ଭୁବନେଶ୍ୱର: ଅତି ଭୀଷଣ ରୂପରେ ‘ଅମ୍ଫାନ’ ଆସନ୍ତାକାଲି ଲାଣ୍ଡଫଲ୍ କରିବ । ଲାଣ୍ଡଫଲ ବେଳେ ଏହାର ପ୍ରକୋପ ଫନି ଭଳି ରହିବ । ସେଥିପାଇଁ NDRF ସମ୍ପୂର୍ଣ୍ଣ ପ୍ରସ୍ତୁତ ଥିବା ସୂଚନା ଦେଇଛନ୍ତି ଡିଜି ସତ୍ୟନାରାୟଣ ପ୍ରଧାନ । ମୁକାବିଲା ପାଇଁ ଓଡ଼ିଶାରେ NDRFର ୧୫ଟି ଟିମ୍ ଓ ପଶ୍ଚିମବଙ୍ଗରେ ୧୯ଟି ଟିମ୍ ମୁତୟନ ରହିଛନ୍ତି । ସମସ୍ତଙ୍କ ପାଖରେ ୱେୟାରଲେସ୍ ଓ ସାଟେଲାଇଟ୍ ଫୋନ୍ ରହିଛି । NDRF ମୁଖ୍ୟାଳୟ ସହ ସେମାନେ ସମ୍ପର୍କ କରିପାରିବେ ।
କୋଭିଡ୍-୧୯ ମହାମାରୀ ସହ ବାତ୍ୟାର ଚ୍ୟାଲେଞ୍ଜକୁ ଆମେ ଗ୍ରହଣ କରିବା ସହ କାର୍ଯ୍ୟ କରୁଛୁ । ପଶ୍ଚିମବଙ୍ଗରେ ୨୧ଟି ଟିମ୍ ରିଜର୍ଭରେ ରହିଛି । ଓଡ଼ିଶାରେ ୨୦ଟି ଟିମରୁ ୫ଟି ଟିମ୍ ରିଜର୍ଭରେ ରହିଛି । ବାଲେଶ୍ୱରରେ ୪, କେନ୍ଦ୍ରାପଡ଼ାରେ ୩, ଜଗତସିଂହପୁରରେ ୨, ଭଦ୍ରକରେ ୩, ମୟୂରଭଞ୍ଜରେ ୧, ପୁରୀରେ ୧ ଓ ଯାଜପୁରରେ ଗୋଟିଏ ଲେଖାଏଁ NDRF ଟିମ୍ ମୁତୟନ ରହିଛନ୍ତି ।
ପ୍ରତି ବାଟାଲିୟନରେ ୪ଟି ଲେଖାଏଁ ଟିମ୍ ମହଜୁଦ୍ ରହିଛନ୍ତି । ଆବଶ୍ୟକସ୍ଥଳେ ଅନ୍ୟତ୍ର ଏୟାରକ୍ରାଫ୍ଟରେ ସ୍ଥାନାନ୍ତର କରାଯାଇ ପାରିବ । ବିଭିନ୍ନ ସ୍ଥାନରେ କୋଭିଡ୍-୧୯କୁ ଦୃଷ୍ଟିରେ ରଖି ସାମାଜିକ ଦୂରତା ସହ ତଳିଆ ଅଞ୍ଚଳରୁ ଲୋକଙ୍କୁ ବାତ୍ୟା ଆଶ୍ରୟସ୍ଥଳୀକୁ ନିଆଯାଉଛି ।
