ନୂଆଦିଲ୍ଲୀ: ନ୍ୟାସନାଲ ହେରାଲ୍ଡ ମାମଲାରେ କଂଗ୍ରେସ ପାର୍ଟି ବିଶେଷକରି ସୋନିଆଙ୍କ ପାଇଁ ନୂଆ ମୁସ୍କିଲ ସୃଷ୍ଟି ହୋଇଛି । ପ୍ରବର୍ତ୍ତନ ନିର୍ଦ୍ଦେଷାଳୟ (ଇଡି) ଆସୋସିଏଟେଡ୍ ଜର୍ଣ୍ଣାଲ ଲିମିଟେଡ୍(ଏଜେଏଲ) ଓ ସୋନିଆଙ୍କ ନିକଟତମ ଭାବେ ପରିଚିତ ମୋତିଲାଲ ଭୋରାଙ୍କ ସମ୍ପତ୍ତି ଜବତ କରିଛି । ଇଡି ତରଫରୁ ଶନିବାର ଦିନ ଜାରି କରାଯାଇଥିବା ପ୍ରୋଭିଜନାଲ ଆଟାଚମେଣ୍ଟ୍ ଅର୍ଡର ଅନୁସାରେ ହାୱାଲାର ଏକ ମାମଲାରେ ଏହି ପଦକ୍ଷେପ ନିଆଯାଇଛି । ଜବତ ହୋଇଥିବା ୧୬.୩୮ କୋଟି ଟଙ୍କାର ସମ୍ପତ୍ତିରେ ମୁମ୍ବାଇର ଏକ ୧୫ ହଜାର ସ୍କ୍ୱୟାର ଫୁଟ ବିଶିଷ୍ଟ ୯ ମହଲା ଘର ସାମିଲ ଅଛି । ଇଡି ପ୍ରିଭେନସନ୍ ଅଫ ମନି ଲଣ୍ଡ୍ରିଂ (ପିଏମଏଲଏ) ଆଇନ ଅନୁସାରେ ଏହି ଜବତ ଆଦେଶ ଜାରି କରିଛନ୍ତି ।

ଚାର୍ଜସିଟରେ ଭୋରା ଓ ହୁଡ୍ଡାଙ୍କ ନାମ ସାମିଲ

ଇଡି ଗତ ବର୍ଷ ମୋତିଲାଲ ଭୋରା ଓ ହରିଆନା ମୁଖ୍ୟମନ୍ତ୍ରୀ ଭୁପେନ୍ଦ୍ର ସିଂ ହୁଡ୍ଡାଙ୍କ ବିରୋଧରେ ଚାର୍ଜସିଟ୍ ଦାଏର କରିଥିଲେ ।

ଏଜେଏଲ ଉପରେ ଗାନ୍ଧି ପରିବାର ନିୟନ୍ତ୍ରଣ

ମୋତିଲାଲ ଭୋରା ଏଜିଏଲର ମ୍ୟାନେଜିଂ ଡାଇରେକ୍ଟର ଅଛନ୍ତି । ଏହି କଂପାନି ଉପରେ ଗାନ୍ଧି ପରିବାରର ନିୟନ୍ତ୍ରଣ ଅଛି । ଏଜେଏଲ ହିଁ ନ୍ୟାସନାଲ ହେରାଲ୍ଡ ଖବରକାଗଜ ଚଳାଇଥାଏ । ୧୯୩୯ରେ ଏହି ଖବରକାଗଜକୁ ଜବାହାରଲାଲ ନେହେରୁ ଆରମ୍ଭ କରିଥିଲେ । ୧୯୫୬ରେ ଏଜେଏଲ ଏକ କଂପାନିରେ ପରିଣତ ହୋଇଥିଲା । ୨୦୦୮ରେ ଏହାର ସବୁ ସଂସ୍କରଣକୁ ବନ୍ଦ କରିଦିଆଯାଇଥିଲା । ସେତେବେଳେ କଂପାନି ଉପରେ ୯୦ କୋଟି ଟଙ୍କାର ଲୋନ୍ ଥିଲା । ଏହାପରେ କଂଗ୍ରେସ ୟଙ୍ଗ୍ ଇଣ୍ଡିଆନ୍ ପ୍ରାଇଭେଟ୍ ଲିମିଟେଡ୍ ନାମକ କଂପାନି ତିଆରି କରିଥିଲା । ଏହାର ଡାଇରେକ୍ଟରଙ୍କ ମଧ୍ୟରେ ସୋନିଆ ଗାନ୍ଧି,ରାହୁଲ ଗାନ୍ଧି,ମୋତିଲାଲ ଭୋରାଙ୍କ ସହ ଅନ୍ୟ କିଛି କଂଗ୍ରେସ ନେତା ସାମିଲ ଥିଲେ । ଏଥିରେ ସୋନିଆଙ୍କର ୭୬ ପ୍ରତିଶତ ସେୟାର ରହିଛି ।

ନୂଆଦିଲ୍ଲୀ: ପାକ୍ ସମର୍ଥକ ଆତଙ୍କବାଦୀ ରିୟାଜ୍ ନାୟକୁ ମୃତ୍ୟୁ ପରେ ହିଜବୁଲ ମୁଜାହିଦ୍ଦିନ୍ ମୁଖ୍ୟ ସୟଦ ସଲ୍ଲାଉଦ୍ଦିନ ସ୍ୱୀକାର କରିଛି ଯେ,ବର୍ତ୍ତମାନ ଆତଙ୍କବାଦୀଙ୍କ ଉପରେ ଭାରତ ଭାରି ପଡୁଛି ।  ସଲ୍ଲାଉଦ୍ଦିନର ଏହି ବୟାନରୁ ଜଣା ପଡୁଛି ଯେ,ପାକିସ୍ତାନ ସମର୍ଥିତ ଆତଙ୍କବାଦୀ ଏବେ ଭୟ ଭିତରେ ଦିନ କାଟୁଛନ୍ତି ।

ସଲ୍ଲାଉଦ୍ଦିନ୍ ମାନିଲା ଚଳିତ ବର୍ଷ ୮୦ ଆତଙ୍କବାଦୀ ମଲେଣି

ରିୟାଜର ମୃତ୍ୟୁର ଗୋଟିଏ ଦିନ ପରେ ନିଜ ସମର୍ଥକଙ୍କୁ ସମ୍ବୋଧନ କରି ହିଜବୁଲର ମୁଖ୍ୟ କମାଣ୍ଡର ସୟଦ ସଲ୍ଲାଉଦ୍ଦିନ କହିଛି ଯେ, ଚଳିତ ବର୍ଷ ଭାରତୀୟ ସେନା ୮୦ ଜଣ ଆତଙ୍କବାଦୀଙ୍କୁ ମାରି ସାରିଲାଣି । ଏହାସହ ସଲ୍ଲାଉଦ୍ଦିନ ଏହା ମଧ୍ୟ ମାନିଛି ଯେ, ମେ’ ୩ ତାରିଖରେ ସହିଦ ହୋଇଥିବା କର୍ଣ୍ଣଲ ଆଶୁତୋଷ,ମେଜର ଅନୁଜ୍ ସୁଦ ଓ ଅନ୍ୟ ଦୁଇ ଜଣ ଯବାନଙ୍କ ମୃତ୍ୟୁ ପାଇଁ ହିଜବୁଲ ଦାୟୀ ।

#WATCH Video emerges of US State Department designated Global terrorist and Hizbul Mujahideen Chief Syed Salahuddin holding a condolence meet for Hizbul terrorist Riyaz Naikoo, killed by Indian forces a few days ago pic.twitter.com/pruq3sTRtd

— ANI (@ANI) May 9, 2020

ପାକିସ୍ତାନୀ ସମର୍ଥକ ଆତଙ୍କବାଦୀଙ୍କ ଅବସ୍ଥା ଖରାପ

ସଲ୍ଲାଉଦ୍ଦିନ କହିଛି ଯେ,୧ ଜାନୁଆରି ୨୦୨୦ରୁ ଏପର୍ଯ୍ୟନ୍ତ ୮୦ ଜଣ ମୁଜାହିଦ୍ଦିନ ପ୍ରାଣ ହରାଇଛନ୍ତି । ସତ ହେଉଛି ବର୍ତ୍ତମାନ ଶତ୍ରୁ(ଭାରତ)ର ପଲ୍ଲା ଭାରି ଅଛି ।

ନୂଆଦିଲ୍ଲୀ: ଲକଡାଉନ୍ ଜୀବନ ଉପରେ ଲଗାଇ ଦେଇଛି ତାଲା । ମୁଠାଏ ଦାନା ଯୋଗାଡ କରିବାକୁ ଯେଉଁମାନେ ଦିନେ ଭିଟାମାଟି ଛାଡି ଥିଲେ ଏବେ ସେମାନେ ସେଇ ମୁଠାଏ ଦାନା ପାଇଁ ଘରକୁ ଫେରୁଛନ୍ତି । ପାଖରେ ନାହିଁ ଟଙ୍କା,ଖାଇବାକୁ ଦାନା ତେଣୁ ଘରମୁହାଁ ହେଉଛନ୍ତି ପ୍ରବାସୀ ଶ୍ରମିକ  । ହଜାର ହଜାର କିଲୋମିଟରର ପଦଯାତ୍ରାର ଚିତ୍ର ଦେଶର ଅନ୍ତରଆତ୍ମାକୁ ଛିନ୍ନଭିନ୍ନ କରୁଛି । କେଉଁଠି କଅଁଳ ଶିଶୁକୁ ଧରି ମା’ ପାଦରେ ଚାଲୁଛି ତ’ କେଉଁଠି ଖାଲି ପାଦରେ ଶ୍ରମିକ ଘରମୁହାଁ । ହରିଆନାରୁ ଆସିଥିବା ଗୋଟିଏ ଚିତ୍ର ନିଶ୍ଚିତ ଆପଣଙ୍କୁ ବ୍ୟଥିତ କରିବ ।

ହରିଆନାର ଅମ୍ବାଲାରୁ ଆସିଥିବା ଚିତ୍ର ପୁରା ଦେଶକୁ କନ୍ଦାଉଛି । ପଞ୍ଜାବରୁ ପଳାୟନ କରୁଥିବା କିଛି ଶ୍ରମିକଙ୍କ ପାଦରେ ଚପଲ ବଦଳରେ ଅଛି ପାଣି ବୋତଲ । ଅଧିକା ବାଟ ଚାଲିବା କାରଣରୁ ଚପଲ ଘସି ହୋଇ ଛିଡି ଯାଇଥିଲା । ତେଣୁ ଶ୍ରମିକ ପାଣି ବୋତଲକୁ କାଟିକରି ପାଦରେ ବାନ୍ଧି ଚାଲୁଛନ୍ତି । ପାଣି ବୋତଲ ଦେଉଛି ପାଦକୁ ସାହରା । ଘରକୁ ଫେରିବାର ଦୁର୍ବାର ଆଶା ସେମାନଙ୍କୁ ବାଟ କଢାଇ ନେଉଛି ।

ପଞ୍ଜାବରୁ ଫେରୁଥିବା ଏହି ଶ୍ରମିକଙ୍କ ପାଖରେ ନ୍ୟାସନାଲ ଲକଡାଉନ୍ ପାଇଁ ପାସ ନଥିଲା । ତେଣୁ ଅମ୍ବାଲା ପୋଲିସ ସେମାନଙ୍କୁ ଜାତୀୟ ରାଜପଥରେ ଅଟକାଇ ଫେରାଇ ଦେଇଥିଲା । ପୋଲିସ ମାଡ ଭୟରେ ସେମାନେ ପଳାୟନ କରିଥିଲେ । ଏହି ଦୌଡାଦୌଡିରେ ଅନେକଙ୍କ ଚପଲ ଛିଣ୍ଡି ଯାଇଥିଲା । ଆଉ କିଛିଙ୍କର ଚପଲ  ଅଧିକ ବାଟ ଚାଲିବାରୁ ଛିଡି ଯାଇଥିଲା ।

#lockdownindia#LockdownSA#SaturdayVibes
तपती हुई धूप और ये तस्वीरें, मजदूरों की ये हालत बहुत दुर्भाग्यपूर्ण है.😰

घिस गईं चप्पलें, पैरों में पानी की बोतल बांधकर पैदल चल रहे मजदूर😥

पता नही देश में कब मजदूर और गरीबो की हालत में सुधार होगा @PMOIndia@CMOfficeUP@narendramodi pic.twitter.com/xytdWCEi1z

— Deepak Atewa PBH (@Deepak885857) May 9, 2020

ପାଣି ବୋତଲ ହେଲା ଚପଲ

କିନ୍ତୁ ଭୀଷଣ ଗରମରେ ଖାଲି ପାଦରେ ଚାଲିବା ଅସମ୍ଭବ ହୋଇ ପଡିଥିଲା ।  ଏମିତିରେ କିଛି ଶ୍ରମିକଙ୍କ ମୁଣ୍ଡକୁ ଖାଲି ପାଣି ବୋତଲକୁ ଚପଲ ବନାଇବା ଉପାୟ ଆସିଥିଲା । ସେମାନେ ପାଣି ବୋତଲକୁ କାଟି ପାଦରେ ବାନ୍ଧିଥିଲେ ଓ ନିଜ ଲକ୍ଷ୍ୟସ୍ଥଳ ଆଡକୁ ଅଗ୍ରସର ହୋଇଥିଲେ ।

ରାସ୍ତାରେ ବିଧାୟକ ଦେଲେ ଚପଲ

ଶ୍ରମିକଙ୍କ ଏହି ଅସହାୟତାର ଖବର ଅମ୍ବାଲା ବିଧାୟକ ଅସିମ ଗୋୟଲଙ୍କ କାନରେ ପଡିଥିଲା । ସେ ତୁରନ୍ତ ଘଟଣାସ୍ଥଳରେ ପହଞ୍ଚି ଶ୍ରମିକଙ୍କୁ ଚପଲ ଦେଇଥିଲେ ।  ଏହାସହ ପୋଲିସକୁ ଶ୍ରମିକଙ୍କୁ ରାସ୍ତା ଛାଡିବା ପାଇଁ କହିଥିଲେ । ସେ ମଧ୍ୟ ଶ୍ରମିକଙ୍କୁ ଖାଦ୍ୟ ଦେଇଥିଲେ ।

ଚେନ୍ନାଇ:  କରୋନାଭାଇରସ୍ ଯୋଗୁଁ ୨ ଲକ୍ଷରୁ ଅଧିକ ଲୋକେ ପ୍ରାଣ ହରାଇ ସାରିଛନ୍ତି। ପ୍ରାୟ ୪୦ ଲକ୍ଷ ଲୋକେ ଏହି ଭୂତାଣୁରେ ସଂକ୍ରମିତ ହୋଇଛନ୍ତି । । କରୋନା ଭାଇରସ ପାଇଁ ଏବେ ସୁଦ୍ଧା କୌଣସି ଭ୍ୟାକ୍ସିନ ଆସି ନାହିଁ । ଏପରି ପରିସ୍ଥିତିରେ ଅନେକ ଲୋକ ସେମାନଙ୍କର ରୋଗ ପ୍ରତିରୋଧକ ଶକ୍ତି ବଢାଇବା ପାଇଁ ବିଭିନ୍ନ ପ୍ରକାରର ଔଷଧ ଖାଉଛନ୍ତି । ହେଲେ ଡାକ୍ତରଙ୍କ କହିବା ଅନୁସାରେ କୌଣସି ଔଷଧର ସେବନ ବିନା ଅନୁମତିରେ କରିବା ଅନୁଚିତ୍ । ସେଥିପାଇଁ ଡାକ୍ତରମାନେ ଅଛନ୍ତି । ତଥାପି କିଛି ଲୋକେ ନିଜକୁ ବୈଜ୍ଞାନିକ ଭାବିନେଇ ନାନା ପ୍ରକାରର ପରୀକ୍ଷା ନିରୀକ୍ଷା କରୁଛନ୍ତି । ଯାହାର ପରିଣାମ ହେଉଛି ମୃତ୍ୟୁ । ଠିକ୍ ସେହିଭଳି ଏକ ଖବର ସାମ୍ନାକୁ ଆସିଛି ।

ନିକଟରେ ଚେନ୍ନାଇର ଜଣେ ଆୟୁର୍ବେଦିକ ଫାର୍ମାସିଷ୍ଟ ନିଜେ ପ୍ରସ୍ତୁତ କରିଥିବା ଔଷଧ ଖାଇବା ପ୍ରାଣ ହରାଇଛନ୍ତି ।  ୪୭ ବର୍ଷୀୟ ଫାର୍ମାସିଷ୍ଟ କେ ସିଭାନେସନ୍ ଚେନ୍ନାଇର ସୁଜାତା ବାୟୋଟେକ୍ ରେ କାମ କରୁଥିଲେ । କମ୍ପାନୀର ଗୋଟିଏ ପ୍ଲାଣ୍ଟ ଉତ୍ତରପ୍ରଦେଶର କାଶାପୁରରେ ଅଛି ଏବଂ କେ ସିଭାନେସନ୍ ସେଠାରେ ଥିଲେ । ଏହାପୂର୍ବରୁ ସେ ଅନେକ ଔଷଧ ତିଆରି କରିଥିଲେ । ଚେନ୍ନାଇର କମ୍ପାନୀର ନିର୍ଦ୍ଦେଶକ ଡାକ୍ତର ରାଜକୁମାରଙ୍କୁ ସିଭାସେନ ଲଗାତାର ଭେଟୁଥିଲେ। ହେଲେ ଲକଡାଉନ୍ ହେତୁ ସିଭାନସେନ୍ ଚେନ୍ନାଇରେ ଫସି ଯାଇଥିଲେ। ସେ ଉତ୍ତରପ୍ରଦେଶ ଫେରିନଥିଲେ ।

ସିଭାନସେନ୍ ନିକଟରେ ଏକ ରାସାୟନିକ ପଦାର୍ଥ କିଣି କରୋନା ପ୍ରତିରୋଧକ  ପ୍ରସ୍ତୁତ କରିଥିଲେ। ସେ ପ୍ରଥମେ ଏହି ପାଉଡରକୁ ରାଜକୁମାରଙ୍କୁ ଦେଇଥିଲେ । ଏହାର ଚାଖିବା ମାତ୍ରେ ପରେ ରାଜକୁମାର ବେହୋଶ ହୋଇଥିଲେ । ଏହା ପରେ ସିଭାନେସନ ତାଙ୍କ ରୋଷେଇ ଘରକୁ ଯାଇ ପାଉଡରକୁ ପାଣିରେ ମିଶାଇ ପିଇଥିଲେ। ଫଳରେ ସେ ମଧ୍ୟ ବେହୋଶ ହୋଇଥିଲେ । ତାଙ୍କୁ ତୁରନ୍ତ ନିକଟସ୍ଥ ଏକ ଡାକ୍ତରଖାନା ନିଆଯାଇଥିଲା। କିନ୍ତୁ ଡାକ୍ତରଖାନା ପହଞ୍ଚିବା ପୂର୍ବରୁ ତାଙ୍କର ମୃତ୍ୟୁ ହୋଇଥିଲା । ଶବ ବ୍ୟବଚ୍ଛେଦ ପରେ ପୋଲିସ ଏକ ମାମଲା ରୁଜୁ କରିଛି ।