୋଟି ରାମଭକ୍ତଙ୍କୁ ଏହି ମୁହୂର୍ତ୍ତର  କୋଟି କୋଟି ଶୁଭେଛ ।

ପ୍ରଧାନମନ୍ତ୍ରୀ କହିଥିଲେ ଯେ, ବର୍ଷ ବର୍ଷ ଧରି ତମ୍ବୁ ତଳେ ରହିଥିବା ରାମଲାଲାଙ୍କ ପାଇଁ ଏବେ ଏକ ଭବ୍ୟ ମନ୍ଦିରର ନିର୍ମାଣ ହେବ । ଭାଙ୍ଗିବା ଓ ପୁଣି ଛିଡା ହେବା ,ଶହ ଶହ ବର୍ଷ ଧରି ଚାଲିଥିବା ଏହି ବ୍ୟତିକ୍ରମରୁ ଆଜି ରାମ ଜନ୍ମଭୂମି ମୁକ୍ତ ହୋଇଛି । ଶତାବ୍ଦୀର ଅପେକ୍ଷାର ଆଜି ଅନ୍ତ ହୋଇଛି ।

ରାମ ମନ୍ଦିର ଆନ୍ଦୋଳନକୁ ସ୍ୱାଧିନତା ଆନ୍ଦୋଳନ ସହ କଲେ ତୁଳନା

ପ୍ରଧାନମନ୍ତ୍ରୀ ରାମ ମନ୍ଦିର ଆନ୍ଦୋଳନକୁ ସ୍ୱାଧିନତା ସଂଗ୍ରାମ ସହ ତୁଳନା କରିଛନ୍ତି ।ସେ କହିଥିଲେ ଯେ, ଆମର ସ୍ୱାଧିନତା ସଂଗ୍ରାମ କାଳରେ ଅନେକ ପୀଢି ନିଜର ସବୁକିଛି ସମର୍ପଣ କରିଥିଲେ । ଦାସତାର କାଳଖଣ୍ଡରେ ଏମିତି କୌଣସି ସମୟ ନଥିଲା ଯେତେବେଳେ ସ୍ୱାଧିନତା ପାଇଁ ଆନ୍ଦୋଳନ ହୋଇନଥିଲା ।  ଦେଶର କୌଣସି ଭୂଭାଗ ଏମିତି ନଥିଲା ଯେଉଁଠି ସ୍ୱାଧିନତା ପାଇଁ ଆନ୍ଦୋଳନ ହୋଇନଥିଲା ।

ପ୍ରଧାନମନ୍ତ୍ରୀ ମୋଦି କହିଥିଲେ ଯେ , ରାମମନ୍ଦିର ପାଇଁ ଚାଲିଥିବା ଆନ୍ଦୋଳନରେ ଅର୍ପଣ ବି ଥିଲା ତର୍ପଣ ବି ଥିଲା । ସଂଘର୍ଷ ମଧ୍ୟ ଥିଲା । ସଂକଳ୍ପ ମଧ୍ୟ ରହିଥିଲା ।  ଯେଉଁମାନଙ୍କ ତ୍ୟାଗ,ବଳିଦାନ ଓ ସଂଘର୍ଷ ପାଇଁ ଆଜି ଏହି ସ୍ୱପ୍ନ ସାକାର ହୋଇଛି,ଯେଉଁମାନଙ୍କ ତପସ୍ୟା ପାଇଁ ରାମ ମନ୍ଦିର ଆଜି ନିର୍ମାଣ ହେବାକୁ ଯାଉଛି ମୁଁ ସେ ସମସ୍ତଙ୍କୁ ଆଜି ୧୩୦ କୋଟି ଦେଶବାସୀଙ୍କ ପକ୍ଷରୁ ନମନ କରୁଛି ।  ରାମ ଆମ ମନରେ ଅଛନ୍ତି । ରାମ ଆମ ଭିତରେ ଅଛନ୍ତି । କୌଣସି କାମ କରିବା ନିମନ୍ତେ ପ୍ରେରଣା ପାଇଁ ଆମେ ରାମଙ୍କୁ ଦେଖୁ । ଭଗବାନ ରାମଙ୍କ ଅପାର ଶକ୍ତିକୁ ଦେଖନ୍ତୁ, ମନ୍ଦିର ଭାଙ୍ଗି ଦିଆଗଲା,ଅସ୍ତିତ୍ୱ ଲୋପ କରିବାକୁ ଅନେକ ପ୍ରୟାସ ହୋଇଥିଲା କିନ୍ତୁ ରାମ ଆଜି ମଧ୍ୟ ଆମ ମନରେ ଅଛନ୍ତି । ଆମ ସଂସ୍କୃତିର ଆଧାର ହେଉଛନ୍ତି ରାମ । ଶ୍ରୀରାମ ଭାରତର ମର୍ଯ୍ୟଦା । ଭାଷଣ ମଝିରେ ପ୍ରଧାନମନ୍ତ୍ରୀ ଭାରତର ଚାରିଧାମକୁ ମନେ ପକାଇ ପ୍ରଭୁ ଶ୍ରୀଜଗନ୍ନାଥଙ୍କ ନାମ ମଧ୍ୟ ନେଇଥିଲେ ।

ନୂଆଦିଲ୍ଲୀ: ଅଯୋଧ୍ୟାରେ ରାମ ମନ୍ଦିର ନିର୍ମାଣ ପାଇଁ ଆଜି ସମ୍ପନ୍ନ ହୋଇଛି ଭବ୍ୟ ଭୂମିପୂଜା । ଏଥିପାଇଁ ଭୁବନେଶ୍ୱରର ବିନ୍ଦୁସାଗରରୁ ଜଳ ଯାଇଛି । ଏଥିପାଇଁ ଉତ୍ସବମୁଖର ରାଜଧାନୀ । ବିନ୍ଦୁସାଗର ପରିସରରେ ଉତ୍ସବର ମାହୋଲ ଦେଖିବାକୁ ମିଲିଛି । ବିନ୍ଦୁ ସାଗରର ଜଳ ସବୁଠାରୁ ପବିତ୍ର ବୋଲି ବିଶ୍ୱାସ ରହିଛି । କାରଣ ଏଥିରେ ଭାରତର ପ୍ରତ୍ୟେକ ପବିତ୍ର ସରଭରରୁ ଗୋଟେ ବୁନ୍ଦା ଜଳ ରହିଥାଏ । ଏହି ଜଳ ସହିତ ଭୂମିପୂଜନ ସ୍ଥାନକୁ ଅଭିଷେକ କରିବା ପାଇଁ ପ୍ରତ୍ୟେକ ପବିତ୍ର ନଦୀ ଓ ପୋଖରୀରୁ ଜଳ ବ୍ୟବହାର କରାଯାଇଛି ।ଅଯୋଧ୍ୟାରେ ରାମ ମନ୍ଦିର ନିର୍ମାଣ ପାଇଁ ଭୂମି ପୂଜାରେ ସମଗ୍ର ଦେଶର ପ୍ରାୟ ଆଠ ହଜାର ପବିତ୍ର ସ୍ଥାନରୁ ମାଟି, ଜଳ ଏବଂ ବ୍ୟବହାର କରାଯାଇଛି। ପବିତ୍ର ସ୍ଥାନର ମାଟି ଓ ଜଳ ବ୍ୟବହାର କରିବାର ବିଶେଷ କାରଣ ରହିଛି । ଏହା ଦ୍ୱାରା ପରସ୍ପର ମଧ୍ୟରେ ଏକତା ଓ ଭାତୃଭାବ ବଜାୟ ରଖାଯାଇପାରିବ ।

ଝାରଖଣ୍ଡରେ’ ସରନା ସ୍ଥଳରେ ଆଦିବାସୀ ସମାଜର ଏକ ଗୁରୁତ୍ୱପୂର୍ଣ୍ଣ ପୂଜା ସ୍ଥଳ ରହିଛି । ଯେତେବେଳେ ସେହି ସ୍ଥାନର ମାଟି ସଂଗ୍ରହ କରିବାକୁ ଲୋକେ ଯାଇଥିଲେ ସେତେବେଳେ ଆଦିବାସୀ ସମାଜରେ ଅଦ୍ଭୁତପୂର୍ବକ ବାତାବରଣ ସୃଷ୍ଟି ହୋଇଥିଲା । ସ୍ଥାନୀୟ ଲୋକଙ୍କ କହିବା ଅନୁସାରେ “ରାମା ଏବଂ ସୀତା ଆମର”, ସେଥିପାଇଁ ଶାବରୀଙ୍କ କୁଡିଆକୁ ଆସି ତାଙ୍କ ଅଇଁଠା ବରକୋଳି ଖାଇଥିଲେ । ଏଥି ସହ ବିଶ୍ୱ ହିନ୍ଦୁ ପରିଷଦ (ଭିଏଚପି) ର ମହାସଚିବ ମିଲିନ୍ଦ ପାରାଣ୍ଡେ କହିଛନ୍ତି ଯେ, ଭଗବାନ ରାମ ଏକତାର ସନ୍ଦେଶ ଦେଇଥିଲେ । ପାରାଣ୍ଡେ କହିଛନ୍ତି ଯେ, ଭଗବାନ ରାମଙ୍କ ଦ୍ୱାରା ଅହଲ୍ୟାଙ୍କ ଉଦ୍ଧାର, ଶବରୀ ଏବଂ ନିଶାଦରାଜଙ୍କ ସହ ପ୍ରେମ ଓ ବନ୍ଧୁତା ହେଉଛି ସାମାଜିକ ସଦଭାବର ଉଦହାରଣ । ତେଣୁ ସେମାନଙ୍କ ମନ୍ଦିର ନିର୍ମାଣର ଭୂମି ପୂଜାରେ ସାରା ଦେଶରେ ପବିତ୍ର ନଦୀ ଜଳ ଏବଂ ତୀର୍ଥସ୍ଥାନର ମାଟି ବ୍ୟବହାର କରାଯାଇଛି।

କାଶୀ ସ୍ଥିତ ସନ୍ତ ରବିଦାସଙ୍କ ଜନ୍ମସ୍ଥଳୀ, ବିହାରର ସୀତାମଢୀ ସ୍ଥିତ ମହର୍ଷି ବାଲ୍ମିକୀ ଆଶ୍ରମ, ମହାରାଷ୍ଟ୍ରର ପବିତ୍ର ଭୂମି,  ଝାଡ଼ଖଣ୍ଡର ରାମରେଖା ଧାମ, ପାଟଣାର ଶ୍ରୀହରମନ୍ଦିର ସାହେବ, ବାବାସାହେବ ଆମ୍ବେଦକରଙ୍କ ଜନ୍ମସ୍ଥାନ ମହୁ, ଦିଲ୍ଲୀର ଜୈନ ମନ୍ଦିର ଏବଂ ବାଲ୍ମିକୀ ମନ୍ଦିର ଭଳି ସ୍ଥାନରୁ ମାଟି ଓ ପବିତ୍ର ଜଳ ଭୂମି ପୂଜା ପାଇଁ ଯାଇଛି । ସେ କହିଛନ୍ତି ଯେ, ପଶ୍ଚିମବଙ୍ଗର କାଲିଘାଟ, ଦକ୍ଷିଣେଶ୍ୱର, ଗଙ୍ଗାସାଗର ଏବଂ ମଦନ ମୋହନ ପରି ମନ୍ଦିରର ପବିତ୍ର ମାଟି ସହିତ ଗଙ୍ଗାସାଗର, ଭାଗୀରଥୀ, ତ୍ରିବେଣୀ ସଂଗମରୁ ଅଯୋଧ୍ୟାକୁ ଜଳ ପଠାଯାଇଛି ଯାହା ଭୂମି ପୂଜାରେ ବ୍ୟବହାର ହୋଇଛି । ଏହା ବ୍ୟତୀତ ପାଭାପୁରୀ ସ୍ଥିତ ଜଳମନ୍ଦିର, କମଲ ସରୋବର, ପ୍ରାଚୀନ ପୁଷ୍କରିଣୀ ପୋଖରୀ, ହିଲ୍ସର ପ୍ରସିଦ୍ଧ ସୂର୍ଯ୍ୟ ମନ୍ଦିର, ସମ୍ରାଟ ଚନ୍ଦ୍ରଗୁପ୍ତ ମୌର୍ଯ୍ୟ ଜଡିତ ପଖୋରୀର ମାଟି ଓ ଜଳ ମଧ୍ୟ ବ୍ୟବହାର ହୋଇଛି ।