ନୂଆଦିଲ୍ଲୀ: ଭାରତ ସରକାର ବ୍ୟାନ୍ କରିଥିବା ୫୯ ଚୀନ୍ ଆପ୍ ମଧ୍ୟରୁ ଗୋଟିଏ Weiboରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଆଧିକାରିକ ଆକାଉଣ୍ଟ ରହିଛି । ବୁଧବାର ଦିନ୍ ହଠାତ ପ୍ରଧାନମନ୍ତ୍ରୀ ମୋଦିଙ୍କ ଆକାଉଣ୍ଟରୁ ପୋଷ୍ଟ ଓ କମେଣ୍ଟ୍ ଗାଏବ ହୋଇଯାଇଥିଲା । ଯାହା ସମସ୍ତଙ୍କୁ ଚକିତ କରିଥିଲା । ଅନୁମାନ କରାଗଲା ଯେ, ଚୀନ ସରକାର ଚାପରେ Weibo ଏଭଳି କରିଛି । ଭାରତକୁ ଯବାବ ଦେବା ପାଇଁ ମୋଦିଙ୍କ ଆକାଉଣ୍ଟକୁ ଡିଲିଟ୍ କରିଦିଆଯାଇଛି । କିନ୍ତୁ ସତ ଆଉକିଛି
ସତ କ’ଣ ?
ସତ ହେଲା ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନିଜେ Weiboରୁ ହଟିଯାଇଛନ୍ତି । ଚୀନ୍ ଆପକୁ ବ୍ୟାନ୍ କରିବା ପାଇଁ ସରକାର ନିଷ୍ପତ୍ତି ନେବା ପରେ ପିଏମ୍ ମୋଦି Weiboରୁ ହଟିବା ପାଇଁ ନିଷ୍ପତ୍ତି ନେଇଥିଲେ । ଏହାପରେ ତାଙ୍କ ଆକାଉଣ୍ଟ୍ ଡିଲିଟ୍ କରିବା ପ୍ରକ୍ରିୟା ଆରମ୍ଭ ହୋଇଥିଲା । ଭିଆଇପି ଆକାଉଣ୍ଟ୍ ହୋଇଥିବାରୁ ଏହାର ଡିଲିଟ୍ ପ୍ରକ୍ରିୟା ଜଟିଳ ହୋଇଥାଏ । ଯେଉଁଥିପାଇଁ ଆଧିକାରିକ ଭାବେ ସମ୍ପୂର୍ଣ୍ଣ ପ୍ରୋସେସ୍ ଆରମ୍ଭ ହୋଇଥିଲା । ଏହାପରେ ଆକାଉଣ୍ଟ୍ ଡିଲିଟ୍ ହୋଇଥିଲା ।
୧୧୫ରୁ ୧୧୩ ପୋଷ୍ଟ ଡିଲିଟ୍ ହୋଇଥିଲା
ଚୀନ ପକ୍ଷରୁ ଅନୁମତି ଆସିବାରେ ବିଳମ୍ବ ହୋଇଥିଲା । ପିଏମ୍ ମୋଦିଙ୍କ Weibo ଆକାଉଣ୍ଟରେ ମୋଟ ୧୧୫ ପୋଷ୍ଟ ଥିଲା । ସେ ସମସ୍ତ ପୋଷ୍ଟକୁ ମାନୁଆଲି ଡିଲିଟ୍ କରିବାକୁ ନିଷ୍ପତ୍ତି ନିଆଯାଇଥିଲା । ଅନେକ ଚେଷ୍ଟା ପରେ ୧୧୩ ପୋଷ୍ଟ୍ ଡିଲିଟ୍ ହୋଇଥିଲା । ବାକି ଦୁଇଟି ପୋଷ୍ଟ ବଳକା ରହିଥିଲା । ଯାହା ମଧ୍ୟରୁ ଗୋଟିକରେ ଚୀନ୍ ରାଷ୍ଟ୍ରପତି ସି ଜିନ୍ ପିଙ୍ଗ୍ ଥିଲେ । ଏମିତିରେ ଚୀନ ରାଷ୍ଟ୍ରପତିଙ୍କ ଫଟୋ ଡିଲିଟ୍ କରିବା Weibo ପକ୍ଷରେ କଠିନ ଥିଲା । ତଥାପି ଶେଷରେ ସେହି ଫଟୋକୁ ମଧ୍ୟ ଡିଲିଟ୍ କରାଯାଇଥିଲା । ବର୍ତ୍ତମାନ ଆକାଉଣ୍ଟରେ କିଛି ମଧ୍ୟ ନାହିଁ ।
ଚୀନର ଏମିତି କାଣ୍ଡ ପାଇଁ ଲାଗିଲା ବ୍ୟାନ୍
କିଛି ଦିନ ତଳେ ଚାଇନା ଆପ୍ ଉଇ ଚାଟରୁ ଭାରତୀୟ ଦୂତାବାସର ଆଧିକାରିକ ଆକାଉଣ୍ଟରୁ ତିନୋଟି ଭାରତୀୟ ବୟାନ ଡିଲିଟ୍ ହୋଇଥିଲା । ଏହା ମଧ୍ୟରୁ ଗୋଟିଏ ବୟାନ ପ୍ରଧାନମନ୍ତ୍ରୀଙ୍କର ଥିଲା । ବୟାନକୁ ଉଇ ଚାଟ୍ ଡିଲିଟ୍ କରିଥିଲା । ଚୀନ ଆପଙ୍କର ଏଭଳି କାଣ୍ଡକାରଖାନା ଓ ଡାଟା ଚୋରିକୁ ଗମ୍ଭୀରତାର ସହ ନେଇ ଭାରତ ସରକାର ୫୯ ଆପ୍ ଡିଲିଟ୍ କରିବାକୁ ନିଷ୍ପତ୍ତି ନେଇଥିଲେ ।
ଚୀନ୍ର ଏଭଳି ଆଭିମୁଖ୍ୟ ଦେଖି ଭାରତ ବି ପ୍ରସ୍ତୁତ ହୋଇଛି । ଅଧିକରୁ ଅଧିକ ଯବାନଙ୍କୁ ସୀମାରେ ମୁତୟନ କରିବା ଆରମ୍ଭ କରିଛି ଭାରତ । ଚୀନ୍ର କୌଣସି ବି କାର୍ଯ୍ୟକଳାପର ମୁହଁତୋଡ଼ ଯବାବ ଦେବା ପାଇଁ ଯବାନମାନେ ସବୁ ସ୍ତରରେ ପ୍ରସ୍ତୁତ ଅଛନ୍ତି । ଭାରତୀୟ ସେନାର ଏଭଳି ପ୍ରସ୍ତୁତିକୁ ପରଖିବା ପାଇଁ ଆସନ୍ତାକାଲି ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ଲେହରେ ପହଞ୍ଚିବେ । ରାଜନାଥଙ୍କ ସହ ସେନା ମୁଖ୍ୟ ମନୋଜ ମୁକୁନ୍ଦ ନରଓ୍ୱାଣେ ମଧ୍ୟ ଲେହରେ ପହଞ୍ଚିବେ । ଗତ ସପ୍ତାହରେ ମଧ୍ୟ ଲେହ ଏବଂ ଲଦାଖରେ ସ୍ଥିତି ପରିଖିବା ପାଇଁ ନରଓ୍ୱାଣେ ପହଞ୍ଚିଥିଲେ ।
ତେବେ ପୁରୀ ପ୍ରଶାସନ ଓ ମନ୍ଦିର ପ୍ରଶାସନ ଓ ପୁରୀବାସୀଙ୍କର ନିଷ୍ଠାପର ଶୃଙ୍ଖଳା ଓ ସମର୍ଥନ ଯୋଗୁଁ ରଥ ଓ ବାହୁଡା ଯାତ୍ରା ସଫଳ ହୋଇଛି । ତିନି ରଥ ବଡଦାଣ୍ଡରେ ଲାଗିଛି । ରଥାଯାତ୍ରା ପରିଚାଳନା ସଫଳ ଭାବେ ବାହୁଡ ଯାତ୍ରାରେ ଶେଷ ହେବା ପରେ ଜଗତଗୁରୁ ଶଙ୍କରାଚାର୍ଯ୍ୟ ପରିଚାଳନା କମିଟି ଓ ପ୍ରଶାସନକୁ ଧନ୍ୟବାଦ ଜଣାଇଛନ୍ତି । ସେ କହିଛନ୍ତି ପ୍ରଶାସନର ସଠିକ ନିୟନ୍ତ୍ରଣ ବ୍ୟବସ୍ଥା ଯୋଗୁଁ ରଥଯାତ୍ରାରୁ ବାହୁଡା ଯାତ୍ରା ପର୍ଯ୍ୟନ୍ତ ସମସ୍ତ ନୀତିକାନ୍ତି ସୂଚାର ରୂପେ ପରିଚାଳିତ ହୋଇଛି । ଅନ୍ୟପକ୍ଷରେ ଚତୁର୍ଦ୍ଧା ମୂର୍ତ୍ତି ଏବେ ସିଂହଦ୍ୱାର ସାମ୍ନାରେ ଅଟକି ରହିବେ । କାଲି ସୁନାବେଶରେ ଦର୍ଶନ ଦେଇ ନିଳାଦ୍ରୀ ବିଜେ କରିବେ ।
