ହରିୟାଣା: ଭାରତୀୟ ସେନାର ଜଣେ ସହିଦଙ୍କ ପତ୍ନୀ ହରିୟାଣା ପୋଲିସକୁ ୧୦୦୦ ଟି କରୋନା ସୁରକ୍ଷାତ୍ମକ କିଟ୍ ଦାନ କରିଛନ୍ତି । ପୂର୍ବ ବର୍ଷ ଫେବୃଆରୀରେ ଜମ୍ମୁ-କଶ୍ମୀରର ପୁଲୱାମାରେ ଜୈଶ-ଏ-ମୋହମ୍ମଦର ଆତଙ୍କବାଦୀଙ୍କ ସହିତ ଏକ ଏନକାଣ୍ଟରରେ ସହିଦ ହୋଇଥିବା ମେଜର ବିଭୂତି ଶଙ୍କର ଧୋଣ୍ଡିଆଲ୍ ଙ୍କ ପତ୍ନୀ ହେଉଛନ୍ତି ୨୮ ବର୍ଷିୟା ନିକିତା କୌଲ୍ । କରୋନା ଭାଇରସ ବିରୋଧରେ ମୁକବିଲା ପାଇଁ ହରିୟାଣା  ପୋଲିସକୁ ମାସ୍କ, ଗ୍ଲୋଭସ୍, ଚଷମା ଆଦି ଦାନ କରିଛନ୍ତି । ନିକିତା କୌଲଙ୍କ ଏହି ଦାନରେ ପ୍ରଭାବିତ ହୋଇ ହରିୟାଣା ମୁଖ୍ୟମନ୍ତ୍ରୀ ମନୋହର ଲାଲ ଖଟ୍ଟର ତାଙ୍କୁ ଧନ୍ୟବାଦ ଅର୍ପଣ କରିଛନ୍ତି ।

ମୁଖ୍ୟମନ୍ତ୍ରୀ ଖଟ୍ଟର ଟ୍ୱିଟ କରି ଲେଖିଛନ୍ତି ଯେ, ମେଜର ବିଭୂତି ଶଙ୍କର ଧୋଣ୍ଡିଆଲଙ୍କ ପତ୍ନୀ ହରିୟାଣା ପୋଲିସର ଜବାନ ମାନଙ୍କୁ ୧୦୦୦ ସୁରକ୍ଷା କିଟ୍ ଦାନ କରିଛନ୍ତି । ଏଥିପାଇଁ  ସେ ତାଙ୍କୁ ଧନ୍ୟବାଦ ଜଣାଇଛନ୍ତି ।

ନୂଆଦିଲ୍ଲୀ: ଲକ୍‌ଡାଉନ୍‌ ଅବଧି ବଢ଼ାଇବା ନେଇ ସବୁ ମୁଖ୍ୟମନ୍ତ୍ରୀଙ୍କ ସମର୍ଥନ ।‌ ଦେଶରେ ସବୁ ରାଜ୍ୟର ମୁଖ୍ୟମନ୍ତ୍ରୀ ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଲକ୍‌ଡାଉନ୍‌ ଅବଧି ବୃଦ୍ଧି କରିବାକୁ ପରାମର୍ଶ ଦେଇଛନ୍ତି । କେବଳ ଦୁଇଟି ରାଜ୍ୟ ଏହା ବିରାେଧରେ ନିଜ ପକ୍ଷ ରଖିଛନ୍ତି ।

ଦେଶରେ କରୋନା ମୁକାବିଲା ନେଇ ଆଜି ବିଭିନ୍ନ ରାଜ୍ୟର ମୁଖ୍ୟମନ୍ତ୍ରୀଙ୍କ ସହ ଆଲୋଚନା କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଆଗାମୀ ଦିନରେ କରୋନା ସହ କିଭଳି ସଫଳ ମୁକାବିଲା କରାଯାଇପାରିବ ସେନେଇ ମୁଖ୍ୟମନ୍ତ୍ରୀମାନଙ୍କ ସହ ଭିଡିଓ କନ୍‌ଫରେନ୍ସିଂରେ ଆଲୋଚନା  କରିଛନ୍ତି । ସବୁ ରାଜ୍ୟର ମୁଖ୍ୟମନ୍ତ୍ରୀ ଓ କେନ୍ଦ୍ର ଶାସିତ ଅଞ୍ଚଳର ମୁଖ୍ୟମନ୍ତ୍ରୀଙ୍କ ସହ ଏହାଥିଲା ପ୍ରଧାମନ୍ତ୍ରୀଙ୍କ ଚତୁର୍ଥ ବୈଠକ । ଏହି ଭିଡିଓ କନ୍‌ଫରେନ୍ସିଂରେ ଗୃହମନ୍ତ୍ରୀ ଅମିତ ଶାହ ଓ ପ୍ରତିରକ୍ଷାମନ୍ତ୍ରୀ ରାଜନାଥ ସିଂହ ମଧ୍ୟ ଉପସ୍ଥିତ ରହିଥିଲେ ।

ଏହି ଭିଡିଓ କନ୍‌ଫରେନ୍ସିଂ ମାଧ୍ୟମରେ ଦେଶର ପ୍ରାୟତଃ ସବୁ ରାଜ୍ୟ ଲକ୍‌ଡାଉନ୍‌ ଅବଧିକୁ ବୃଦ୍ଧି କରିବା ନିମନ୍ତେ ପରାମର୍ଶ ଦେଇଛନ୍ତି । ବିଶେଷ ସୂତ୍ରରୁ ମିଳିଥିବା ସୂଚନା ଅନୁଯାୟୀ କେବଳ ଦୁଇଟି ରାଜ୍ୟ ଲକ୍‌ଡାଉନ୍‌ ଅବଧି ବଢ଼ାଇବା ବିପକ୍ଷରେ ନିଜର ମତ ରଖିଛନ୍ତି ।  ସେମାନେ ହେଲେ ମେଘାଳୟ ଓ ହିମାଚଳ । ତେବେ ପ୍ରଧାନମନ୍ତ୍ର୍ରୀ ନରେନ୍ଦ୍ର ମୋଦି କହିଛନ୍ତି ଲକ୍‌ଡାଉନ୍‌ ଯୋଗୁଁ ଦେଶକୁ ଅନେକ ଫାଇଦା ମିଳିଛି । ଏହି କାରଣରୁ କରୋନା ସଂକ୍ରମଣକୁ କମ୍‌ କରାଯାଇପାରିଛି । ସମସ୍ତଙ୍କ ସହଯୋଗ ଯୋଗୁଁ ଏହା ସଫଳ ହୋଇଛି ।

ଦେଶରେ ସଂକ୍ରମିତଙ୍କ ସଂଖ୍ୟା ପ୍ରାୟ ୨୮ ହଜାରରେ ପହଞ୍ଚି ସାରିଲାଣି । ସ୍ୱାସ୍ଥ୍ୟମନ୍ତ୍ରାଳୟ ଦ୍ୱାରା ଜାରି କରାଯାଇଥିବା ରିପୋର୍ଟ ଅନୁଯାୟୀ ସଂକ୍ରମିତଙ୍କ ସଂଖ୍ୟା ୨୭୮୯୨ ରହିଛି । ଅନ୍ୟପଟେ ଏବେ ସୁଦ୍ଧା ୮୭୨ ଆକ୍ରାନ୍ତଙ୍କ ମୃତ୍ୟୁ ହୋଇସାରିଛି । ସେହିଭଳି ମୋଟ ୬୧୮୫ ଜଣ ଆକ୍ରାନ୍ତ ଏବେ ସୁସ୍ଥ ହୋଇ ଘରକୁ ଫେରିଛନ୍ତି ।

Chief Minister of Delhi Arvind Kejriwal attends video conference meeting of Chief Ministers with Prime Minister Narendra Modi and Union Home Minister Amit Shah, on COVID19 situation. pic.twitter.com/1ZwTHyruzW

— ANI (@ANI) April 27, 2020

କେରଳ ମୁଖ୍ୟମନ୍ତ୍ରୀ ପିନାରାୟୀ ଭିଜୟନ୍‌ ରାଜ୍ୟରେ କରୋନା ସ୍ଥିତି କିଭଳି ରହିଛି, ଏବଂ କରୋନାକୁ ନେଇ ନିଜର ପରାମର୍ଶ ଚିଠି ମଧ୍ୟମରେ ଲେଖି ପ୍ରଧାନମନ୍ତ୍ରୀଙ୍କୁ ଜଣାଇଛନ୍ତି । କୌଣସି କାରଣ ବସତଃ ସେ ଭିଡିଓ କନ୍‌ଫରେନ୍ସିଂରେ ଯୋଗ ଦେଇପାରିନାହାନ୍ତି ।

Chief Minister of Kerala, Pinarayi Vijayan (in file pic) is not attending video conference meeting of CMs with Prime Minister Narendra Modi today on #COVID19 situation. Kerala has given its suggestions in writing. Kerala Chief Secretary is attending the meeting: Sources pic.twitter.com/nd0LgW8Bho

— ANI (@ANI) April 27, 2020

Prime Minister Narendra Modi holds video conference with the Chief Ministers of all States on COVID19 situation. pic.twitter.com/D9kiiXk4XK

— ANI (@ANI) April 27, 2020

Chief Minister of Karnataka BS Yediyurappa attends video conference meeting of Chief Ministers with Prime Minister Narendra Modi, on COVID19 situation. pic.twitter.com/hCmi5hYgCy

— ANI (@ANI) April 27, 2020

ନୂଆଦିଲ୍ଲୀ: ଦେଶରେ କରୋନା ସଂକ୍ରମଣ ଥମିବାର ନାଁ ଧରୁନି । ଏବେ କରୋନା ଜାଲରେ ଫସିଛନ୍ତି ଆନ୍ଧ୍ରପ୍ରଦେଶର ଜଣେ ସାଂସଦଙ୍କ ପରିବାର । କୁରନୁଲର ସାଂସଦ ଡ. ସଞ୍ଜିବ କୁମାରଙ୍କ ପରିବାରର ୬ ଜଣ ସଦସ୍ୟଙ୍କ ରିପୋର୍ଟ କରୋନା ପଜିଟିଭ୍ ଥିବା ଜଣାପଡ଼ିଛି । ଓ୍ୱାଇଏସ୍‌ଆର୍ କଂଗ୍ରେସର ସାଂସଦ ହେଉଛନ୍ତି ଡ. ସଞ୍ଜିବ କୁମାର ।

ସୂଚନା ଅନୁଯାୟୀ ସାଂସଦଙ୍କ ପିତା ଓ ଭାଇଙ୍କ ସମେତ ପରିବାରର ଅନ୍ୟ ଚାରି ଜଣ ମଧ୍ୟ କରୋନା ପଜିଟିଭ୍ ବୋଲି ରବିବାର ରିପୋର୍ଟରୁ ଜଣାପଡ଼ିଛି । ଏବେ ସେମାନଙ୍କୁ କୁରନୁଲର ଏକ ସରକାରୀ ହସ୍ପିଟାଲରେ ଚିକିତ୍ସା କରାଯାଉଛି । ସାଂସଦଙ୍କ ପତ୍ନୀ ମଧ୍ୟ ଜଣେ ଡାକ୍ତର ବୋଲି ସୂଚନା ମିଳିଛି । ଅନ୍ୟପଟେ ଆନ୍ଧ୍ରପ୍ରଦେଶ ରାଜଭବନର ୪ ଜଣ କର୍ମଚାରୀ କରୋନା ପଜିଟିଭ୍ ଥିବା ରବିବାର ରିପୋର୍ଟରୁ ଜଣାପଡ଼ିଥିବା ବେଳେ ରାଜ୍ୟପାଳ ବିଶ୍ୱଭୁଷଣ ହରିଚନ୍ଦନ ସୁସ୍ଥ ଅଛନ୍ତି ।

ତେବେ ଗତ ୨୫ ଏପ୍ରିଲ୍ ସୁଦ୍ଧା ଆନ୍ଧ୍ର ପ୍ରଦେଶରେ କରୋନା ଆକ୍ରାନ୍ତଙ୍କ ସଂଖ୍ୟା ୧୦୦୦ ରହିଥିଲା । ଏବେ ଏହା ୧୦୯୭ରେ ପହଞ୍ଚିଛି । ଏହା ସହ ଆନ୍ଧ୍ରରେ କରୋନା ଜନିତ ମୃତ୍ୟୁ ସଂଖ୍ୟା ୩୧ରେ ପହଞ୍ଚିଲାଣି । ଗତ ଶନିବାର ଅପରାହ୍ନ ୧୨ଟାରୁ ରବିବାର ଅପରାହ୍ନ ୧୨ଟା ମଧ୍ୟରେ ରାଜ୍ୟରେ ୮୧ ନୂଆ ମାମଲା ଦେଖାଯାଇଛି ।

ଆଗ୍ରା: ଦେଶରେ ଜାରି ଥିବା କରୋନା କାୟା ମଧ୍ୟରେ ଆଗ୍ରାରୁ ଆଶ୍ଟର୍ଯ୍ୟ କରିଦେବା ଭଳି ଚିତ୍ର ଏବଂ ଭିଡିଓ ସାମ୍ନାକୁ ଆସିଛି । ଭିଡିଓଟିକୁ ଦେଖିଲେ ପ୍ରଶାସନର ଅବ୍ୟବସ୍ଥା ର ଏକ ଝଲକ  ଦେଖିବାକୁ ମିଳିବ । ଆଗ୍ରା- ମଥୁରା ରୋଡରେ ପ୍ରସ୍ତୁତ କରାଯାଇଥିବା କ୍ୱାରେଣ୍ଟାଇନ ସେଣ୍ଟରର ଲଜ୍ଜ୍ୟାଜନକ ଚିତ୍ର ଏବଂ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଏଠାରେ କ୍ୱାରେଣ୍ଟାଇନରେ ରଖାଯାଇଥିବା ଲୋକମାନଙ୍କୁ ପଶୁଙ୍କୁ ଖାଇବାକୁ ଦିଆଯିବା ଭଳିଖାଇବା ସାମ୍ନାରୁ ଭିଙ୍ଗା ଯାଉଛି ଏବଂ ସାମାଜିକ ଦୂରତାର ତ କୌଣସି ଚିହ୍ନ ବର୍ଣ୍ଣ ଦେଖିବାକୁ ମିଳୁନି ।

https://twitter.com/Saurabh_Unmute/status/1254412293628030976

ଭିଡିଓରେ ଦେଖିବାକୁ ମିଳୁଛି ଯେ, କ୍ୱାରେଣ୍ଟାଇନରେ ଥିବା ଲୋକମାନ ଖାଇବା ଏବଂ ପାଣି ବୋଟଲ ପାଇବା ପାଇଁ କିପରି ବିକଳ ହେଉଛନ୍ତି । ପାଣି ବୋଟଲ ଏବଂ ବିସ୍କୁଟ ପ୍ୟାକେଟ ଗୁଡ଼ିକ ଦୂରରୁ ଭିଙ୍ଗି ସେମାନଙ୍କୁ ଦିଆଯାଉଥିବା ଦେଖିବାକୁ ମିଳୁଛି । ଭିଡିଓଟି ଭାଇରାଲ ହେବା ପରେ ଏବେ ସାଧାରଣ ଜନତା ପ୍ରଶାସନ ଉପରେ ଆଙ୍ଗିଠୁ ଉଠାଇଛନ୍ତି । କ୍ୱାରେଣ୍ଟାନରେ ଲୋକମାନଙ୍କୁ ଚିକିତ୍ସା କରିବା ପାଇଁ ରଖାଯାଇଛି ନା ଭୋକ ଉପାୟରେ ମାରିବା ପାଇଁ ରଖାଯାଇଛି ବୋଲି ପ୍ରଶ୍ନ କରିଛନ୍ତି । ଜଣାଇ ରଖୁଛୁ ଯେ  ଏଯାବତ ଆଗ୍ରାରେ ୩୭୧ଟି କରୋନା ମାମଲା ସାମ୍ନାକୁ ଆସିଛି । ଉତ୍ତର ପ୍ରଦେଶରେ ସବୁଠୁ ଅଧିକ କରୋନା ଆକ୍ରାନ୍ତ ମାମଲା ଆଗ୍ରାରେ ଦେଖିବାକୁ ମିଳିଛି ।

ଇତି ମଧ୍ୟରେ ସ୍ୱାସ୍ଥ୍ୟ ମନ୍ତ୍ରାଳୟ ପକ୍ଷରୁ ରବିବାର ସନ୍ଧ୍ୟାରେ ଜାରି କରାଯାଇଥିବା ସୂଚନା ମୁତାବକ, କରୋନା ଭାଇରସ ସଂକ୍ରମିତଙ୍କ ସଂଖ୍ୟା ୨୬,୯୧୭ ହୋଇଯାଇଛି । ବିଗତ ୨୪ ଘଣ୍ଟାରେ କରୋନାକ ୧୯୭୫ ନୂଆ ମାମଲା ଆସିଛି ଏବଂ ୪୭ ଜଣଙ୍କ ମୃତ୍ୟୁ ହୋଇସାରିଲାଣି । ଦେଶରେ ୮୨୬ ଜଣଙ୍କ ମୃତ୍ୟୁ ହୋଇସାରିଥିବା ବେଳେ ୫୯୧୪ ଜଣ ଆକ୍ରାନ୍ତ ସୁସ୍ଥ ହୋଇଛନ୍ତି ।