ଭୁବନେଶ୍ୱର: ରାଜ୍ୟ ମନ୍ତ୍ରୀ ପରିଷଦର ଗୁରୁତ୍ୱପୂର୍ଣ୍ଣ ବୈଠକ । ମୁଖ୍ୟମନ୍ତ୍ରୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିଲା ବୈଠକ । ଏ ନେଇ ରାଜ୍ୟ ମୁଖ୍ୟ ଶାସନ ସଚିବ ଅସିତ୍ ତ୍ରିପାଠୀଙ୍କ ସୂଚନା ।  କରୋନା କାଳରେ ରାଜ୍ୟ ସରକାରଙ୍କ ମୂଳ ଲକ୍ଷ୍ୟ ହେଉଛି ଲୋକଙ୍କ ଜୀବନ ରକ୍ଷା । ଏଥି ନିମେନ୍ତ ରାଜ୍ୟରେ ଟିଏମ୍‌ସି ସେଣ୍ଟର ବା କ୍ୱାରେଣ୍ଟାଇନ୍ ସେଣ୍ଟର ନିର୍ମାଣ, କୋଭିଡ ଟେଷ୍ଟ ନିମନ୍ତେ ୧୯ଟି ଲ୍ୟାବ୍‌କୁ ଆସିଷ୍ଟାଣ୍ଟ ଯୋଗାଇବା, କୋଭିଡ ହସ୍ପିଟାଲ ନିର୍ମାଣ କରାଯିବ, କୋଭିଡ ହେଲ୍ଥ ସେଣ୍ଟର ଏବଂ କୋଭିଡ କେୟାର ସେଣ୍ଟର ପାଇଁ ରାଜ୍ୟ ରାଜକୋଷ ଅର୍ଥ ଖର୍ଚ୍ଚ ହୋଇଛି ।

ଏଥିସହ ବହୁ ସଂଖ୍ୟାରେ ସ୍ୱାସ୍ଥ୍ୟ କର୍ମୀ ମଧ୍ୟ ଏଥିରେ ନିୟୋଜିତ ହୋଇଛନ୍ତି । ୮ ହଜାର ୨୩ ଜଣ ଡାକ୍ତର, ୮ ହଜାର ୨ଶହ ୨୯୬ ଷ୍ଟାଫ ନର୍ସ, ୪ ହଜାର ୧୪ ଆୟୁଷ ଡାକ୍ତର, ୮ହଜାର ୨୯୬ ଜଣ ଲାବ୍ରୋଟାରୀ ଟେକ୍ନିସିଆନ୍ ଓ ଫାର୍ମାସିଷ୍ଟ, ୧ଲକ୍ଷ ୩୫ହଜାର ୮୨୦ ଆଶା, ଅଙ୍ଗନଓ୍ୱାଡି ଓ ଅନ୍ୟାନ୍ୟ ଏନ୍ଏଚ୍ ଏନ୍ ସ୍ୱେଛାସେବୀ, ୧୧ହଜାର ୧୪୪ ଜଣ ଏମ୍‌ବିବିଏସ୍, ଆୟୁଷ ଓ ନର୍ସିଂ ଛାତ୍ର ସମେତ ଅନ୍ୟ କିଛି ସ୍ୱାସ୍ଥ୍ୟ କର୍ମୀ ମଧ୍ୟ ନିୟୋଜିତ ଅଛନ୍ତି ।

ଏଥିସହିତ ମାସ୍କ, ହ୍ୟାଣ୍ଡ ସାନିଟାଇଜର, ଔଷଧ ସମେତ ଅନ୍ୟାନ୍ୟ ଆବଶ୍ୟକୀୟ ଚିକିତ୍ସା ସାମଗ୍ରୀ ବାବଦର ଖର୍ଚ୍ଚ ବାବଦରେ ରାଜ୍ୟ ମନ୍ତ୍ରୀ ପରିଷଦକୁ ଅବଗତ କରାଯାଇଥିଲା । ଆବଶ୍ୟକୀୟ ମେଡିକାଲ ଇକ୍ୟୁପମେଣ୍ଟ ଏବଂ ଔଷଧ ମହଜୁଦ କରିରଖାଯାଇଛି । ଏହି ୪ ମାସର କରୋନା ସମୟରେ ଆର୍ଥିକ ଦୁର୍ବଳ ଶ୍ରେଣୀର ଲୋକମାନଙ୍କ ଜୀବନ ଜୀବିକା ବିପର୍ଯ୍ୟସ୍ତ ହୋଇଛି । ତାଙ୍କ ପାଇଁ ରାଜ୍ୟ ସରକାରଙ୍କ ପକ୍ଷରୁ ବିଭିନ୍ନ ସହଯୋଗ ଯୋଗାଇ ଦିଆଯାଇଛି । ଏଥିଲାଗି ବିଭିନ୍ନ ନିର୍ମାଣ ଶ୍ରମିକଙ୍କୁ ୧ହଜାର ୫୦୦ ଟଙ୍କା ଲେଖାଏଁ ଯୋଗାଇଦିଆଯାଇଥିଲା ।

ଏଥିସହିତ ସଫଳତାର ସହ କ୍ୱାରେଣ୍ଟାଇନ୍ ପୂରା କରିଥିବା ୮ ଲକ୍ଷ ୮୦ ହଜାର ଲୋକଙ୍କୁ  ୨ ହଜାର ଟଙ୍କା ଲେଖାଏଁ ସହାୟତା ଯୋଗାଇଦିଆଯାଇଥିଲା । ଏବଂ ସର୍ବପ୍ରଥମେ ବିଦେଶରୁ ଫେରି ସଫଳତାର ସହ କ୍ୱାରେଣ୍ଟାଇନ୍ ପୂରା କରିଥିବା ଲୋକଙ୍କୁ ୧୫ ହଜାର ଟଙ୍କା ଲେଖାଏଁ ଯୋଗାଇ ଦିଆଯାଇଛି । ଆଶା ଓ ଅଙ୍ଗନଓ୍ୱାଡି କର୍ମୀଙ୍କୁ ମାସିକ ୧ ହଜାର ଟଙ୍କା ଲେଖାଏଁ ଅତିରିକ୍ତ ରାଶି ପ୍ରଦାନ କରାଯାଉଛି । ଆଶା କର୍ମୀଙ୍କୁ ୮ ପାଇଁ ଯୋଗାଇ ଦିଆଯାଉଥିବା ବେଳେ ଅଙ୍ଗନଓ୍ୱାଡି କର୍ମୀଙ୍କୁ ୩ ମାସ ପାଇଁ ଏହି ରାଶି ଯୋଗାଇଦିଆଯାଉଛି ।

            ତେବେ ବିଭିନ୍ନ ତାଲିମ ସତ୍ତ୍ୱେ ୮ ଜଣ କୋଭିଡ ଓ୍ୱାରିୟରଙ୍କ ମୃତ୍ୟୁ ଘଟିଲା । ସେମାନଙ୍କ ପରିବାରବର୍ଗ ଅବସର ଯାଏଁ ଯାହା ଦରମ ପାଇଁଥାନ୍ତେ ସେହି ଟଙ୍କା ଯୋଗାଇଦିଆଯିବ । ଏଥିସହିତ ଶେଷ୍ୟକୃତ୍ୟ ପାଇଁ ସରକାରଙ୍କ ପକ୍ଷରୁ ସାଢ଼େ ୭ ହଜାର ଟଙ୍କା ଯୋଗାଇଦିଆଯାଇଛି । ଏହି ଭଳି ଭାବେ କରୋନା ମୁକାବିଲା ଦିଗରେ ଆବଶ୍ୟକ ସମସ୍ତ ଖର୍ଚ୍ଚ ରାଜ୍ୟ ସରକାରଙ୍କ ପକ୍ଷରୁ କରାଯାଇଛି ।

ଏଯାବତ୍ ରାଜ୍ୟ ସରକାରଙ୍କ ମୁଖ୍ୟମନ୍ତ୍ରୀ ରିଲିଫ୍ ଫଣ୍ଡରୁ ୩୪୦ କୋଟି ଖର୍ଚ୍ଚ ହେଲାଣି, ରାଜ୍ୟ ବିପର୍ଯ୍ୟୟ ପରିଚାଳନା ବିଭାଗ ପକ୍ଷରୁ ୬୨୪କୋଟି, ବିଭିନ୍ନ କ୍ରିଟିକାଲ୍ ଇନ୍‌ର୍ଫାଷ୍ଟ୍ରକଚର ନିର୍ମାଣ ପାଇଁ ପଞ୍ଚାୟତିରାଜ ବିଭାଗ ପକ୍ଷରୁ ୮୭୫ କୋଟି ଖର୍ଚ୍ଚ ହୋଇସାରିଲାଣି । ବିଧାୟକମାନେ ମଧ୍ୟ ସେମାନଙ୍କ ଏମ୍ଏଲ୍‌ଏ ଲେଡ୍ ଫଣ୍ଡରୁ ୫୦ଲକ୍ଷ ଟଙ୍କା ପର୍ଯ୍ୟନ୍ତ ଅର୍ଥାତ ସମୁଦାୟ ୭୩ କୋଟି ଟଙ୍କା ସେମାନେ ଦେଲେଣି ।

            ତେବେ ଗତ ୪ ମାସ ହେଲେ ବିଭିନ୍ନ କ୍ଷେତ୍ରରେ କରୋନା ମୁକାବିଲା କରୁଥିବା ଫ୍ରଣ୍ଟ ଲାଇନ୍ କରୋନା  ଯୋଦ୍ଧା ନିରନ୍ତରଭାବେ କାମ କଲେଣି । ସେମାନଙ୍କୁ ବିଶ୍ରାମ ଦେବାକୁ ପଡ଼ିବ । ଏଥିସହିତ କରୋନ ନୂଆ ଚିକିତ୍ସା ପଦ୍ଧତି ଅର୍ଥାତ ପ୍ଳାଜ୍‌ମା ଥେରାପି ଭଳି ପଦ୍ଧତିକୁ କିଭଳି ଆପଣାଇବା ମଧ୍ୟ ଆମ ପାଇଁ ଏକ ଚ୍ୟାଲେଞ୍ଜ । ତେବେ ପୂର୍ବରୁ ଏହା ଭୁବନେଶ୍ୱର ଓ ଗଞ୍ଜାମ ଓ ଆରମ୍ଭ ହୋଇସାରିଥିବା ବେଳେ ରାଉରକେଲା ଆଇଜିଏଚ୍‌ରେ ମଧ୍ୟ ଲାଗୁ କରାଯିବାକୁ ମନ୍ତ୍ରୀ ପରିଷଦରେ ନିଷ୍ପତ୍ତି ହୋଇଛି ।

ଏଥିରେ ମେଡିକାଲ ଖର୍ଚ୍ଚ, ମେଡିକାଲ ଇକ୍ୟୁପମେଣ୍ଟ ବାବଦକୁ ସମସ୍ତ ଖର୍ଚ୍ଚ କରାଯିବ । ଏଥିରେ କୌଣସି ସାଲିସ କରାଯିବ ନାହିଁ । ବିଭିନ୍ନ ଜାଗରେ ପ୍ରବାସୀ ଶ୍ରମିକ ଆସି ଅଛନ୍ତି ସେମାନଙ୍କ ପାଇଁ ନିଯୁକ୍ତି ସୃଷ୍ଟି କରାଯିବାକୁ ଗୁରତ୍ୱ ଦିଆଯାଇଛି ।

 ସାମାଜିକ ସୁରକ୍ଷା ଯୋଜନାକୁ ମଧ୍ୟ ଗୁରୁତ୍ୱ ଦିଆଯାଇବି । ଗ୍ରାମାଞ୍ଚଳରେ ନିଯୁକ୍ତିକୁ ମଧ୍ୟ ସରକାରଙ୍କ ପ୍ରାଧାନ୍ୟ    । ଏଥସହି ଚାଷ, ଉଦ୍ୟନକୃଷି, ପଶୁପାଳନ , ମାଛ ଚାଷ ଆଦି କ୍ଷେତ୍ରରେ କୌଣସି ସାଲିସ କରାଯିବ ନାହିଁ । ଆଗରୁ ଏଥିଲାଗି ଓସିଏଫ୍ ୪୦୦ ରୁ ୨୦୦୦ କୋଟିକୁ ବୃଦ୍ଧି କରାଯାଇଛି । କ୍ୟାପିଟାଲ ଏକ୍ସପେଣ୍ଡଚେର ମଧ୍ୟ ନନ୍ ପ୍ରାୟୋରଟି ସେକ୍ଟରେ ବାରଣ କରାଯିବ  । ସାଧାରଣ ଜନତାଙ୍କ ଦିଆଯାଉଥିବା ବିଭିନ୍ନ ସେବା କୋରିୟର ମାଧ୍ୟମରେ ଡିଜିଟାଲ ମାଧ୍ୟମରେ ଏବଂ ସିଏସ୍ଇ ମାଧ୍ୟମରେ ଯୋଗାଇଦିଆଯିବ । । ୫୫ ପ୍ରତିଶତ ସେବା ଅନଲାଇନ୍ ହୋଇସାରିଲାଣି । ୨ ଅକ୍ଟୋବର ସୁଦ୍ଧା ସମସ୍ତ ସେବାକୁ ଅନଲାଇନ୍ କିମ୍ୱା କୋରିୟର ମାଧ୍ୟମରେ ଯୋଗାଇଦିଆଯିବ । ବର୍ତ୍ତମାନ କେନ୍ଦ୍ର ସରକାରଙ୍କ ଯାହା ଆର୍ତିକ ସ୍ଥିତି ରହିଛି ଆମକୁ କେନ୍ଦ୍ରୀୟ ଅନୁଦାନ କମିବ ।

କରୋନା ମୁକାବିଲା ରାଜ୍ୟ ସରକାର କାମ୍ପା ଓ  ଓମ୍ୱାସଡି ପାଣ୍ଠିରୁ ଋଣ କରିବେ । ଏଥିସହିତ ରାଜ୍ୟ ସରକାରଙ୍କ ପକ୍ଷରୁ ପୂର୍ବରୁ ଜାରି କରିଥିବା ଆର୍ଥିକ କଟକଣା ଜାରି ରହିବ । ତେବେ ଏ ଯାବତ୍ ରାଜ୍ୟ ସରକାର ମୋଟ ୧ ହଜାର କୋଟି ଟଙ୍କା ଋଣ କରିସାରିଛନ୍ତି । ଆଗକୁ ଆବଶ୍ୟକତା ଅନୁସାରେ ଋଣ କରାଯିବ । ୩ ପ୍ରତିଶତ ସୁଧରେ ରାଜ୍ୟ ସରକାର ଏହି ଟଙ୍କା ପାଇପାରିବେ ।