ଗଞ୍ଜାମ: ପୁଣି ଜଳପଥରେ ଓଡ଼ିଶା ପହଞ୍ଚିଲେ ପ୍ରବାସୀ । ତିନିଦିନ ତଳେ ଚେନ୍ନାଇରୁ ପ୍ରବାସୀ ଶ୍ରମିକଙ୍କୁ ନେଇ ପହଞ୍ଚିଥିବା ଏକ ବୋଟ୍‌ ଆଜି ଗଞ୍ଜାମ ଜିଲ୍ଲା ରମେୟାପାଟଣା କୂଳରେ ଲାଗିଛି । ୩୯ଜଣ ଶ୍ରମିକଙ୍କୁ ନେଇ ବୋଟ୍‌ ଆରମ୍ଭ କରିଥିଲା ଯାତ୍ରା । ତେବେ ଅଧାବାଟରେ ଆନ୍ଧ୍ରର ଶ୍ରମିକମାନେ ଓହ୍ଲାଇ ପଡିଥିଲେ । ବୋଟ୍‌ ରମେୟାପାଟଣାରେ ଲାଗିବା ପୂର୍ବରୁ ପାତିସୁନାପୁରରୁ ଆଉ କିଛି ଓହ୍ଲାଇ ଯାଇଥିଲେ । ଶେଷରେ ବୋଟ୍‌ ରମେୟାପାଟଣାରେ ଲାଗିବା ବେଳକୁ ମାତ୍ର ୧୨ଜଣ ଶ୍ରମିକ ଥିଲେ ।

ବାହାର ରାଜ୍ୟରୁ ଫେରୁଥିବା ପ୍ରବାସୀ ଶ୍ରମିକଙ୍କ ପଞ୍ଜିକରଣ ପାଇଁ ସ୍ୱତନ୍ତ୍ର ବ୍ୟବସ୍ଥା କରାଯାଇଥିବା ବେଳେ ଏବେ ଅଧାବାଟରୁ ଓହ୍ଲାଇ ପଡ଼ିଥିବା ଶ୍ରମିକଙ୍କୁ ଖୋଜିବା ସବୁଠାରୁ ବଡ଼ ଚ୍ୟାଲେଞ୍ଜ । ସେପଟେ ବୋଟ୍‌ କୂଳରେ ଲାଗିବା ପରେ ଶ୍ରମିକ କହିଛନ୍ତି ଏହି ଦୁଃସାହାସିକ ଜଳଯାତ୍ରାର କାହାଣୀ । ଲକଡାଉନ୍‌ ପରେ ଶ୍ରମିକଙ୍କୁ ଚଳିବା ମୁସ୍କିଲ୍‌ ହୋଇ ପଡିଥିଲା । ପରିବାର ଲୋକେ ୧ଲକ୍ଷ ୮୫ ହଜାର ଟଙ୍କା ଚାନ୍ଦା କରି ପଠାଇବା ପରେ ଏକ ବୋଟ୍‌କୁ କିଣିଥିଲେ ।

୧୦ ଜିଲ୍ଲାକୁ ବ୍ୟାପିଛି କରୋନା ‌: ସଂକ୍ରମିତ ଜିଲ୍ଲା ମଧ୍ୟରୁ ଏବେ ୪ ଜିଲ୍ଲାରେ ନାହାନ୍ତି କୌଣସି ରୋଗୀ

ତେବେ ବାଟରେ ଆସିବା ବେଳେ ଝଡ଼ତୋଫାନ୍‌ ହୋଇଥିଲା । ଆଶାଆଶଙ୍କା ଭିତରେ ଭୋକଉପାସରେ ଜଳଯାତ୍ରା ଚାଲିଥିଲା । ତିନିଦିନ ପରେ ଚେନ୍ନାଇରୁ ବାହାରିଥିବା ବୋଟ୍‌ ଆସି ପହଞ୍ଚିଥିଲା ଗଞ୍ଜାମ କୂଳରେ । ଏହାକୁ ମିଶାଇ ତୃତୀୟ ବୋଟ୍‌ ପହଞ୍ଚିଛି ଗଞ୍ଜାମରେ । ପ୍ରବାସୀ ଶ୍ରମିକଙ୍କୁ ନେଇ ଆହୁରି ୬ଟି ବୋଟ୍‌ ବାହାରିଥିବା ସେମାନେ ସୂଚନା ଦେଇଛନ୍ତି ।

ଭୁବନେଶ୍ୱର: କୋରାପୁଟକୁ ଛୁଇଁଲା କରୋନା । କୋରାପୁଟରୁ ଚିହ୍ନଟ ହେଲେ ରାଜ୍ୟର ପ୍ରଥମ କରୋନା ଆକ୍ରାନ୍ତ ସ୍ୱାସ୍ଥ୍ୟ କର୍ମୀ । ତାଙ୍କ ବୟସ ୨୨ ବର୍ଷ । ସେ କୋରାପୁଟ ଦାଶମନ୍ତପୁର ଅଞ୍ଚଳର ।  ସ୍ୱସ୍ଥ୍ୟକର୍ମୀ ଜଣଙ୍କ ନର୍ସ ।  ସେ ପଶ୍ଚିମବଙ୍ଗ ଫେରନ୍ତା । କାର୍ଯ୍ୟରେ ଯୋଗଦେବା ପୂର୍ବରୁ ଟ୍ରାଭେଲ ହିଷ୍ଟ୍ରୀ ରହିଥିବା ଯୋଗୁଁ ତାଙ୍କୁ ତାଙ୍କୁ କ୍ୱାରେଣ୍ଟାଇନ୍‌ରେ ରଖାଯିବା ସହ ନମୁନା ପରୀକ୍ଷଣ କରାଯାଇଥିଲା । ଫେରିବା ପରଠାରୁ ତାଙ୍କୁ କ୍ୱାରେଣ୍ଟାଇନ୍‌ରେ ରଖାଯାଇଥିବା ତାଙ୍କ ଦ୍ୱାରା କେହି ଆକ୍ରାନ୍ତ ହୋଇନଥିବା ନେଇ ଆଶା କରାଯାଉଛି ।   ଅନ୍ୟ ଜଣେ ଆକ୍ରାନ୍ତ ବାଲେଶ୍ୱର ଜିଲ୍ଲାର । ସେ ଜଣେ ପଶ୍ଚିମବଙ୍ଗ ଫେରନ୍ତା । ତାଙ୍କଠାରେ କୌଣସି କରୋନା ଲକ୍ଷଣ ଦେଖାଦେଇନଥିଲା ।

2nd Health Update, 27th April

02 New Positive cases.

One positive case in Koraput (Dasmantapur)
22 Yrs Male, Health worker (Asymptomatic)

One positive case in Balasore
32 Yrs Male (West Bengal returnee)

Total Positive Case: 110

— I & PR Department, Odisha (@IPR_Odisha) April 27, 2020

କିନ୍ତୁ ବାହାର ରାଜ୍ୟର ଟ୍ରାଭେଲ ହିଷ୍ଟ୍ରୀ ଥିବା ଯୋଗୁଁ ତାଙ୍କ ନମୁନା ପରୀକ୍ଷଣ ହୋଇଥିଲା । ସୋମବାର ଚିହ୍ନଟ ହୋଇଥିବା ୨ କରୋନା ଆକ୍ରାନ୍ତଙ୍କୁ ମିଶାଇ ରାଜ୍ୟରେ ମୋଟ କରୋନା ଆକ୍ରାନ୍ତଙ୍କ ସଂଖ୍ୟା ୧୧୦ରେ ପହଞ୍ଚିଛି । ଏଯାବତ୍ ଜଣେ ରୋଗୀଙ୍କ ମୃତ୍ୟୁ ହୋଇଥିବା ବେଳେ ୩୭ ଜଣ ସୁସ୍ଥ ହୋଇଛନ୍ତି । ଏ ନେଇ ରାଜ୍ୟ ସୂଚନା ଓ ଲୋକସମ୍ପର୍କ ବିଭାଗ ପକ୍ଷରୁ ସୂଚନା ଦିଆଯାଇଛି ।

୧୦ ଜିଲ୍ଲାକୁ ବ୍ୟାପିଛି କରୋନା ‌: ସଂକ୍ରମିତ ଜିଲ୍ଲା ମଧ୍ୟରୁ ଏବେ ୪ ଜିଲ୍ଲାରେ ନାହାନ୍ତି କୌଣସି ରୋଗୀ

ସୂଚନା ଯୋଗ୍ୟଯେ, ରାଜ୍ୟର ମୋଟ ୧୦ ଜିଲ୍ଲାରୁ କରୋନ ଆକ୍ରାନ୍ତ ଚିହ୍ନଟ ହୋଇଥିଲେ । ଯେଉଁଗୁଡ଼ିକ ମଧ୍ୟରେ ରହିଛି ଖୋର୍ଦ୍ଧା, କଟକ, ବାଲେଶ୍ୱର, ଭଦ୍ରକ, ଯାଜପୁର, କଳାହାଣ୍ଡି, ପୁରୀ, ସୁନ୍ଦରଗଡ଼, କେନ୍ଦ୍ରାପଡ଼, ଢ଼େଙ୍କାନାଳ । କିଛି ରୋଗୀ ସୁସ୍ଥ ହେବା ସହ ରାଜ୍ୟର ମୋଟ ୫ ଜିଲ୍ଲା କରୋନା ମୁକ୍ତ ହୋଇଥିଲା । କିନ୍ତୁ ପୁଣି ସନ୍ଦରଗଡ଼ରୁ କରୋନା ଆକ୍ରାନ୍ତ ଚିହ୍ନଟ ହୋଇଥିଲେ । ଏହାପରେ ସୋମବାର ପୁଣି ଏକ ନୂଆ ଜିଲ୍ଲା ଅର୍ଥାତ କୋରାପୁଟରୁ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଏଥିସହିତ ରାଜ୍ୟର ମୋଟ ୭ ଜିଲ୍ଲାରେ କରୋନା ଆକ୍ରାନ୍ତ ମାମଲା ଆକ୍ଟିଭ୍ ରହିଛି ।

ଭୁବନେଶ୍ୱର: ରାଜ୍ୟରେ ସୁସ୍ଥ ହେଲେ ଆଉ ୨ କରୋନା ଆକ୍ରାନ୍ତ । ସୁସ୍ଥ ହୋଇଥିବା ଉଭୟ ରୋଗୀ ଭୁବନେଶ୍ୱର ଅଞ୍ଚଳର । ଏଥିସହିତ ରାଜ୍ୟରେ ମୋଟ ସୁସ୍ଥ ହୋଇଥିବା ରୋଗୀଙ୍କ ସଂଖ୍ୟା ୩୭ରେ ପହଞ୍ଚିଛି । ଏ ନେଇ ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ଟ୍ୱିଟ୍ ଯୋଗେ ସୂଚନା ଦିଆଯାଇଛି । ଗୋଟିଏ ପଟେ ରାଜ୍ୟରେ ଆକ୍ରାନ୍ତଙ୍କ ସଂଖ୍ୟା  ବଢ଼ି ଚାଲିଥିବା ବେଳେ ଅନ୍ୟ ପଟେ ଜଣଙ୍କ ପରେ ଜଣେ ରୋଗୀ ସୁସ୍ଥ ହେବାରେ ଲାଗିଛନ୍ତି । ଯାହା ରାଜ୍ୟବାସୀଙ୍କ ପାଇଁ ଆଶ୍ୱସ୍ତିକର ବିଷୟ । ରାଜ୍ୟରେ ଏଯାବତ୍‌ ମୋଟ ୧୦୮ କରୋନ ଆକ୍ରାନ୍ତ ହୋଇଥିବା ବେଳେ ସେଥିମଧ୍ୟରୁ ଜଣଙ୍କ ମୃତ୍ୟୁ ଘଟିଛି । ଅନ୍ୟ ୧୦୭ ଜଣଙ୍କ ମଧ୍ୟରୁ  ୩୭ ଜଣ ସୁସ୍ଥ ହୋଇଥିବା ବେଳେ ଅନ୍ୟ ୭୦ ଜଣ କରୋନା ଆକ୍ରାନ୍ତ ରାଜ୍ୟର ବିଭିନ୍ନ କୋଭିଡ ହସ୍ପିଟାଲରେ ଚିକିତ୍ସାଧୀନ । 

Happy to share that two #COVID19 patients of Bhubaneswar have recovered and tested negative for COVID-19.

The recovered cases now stand at 37. #OdishaFightsCorona

— H & FW Dept Odisha (@HFWOdisha) April 27, 2020