ନୂଆଦିଲ୍ଲୀ: କରୋନାଭାଇରସ୍ ମହାମାରୀ ପାଇଁ ଭାରତ ସହ ପୂରା ବିଶ୍ୱର ବଦଳିଛି ଚିତ୍ର । ବର୍ତ୍ତମାନ ଠାରୁ ଭବିଷ୍ୟତ ପର୍ଯ୍ୟନ୍ତ ଏହି ମାରାତ୍ମକ କରୋନା ଭାଇରସ ମାନବ ଜୀବନକୁ ପ୍ରଭାବିତ କରିବ । ନିତି ଆୟୋଗ ସଦସ୍ୟ ଡକ୍ଟର ଭି.କେ ପାଲଙ୍କ ଅନୁଯାୟୀ, ଏହି ଭାଇରସ୍ ସେତେବେଳେ ବିଲୋପ ହେବା ଯେତେବେଳେ ସମଗ୍ର ବିଶ୍ୱ ଏହାକୁ ହରାଇବାକୁ ସଫଳ ହେବ । ଚୀନରୁ ଆସିଥିବା ତ୍ରୁଟିପୂର୍ଣ୍ଣ ପିପିଇ କିଟ୍ ଉପରେ ସେ କହିଛନ୍ତି ଯେ, କେହି ଏହି ପିପିଇ କିଟକୁ ଦାନରେ ଦେଇଥିଲେ କିନ୍ତୁ ଏବେ ଏହାକୁ ଫେରସ୍ତ କରାଯିବ । ସେ କହିଛନ୍ତି ଯେ  ସାମାଜିକ ଦୂରତା, ମାସ୍କ ପିନ୍ଧିବା ଏବଂ ହାତ ଧୋଇବା ଭଳି କାର୍ଯ୍ୟ କରିବା ଏବେ ଅତ୍ୟନ୍ତ ଆବଶ୍ୟକ ।

ଚୀନରୁ ଆସିଥିବା PPE କିଟ୍ ବିଫଳ ହୋଇଛି କି?

ପାଲ କହିଛନ୍ତି ଯେ, ଚୀନର କେହି ଜଣେ ପିପିଇକୁ ଦାନ ଦେଇଛନ୍ତି କିନ୍ତୁ ଖରାପ କ୍ୱାଲିଟି ପାଇଁ ଏହାକୁ ଫେରାଇ ଦିଆଯିବ । ଏହି ଖରାପ ପିପିଇ ଯୋଗୁଁ ଦେଶରେ ବହୁତ ଉତ୍ତେଜନା ହୋଇଥିଲା । ଚୀନ୍ ଅନ୍ୟ ଦେଶକୁ ଖରାପ ପିପିଇ ଦେଇଥିବା ମଧ୍ୟ ଅଭିଯୋଗ ହୋଇଛି । ଯଦିଓ ଚୀନ୍ ଭାରତକୁ ସ୍ପଷ୍ଟୀକରଣ ଦେଇ କହିଛି ଯେ ପ୍ରତ୍ୟେକ ଦେଶ ସାମଗ୍ରୀ ଆମଦାନୀ କରିବା ପୂର୍ବରୁ କମ୍ପାନୀର ଗୁଣବତ୍ତା ଏବଂ ଏହାର ଉତ୍ପାଦ ଯାଞ୍ଚ କରିବା ଉଚିତ୍ ।

ବର୍ତ୍ତମାନ କେଉଁ କେଉଁ ଜିନିଷ ପ୍ରତି ଧ୍ୟାନ ଦେବା ଅତ୍ୟନ୍ତ ଆବଶ୍ୟକ

ପାଲ୍  ଗଣମାଧ୍ୟମକୁ କହିଛନ୍ତି ଯେ,  ବର୍ତ୍ତମାନ ଆମେ ବଜାରରୁ ଦୋକାନ ପର୍ଯ୍ୟନ୍ତ କମ୍ ଭିଡ଼ରେ ଜାତାୟତ କରିବା ଆବଶ୍ୟକ । ଯେତେବେଳେ ଆମେ ନିଜ ଭିତରେ ଫ୍ଲୁ ଭଳି କୌଣସି ଲକ୍ଷଣ ପାଉଛୁ, ସେତେବେଳେ ଆମେ ନିଜକୁ କ୍ୱାରେଣ୍ଟାଇନରେ ରଖିବା ନିହାତି ଆବଶ୍ୟକ ।

ଲକଡାଉନ୍ ରୁ କଣ ଲାଭ ମିଳିବ ?

ପାଲ୍ କହିଛନ୍ତି ଯେ, ଆସନ୍ତା ଦୁଇ ସପ୍ତାହ ମଧ୍ୟରେ ଆମେ ଆଶା କରୁଛୁ ଲୋକମାନେ ଲକଡାଉନ୍ ନିୟମ ପାଳନ କରିବେ । ତେବେ ବର୍ତ୍ତମାନ ଦେଶରେ ସୀମିତ ସଂଖ୍ୟକ ହଟସ୍ପଟ୍ ରହିବା ସହ ପରିସ୍ଥିତି ନିୟନ୍ତ୍ରଣରେ ଅଛି । ଆମେ ମଧ୍ୟ ପ୍ରଥମ ରାଉଣ୍ଡ ଲକଡାଉନରେ ଜିନିଷଗୁଡ଼ିକୁ ନିୟନ୍ତ୍ରଣରେ ରଖିବାରେ ସଫଳ ହୋଇଥିଲୁ ଏବଂ ସେଥିପାଇଁ କରୋନା ମାମଲାଗୁଡ଼ିକର ସଂକ୍ରମଣ କମିଥିଲା ।  ଆଗାମୀ କିଛି ଦିନ ମଧ୍ୟରେ ଗତି ଆହୁରି କମ୍ ହେବ ବୋଲି ଆମେ ଆଶା କରୁଛୁ।

ଲକଡାଉନ୍ ପରେ କିପରି ପ୍ରସ୍ତୁତ ହେବ?

ସେ କହିଛନ୍ତି ଯେ ଆମେ ଆଶା କରୁଛୁ ମେ ମାସର ମଧ୍ୟଭାଗ ସୁଧା କରୋନା ମାମଲା କମିଯିବ । ତେବେ କେହିବି ଏମିତି ଭାବିବା ଭୁଲ୍ ଯେ କି ଲକଡାଉନ୍ ହଠାତ୍ ବନ୍ଦ ହୋଇଯିବ, ବରଂ ଏହାକୁ ପର୍ଯ୍ୟାୟକ୍ରମେ ବନ୍ଦ କରାଯିବ ।

କରୋନା ଯୋଗୁଁ, ଅନ୍ୟ ରୋଗରୁ ହଟିଲା ଧ୍ୟାନ

ନିତି ଆୟୋଗ ସଦସ୍ୟ କହିଛନ୍ତି ଯେ, କୋଭିଡ -୧୯ ଉପରେ ଅଧିକ ଧ୍ୟାନ ଦେବା କାରଣରୁ ଅନ୍ୟ କିଛି ରୋଗ ଉପରୁ ନଜର ଦିଆଯାଇ ପାରୁନାହିଁ । ଏହାସହ ସେ କହିଛନ୍ତି ଯେ କରୋନା ପାଇଁ ଆମର ପ୍ରସ୍ତୁତି ଉନ୍ନତ ପର୍ଯ୍ୟାୟରେ ଅଛି, ତେଣୁ ସେ କ୍ଷେତ୍ରରେ ଆମର ଅନ୍ୟାନ୍ୟ ସ୍ୱାସ୍ଥ୍ୟ ସମସ୍ୟା ପ୍ରତି ମଧ୍ୟ ଧ୍ୟାନ ଦେବା ଉଚିତ୍। ଟୀକାକରଣ, ମା-ଶିଶୁଙ୍କ ସ୍ୱାସ୍ଥ୍ୟ ଏବଂ ଯକ୍ଷ୍ମା ବିଲୋପର କାର୍ଯ୍ୟକ୍ରମକୁ ବୃଦ୍ଧି କରାଯିବା ଉଚିତ୍ ।

ମୁମ୍ବାଇ : ଦେଶର କୋରନା ଦ୍ୱାରା ଅଧିକ  ପ୍ରଭାବିତ ହୋଇଛି ମହାରାଷ୍ଟ୍ର । କରୋନାଭାଇରସ୍ ପାଇଁ ଲକଡାଉନ ଲାଗୁହୋଇଥିବା ବେଳେ  ଲକଡ଼ାଉନକୁ କଡ଼ାକଡ଼ି ଭାବେ ଲାଗୁ କରିବା ପାଇଁ  ପ୍ରଶାସନ ଅହରହ ପ୍ରୟାସ କରୁଛି । କରୋନା ବିରୋଧୀ ଲଢେଇରେ ଆଗଧାଡିରେ ଛିଡା ହୋଇଥିବା ଯୋଦ୍ଧା ଏବେ ଏହାର ଶିକାର ହେଉଛନ୍ତି ।  ପ୍ରଥମେ ଡାକ୍ତର ପରେ ନର୍ସ ଏବେ ଦେଶର ସୁରକ୍ଷା ପାଇଁ ଦିନରାତି ଜଗି ରହୁଥିବା ପୋଲିସ୍ ମଧ୍ୟ ଏଥିରୁ ବର୍ତ୍ତି ନହାଁନ୍ତି ।

ଦିନରାତି ଡ୍ୟୁଟିରେ ୬୪ ଜଣ ପୋଲିସ୍, କରୋନା ପଜିଟିଭ୍ ଥିବା ଖବର ଆସିଛି । ଏଥିରେ ୧୨ ଜଣ ଅଧିକାରୀ ଥିବାବେଳେ ୫୨ ଜଣ କନଷ୍ଟେବଳ ଅଛନ୍ତି । ସେଥିମଧ୍ୟରୁ ୩୪ଜଣ ପୋଲିସ ମୁମ୍ବାଇରୁ ଆସିଛନ୍ତି ଯେଉଁଠାରେ ସର୍ବାଧିକ କରୋନା ରୋଗୀ ଚିହ୍ନଟ ହୋଇଛନ୍ତି । ଏହାପୂର୍ବରୁ ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କ ମୁମ୍ବାଇସ୍ଥିତ ସରକାରୀ ବାସଭବନରେ କାର୍ଯ୍ୟ କରୁଥିବା ମହିଳା ପୋଲିସ୍ କରୋନା ପଜିଟିଭ୍ ବୋଲି ଜଣାପଡିଛି ।

ମୁଖ୍ୟମନ୍ତ୍ରୀଙ୍କ ବାସଭବନରୁ ମହିଳା ଏଏସଆଇ କରୋନା ସଂକ୍ରମିତ ହେବା ପରେ ଏଠାରେ ଥିବା ଆଉ ୬ଜଣ ପୋଲିସ କର୍ମଚାରୀଙ୍କୁ କ୍ୱାରେଣ୍ଟାଇନରେ ରଖାଯାଇଛି। ଅଧିକାରୀଙ୍କ କହିବାନୁସାରେ, ମାଲାବାର ହିଲରେ ଥିବା ସିଏମଙ୍କ ସରକାରୀ ବାସଭବନ ‘ବର୍ଷା’ରେ ଦୁଇ ଦିନ ପୂର୍ବରୁ ଜଣେ ସହକାରୀ ପୋଲିସ ଇନ୍ସପେକ୍ଟର ଏବଂ ଜଣେ କନଷ୍ଟେବଳଙ୍କୁ ନିୟୋଜିତ କରାଯାଇଥିଲା।

ମୁଖ୍ୟମନ୍ତ୍ରୀଙ୍କ ବାସଭବନରେ ପହଞ୍ଚିଲା କରୋନା

ଯେତେବେଳେ ସେମାନଙ୍କର କରୋନା ନମୁନା ନିଆଗଲା, ସେତେବେଳେ ଏଏସଆଇ କରୋନା ପଜିଟିଭ୍ ଚିହ୍ନଟ ହୋଇଥିଲେ । ତେବେ ମୁଖ୍ୟମନ୍ତ୍ରୀ ଉଦ୍ଧବ ଠାକରେ ବର୍ତ୍ତମାନ ବାନ୍ଦ୍ରାସ୍ଥିତ ତାଙ୍କ ବାସଭବନ ‘ମାତୋଶ୍ରୀ’ରେ ରହୁଛନ୍ତି  ଏବଂ ବେଳେବେଳେ ସରକାରୀ କାର୍ଯ୍ୟ ହେତୁ ସେ ‘ବର୍ଷା’କୁ ଆସନ୍ତି । ଅନ୍ୟପଟେ ମୁମ୍ବାଇରେ କରୋନା ସଂକ୍ରମଣ କ୍ରମାଗତ ଭାବେ ବୃଦ୍ଧି ପାଉଛି ।

ମୁମ୍ବାଇରେ କରୋନା ରୋଗୀଙ୍କ ସଂଖ୍ୟା ୩ ହଜାର ପାର

ଏଠାରେ କରୋନା ରୋଗୀଙ୍କ ସଂଖ୍ୟା ୩ ହଜାର ଅତିକ୍ରମ କରିଛି । ସମଗ୍ର ଦେଶରେ କରୋନାର ସର୍ବାଧିକ ମାମଲା ମୁମ୍ବାଇରୁ ଆସିଛି। ଏପ୍ରିଲ୍ ୯ରୁ ଏପ୍ରିଲ୍ ୨୦ ମଧ୍ୟରେ ଏଠାରେ ରେଡ୍ ଜୋନ୍ ଅଞ୍ଚଳ ସଂଖ୍ୟା ୧୧୩ ପ୍ରତିଶତ ବୃଦ୍ଧି ପାଇ ସଂଖ୍ୟା ୩୮୧ ରୁ ୮୧୩କୁ ବୃଦ୍ଧି ପାଇଛି।

ମହାରାଷ୍ଟ୍ରରେ କରୋନା ଭାଇରସ୍ ସଂକ୍ରମିତ ଲୋକଙ୍କ ସଂଖ୍ୟା ୫୨୦୦ରୁ ଅଧିକ ହୋଇଛି । ଏଥି ସହିତ ଦେଶରେ ମୋଟ ସଂକ୍ରମିତ ଲୋକଙ୍କ ସଂଖ୍ୟା ୧୯ହଜାର ୯୦୦ଅତିକ୍ରମ କରିଛି।