ମୁମ୍ବାଇ: ସୁଶାନ୍ତ ସିଂହ ରାଜପୁତଙ୍କ ଆତ୍ମହତ୍ୟା ପରେ ତାଙ୍କ ବାପା ଭାଙ୍ଗିପଡିଛନ୍ତି । ସେ ନିଜ ପୁଅର ଆତ୍ମହତ୍ୟା ଯାଞ୍ଚ ପାଇଁ ମୁମ୍ବାଇ ପୋଲିସର ସାହାଯ୍ୟ ସହ ସିବିଆଇ ତଦନ୍ତ ପାଇଁ ଦାବି କରିଥିଲେ । ୩୪ ବର୍ଷ ବୟସରେ ଜୀବନ ହାରିଛନ୍ତି ବଲିଉଡ୍ ର ଦକ୍ଷ ଅଭିନେତା ସୁଶାନ୍ତ ସିଂହ ରାଜପୁତ । ୭ ବର୍ଷର ଫିଲ୍ମ କ୍ୟାରିଅରରେ ସେ ବଡ଼ ବଡ଼ କଳାକାରଙ୍କ ସହ କାମ କରିଛନ୍ତି ।  ସୁଶାନ୍ତ ୬ ମାସରୁ ଡିପ୍ରେସନର ଶିକାର ହୋଇଥିଲେ । ସେଥିପାଇଁ ସେ ଏକ ଘରୋଇ ହସ୍ପିଟାଲରେ ଚିକିତ୍ସିତ ହେଉଥିଲେ ।

ଫିଲ୍ମ ପୂର୍ବରୁ ସେ ଧାରାବାହିକରେ ଅଭିନୟ କରୁଥିଲେ । ଟିଭି ସିରିଏଲରେ କାମ କରିବା ସମୟରୁ ହିଁ ସେ ବେଶ ଲୋକପ୍ରିୟ ଥିଲେ । ସୁଶାନ୍ତ ଙ୍କ ଆତ୍ମହତ୍ୟାକୁ ନେଇ ବି-ଟାଉନରେ  ଚାଞ୍ଚଲ୍ୟ ସୃଷ୍ଟି ହୋଇଛି । ଏତେ କମ୍ ବୟସରେ ଆତ୍ମହତ୍ୟାର ବାଟ ବାଛିଥିବାରୁ ତାଙ୍କ ବାପା ଅନେକ ପ୍ରଶ୍ନର ଉତ୍ତର ଖୋଜୁଛନ୍ତି । ହେଲେ ସୁଶାନ୍ତଙ୍କର କିଛି ବାର୍ତ୍ତା ତାଙ୍କ ବାପା ଏଯାଏଁ ଭୁଲିପାରୁନାହାନ୍ତି ।

ମୃତ୍ୟୁର କିଛି ଦିନ ପୂର୍ବରୁ ବାପାଙ୍କ ସହ କଥା ହେଉଥିବା ବେଳେ ଅଭିନେତା କହିଥିଲେ ଯେ, ବଲିଉଡରର କିଛି କଥା ନେଇ ସେ ଚିନ୍ତିତ ଅଛନ୍ତି । ସେଥିପାଇଁ ତାଙ୍କ ବାପା ମୁମ୍ବାଇ ଆସି କିଛି ଦିନ ପୁଅ ପାଖରେ ରହିବେ ବୋଲି ନିଷ୍ପତ୍ତି ନେଇଥିଲେ । ହେଲେ ସୁଶାନ୍ତ ତାଙ୍କ ବାପାଙ୍କୁ ଚିନ୍ତା କରିବା ପାଇଁ ମନା କରିଥିଲେ ଓ ଆସିବା ପାଇଁ ମଧ୍ୟ ମନା କରିଥିଲେ । ସେ ସବୁକିଛି ସମ୍ଭାଳିନେବେ ଓ ଠିକ୍ କରିଦେବେ ବୋଲି ବାପାଙ୍କୁ କହିଥିଲେ । ତେବେ ମୁମ୍ବାଇ ପୋଲିସ ଏବେ ସୁଶାନ୍ତଙ୍କ ଆତ୍ମହତ୍ୟା ନେଇ ଜୋରସୋରରେ ତଦନ୍ତ ଜାରି ରଖିଛି ।

ମୁମ୍ବାଇ: ବଲିଉଡ ଅଭିନେତା ସୁଶାନ୍ତ ସିଂହ ରାଜପୁତଙ୍କ ଆତ୍ମହତ୍ୟା ଖବର ସମସ୍ତ ଦର୍ଶକଙ୍କୁ ଆଚମ୍ବିତ କରିଥିଲା । ତାଙ୍କ ମୃତ୍ୟୁ ପରେ ସମସ୍ତ ସେଲିବ୍ରିଟି  ଦୁଃଖ ପ୍ରକାଶ କରିଥିଲେ । ତାଙ୍କ ପରିବାର ସଦସ୍ୟ ଏଯାଏଁ ବିଶ୍ୱାସ କରିପାରୁନାହାନ୍ତି ଯେ, ସୁଶାନ୍ତ ଆଉ ସେମାନଙ୍କ ଗହଣରେ ନାହାନ୍ତି ।

ମୁମ୍ବାଇରେ ସୁଶାନ୍ତଙ୍କ ଅନ୍ତିମ ସଂସ୍କାର ସମୟରେ ତାଙ୍କ ପିତା, ଭଉଣୀ ଓ କକା ଉପସ୍ଥିତ ଥିଲେ । ଅପରପକ୍ଷରେ ବିଦେଶରେ ରହୁଥିବା ସୁଶାନ୍ତଙ୍କର ଆଉ ଏକ ଭଉଣୀ ଶ୍ୱେତା ସିଂହ କିର୍ତ୍ତୀ ଅନ୍ତିମ ସଂସ୍କାରରେ ସାମିଲ ହୋଇପାରିନଥିଲେ । ଏଥିପାଇଁ ସେ ସୋସିଆଲ ମିଡିଆରେ ଦୁଃଖ ପ୍ରକାଶ କରିଛନ୍ତି ।

ଫେସବୁକରେ ପୋଷ୍ଟ କରି ଶ୍ୱେତା କୀର୍ତ୍ତୀ ସିଂ ଲେଖିଛନ୍ତି, ‘ଯେତେବେଳେ ସେ ତାଙ୍କ ୫ ବର୍ଷର କହିଥିଲେ ଯେ ତାଙ୍କ ମାମୁଁ ଆଉ ଏ ଦୁନିଆରେ ନାହାଁନ୍ତି ତାଙ୍କ ପୁଅ ଖୁବ ଇମୋସନାଲ୍ କଥା କହିଥିଲେ । ଏତେ ସାନ ହୋଇ ସେ ଏମିତି କଥା କହିବେ ତାହା ଶ୍ୱେତା କେବେ ଭାବିନଥିଲେ । ସୁଶାନ୍ତଙ୍କ ୫ ବର୍ଷର ଭଣଜା ତାଙ୍କ ମାଆଙ୍କୁ କହିଥିଲେ ଯେ, “ମାମୁ ତମ ହୃଦୟରେ ଜୀବିତ ଅଛନ୍ତି” । ଯାହା ନିରାଟ ସତ, ସୁଶାନ୍ତ କେବଳ ଦୁନିଆ ଛାଡି ଯାଇଛନ୍ତି ହେଲେ ସେ ସମସ୍ତଙ୍କ ହୃଦୟରେ ଚିର ଦିନ ପାଇଁ ସ୍ମୃତି ହୋଇ ରହିବେ ।

https://www.instagram.com/p/BWN463ZBJD1/?utm_source=ig_embed

ଶ୍ୱେତାଙ୍କ କହିବା ଅନୁସାରେ ‘ଯେତେବେଳେ ଜଣେ ପାଞ୍ଚ ବର୍ଷର ଶିଶୁ ଏହା କହିପାରେ, ତେବେ ତାଙ୍କ ସମସ୍ତଙ୍କୁ ମଜବୁତ୍ ରହିବା ଉଚିତ୍।’ ଏହା ସହ ସେ କାମନା କରିଛନ୍ତି ଯେ, ତାଙ୍କ ଭାଇ ଯେଉଁଠାରେ ବି ଅଛନ୍ତି ଭଲରେ ରୁହନ୍ତୁ । ଶ୍ୱେତା ନିଜ ଭାଇଙ୍କୁ ଶେଷ ଥର ଦେଖିନଥିବାରୁ ସେ ଖୁବ ଦୁଃଖିତ । ସେ ଭାରତ ଆସିବାକୁ ଚାହୁଁଛନ୍ତି ହେଲେ ସେଥିପାଇଁ ତାଙ୍କୁ ଟିକେଟ ମିଳୁନି । ସେଥିପାଇଁ ସେ ସାହାଯ୍ୟ ମଧ୍ୟ ମାଗିଛନ୍ତି ।

ମୁମ୍ବାଇ: ବଲିଉଡ ଆୱାର୍ଡ ୱିନିଂ ସୁଶାନ୍ତ ସିଂହ ରାଜପୁତ ଚଳିତ ମାସ ୧୪ ତାରିଖରେ ଦୁନିଆକୁ ଅଲବିଦା କହି ଚାଲିଗଲେ । ସୁଶାନ୍ତ ଫାଶୀ ଲଗାଇ ଆତ୍ମହତ୍ୟା କରିଥିବା ଖବର ଅନେକ ଲୋକଙ୍କୁ ଆଚମ୍ବିତ କରିଥିଲା । ନିକଟରେ ତାଙ୍କର ଅନ୍ତିମ ସଂସ୍କାର କରାଯାଇଛି । ଏଥି ସହ ତାଙ୍କ ମୃତ୍ୟୁ ଜଡିତ ତଦନ୍ତ ଜାରି ରହିଛି । ନିକଟରେ ସୁଶାନ୍ତ ସିଂ ରାଜପୁତଙ୍କ ହାଉସ ମେଡ୍ ଙ୍କ ବୟାନ ଏବେ ଚର୍ଚ୍ଚାର ବିଷୟ ପାଲଟିଛି। ଗତ କିଛି ଦିନରେ ସୁଶାନ୍ତ ସିଂ ରାଜପୁତ କେମିତି ଥିଲେ ସେ ନେଇ ହାଉସ୍ ମେଡ୍ ପ୍ରକାଶ କରିଛନ୍ତି ।

ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ପରେ ପୋଲିସ ପଚରାଉଚରା ଜାରି ରଖିଛି। ତେବେ ହାଉସ୍ ମେଡଙ୍କ ସହ କଥା ହେବା ପରେ ଏକ ଆଶ୍ଚର୍ଯ୍ୟଜନକ ତଥ୍ୟ ପ୍ରକାଶ ପାଇଛି। ହାଉସ୍ ମେଡ୍ ଙ୍କ କହିବା ଅନୁସାରେ ଗତ ଦିନ ମଧ୍ୟରେ ସୁଶାନ୍ତ ବହୁତ ଅପସେଟ୍ ଥିଲେ। ସେ ଆତ୍ମହତ୍ୟା କରିବାର ଶେଷ ୩ ଦିନରେ କାହା ସହିତ କଥାବାର୍ତ୍ତା ମଧ୍ୟ କରୁନଥିଲେ ।

ସୁଶାନ୍ତ ତାଙ୍କ ଘର ଭଡା ସହ ଅନ୍ୟାନ୍ୟ ଉଦ୍ଧାରୀ ଖର୍ଚ୍ଚ ସୁଝାଇ ଦେଇଥିଲେ । କିନ୍ତୁ ସେ ତାଙ୍କ ଘରେ କାମ କରୁଥିବା ଲୋକଙ୍କ ଦରମା ଦେଇପାରିବେ କି ନାହିଁ ଜାଣିନଥିଲେ । ସୂଚନାଯୋଗ୍ୟ ଯେ, ସେ ଦୀର୍ଘ ୬ ମାସ ଧରି ଡିପ୍ରେସନର ଶିକାର ହୋଇଥିଲେ । ତାଙ୍କର ଏକ ଘରୋଇ ଡାକ୍ତରଖାନାରେ ଚିକିତ୍ସା ମଧ୍ୟ ଚାଲିଥିଲା ।

ରିପୋର୍ଟ ଅନୁସାରେ ଶେଷ ଥର ପାଇଁ ସୁଶାନ୍ତ ନିଜ ଭଉଣୀ, ତାଙ୍କ ଗର୍ଲଫ୍ରେଣ୍ଡ ଅଭିନେତ୍ରୀ ରିଆ ଓ ପବିତ୍ର ରିସ୍ତା କୋ-ଷ୍ଟାର ମହେଶ ଶେଟ୍ଟୀଙ୍କୁ କଲ କରିଥିଲେ । ଏବେ ପୋଲିସ ଏହି ମାମଲା ନେଇ ଯାଞ୍ଚ ଜାରି ରଖିଛି । ସୁଶାନ୍ତଙ୍କ ଫୋନ୍, ଲାପଟପ୍ ଫରେନ୍ସିକ ପାଇଁ ପଠାଯାଇଛି । ତାଙ୍କ ଅନ୍ତିମ ସଂସ୍କାରରେ ବଲିଉଡର ଅନେକ ସେଲିବ୍ରିଟି ମଧ୍ୟ ସାମିଲ ଥିଲେ ।