ଭୁବନେଶ୍ୱର: ପଟିଆ ବିଗ ବଜାର ନିକଟରେ ଘଟିଛି ମର୍ମନ୍ତୁଦ ଦୁର୍ଘଟଣା । ବାଇକ ଚାଳକଙ୍କ ଉପରେ ଚଢିଗଲା ବିଏମସି ଗାଡ଼ି । ଘଟଣା ସ୍ଥଳରେ ହିଁ ବାଇକ ଆରୋହୀଙ୍କ ମୃତ୍ୟୁ ହୋଇଛି । ସେପଟେ ମୃତକ ଜଣଙ୍କର ପରିଚୟ ମିଳି ପାରି ନାହିଁ । ଘଟଣା ସ୍ଥଳରେ ଚନ୍ଦ୍ରଶେଖପୁର ଥାନା ପୋଲିସ ପହଞ୍ଚି ମୃତ ଦେହକୁ ଉଦ୍ଧାର କରି କ୍ୟାପିଟାଲ ହସ୍ପିଟାଲ ପଠାଇଛି ।
ସୂଚନା ଅନୁଯାୟୀ, ବାଇକ ଆରୋହୀ ଜଣଙ୍କ ନନ୍ଦନକାନନ ରାସ୍ତାରେ ଯାଉଥିଲେ । ଯିବା ସମୟରେ ତାଙ୍କ ବାଇକ ଆଗକୁ କୁକୁର ପଳେଇ ଆସିଥିଲା । ଆରୋହୀ ଜଣକ ହଠାତ ବ୍ରେକ ମାରି ଦେଇଥିଲେ । ପଡିଯିବା ପରେ ପଛ ପଟୁ ଆସୁଥିବା ବିଏମସିର ଗାଡ଼ି ନିୟନ୍ତ୍ରଣ ହରାଇ ଧକ୍କା ଦେଇ ଥିବା ସୂଚନା ରହିଛି । ଦୁର୍ଘଟଣା ଘଟାଇ ଗାଡ଼ିଟି ପଳେଇ ଯିବା ବେଳେ କିଛି ଲୋକ ଧରିବା ପାଇଁ ପିଛା କରିଥିଲେ । ଏବଂ ଘଟଣା ସ୍ଥଳରେ କିଛି ସମୟ ପାଇଁ ଉତ୍ତେଜନା ଦେଖାଦେଇଥିଲା ।
