ପୁଣି କରୋନା କବଳରେ କୋଭିଡ ଯ଼ୋଦ୍ଧା… ଗଞ୍ଜାମରେ ୩ ଜଣ ଯ଼ୋଦ୍ଧା ସଂକ୍ରମିତ… ଟ୍ୱିଟ୍ କରି ସୂଚନା ଦେଲେ ଗଂଜାମ ଏସପି
ଦେଶରେ ସାଂଘାତିକ ହେଉଛି କରୋନା ସ୍ଥିତି… ଆଜି କେଜ୍ରିୱାଲଙ୍କ ସହ ଆଲୋଚନା କରିବେ ଅମିତ ଶାହା
ନୂଆ ଦିଲ୍ଲୀ: ଭାରତରେ କରୋନା ସ୍ଥିତି ସାଂଘାତିକ ହେଉଛି । ସଂକ୍ରମିତ ସଂଖ୍ୟା ୩ ଲକ୍ଷ ଟପି ସାରିଛି । ଚଳିତ ମାସ ଶେଷ ବେଳକୁ ପିକ୍ରେ ପହଁଚିବ ସଂଖ୍ୟା । ୧୭ ଦିନରେ ଆକ୍ରାନ୍ତ ସଂଖ୍ୟା ଦୁଇଗୁଣା ହେଉଛି । ଗତ ୨୪ ଘଣ୍ଟାରେ ଦେଶରେ ୧୧ ହଜାରରୁ ଅଧିକ ମାମଲା ଆସିଛି । ୩୮୬ ଅଧିକ ଜଣଙ୍କର ଜୀବନ ନେଇଛି କରୋନା । ଆଜି ସୁଦ୍ଧା ୩ ଲକ୍ଷ ୨୨ ହଜାର ଅଧିକ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ୯ ହଜାର ପାର କରିସାରିଛି ମୃତ୍ୟୁ ସଂଖ୍ୟା ।
ପୂର୍ବ ଅନ୍ତର୍ଜାତୀୟ କ୍ରିକେଟର ସାହିଦ ଆଫ୍ରିଦିଙ୍କୁ କରୋନା: ଟ୍ୱିଟ୍ କରି କହିଲେ କିଛି ଏଭଳି କଥା
ମହାରାଷ୍ଟ୍ରରେ ସ୍ଥିତି ଅଣାୟତ୍ତ ହୋଇଛି । ସେପଟେ ଦିଲ୍ଲୀରେ ମଧ୍ୟ ପ୍ରତ୍ୟେକ ଦିନ ବଢୁଥିବା ସଂଖ୍ୟା ସରକାରଙ୍କୁ ଚିନ୍ତାରେ ପକାଇଛି । ଏନେଇ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲଙ୍କ ସହ ଆଜି ଆଲୋଚନା କରିବେ ଗୃହମନ୍ତ୍ରୀ ଅମିତ ଶାହା । ସେପଟେ ଆସନ୍ତା ୧୬ ଓ ୧୭ ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଶର ମୁଖ୍ୟମନ୍ତ୍ରୀଙ୍କ ସହ କୋଭିଡ ସ୍ଥିତି ନେଇ ଆଲୋଚନା କରିବେ । ଅନ୍ୟପଟେ ସ୍ୱାଦ ଓ ବାସ୍ନ। ନବାରିବା ମଧ୍ୟ କରୋନା ଲକ୍ଷଣ ତାଲିକାରେ ଯୋଡ଼ିଛି ସ୍ୱାସ୍ଥ୍ୟ ମନ୍ତ୍ର।ଳୟ ।
ଏହି ରାଶିର ଲୋକଙ୍କର ଆଜି ବ୍ୟବସାୟରେ ହେବ କ୍ଷତି… ଜାଣନ୍ତୁ
ଜୁନ ୧୪, ୨୦୨୦ ମସିହା, ବୃଷ ୩୨ ଦିନ,
୧୯୪୨ ଶକାବ୍ଦ, ୧୪୨୭ ସାଲ୍, ୨୦୭୭ ସମ୍ବତ୍
ଆଷାଢ ମାସ କୃଷ୍ଣପକ୍ଷ ନବମୀ
ଉତ୍ତରଭାଦ୍ର ନକ୍ଷତ୍ର, କୁମ୍ଭ ରାଶିରେ ଚନ୍ଦ୍ର ରହୁଛନ୍ତି
ଘାତବାର- ମେଷ ରାଶିର
ଘାତଚନ୍ଦ୍ର- ଧନୁରାଶି ପୁରୁଷ ଓ ତୁଳା ରାଶି ମହିଳାଙ୍କର
ଯୋଗିନୀ ପୂର୍ବେ ରହିବେ ରାତି ୩ ଟା ୨୨ ପର୍ଯ୍ୟନ୍ତ
ଏହା ପରେ ଯୋଗିନୀ ରହିବେ ଉତ୍ତରେ
ଶୁଭ ସମୟ- ସକାଳ ୭ ଟା ୪୮ ମଧ୍ୟରେ ଏବଂ ଦିନ ୧୧ ଟା ୨୦ ପରେ
ଅଶୁଭ ସମୟ- ଦିନ ୪ ଟା ୪୬ରୁ ସନ୍ଧ୍ୟା ୬ ଟା ୨୫ମଧ୍ୟରେ
ଆଜି ଲାଉ ଖାଇବା ମନା
ଆଜି ଓଡିଶାର ବିଶିଷ୍ଟ ପର୍ବ ରଜ ପର୍ବ
କୈାଣସି ଭୂମିଜନିତ କାର୍ଯ୍ୟ ହେବ ନାହିଁ
ତିନିଦିନ ଧରି କୃଷିକର୍ମ ବନ୍ଦ ରହିବ
ଗୃହରେ ହୋମ,ଯଜ୍ଞ କାର୍ଯ୍ୟ ନିଷେଧ
ମେଷ ରାଶି
ଅଶ୍ୱିନୀ – ପିତାଙ୍କ ସହ ଉତ୍ତମ ସଂପର୍କ ରହିବ, ଦୂର ଯାତ୍ରା କରିପାରନ୍ତି
ଦ୍ୱିଜା- ବିରୋଧିମାନେ ହଇରାଣ କରିପାରନ୍ତି
କୃତ୍ତିକା- କାହା ସହ ସଂପର୍କରେ ଫାଟ ସୃଷ୍ଟି ହୋଇପାରେ
ବୁଲା କୁକୁରକୁ ଖାଇବାକୁ ଦିଅନ୍ତୁ
ବୃଷ ରାଶି
କୃତ୍ତିକା – ଚାକିରୀ କ୍ଷେତ୍ରରେ ଉନ୍ନତି ହୋଇପାରେ, ଶୁଭ ଖବର ପାଇବେ
ରୋହିଣୀ- କୈାଣସି ଦୁଃସାହସ କାର୍ଯ୍ୟ କରି ପ୍ରଶଂସିତ ହେବେ
ମୃଗଶିରା- ଇଛା କରିଥିବା କାର୍ଯ୍ୟରେ ସଫଳତା ପାଇବେ
ଓଁ ଗଣେଶାୟ ନମଃ ପାଠ କରନ୍ତୁ
ମିଥୁନ ରାଶି
ମୃଗଶିରା- ବ୍ୟବସାୟରେ କଠିନ ପରିଶ୍ରମ ଦ୍ଵାରା ସଫଳତା ପାଇବେ
ଆର୍ଦ୍ରା- ବନ୍ଧୁଙ୍କର ସହଯୋଗ ପାଇବେ
ପୁନର୍ବସୁ- ଅର୍ଥ ଦେବାନେବା କ୍ଷେତ୍ରରେ ସତର୍କ ରୁହନ୍ତୁ
ସୂର୍ଯ୍ୟଙ୍କୁ ଲାଲ ଫୁଲ ଓ ଗୁଡଜଳ ଅର୍ପଣ କରନ୍ତୁ
କର୍କଟ ରାଶି
ପୁନର୍ବସୁ- ଭାଗ୍ୟ ଆଜି ଆପଣଙ୍କ ସପକ୍ଷରେ ରହିବ,ସବୁ କାମ ସହଜରେ ହେବ
ପୁଷ୍ୟା- ଅନେକ ଶୁଭ କାର୍ଯ୍ୟ ହାତକୁ ଆସିବ,ସଫଳତା ପାଇବେ
ଅଶ୍ଳେଷା- ସନ୍ତାନମାନଙ୍କର ସଫଳତା ହିଁ ଖୁସି ଆଣିଦେବ
ସୂର୍ଯ୍ୟଦେବଙ୍କର ଆଦିତ୍ୟସ୍ତୋତ୍ର ପାଠ କରନ୍ତୁ
ସିଂହ ରାଶି
ମଘା – ଆଜି କୈାଣସି ଗାଡିରେ ଯାତ୍ରା କରିବା ଶୁଭ ନୁହେଁ
ପୂର୍ବା ଫାଲଗୁନି- ଶରୀର ଅସୁସ୍ଥ ଯୋଗୁଁ ବ୍ୟତିବ୍ୟସ୍ତ ହୋଇଯିବେ
ଉତ୍ତରାଫାଲଗୁନି- ଅର୍ଥ ସମସ୍ୟା ସହ, ସାମାଜିକ କ୍ଷେତ୍ରରେ ଅସଫଳତା ପାଇବେ
ଛୋଟ ଛୋଟ ଝିଅମାନଙ୍କୁ ମିଠା ଖୁଆଇବେ
କନ୍ୟା ରାଶି
ଉତ୍ତରଫାଲଗୁନି- ବ୍ୟବସାୟରେ ଲାଭକ୍ଷତି ସମାନ ରହିବ
ହସ୍ତା- କୈାଣସି ବିଶିଷ୍ଟ ବ୍ୟକ୍ତିଙ୍କ ସହ ସାକ୍ଷାତ ଓ ସହଯୋଗ ପାଇବେ
ଚିତ୍ରା- ନିଜର ଆର୍ଥିକସ୍ଥିତି ପୂର୍ବାପେକ୍ଷା ମଜବୁତ୍ ରହିବ
ଷଣ୍ଡକୁ ଗୁଡ,ରୁଟି ଖାଇବାକୁ ଦେବେ
ତୁଳା ରାଶି
ଚିତ୍ରା – ପୁରୁଣା ବିବାଦ ଓ ଶତୃପିଡା ଚିନ୍ତାରେ ପକାଇବ
ସ୍ୱାତୀ- କର୍ମକ୍ଷେତ୍ରରେ ମାନସିକ ଚାପ ଅଧିକ ରହିବ
ବିଶାଖା- କୈାଣସି ଭୁଲ କାମ ଯୋଗୁଁ କର୍ମକ୍ଷେତ୍ରରେ ଅଶାନ୍ତି ରହିବେ
ହଳଦୀର ଟିକା ମଥାରେ ଲଗାନ୍ତୁ
ବିଛା ରାଶି
ବିଶାଖା – ନୂତନ ବନ୍ଧୁଙ୍କ ସହଯୋଗ ଓ ସାହାଯ୍ୟ ପାଇବେ
ଅନୁରାଧା- ମାନ,ସମ୍ମାନ ବୃଦ୍ଧି ହେବ
ଜ୍ୟୋଷ୍ଠା – ନୂତନ ବନ୍ଧୁ, ନୂତନ କାର୍ଯ୍ୟକୁ ନେଇ ଖୁସି ରହିବେ
ମା’ଦୁର୍ଗାଙ୍କର ମନ୍ତ୍ର ପାଠ କରନ୍ତୁ
ଧନୁ ରାଶି
ମୂଳା – ବନ୍ଧୁଙ୍କର ସହଯାଗରେ ଆୟର ନୂତନ ପନ୍ଥା ବାହାରିବ
ପୂର୍ବାଷାଢା- ପରିବାରରେ ଏକତା ଓ ମାନସିକ ଶାନ୍ତି ରହିବ
ଉତ୍ତରାଷାଢା- ରାଜନୀତି କରୁଥିଲେ ସେଥିରେ ଆଧିପତ୍ୟ ବଢିବ
ଅଶୋକା ବୃକ୍ଷକୁ ପରିକ୍ରମା କରନ୍ତୁ
ମକର ରାଶି
ଉତ୍ତରାଷାଢା- କଳାକ୍ଷେତ୍ରରେ କାମ କରୁଥିବା ବ୍ୟକ୍ତି ଯଶ ଅର୍ଜନ କରିବେ
ଶ୍ରବଣା- ଘରେ କୈାଣସି ମାଙ୍ଗଳିକ କାମ ହୋଇପାରେ
ଧନିଷ୍ଠା- ଆର୍ଥିକଚିନ୍ତାରୁ ମୁକ୍ତି ପାଇବେ
ଓସ୍ତଗଛ ମୂଳରେ କ୍ଷୀର ଅର୍ପଣ କରନ୍ତୁ
କୁମ୍ଭ ରାଶି
ଧନିଷ୍ଠା- କୈାଣସି ମହତ୍ତ୍ଵପୂର୍ଣ୍ଣ କାମରେ ବ୍ୟସ୍ତ ରହିବେ
ଶତଭିଷା- ଧନପ୍ରାପ୍ତିର ସୁଯୋଗ ରହିଛି
ପୂର୍ବଭାଦ୍ରପଦ- ନିଜର କଥା ଦ୍ଵାରା ଅନ୍ୟମାନଙ୍କୁ ଆକର୍ଷିତ କରିବେ
ଗାୟତ୍ରୀ ମନ୍ତ୍ର ୩ ଥର ପାଠ କରନ୍ତୁ
ମୀନ ରାଶି
ପୂର୍ବଭାଦ୍ରପଦ- ଅର୍ଥ ସମସ୍ୟା କିଛି ମାତ୍ରାରେ ଦୁର ହେବ
ଉତ୍ତରଭାଦ୍ରପଦ- ରାଜନୀତି କରୁଥିବା ବ୍ୟକ୍ତିମାନଙ୍କର ଆଧିପତ୍ୟ ବଢିବ
ରେବତୀ- ଛାତ୍ରଛାତ୍ରୀମାନେ ନିଜର ଶିକ୍ଷାକୁ ନେଇ ପ୍ରଶଂସା ପାଇବେ
ହନୁମାନ ଚାଳିଶା ପାଠ କରନ୍ତୁ
ଜ୍ୟୋତିର୍ବିଦ୍ ପ୍ରଜ୍ଞା ତ୍ରିପାଠୀ
ଯୋଗାଯୋଗ-8984684801
ଆଜି ପହିଲି ରଜ… ସାମାଜିକ ଦୂରତାକୁ ରକ୍ଷା କରି କୁମାରୀ ପାଳୁଛନ୍ତି ରଜ
ଭୁବନେଶ୍ୱର: ବନସ୍ତେ ଡ଼ାକିଲା ଗଜ… ବରଷକେ ଥରେ ଆସିଛି ରଜ… ଆସିଛି ରଜଲୋ… ଘେନି ନୂଆ ସଜବାଜ । ଆଜି ହେଉଛି ପହିଲି ରଜ । ଓଡ଼ିଶାର ଗଣପର୍ବ ରଜ । ଏହି ଦିନ ସବୁ କୁମାରୀ ମାନେ ପାଦରେ ସରୁ ଅଳତା, ନୂଆ ପୋଷାକ ପିନ୍ଧି ଖିଲିପାନ ଖାଇ ଗାଁ ଦାଣ୍ଡରେ ବୁଲିଥାନ୍ତି । କିନ୍ତୁ… ଏଥର ରଜ ତ ଆସିଲା ହେଲେ ଟିକେ ଭିନ୍ନ ଢ଼ଙ୍ଗରେ ଆସିଲା। ସବୁ କୁମାରୀ ମାନେ ସଜବାଜ ହେଲେ । ଘରେ ଘରେ ପୋଡ଼ ପିଠା ହେଲା ।
ଦୋଳି ଲାଗିଲା, କୁମାରୀ ଦୋଳୀରେ ମଧ୍ୟ ଝୁଲିଲେ ହେଲେ କରୋନା କଟକଣା ସହ । ସତରେ ଜେମିତି କରୋନା ରଜର ମହକ ଛଡ଼େଇ ନେଇଛି । ସବୁ କିଛି କରୋନା କଟକଣା ସହ ହୋଇଛି । ପହିଲି ରଜରେ ଫିକା ପଡିଛି ମଉଜ । ଗାଁ ଦାଣ୍ଡରେ କୁମାରୀ ଆଜି ବୁଲୁନି କି ଆମ୍ବ ତୋଟାରେ ଦୋଳୀ ଲାଗିନି । ସେପଟେ ଯେଉଁଠି ରାଜଧାନୀର ରାସ୍ତା ଆଜି କୁମାରୀ ମାନଙ୍କର ମନ ଖୋଲା ହସରେ ଫୁଟି ପଡ଼ୁଥାଏ ଆଜି ସବୁଥିରେ ଯେମିତି କରୋନା ରୋକ ଲଗାଇଚି ।
ରଜରେ ଧଉଳି ହାତ ମେଲାଇ ସବୁ କୁମାରୀଙ୍କୁ ସ୍ୱାଗତ କରୁଛି ହେଲେ କରୋନା ଜଗୁଆଳ ହୋଇ ଆଗରେ ଛିଡ଼ା ହୋଇଛି । କରୋନା କଟକଣା ପାଇଁ ସମସ୍ତଙ୍କୁ ଘରେ ରହି ରଜ ପାଳନ କରିବାକୁ ସରକାର ନିର୍ଦ୍ଦେଶ ଦେଇଛନ୍ତି । ତେଣୁ ସମସ୍ତେ ନିଜ ନିଜ ଘରେ ରଜ ପାଳନ କରିବାକୁ ପ୍ରସ୍ତୁତ ହୋଇଛନ୍ତି । ଛୋଟରୁ ବଡ ସମସ୍ତେ ଆଜି ନୂଆ ଡ୍ରେସ୍ ପିନ୍ଧି ଲୁଡୁ ଖେଳ ସହ ପିଠା ପଣାର ମଜା ଉଠାଉଛନ୍ତି । ଘରେ ଘରେ ଦୋଳି ସାଙ୍ଗକୁ ବିଭିନ୍ନ ପିଠା ପଣାର ଆୟୋଜନ କରାଯାଇଛି । ସେପଟେ ହାତରେ ମେହେନ୍ଦି, ନେଲପଲିସ ଲଗାଇ ରଜ ଉତ୍ସବକୁ ସ୍ୱାଗତ କରୁଛନ୍ତି କୁମାରୀ । ଆଉ କେଉଁଠି ସରକାରଙ୍କ ନିର୍ଦ୍ଦେଶକୁ ପାଳନ କରି କରୋନା ଭୂତାଣୁ ଠାରୁ ଦୂରେଇ ରହି ମୁହଁରେ ମାସ୍କ ପିନ୍ଧି ପାଳନ କରାଯାଉଛି ରଜ ।
ଆତ୍ମନିର୍ଭର ଭାରତ ପ୍ୟାକେଜ ଉପରେ ପ୍ରଶ୍ନ ଉଠାଇଲେ ପ୍ରଧାନମନ୍ତ୍ରୀଙ୍କ ଆର୍ଥିକ ପରାମର୍ଶଦାତା
ନୂଆଦିଲ୍ଲୀ: ମହାମାରୀ କରୋନା ଭାଇରସ୍ ଠାରୁ ଦେଶର ଅର୍ଥ ବ୍ୟବସ୍ଥାକୁ ବଞ୍ଚାଇବା ପାଇଁ ପିଏମ୍ ମୋଦି ୨୦ ଲକ୍ଷ କୋଟି ଟଙ୍କାର ଆତ୍ମନିର୍ଭର ଭାରତ ଅଭିଯାନ ପ୍ୟାକେଜ୍ ଘୋଷଣା କରିଥିଲେ । ଯାହାର ସବିଶେଷ ତଥ୍ୟ ରଖିଥିଲେ ଅର୍ଥମନ୍ତ୍ରୀ ନିର୍ମଳା ସୀତାରମଣ । ଯାହାପରେ ସମସ୍ତେ ଏହା ଉପରେ ଆଲୋଚନା କରୁଛନ୍ତି । ଏବେ ପ୍ରଧାନମନ୍ତ୍ରୀ ମୋଦିଙ୍କ ଆର୍ଥିକ ପରାମର୍ଶଦାତା ପରିଷଦର ସଦସ୍ୟ ଆଶିମା ଗୋଏଲ ଏହି ପ୍ୟାକେଜ୍ ଉପରେ ପ୍ରଶ୍ନ ଉଠାଇବା ସହ ଏଥିରେ ସୁଧାର ଆବଶ୍ୟକତା ଥିବା କହିଛନ୍ତି ।
ଅର୍ଥ ବ୍ୟବସ୍ଥାକୁ ପ୍ରୋତ୍ସାହିତ କରିବାକୁ ସରକାର ଚାହିଦା ବଢ଼ାଇବା ଆବଶ୍ୟକ । ପିଏଚଡି ଚ୍ୟାମ୍ବର ଅଫ କମର୍ସ ଆଣ୍ଡ ଇଣ୍ଡଷ୍ଟ୍ରୀର ଭର୍ଚୁଆଲ ସମ୍ବୋଧନ ବେଳେ ଆଶିମା କହିଛନ୍ତି- ଆର୍ଥିକ ପ୍ୟାକେଜ୍ ସମ୍ପୂର୍ଣ୍ଣ ଭାବେ ପରିପୂର୍ଣ୍ଣ ନୁହେଁ । ପ୍ୟାକେଜର କେତକ ଜିନିଷ ନାହିଁ । ଆଉ କିଛି ଯୋଡ଼ିବାକୁ ସେ ସୁପାରିସ୍ କରିଛନ୍ତି । ପ୍ରଧାନମନ୍ତ୍ରୀ ମୋଦିଙ୍କ ଆର୍ଥିକ ଉପଦେଷ୍ଟା ପରିଷଦର ପାର୍ଟ ଟାଇମ୍ ମେମ୍ବର ଆଶିମା ଗୋଏଲ କହିଛନ୍ତି ପ୍ୟାକେଜରେ ଅଧିକ ଆଶ୍ୱସ୍ତି ଅର୍ଥ ବିଭାଗରେ ଦିଆଯାଇଛି । ତେବେ, ଚାହିଦା ଓ ଯୋଗାଣ ଭିତରେ ତାଳମେଳ ରହିବା ଜରୁରୀ ।
ମେ ମାସରେ କେନ୍ଦ୍ର ସରକାର ୨୦.୯୭ ଲକ୍ଷ କୋଟି ଟଙ୍କାର ଆର୍ଥିକ ପ୍ୟାକେଜ ଘୋଷଣା କରିଥିଲେ । ଯେଉଁଥିରେ ଆରବିଆଇ ଦେଇଥିବା ୮.୦୧ ଲକ୍ଷ କୋଟିର ନଗଦ ସାମିଲ୍ ଥିଲା । ଭାରତର ଅର୍ଥନୀତି ପାଇଁ କରୋନା ଏକ ଅସ୍ଥାୟୀ ଝଟକା ବୋଲି କହିଛନ୍ତି ।
୨୦୧୯-୨୦ ଆର୍ଥିକ ବର୍ଷରେ ବିକାର ଦର ୪.୨ ପ୍ରତିଶତ ଥିଲା ଯାହା ବିଗତ ୧୧ ବର୍ଷରେ ସର୍ବନିମ୍ନ । ସେହିଭଳି ୨୦୨୦-୨୧ ଆର୍ଥିକ ବର୍ଷରେ ଜିଡିପି ୩.୫ ପ୍ରତିଶତ ରହିବା ନେଇ ବିଭିନ୍ନ ଏଜେନ୍ସି ଆକଳନ କରିଛନ୍ତି ।
ଆତ୍ମନିର୍ଭର ଭାରତ ପ୍ୟାକେଜ୍: ୨୦ ଲକ୍ଷ କୋଟିରୁ କାହା ଭାଗରେ କେତେ ? ୫ ବିନ୍ଦୁରେ ଜାଣନ୍ତୁ
ଚିନ୍ତା ବଢ଼ାଇଲାଣି ୫ ରାଜ୍ୟ, ଅଧିକାରୀଙ୍କ ସହ ପ୍ରଧାନମନ୍ତ୍ରୀ ମୋଦିଙ୍କ ବୈଠକ
ନୂଆଦିଲ୍ଲୀ: କୋଭିଡ୍ ମହାମାରୀ ପାଇଁ ସରକାର ନେଇଥିବା ପଦକ୍ଷେପର ସମୀକ୍ଷା କରିଛନ୍ତି ପ୍ରଧାନମନ୍ତ୍ରୀ । ବରିଷ୍ଠ ମନ୍ତ୍ରୀ ଓ ଅଧିକାରୀଙ୍କ ସହ ପିଏମ୍ ମୋଦି ବୈଠକ କରି ବିସ୍ତୃତ ଆଲୋଚନା କରିଛନ୍ତି । ଦେଶରେ କରୋନାର ସ୍ଥିତି ଓ ମୁକାବିଲା ପାଇଁ ନିଆଯାଇଥିବା ପଦକ୍ଷେପ ନେଇ ଆଲୋଚନା ହୋଇଛି । ଦିଲ୍ଲୀ ସହିତ ବିଭିନ୍ନ ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳରେ ମହାମାରୀ ପ୍ରକୋପ ନେଇ ସମୀକ୍ଷା କରିଛନ୍ତି ପ୍ରଧାନମନ୍ତ୍ରୀ । ବୈଠକରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କ ସମେତ ସ୍ୱାସ୍ଥ୍ୟମନ୍ତ୍ରୀ, ପ୍ରଧାନମନ୍ତ୍ରୀଙ୍କ ପ୍ରମୁଖ ସଚିବ, କ୍ୟାବିନେଟ୍ ସଚିବ, ସ୍ୱାସ୍ଥ୍ୟ ସଚିବ. ICMR ଡିଜି, ଓ ଅନ୍ୟ ଅଧିକାରୀମାନେ ଉପସ୍ଥିତ ଥିଲେ ।
ଏହି ଅବସରରେ ନିତି ଆୟୋଗ ସଦସ୍ୟ ବିନୋଦ ପାଲ କରୋନା ଭାଇରସର ବର୍ତ୍ତମାନ ସ୍ଥିତି ଓ ଆଗାମୀ ଦିନର ପରିସ୍ଥିତି ନେଇ ଏକ ପ୍ରେଜେଣ୍ଟିସନ୍ ଦେଇଥିଲେ । ସମୁଦାୟ ସଂକ୍ରମଣର ଦୁଇ ତୃତୀୟାଂଶ ୫ଟି ରାଜ୍ୟରେ ହୋଇଥିବା ଏବଂ ଏହାଠୁ ଅଧିକ ସଂକ୍ରମଣ ବଡ଼ ସହରରେ ହୋଇଥିବା ଜଣାପଡ଼ିଛି । ବଡ଼ ସହରରେ ଚ୍ୟାଲେଞ୍ଜରୁ ମୁକୁଳିବା ପାଇଁ ଟେଷ୍ଟିଂ ବୃଦ୍ଧି ସହ ବେଡ୍ ଓ ସ୍ୱାସ୍ଥ୍ୟ ସୁବିଧା ଉପରେ ବୈଠକରେ ଆଲୋଚନା ହୋଇଛି ।
ପ୍ରଧାନମନ୍ତ୍ରୀ ମୋଦି ହସ୍ପିଟାଲରେ ବେଡ୍ ଓ ଆଇସୋଲେସନ ବେଡ୍ ବଡ଼ ସହର ସହ ଜିଲ୍ଲାରେ ଆବଶ୍ୟକତା ଉପରେ ସୁପାରିସର ସମୀକ୍ଷା କରିଥିଲେ । ଆବଶ୍ୟକତା ଅନୁସାରେ ରାଜ୍ୟକୁ ଜରୁରୀକାଳୀନ ସ୍ଥିତି ପାଇଁ ଯୋଜନା ତିଆରି କରିବାକୁ ନିର୍ଦ୍ଦେଶ ଦେଇଛନ୍ତି । ମୌସୁମୀ ଆସି ସାରିଥିବାରୁ ଜରୁରୀ ଅନୁଯାୟୀ ଉପଯୁକ୍ତ ପଦକ୍ଷେପ ନେବାକୁ କହିଛନ୍ତି ପ୍ରଧାନମନ୍ତ୍ରୀ ।
ଏହି ଅବସରରେ ଦିଲ୍ଲୀରେ କରୋନା ଭାଇରସ ସ୍ଥିତି ଉପରେ ଆଲୋଚନା କରାଯାଇଥିଲା । ଆସନ୍ତା ୨ ମାସର ସ୍ଥିତିକୁ ଅନୁମାନ କରି ଆଲୋଚନା ହୋଇଥିଲା । ଗୃହମନ୍ତ୍ରୀ ଅମିତ ଶାହ ଓ ସ୍ୱାସ୍ଥ୍ୟମନ୍ତ୍ରୀ ଏକ ସମନ୍ୱୟ ଯୋଜନା ତିଆରି କରିବେ । କେନ୍ଦ୍ର ସରକାରଙ୍କ ସମସ୍ତ ବରିଷ୍ଠ ଅଧିକାରୀ, ଦିଲ୍ଲୀ ସରକାର, ଦିଲ୍ଲୀ ମହାନଗର ନିଗମ ଅଧିକାରୀଙ୍କ ଉପସ୍ଥିତିରେ ଉପରାଜ୍ୟପାଳ, ଦିଲ୍ଲୀ ମୁଖ୍ୟମନ୍ତ୍ରୀଙ୍କ ଏକ ଜରୁରୀ ବୈଠକ କରି ବସ୍ତୃତ ଆଲୋଚନା କରିବାକୁ କୁହାଯାଇଛି ।
ଏବେ ଗୋଟେ ଆକାଉଣ୍ଟକୁ ୪ଟି ଡିଭାଇସରେ ଖୋଲିପାରିବେ ହ୍ୱାଟସଆପ୍ ୟୁଜର୍ସ
ଖୁବଶୀଘ୍ର ଆପଣ ନିଜ ହ୍ୱାଟସ୍ ଆପ୍ ଆକାଉଣ୍ଟକୁ ଚାରୋଟି ଡିଭାଇସରେ ବ୍ୟବହାର କରିବାକୁ ସକ୍ଷମ ହେବେ । ଟ୍ୱିଟରରେ ଏକ ସ୍କ୍ରିନସଟ୍ ସେୟାର କରାଯାଇଛି, ଯାହା ଏହି ନୂତନ ଫିଚର ଏକ ଝଲକ ଦେଇଛି | ଏହି ଫିଚରକୁ ପ୍ରସ୍ତୁତ କରାଯାଉଛି ଏବଂ ଏହାର ଏପର୍ଯ୍ୟନ୍ତ ରିଲିଜ୍ ହୋଇନାହିଁ | ହ୍ୱାଟସ୍ ଆପରେ ମଲ୍ଟି-ଡିଭାଇସ୍ ସମର୍ଥନ କିଛି ସମୟ ପାଇଁ ଗୁଜବ ହୋଇଆସୁଥିଲା । ଏକାଧିକ ଡିଭାଇସରେ ହ୍ୱାଟସ୍ ଆପ୍ ଆକାଉଣ୍ଟକୁ ସକ୍ରିୟ କରିବାର ଏକ ପ୍ରମାଣ ବିଟା ସଂସ୍କରଣରେ ମଧ୍ୟ ଦେଖିବାକୁ ମିଳିଛି ।
Yes, it's the ability to use your WhatsApp account from 4 devices at the same time.
Under development, but it's great!📱📱📱📱 pic.twitter.com/JYvtMahrag
— WABetaInfo (@WABetaInfo) June 12, 2020
ହ୍ୱାଟସ୍ ଆପ୍ ବିଟା ଟ୍ରାକର୍ WABetaInfo ଦ୍ୱାରା ପୋଷ୍ଟ କରାଯାଇଥିବା ଏକ ଟ୍ୱିଟ୍ ଅନୁଯାୟୀ ହ୍ୱାଟସ୍ ଆପ୍ ଏକ ସମୟରେ ଚାରୋଟି ଡିଭାଇସରେ ସମାନ ହ୍ୱାଟସ୍ ଆପ୍ ଆକାଉଣ୍ଟ ଚଳାଉଥିବା ଏକ ଫିଚର ଉପରେ କାମ କରୁଛି। ଟ୍ୱିଟ୍ ସହିତ ସେୟାର ହୋଇଥିବା ସ୍କ୍ରିନସଟ୍ ସୂଚିତ କରେ ଯେ ସମସ୍ତ ଚାରି କିମ୍ବା କମ୍ ଡିଭାଇସ୍ ମଧ୍ୟରେ ଡାଟା ସିଙ୍କ୍ କରିବାକୁ ଆପ୍ ୱାଇ-ଫାଇ ସଂଯୋଗ ବ୍ୟବହାର କରିବ। ଯେଉଁମାନଙ୍କର ୱାଇ-ଫାଇ ସଂଯୋଗ ନାହିଁ, କିନ୍ତୁ ଏକାଧିକ ଡିଭାଇସରେ ସେମାନଙ୍କର ସମାନ ଆକାଉଣ୍ଟ ବ୍ୟବହାର କରିବାକୁ ଚାହୁଁଛନ୍ତି ସେମାନଙ୍କୁ ହ୍ୱାଟସ ଆପ୍ ମୋବାଇଲ୍ ଡାଟା ଅପସନ ମଧ୍ୟ ଦେଇପାରେ ।
ବର୍ତ୍ତମାନ, ହ୍ୱାଟସ୍ ଆପ୍ ଉପଭୋକ୍ତାମାନଙ୍କୁ ସମାନ ଆକାଉଣ୍ଟକୁ ଏକାଧିକ ଡିଭାଇସ୍ ସହିତ ସଂଯୋଗ କରିବାକୁ ଅନୁମତି ଦେଇ ନାହିଁ । ଏହା ବ୍ୟତୀତ, ଆପ୍ଲିକେସନ୍ ମଧ୍ୟ ଗୋଟିଏ ଡିଭାଇସରେ ଦୁଇଟି ହ୍ୱାଟସ୍ ଆପ୍ ଆକାଉଣ୍ଟକୁ ସମର୍ଥନ କରେନାହିଁ ।
WABetaInfo ସ୍ପଷ୍ଟ ଭାବରେ କହିଛି ଯେ ନୂତନ ଫିଚର ବର୍ତ୍ତମାନ ପ୍ରସ୍ତୁତ କରାଯାଉଛି । ଏହାର ଅର୍ଥ ହେଉଛି ଏହା କୌଣସି ସାମ୍ପ୍ରତିକ ବିଟା ସଂସ୍କରଣର ଅଂଶ ନୁହେଁ ଏବଂ ବୋଧହୁଏ ଏକ ଆଭ୍ୟନ୍ତରୀଣ ପରୀକ୍ଷଣରେ ସୀମିତ ।
ଜାଣନ୍ତୁ ପନ୍ନା ରତ୍ନ ପିନ୍ଧିବାର ୧୦ ଟି ସୁଫଳ ଏବଂ ୫ ଟି କ୍ଷତି ବିଷୟରେ
ଅନେକ ଲୋକ ନିଜ ମନରୁ ହେଉ କିମ୍ବା କେହି ଜଣେ ଅଳ୍ପ ବୁଦ୍ଧି ଜ୍ୟୋତିଷ କଥାରେ ପନ୍ନା ଧାରଣ କରିନିଅନ୍ତି । ବହୁତ ଲୋକ ଅଛନ୍ତି ଯାହାର ରାଶି ଚିହ୍ନ ମିଥୁନ କିମ୍ବା କନ୍ୟା, ତେଣୁ ସେମାନେ ମଧ୍ୟ ରାଶିଫଳ ଯାଞ୍ଚ ନକରି ପନ୍ନା ଧାରଣ କରନ୍ତି । ତେବେ ପନ୍ନା ପିନ୍ଧିବାର ୧୦ ଟି ଲାଭ ଏବଂ ୫ ଟି କ୍ଷତି ବିଷୟରେ ଆମେ ଆପଣଙ୍କୁ ଜଣାଇବୁ ।
ପନ୍ନା ପିନ୍ଧିବାର ୧୦ ଟି ଲାଭ
୧. ପନ୍ନା ପିନ୍ଧିବା ଦ୍ୱାରା ସ୍ମୃତି ଶକ୍ତି ବୃଦ୍ଧି ପାଇଥାଏ ।
୨. ହଜମ ପ୍ରକ୍ରିୟା ତ୍ୱରାନ୍ୱିତ କରିଥାଏ ।
୩. ଚାକିରି ଏବଂ ବ୍ୟବସାୟର ଉନ୍ନତି ପାଇଁ ଏହାକୁ ପିନ୍ଧିବା ମଧ୍ୟ ପରାମର୍ଶଦାୟକ ।
୪. ପନ୍ନା ପିନ୍ଧିବା ଦ୍ୱାରା ବାଣୀ ପ୍ରଭାବଶାଳୀ ହୋଇଯାଏ ।
୫. ଅସମ୍ପୂର୍ଣ୍ଣ ଇଚ୍ଛାଗୁଡ଼ିକ ପନ୍ନା ପିନ୍ଧିଲେ ପୂରଣ ହୁଏ ।
୬. ଯଦି ଜଣେ ରୋଗୀ ରାଶିଫଳକୁ ଦେଖି ପନ୍ନା ପିନ୍ଧନ୍ତି, ତା’ହେଲେ ତାଙ୍କର ଶକ୍ତି ବଢିଯାଏ, ସ୍ୱାସ୍ଥ୍ୟ ଭଲ ରୁହେ ।
୭. ଘରେ ପନ୍ନାକୁ ସଠିକ ସ୍ଥନାରେ ରଖିଲେ ଧନ ବୃଦ୍ଧି ହୋଇଥାଏ, ବିଦ୍ୱାନ ସନ୍ତାନ ଜନ୍ମ ନେଇଥାନ୍ତି ।
୮.ଯଦି ମିଥୁନ ରାଶି ବ୍ୟକ୍ତି ପନ୍ନା ପିନ୍ଧନ୍ତି ତେବେ ପାରିବାରିକ ଅସୁବିଧା କମ୍ ଘଟିଥାଏ ।
୯.ଯଦି କନ୍ୟା ରାଶି ପନ୍ନା ପିନ୍ଧିଛନ୍ତି, ତେବେ ଆପଣ ରାଜ୍ୟ, ବ୍ୟବସାୟ, ପିତା, ଚାକିରି, ସରକାରୀ କାର୍ଯ୍ୟରେ ଲାଭ ପାଇପାରିବେ ।
୧୦.ପନ୍ନା ପୁନ୍ଧିବା ପରେ ଯଦି ବୁଧ ସର୍ବୋତ୍ତମ ପ୍ରଭାବ ଦେବା ଆରମ୍ଭ କରନ୍ତି, ତେବେ ଭଉଣୀର ଜୀବନରେ ସୁଖ ପ୍ରାପ୍ତ ହୋଇଥାଏ ।
ପନ୍ନା ପିନ୍ଧିବାର ୫ ଟି କ୍ଷତି
୧. ଯଦି ବୁଧ ତୃତୀୟ କିମ୍ବା ଦ୍ୱାଦଶ ଘରେ ଅଛି ତେବେ ପନ୍ନା ପିନ୍ଧିବା ଉଚିତ ନୁହେଁ, ଏହା କ୍ଷତି ଘଟାଇବ ।
୨. ଜ୍ୟୋତିଷ ଶାସ୍ତ୍ର ଅନୁଯାୟୀ ଯଦି ୬, ୮, ୧୨ ର ସ୍ୱାମୀ ବୁଧ ଥାଏ ତେବେ ପନ୍ନା ପିନ୍ଧିବା ଦ୍ୱାରା ହଠାତ୍ କ୍ଷତି ହୋଇପାରେ । ତେଣୁ, କୌଣସି ଜ୍ୟୋତିଷଙ୍କୁ ପ୍ରଥମେ ରାଶିଫଳ ଦେଖାନ୍ତୁ ଏବଂ ପରେ ଏହାକୁ ପିନ୍ଧନ୍ତୁ ।
୩. ଯଦି ବୁଧ ଗ୍ରହର ମହାଦଶା ଚାଲିଛି ଏବଂ ବୁଧ ଅଷ୍ଟମ କିମ୍ବା ଦ୍ୱାଦଶ ଘରେ ବସିଛନ୍ତି, ତେବେ ପନ୍ନା ପିନ୍ଧିବା ସମସ୍ୟା ସୃଷ୍ଟି କରିପାରେ ।
୪. ଅନୁକରଣ, ଅଶୁଦ୍ଧ, ଭଙ୍ଗା, ଦାଗଯୁକ୍ତ, ଚକଚକିଆ, ସୁବର୍ଣ୍ଣ ରଙ୍ଗର କିମ୍ବା ଅନ୍ୟାନ୍ୟ ରଙ୍ଗୀନ ପନ୍ନା ଧନ, ସମୃଦ୍ଧତା ଏବଂ ଶିଶୁର ଅନୁଗ୍ରହକୁ ନଷ୍ଟ କରେ ।
୫. ଉପଯୁକ୍ତ ଧାତୁ, ନକ୍ଷତ୍ର, ଦିନ ଏବଂ ଗ୍ରହର ସ୍ଥିତିକୁ ନ ଦେଖି ପନ୍ନା ପିନ୍ଧିବା କ୍ଷତିକାରକ ହୋଇପାରେ ।
୬୦ ବର୍ଷ ପରେ ରଥକୁ ଫେରିପାରେ ଏହି ପରମ୍ପରା
ପୁରୀ: ଦୀର୍ଘ ୬୦ ବର୍ଷ ପରେ ରଥ ଉପରେ ଶ୍ରୀଜିଉଙ୍କ ପାଖରେ ଲାଗି ହୋଇପାରେ ମାଣ୍ଡୁଅ, ଅମ୍ବାଲୁ, ବଡ଼ କାକରା, ଉଠା କାକରା, ମହାପ୍ରସସ୍ଥ ଆଦି ଭୋଗ । ଏବେ ରଥ ଉପରେ କେବଳ ଖଇକୋରା ଭୋଗ ହେଉଛି । କୋଭିଡ୍ କଟକଣା ଭିତରେ ରଥଯାତ୍ରା ହେଲେ ଭିଡ଼ ଆଶଙ୍କା ନଥିବାରୁ ୬୦ ବର୍ଷ ତଳର ପରମ୍ପରା ଫେରାଇ ଆଣିବା ପାଇଁ ଶ୍ରୀମନ୍ଦିର ପ୍ରଶାସନ ସହ ଆଲୋଚନା ଆରମ୍ଭ ହୋଇଛି । ଏହି ପ୍ରସ୍ତାବକୁ ଗବେଷକମାନେ ସ୍ୱାଗତ କରିଛନ୍ତି ।
ମାଣ୍ଡୁଅ, ଅମାଲୁ, ବଡ଼ କାକରା ଓ ଉଠା କାକରା । ସେହିପରି ମହାପ୍ରସସ୍ଥ, ମନୋହର, ଟାକୁଆ, ମରିଚ ଲଡୁ, ତାଟ ବାବଦ ନାଡ଼ି ଓ ବିଭନ୍ନ ପ୍ରକାର ପିଠା । ୬୦ ବର୍ଷ ପୂର୍ବେ ଏସବୁ ଭୋଗ ରଥ ଉପରେ ଶ୍ରୀଜିଉଙ୍କୁ ଲାଗି ହେଉଥିଲା । ବିଭିନ୍ନ କାରଣରୁ ଏବେ କେବଳ ଖଇକୋରା ଭୋଗ ହେଉଛି । ଏବର୍ଷ କରୋନା କଟକଣା ଯୋଗୁ ଭିଡ଼ ଆଶଙ୍କା ନଥିବାରୁ ୬୦ ବର୍ଷ ତଳର ଭୋଗ ପରମ୍ପରା ଫେରାଇ ଆଣିବାକୁ ଉଦ୍ୟମ ଆରମ୍ଭ ହୋଇଛି ।
ରଥ ଉପରେ ଦୈନନ୍ଦିନ ନୀତିକାନ୍ତି ସହ ଗୋପାଳ ବଲ୍ଲଭ, ସକାଳ ଧୂପ, ସନ୍ଧ୍ୟାଧୂପ ନୀତି କରାଯାଏ । ଭୋଗ ଆକାରରେ ଏବର୍ଷ ଖଇକୋରା ସହ ବଡୁ ସୁଆର, ଦେଉଳ କରଣ, ତଢ଼ାଉ କରଣ ଆଦି ସେବକଙ୍କ ଦ୍ଵାରା ବିଭିନ୍ନ ପ୍ରକାର ଅନ୍ୟ ଭୋଗ ପ୍ରସ୍ତୁତ କରାଯିବାକୁ ଶ୍ରୀମନ୍ଦିର ପ୍ରଶାସନ ସହ ଆଲୋଚନା ହେଉଥିବା ସୂଚନା ମିଳିଛି । ଏହା ସଫଳ ହେଲେ ୬୦ ବର୍ଷ ତଳର ପରମ୍ପରା ଫେରିବ । ଏହାକୁ ଗବେଷକ ସ୍ୱାଗତ କରିଛନ୍ତି ।
୨୦୧୫ ନବକଳେବର ସମୟରେ ରଥଭୋଗ ପାଇଁ ଉଦ୍ୟମ କରାଯାଇଥିଲା । କିନ୍ତୁ ତାହା ସଫଳ ହୋଇନଥିଲା ।
ଆକ୍ରମଣକାରୀଙ୍କ ପାଇଁ ଶ୍ରୀକ୍ଷେତ୍ର ବାହାରେ ମଧ୍ୟ ହୋଇଛି ରଥଯାତ୍ରା,କେବେ ଚକାନାସୀ ତ’ କେବେ ନଇରୀ
ଆକ୍ରମଣକାରୀଙ୍କ ପାଇଁ ଶ୍ରୀକ୍ଷେତ୍ର ବାହାରେ ମଧ୍ୟ ହୋଇଛି ରଥଯାତ୍ରା,କେବେ ଚକାନାସୀ ତ’ କେବେ ନଇରୀ
ଶ୍ରୀମନ୍ଦିର ଓ ଶ୍ରୀଜଗନ୍ନାଥ ସବୁବେଳେ ବାହ୍ୟ ଆକ୍ରମଣକାରୀଙ୍କ ଲକ୍ଷ୍ୟରେ ରହି ଆସିଛନ୍ତି । ଶ୍ରୀଜଗନ୍ନାଥ ଓଡ଼ିଶାର ଆତ୍ମା,ଓଡ଼ିଆଙ୍କ ପ୍ରାଣ । ତାଙ୍କୁ ଓ ତାଙ୍କ ମହିମାକୁ ଭୂଲୁଣ୍ଠିତ କଲେ ଓଡ଼ିଆ ଆତ୍ମସମର୍ପଣ କରିବେ । ଏହା ଭଲ ଭାବେ ଜାଣିଥିଲେ ଆଫାଗାନୀଙ୍କଠାରୁ ମୋଗଲ ଆକ୍ରାନ୍ତ । ତେଣୁ ସେମାନେ ସବୁବେଳେ ଶ୍ରୀମନ୍ଦିର ଉପରେ ଆକ୍ରମଣ କରି ଓଡ଼ିଆ ଜାତିର ଅସ୍ମିତାକୁ ଧ୍ୱଂସ କରିବାକୁ ଚାହିଁଛନ୍ତି । ଯୁଦ୍ଧର ଘନଘଟା ଓ ପରାଜୟ ଭିତରେ ଓଡ଼ିଆ ଜାତି ନିଜ ପ୍ରିୟ ଭଗବାନଙ୍କୁ ବଡଦେଉଳରୁ ସ୍ଥାନାନ୍ତରିତ କରିଛି । ଅନେକ ବର୍ଷ ଧରି ସେ ଗୋପନବାସରେ ରହିଛନ୍ତି । ପୁଣି କେଇଥର ଶ୍ରୀକ୍ଷେତ୍ର ବାହାରେ ହୋଇଛି ତାଙ୍କ ଘୋଷଯାତ୍ରା । ଶ୍ରୀମନ୍ଦିର ବାହାରେ ହୋଇଥିବା ଘୋଷଯାତ୍ର ପୁରୀ ଭଳି ଭବ୍ୟ ହେଉନଥିଲା ସତ କିନ୍ତୁ ସେତିକି ପ୍ରାଣବନ୍ତ ଥିଲା ।
ଇତିହାସରେ ୫ ଥର ପୁରୀ ବାହାରେ ରଥଯାତ୍ରା ହୋଇଥିବାର ପ୍ରମାଣ ରହିଛି । ଆସନ୍ତୁ ନଜର ପକାଇବା କେବେ ଓ କେଉଁଠି ଶ୍ରୀଜଗନ୍ନାଥ ରଥାରୁଢ ହୋଇ ଭକ୍ତଙ୍କୁ ଦେଇଥିଲେ ଦର୍ଶନ..
ଚକାନାସିରେ ରଥଯାତ୍ରା
୧୬୧୧ । ସେହିବର୍ଷ ରଥଯାତ୍ରା ପାଖେଇ ଆସିବା ସହ ମୋଗଲ ସେନାପତି କଲ୍ୟାଣ ମଲ୍ଲର ପୁରୀ ଆକ୍ରମଣ ଆଶଙ୍କା ଘନୀଭୁତ ହେଉଥିଲା । ରଥଯାତ୍ରା ତ’ ଅସମ୍ଭବ ଥିଲା ଖୋଦ ଓଡ଼ିଶାର ମଉଡମଣି ଅସୁରକ୍ଷିତ ହୋଇପଡିଥିଲେ । ଶ୍ରୀଜଗନ୍ନାଥଙ୍କୁ ସ୍ଥାନାନ୍ତରିତ କରିବାକୁ ନିଷ୍ପତି ନିଆଯାଇଥିଲା । ଭାର୍ଗବୀ ନଦୀ ଦେଇ ଚିଲିକାର ଚକାନାସିଠାରେ ଚତୁର୍ଦ୍ଧାମୁର୍ତ୍ତିଙ୍କୁ ବିଜେ କରାଯାଇଥିଲା । ସେହିଠାରେ ପ୍ରଭୁଙ୍କର ରଥଯାତ୍ରା ହୋଇଥିଲା । କିମ୍ବଦନ୍ତି ଅନୁସାରେ ରଥ ଆକାରର ଶଗଡିରେ ହୋଇଥିଲା ଶ୍ରୀଜଗନ୍ନାଥଙ୍କ ରଥଯାତ୍ରା ।
ଗଡମାଣିତ୍ରୀରେ ରଥଯାତ୍ରା
ଭୋଇ ବଂଶର ରାଜା ଶ୍ରୀପୁରୁଷୋତ୍ତମ ଦେବଙ୍କ ଶାସନ କାଳରେ ୧୬୧୭ ଖ୍ରୀଷ୍ଟାବ୍ଦରେ ମକରମ ଖାଁ ଖୋର୍ଦ୍ଧା ଗଡ ଉପରେ ଆକ୍ରମଣ କରିଥିଲା । ରାଜା ଗଡମାଣିତ୍ରୀକୁ ପଳାୟନ କରିଥିଲେ । ୧୬୨୨ରେ ସୁବେଦାର ଅହମ୍ମଦ ବେଗ ଶ୍ରୀମନ୍ଦିର ଉପରେ ଆକ୍ରମଣ କରିଥିଲା । ଶ୍ରୀଜଗନ୍ନାଥଙ୍କୁ ତତ୍କାଳ ଅନ୍ଧାରିଗଡକୁ ସ୍ଥାନାନ୍ତରିତ କରାଯାଇଥିଲା । ସେଠାରୁ ପୁଣି ଗଡମାଣିତ୍ରୀକୁ ଠାକୁରେ ସ୍ଥାନାନ୍ତରିତ ହେଲେ । ତେବେ ସମୟ କମ ଥିବାରୁ କେବଳ ବ୍ରହ୍ମଙ୍କୁ ପାଟବସ୍ତ୍ରରେ ଆଛାଦିତ କରି ଗଡମାଣିତ୍ରୀ ନିଆଯାଇଥିଲା । ସେଠାରେ ଚତୁର୍ଦ୍ଧା ମୁର୍ତ୍ତି ତିଆରି ହୋଇଥିଲେ । ବ୍ରହ୍ମ ପ୍ରତିଷ୍ଠା କରାଯାଇଥିଲା । ୧୬୨୪ ମସିହାରେ ଗଡମାଣିତ୍ରୀରେ ହୋଇଥିଲା ରଥଯାତ୍ରା ।ୀ
ବଡହନ୍ତୁଆଡରେ ଦୁଇଥର ରଥଯାତ୍ରା
୧୬୯୨ରୁ ୧୭୦୭ ପର୍ଯ୍ୟନ୍ତ ଶ୍ରୀଜଗନ୍ନାଥ ବାଣପୁରର ବଡହନ୍ତୁଆଡ ଗ୍ରାମରେ ୧୫ ବର୍ଷ ରହିଥିଲେ । କାରଣ ଥିଲା ସମାନ । ମୁସଲିମ୍ ଆକ୍ରାନ୍ତା ଶ୍ରୀଜଗନ୍ନାଥଙ୍କ ଉପରେ ଆକ୍ରମଣ କରି ଓଡ଼ିଆଙ୍କୁ ପରାଜିତ କରିବାକୁ ଚାହୁଁଥିଲେ । ୧୫ ବର୍ଷ ଧରି ଶ୍ରୀଜଗନ୍ନାଥ ସେଠାରେ ରହିବା ଭିତରେ ଦୁଇ ଥର ନିରାଡମ୍ବର ଭାବେ ତାଙ୍କ ରଥଯାତ୍ରା ହୋଇଥିଲା ।
ନଇରୀରେ ରଥଯାତ୍ରା
୧୭୩୧ରୁ ୧୭୩୩ ମଧ୍ୟରେ ବଙ୍ଗର ଆଫଗାନୀ ସୁବେଦାର ତକି ଖାଁ ବାରମ୍ବାର ଶ୍ରୀଜଗନ୍ନାଥ ମନ୍ଦିର ଉପରେ ଆକ୍ରମଣ କରିଥିଲା । ଫଳରେ ମହାପ୍ରଭୁଙ୍କୁ ଚିଲିକା ବାଟଦେଇ ନଇରୀକୁ ସ୍ଥାନାନ୍ତରିତ କରାଯାଇଥିଲା । ସେଠାରେ ହରୀଶ୍ୱର ମଣ୍ଡପସ୍ଥିତ ପଥର ଚକଡାରେ ଭଗବାନ ଅବସ୍ଥାନ କରିଥିଲେ । ସେହି ସମୟରେ ୧୭୩୩ ମସିହାରେ ରଥଯାତ୍ରା ପଡିଥିଲା । ତେଣୁ ତିନୋଟି ଶଗଡି ରୂପକ ରଥରେ ତିମି ମୁର୍ତ୍ତିଙ୍କୁ ବସାଇ କରାଯାଇଥିଲା ରଥଯାତ୍ରା । ସେହି ସମୟରେ ଗଜପତି ମହାରାଜ ରାମଚନ୍ଦ୍ର ଦେବ(୨ୟ) ବାରବାଟିରେ ବନ୍ଦୀ ଥିଲେ । ରଥଯାତ୍ରା ତାଙ୍କ ପୁଅ କୃଷ୍ଣରାୟଙ୍କ ତଦାରଖରେ ହୋଇଥିଲା ।