କୋରୋନା ସ୍ଥିତି ଗଞ୍ଜାମ ଜିଲ୍ଲାରେ ଭୟଙ୍କର ରୂପ ଧାରଣ କରିଛି । ଏହାରି ଭିତରେ କବିସୂର୍ଯ୍ୟନଗର ଖରୁଡା ସାହିରେ ଘଟିଯାଇଛି ଏକ ଅଭାବନୀୟ ଘଟଣା । ଏହି ସାହିର ସୋମନାଥ ପାତ୍ର ନାମକ ଯୁବକ ଗଲା ଦଶ ଦିନ ହେବ ଜ୍ଵରରେ ପୀଡିତ ଥିଲେ । ତେବେ ତାଙ୍କୁ ଆଜି ମେଡିକାଲକୁ ଅ।ମ୍ବୁଲାନ୍ସ ଯୋଗେ ନିଆ ଯାଉଥିଲା । ଦୁର୍ଭାଗ୍ୟବଶତଃ ଗାଡି ଭିତରେ ହିଁ ତାଙ୍କର ମୃତ୍ୟୁ ଘଟିବା ପରେ ଶବକୁ ତାଙ୍କ ସାହିକୁ ଫେରାଇ ଅଣା ଯାଇଥିଲା ।
ହେଲେ କେହି ବି ଶବ ପାଖ ମାଡି ନଥିଲେ କୋରୋନା ଭୟରେ । ଶେଷରେ ପୋଲିସ ପ୍ରଶାସନ ବାଧ୍ୟ ହୋଇ ଜେସିବି ମାଧ୍ୟମରେ ଧନେଇ ନଦୀ ତଟରେ ଶବକୁ ପୋତିଥିଲେ । ଏମିତି କି ତାଙ୍କ ସଂସ୍କାର ପାଇଁ ମଧ୍ୟ ସାହି କୁଟୁମ୍ବ କେହି ଅ।ସି ନଥିଲେ । ଏହି ଘଟଣା ଏବେ ସାରା ଅଂଚଳରେ ଚର୍ଚ୍ଚାର ବିଷୟ ହୋଇଛି । ତେବେ ଏହାର ଭି଼ଡିଓ ଚିତ୍ର ଏବେ ଭାଇରାଲ ହୋଇଥିବା ବେଳେ ଶବକୁ ନିଜ ଭାଇ ଭଉଣୀ ଝିକିଝିକି ନେବା ଦୃଶ୍ୟ ଅତି ହୃଦୟ ବିଦାରକ ପାଲଟିଛି ।
ଚୀନ୍ର ଏଭଳି ଆଭିମୁଖ୍ୟ ଦେଖି ଭାରତ ବି ପ୍ରସ୍ତୁତ ହୋଇଛି । ଅଧିକରୁ ଅଧିକ ଯବାନଙ୍କୁ ସୀମାରେ ମୁତୟନ କରିବା ଆରମ୍ଭ କରିଛି ଭାରତ । ଚୀନ୍ର କୌଣସି ବି କାର୍ଯ୍ୟକଳାପର ମୁହଁତୋଡ଼ ଯବାବ ଦେବା ପାଇଁ ଯବାନମାନେ ସବୁ ସ୍ତରରେ ପ୍ରସ୍ତୁତ ଅଛନ୍ତି । ଭାରତୀୟ ସେନାର ଏଭଳି ପ୍ରସ୍ତୁତିକୁ ପରଖିବା ପାଇଁ ଆସନ୍ତାକାଲି ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ଲେହରେ ପହଞ୍ଚିବେ । ରାଜନାଥଙ୍କ ସହ ସେନା ମୁଖ୍ୟ ମନୋଜ ମୁକୁନ୍ଦ ନରଓ୍ୱାଣେ ମଧ୍ୟ ଲେହରେ ପହଞ୍ଚିବେ । ଗତ ସପ୍ତାହରେ ମଧ୍ୟ ଲେହ ଏବଂ ଲଦାଖରେ ସ୍ଥିତି ପରିଖିବା ପାଇଁ ନରଓ୍ୱାଣେ ପହଞ୍ଚିଥିଲେ ।
ତେବେ ପୁରୀ ପ୍ରଶାସନ ଓ ମନ୍ଦିର ପ୍ରଶାସନ ଓ ପୁରୀବାସୀଙ୍କର ନିଷ୍ଠାପର ଶୃଙ୍ଖଳା ଓ ସମର୍ଥନ ଯୋଗୁଁ ରଥ ଓ ବାହୁଡା ଯାତ୍ରା ସଫଳ ହୋଇଛି । ତିନି ରଥ ବଡଦାଣ୍ଡରେ ଲାଗିଛି । ରଥାଯାତ୍ରା ପରିଚାଳନା ସଫଳ ଭାବେ ବାହୁଡ ଯାତ୍ରାରେ ଶେଷ ହେବା ପରେ ଜଗତଗୁରୁ ଶଙ୍କରାଚାର୍ଯ୍ୟ ପରିଚାଳନା କମିଟି ଓ ପ୍ରଶାସନକୁ ଧନ୍ୟବାଦ ଜଣାଇଛନ୍ତି । ସେ କହିଛନ୍ତି ପ୍ରଶାସନର ସଠିକ ନିୟନ୍ତ୍ରଣ ବ୍ୟବସ୍ଥା ଯୋଗୁଁ ରଥଯାତ୍ରାରୁ ବାହୁଡା ଯାତ୍ରା ପର୍ଯ୍ୟନ୍ତ ସମସ୍ତ ନୀତିକାନ୍ତି ସୂଚାର ରୂପେ ପରିଚାଳିତ ହୋଇଛି । ଅନ୍ୟପକ୍ଷରେ ଚତୁର୍ଦ୍ଧା ମୂର୍ତ୍ତି ଏବେ ସିଂହଦ୍ୱାର ସାମ୍ନାରେ ଅଟକି ରହିବେ । କାଲି ସୁନାବେଶରେ ଦର୍ଶନ ଦେଇ ନିଳାଦ୍ରୀ ବିଜେ କରିବେ ।
