ଭାରତରେ କାୟା ମେଲାଇ ଚାଲିଛି କରୋନା । ଭୂତାଣୁ ଭୟରେ ୨୫ଟି ରାଜ୍ୟ । ଦେଶରେ ସଂକ୍ରମିତଙ୍କ ସଂଖ୍ୟା ୨୧ ହଜାର ଟପିଛି । ୬୮୧ରୁ ଅଧିକ ଲୋକଙ୍କ ଜୀବନ ଯାଇଛି । ଗତ ୨୪ ଘଣ୍ଟା ମଧ୍ୟରେ ୧୩ ଶହରୁ ଅଧିକ ନୂଆ ମାମଲା ଆସିଛି। ଗୋଟିଏ ଦିନରେ ୫୦ରୁ ଅଧିକ ଲୋକେ ପ୍ରାଣ ହରାଇଛନ୍ତି । ମହାରାଷ୍ଟ୍ରରେ ସ୍ଥିତି ସଂଗୀନ ରହିଛି। ରାଜ୍ୟରେ ୫ହଜାର ୫ ଶହରୁ ଅଧିକ ସଂକ୍ରମିତ ଚିହ୍ନଟ ହୋଇଥିବା ବେଳେ ୨୬୦ ରୁ ଅଧିକ ଲୋକଙ୍କ ମୃତ୍ୟୁ ହୋଇଛି। ଗୁଜରାଟ ଓ ଦିଲ୍ଲୀରେ ଆକ୍ରାନ୍ତଙ୍କ ସଂଖ୍ୟା ୨ ହଜାର ଉପରେ ରହିଛି । ରାଜସ୍ଥାନ, ତାମିଲନାଡୁ, ମଧ୍ୟପ୍ରଦେଶ ଓ ଉତ୍ତରପ୍ରଦେଶରେ ବି କରୋନା ସଂକ୍ରମଣ ବଢୁଛି। ତେବେ କାଲିଠରୁ ଦେଶରେ ସ୍ଥଗିତ ରହିଛି ରାପିଡ୍‌ ଟେଷ୍ଟ । ସାନି ନିର୍ଦ୍ଦେଶନାମା ଆସିବା ପରେ ରାପିଡ ଟେଷ୍ଟ ପାଇଁ ଅନୁମତି ଦିଆଯିବ ବୋଲି ସୂଚନା ଦେଇଛନ୍ତି ICMR ଉପନିର୍ଦ୍ଦେଶକ ।

ସାରା ବିଶ୍ବରେ ୨୫ ଲକ୍ଷ ୯୨ ହଜାର ଟପିଛି ଆକ୍ରାନ୍ତଙ୍କ ସଂଖ୍ୟା । ମୃତ୍ୟୁ ସଂଖ୍ୟା ଲକ୍ଷେ ୮୧ ହଜାର ପାର ହେଲାଣି । କେବଳ ଆମେରିକାରେ ୮ ଲକ୍ଷ ୨୦ ହଜାର ପହଁଚିଲାଣି ଆକ୍ରାନ୍ତଙ୍କ ସଂଖ୍ୟା । ଏଠାରେ ୪୫ ହଜାର ୯୬୨ ରୁ ଉର୍ଦ୍ଧ ଜଣଙ୍କର ମୃତ୍ୟୁ ହୋଇସାରିଲାଣି । ନ୍ୟୁୟର୍କ ସହରରେ ଅଧିକ ଆକ୍ରାନ୍ତଙ୍କ ସଂଖ୍ୟା ଦେଖିବାକୁ ମିଳିଛି । ସ୍ପେନରେ ଦୁଇ ଲକ୍ଷ ଉର୍ଦ୍ଧ, ଇଟାଲୀରେ ୧ ଲକ୍ଷ ୮୭ ହଜାରରୁ ଉର୍ଦ୍ଧ , ଫ୍ରାନ୍ସରେ ୧ ଲକ୍ଷ ୫୮ ହଜାରରୁ ଉର୍ଦ୍ଧ , ଜର୍ମାନୀରେ ୧ ଲକ୍ଷ ୪୮ ହଜାର, ବ୍ରିଟେନରେ ୧ ଲକ୍ଷ୨୯ ହଜାର ଆକ୍ରାନ୍ତ ଚିହ୍ନଟ ହୋଇଛନ୍ତି । ସେପଟେ ଚୀନରେ ସମ୍ପୂର୍ଣ୍ଣ ଭାବେ ଆୟତ ହୋଇନାହିଁ ସ୍ଥିତି । ୮୨ ହଜାର ୭ଶହରୁ ଉର୍ଦ୍ଧ ଜଣଙ୍କ ମୃତ୍ୟୁ ହୋଇଛି ।  ପ୍ରତ୍ୟେକ ଦିନ ୫୦ରୁ ଅଧିକ ଆକ୍ରାନ୍ତ ଚିହ୍ନଟ ହେଉଛନ୍ତି । ଏପଟେ ମେକ୍ସିକୋ ସ୍ଥିତି ଗମ୍ଭୀର ହେବାରେ ଲାଗିଛି । ଗତ ୨୪ ଘଣ୍ଟାରେ ପ୍ରଥମ ଥର ପାଇଁ ଏକ ହଜାରରୁ ଅଧିକ ଆକ୍ରାନ୍ତ ଚିହ୍ନଟ ହୋଇଛନ୍ତି । ସେଠାରେ ମୃତ୍ୟୁ ସଂଖ୍ୟା ମଧ୍ୟ ୮୫୦ ଟପିଲାଣି ।

କୋଲକାତା- ସୁବ୍ରତ କୋଲକାତାର ଦୁଇ ଶିକ୍ଷାନୁଷ୍ଠାନରେ ଇତିହାସ ପାଠ ପଢ଼ାନ୍ତି । ମାର୍ଚ୍ଚ ମାସରୁ ଦେଶରେ ଜାରି ହୋଇଥିବା ଲକଡାଉନ ସମୟରେ ସୁବ୍ରତ ପଶ୍ଚିମବଙ୍ଗ ବାଙ୍କୁରା ଜିଲ୍ଲାରେ ଥିବା ନିଜ ଗାଁରେ ଥିଲେ ।

ତେବେ ସୁବ୍ରତ ଏବେ ସୋସିଆଲ ମିଡିଆରେ ଖୁବ ଚର୍ଚ୍ଚା ସାଉଁଟୁଛନ୍ତି । ଏହାର କାରଣ ଏହାକି ସେ ପ୍ରତିଦିନ ଗଛ ଉପରେ ଚଢ଼ି ନିଜ ଛାତ୍ରଛାତ୍ରୀଙ୍କୁ ପାଠ ପଢ଼ାନ୍ତି । ୩୫ ବର୍ଷିୟ ସୁବ୍ରତ ପତି ଏକ ନିମ୍ବ ଗଛକୁ ନିଜ କ୍ଲାସ ରୁମ ଭାବେ ତିଆରି କରିଛନ୍ତି ।

West Bengal:Subrato Pati,a teacher from a village in Bankura has set up his workspace on a tree,so that he can take online classes without network disruptions."We don't get network signals everywhere in our village.I take different classes from 9:30 am to 6:00 pm",he said.(22.04) pic.twitter.com/5EdxEYlaMc

— ANI (@ANI) April 23, 2020

ସୂଚନା ଅନୁଯାୟୀ ଲକଡାଉନ ସମୟରେ ସୁବ୍ରତ ଗାଁରେ ଥିଲେ । ଆଉ ବର୍ତ୍ତମାନ ତାଙ୍କୁ ଗାଁରୁ ଅନଲାଇନ କ୍ଲାସ ନେବାର ଥିଲା । କିନ୍ତୁ ଗାଁରେ ନେଟୱର୍କ ଖରାପ ଥିବା କାରଣରୁ ତାଙ୍କୁ ବହୁ ଅସୁବିଧାର ସାମ୍ନା କରିବାକୁ ପଡ଼ୁଥିଲା । ସୁବ୍ରତ ଏହି ସମସ୍ୟା ଆଗରେ ହାର ମାନି କ୍ଲାସ ନ ନେବାର ନିଷ୍ପତ୍ତି ନେଇପରିଥାନ୍ତେ କିନ୍ତୁ ସେ ଏପରି ନକରି ସମସ୍ୟାର ସମାଧାନ ବାହାର କରିଥିଲେ ।

ସୁବ୍ରତ ଯେତେବେଳେ ଗଛରେ ଚଢିଲେ ସେ ନେଟୱର୍କ ଆସୁଥିବା ଜାଣିବାକୁ ପାଇଲେ । ତାପରେ ଗାଁରେ ନିଜ ସାଙ୍ଗ ମାନଙ୍କ ସାହାଯ୍ୟରେ ବାଉଁଶରେ ଗଛ ଉପରେ ଏକ ପ୍ଲାଟଫର୍ମ ତିଆରି କଲେ ।

ବର୍ତ୍ତମାନ ସୁବ୍ରତ ସବୁଦିନ କ୍ଲାସ ସମୟରେ ଗଛରେ ଚଢ଼ି ଛାତ୍ରଛାତ୍ରୀଙ୍କୁ ଅନଲାଇନ ପାଠପଢ଼ାନ୍ତି । ଲମ୍ବା ସମୟ ପର୍ଯ୍ୟନ୍ତ କ୍ଲାସ ଥିବାରୁ ସୁବ୍ରତ ଗଛ ଉପରକୁ ଖାଇବା ମଧ୍ୟ ନେଇଯାଆନ୍ତି ।

ନୂଆଦିଲ୍ଲୀ: ଦିଲ୍ଲୀରେ ବଡ଼ବଡ଼ କୋଠା ପାଇଁ ଇଟା ତିଆରି କରୁଥିବା ଦିୟାରାମ କୁଶବାହା ଏବଂ ତାଙ୍କ ସ୍ତ୍ରୀ ଜ୍ଞାନବତୀ ତାଙ୍କ ପୁଅ ସହ ଘରକୁ ଫେରିଛନ୍ତି । ଯେଉଁଠାରେ ଏମାନେ କାମ କରନ୍ତି ତାଙ୍କ ୫ବର୍ଷର ପୁଅ ସେଠାରେ ଖେଳେ । ଏବଂ  ପୁଅକୁ ଦେଖି ବାପାମାଆ ନିଜ କଷ୍ଟ ଭୁଲି  ଯାଆନ୍ତି । କିନ୍ତୁ ଯେତେବେଳେ କରୋନା ଭାଇରସ କାରଣରୁ ଦେଶରେ ଲକଡାଉନ ହେଲା, ସେତେବେଳେ ପରିବାର ଉପରେ ଚଡ଼କ ପଡ଼ିଲା । ଦିନ ମଜୁରୀଆ ଭାବେ କାମ କରୁଥିବା ଏହି ପରିବାର କରିବେ କଣ ଖାଇବେ କେମିତି ଏମିତି ଭାବି ସେମାନେ ଘରକୁ ଫେରିବାର ନିଷ୍ପତି ନେଲେ । ତା’ପରେ ୨୬ ମାର୍ଚ୍ଚରେ ସମସ୍ତ ସେଠି କାମକରୁଥିବା ଲୋକ ଦିଲ୍ଲୀ ଠାରୁ ୫୦୦ କିଲୋମିଟର ଦୂରରେ ନିଜ ଗାଁ ପାଇଁ ଚାଲିବା ଆରମ୍ଭ କରିଥିଲେ । 

୨୮ବର୍ଷର ଦିନାରାମ ଏକ ୫ ବର୍ଷର ପୁଅ ଶିବମଙ୍କୁ ପ୍ରାୟ ୫୦୦କିଲୋମିଟର କାନ୍ଧରେ ବୋହି ନେଇଥିଲେ। ଲକଡାଉନ୍ ପରେ ଦିନାରାମଙ୍କୁ କାମ ବନ୍ଦ କରିବାକୁ ପଡିଲା ଏବଂ ପରିବାର ପାଇଁ ଖାଦ୍ୟ ଏବଂ ଭଡା ବ୍ୟବସ୍ଥା କରିବା କଷ୍ଟସାଧ୍ୟ ଥିଲା। ବାଟରେ, ଯେତେବେଳେ ଚାଲିବା କଷ୍ଟକର ହେଲା, ଦିନାରାମ ତାଙ୍କର ପ୍ରଥମ ପୁଅ ୭ ବର୍ଷର ପୁଅକୁ ମନେ ପକାଇଲେ ଯାହାକୁ ସେ ତାଙ୍କ ବାପାମାଆଙ୍କ ଗାଁରେ ଛାଡିଥିଲେ । ତେବେ ଶେଷରେ, ଚାରି ଦିନ ନିରନ୍ତର ଚାଲିବା ଏବଂ କିଛି ଟ୍ରକରେ ଲିଫ୍ଟ ନେବା ପରେ ସେ ମଧ୍ୟପ୍ରଦେଶର ଟିକାମଗଡ ଜିଲ୍ଲାର ତାଙ୍କ ଗାଁ ଜୁଗାୟାରେ ପହଞ୍ଚିଥିଲେ ।

ତେବେ ଦିନାରାମ କୁହନ୍ତି ସେ ଦିଲ୍ଲୀକୁ ଭଲ ପାଆନ୍ତି ସେଥିପାଇଁ ସେଠାରେ ରୁହନ୍ତି ତାହା ନୁହେଁ ବରଂ ସେ ବଞ୍ଚିବା ପାଇଁ କିଛି ଟଙ୍କା ରୋଜଗାର ପାଇଁ ସେଠାକୁ ଯାଇଥିଲେ ଯାହାଦ୍ୱାରା ସେ ତାଙ୍କର ପରିବାରର ଭରଣ ପୋଷଣ କରିପାରିବେ । କିନ୍ତୁ ଯେତେବେଳେ ସେ ନିଜ ଗାଁରେ ପହଞ୍ଚିଥିଲେ ଗାଁ ଲୋକମାନେ ତାଙ୍କୁ ସନ୍ଦେହ ନଜରରେ ଦେଖିଥିଲେ । ଏବଂ ସମସ୍ତଙ୍କ ମନରେ ପ୍ରଶ୍ନ ସେ କୋରନା ସଂକ୍ରମିତ ନୁହଁନ୍ତି ତ, ସେଥି ପାଇଁ ସେ ଗାଁ ପାଇଁ ଅଜଣା ହୋଇଯାଇଛନ୍ତି ଯାହା ତାଙ୍କୁ ବହୁତ କଷ୍ଟ ଦେଇଛି ।