କଟକ: ବିବାହ ପ୍ରଲୋଭନ ଦେଖାଇ ଶାରିରିକ ସମ୍ପର୍କ ସ୍ଥାପନା ଦୁଷ୍କର୍ମ ନୁହେଁ ବୋଲି ଓଡ଼ିଶା ହାଇକୋର୍ଟ ଏକ ଗୁରୁତ୍ୱପୂର୍ଣ୍ଣ ରାୟରେ କହିଛନ୍ତି । କୋରାପୁଟର ପଟାଙ୍ଗୀ ଥାନାରେ ୨୭.୧୧.୨୦୧୯ରେ ଦାଏର ଏତଲାରେ ଜଣେ ୧୮ ବର୍ଷୀୟା ଯୁବତୀ ନିଜ ଗାଁର ଜଣେ ଯୁବକଙ୍କ ବିରୋଧରେ ବିବାହ ପ୍ରଲୋଭନ ଦେଖାଇ ଦୁଷ୍କର୍ମ ଅଭିଯୋଗ ଆଣିଥିଲେ । ଏହି ମାମଲାରେ ସେତେବେଳେ ସେହି ଯୁବକ ଜଣକ ଜେଲ ମଧ୍ୟ ଯାଇଥିଲେ । ଯୁବକଙ୍କ ଜାମିନ ଆବେଦନ ଉପରେ ଶୁଣାଣି କରି ହାଇକୋର୍ଟ ଏହି ରାୟ ଦେଇଛନ୍ତି ।

ଅଭିଯୋଗରେ ଯୁବତୀ ଜଣକ ଉଲ୍ଲେଖ କରିଥିଲେ ଯେ, ଅଭିଯୁକ୍ତଙ୍କର ତାଙ୍କ ସହିତ ପ୍ରେମ ସମ୍ପର୍କଥିଲା । ଯୋଗାଯୋଗ ରଖିବା ପାଇଁ ତାଙ୍କୁ ସଂପୃକ୍ତ ଯୁବକ ମୋବାଇଲ ଫୋନ୍ ଦେଇଥିଲେ । ବିବାହର ପ୍ରତିସ୍ରୁତି ଦେଇ ତାଙ୍କ ସହ ଯୁବକ ଶାରିରିକ ସମ୍ପର୍କ ରଖିଥିଲେ ।ଏପିରିକ ଦୁଇ ଦୁଇଥର ତାଙ୍କର ଗର୍ଭପାତ କରାଇଥିବା ମଧ୍ୟ ଯୁବତୀ ଏତଲାର ଉଲ୍ଲେଖ କରିବା ସହ ଦୁଷ୍କର୍ମ ଅଭିଯୋଗ ଆଣିଥିଲେ ।

ଅଭିଯୋଗକାରିଣୀଙ୍କ ଓକିଲ ଜାମିନ ଆବେଦନକୁ ବିରୋଧ କରି ଯୁକ୍ତି କରିଥିଲେ ଯେ,ଉଭୟଙ୍କ ମଧ୍ୟରେ ପ୍ରେମ ସମ୍ପର୍କ ଥିଲା । ।ଯୁବତୀଙ୍କ ନିରିହତାର ଫାଇଦା ଉଠାଇ ଅଭିଯୁକ୍ତ ବିବାହର ଲୋଭ ଦେଖାଇ ତାଙ୍କ ସହ ଶାରିରିକ ସମ୍ପର୍କ ରଖିଥିଲେ । ଦୁଇ ଦୁଇଥର ତାଙ୍କ ମହକିଲଙ୍କ ଗର୍ଭପାତ କରାଯାଇଛି ବୋଲି ଅଦାଲତରେ ଯୁକ୍ତି ରଖିଥିଲେ ।

ହାଇକୋର୍ଟ ମାମଲାର ପୁଙ୍ଖାନୁପୁଙ୍ଖ ଅନୁଧ୍ୟାନ କରି କହିଥିଲେ ଯେ, ଅଭିଯୋଗକାରିଣୀ ସାବାଳିକା । ତେଣୁ କେହି ତାଙ୍କୁ ବିବାହ ପ୍ରଲୋଭନ ଦେଖାଇ ଶାରିରିକ ସମ୍ପର୍କ ରକ୍ଷା କରିବା ପ୍ରଶ୍ନ ଉଠୁନାହିଁ । ଯଦି ବି ସେଭଳି ସମ୍ପର୍କ ଥାଏ,ତେବେ ମଧ୍ୟ ଏହା ଭାରତୀୟ ଦଣ୍ଡ ସଂହିତାର ୩୭୬ ଅନ୍ତର୍ଗତରେ ଆସୁନାହିଁ । ଭାରତୀୟ ଦଣ୍ଡ ସଂହିତାର ୩୭୫ ଧାରାରେ ଦୁଷ୍କର୍ମର ଯେଉଁ ୭ ପରିଭାଷା ବର୍ଣ୍ଣନା କରାଯାଇଛି ତାହା ଭିତରେ ବିବାହ ପ୍ରତିସ୍ରୁତି ଦେଇ ଶାରିରିକ ସମ୍ପର୍କ ଆସୁନାହିଁ । ତେଣୁ ବିବାହ ପ୍ରଲୋଭନ ଦେଖାଇ ଶାରିରିକ ସମ୍ପର୍କ ଦୁଷ୍କର୍ମ ନୁହେଁ ।

ଭୁବନେଶ୍ୱର: ଆସିଲା ରାଜ୍ୟ ସରକାରଙ୍କ ଅମ୍ଫାନ ବାତ୍ୟା ନେଇ ପ୍ରଥମ ଆକଳନ ରିପୋର୍ଟ । ବାତ୍ୟା ଅମ୍ଫାନ୍‌ରେ ମୋଟ ୧୦ ଜିଲ୍ଲା ପ୍ରଭାବିତ। ୯ହଜାର ୮୩୩ ଗାଁ, ୧୫ଶହ ୫୮ ଗ୍ରାମ ପଞ୍ଚାୟତ, ୯୨ ବ୍ଳକ୍‌, ୨୭୨ ଓ୍ୱାର୍ଡ, ୨୨ଟି ପୌରାଞ୍ଚଳ ବାତ୍ୟାରେ କ୍ଷତିଗ୍ରସ୍ତ ହୋଇଛି । ଏଥିରେ ମୋଟ୍‌ ୪୪ଲକ୍ଷ ଲୋକ ପ୍ରଭାବିତ ହୋଇଥିବା ସରକାର ରିପୋର୍ଟରେ ଦର୍ଶାଇଛନ୍ତି ।

ବର୍ଷା ପବନରେ ୮ଲକ୍ଷ ୭୨ହଜାର ଗୃହପାଳିତ ପଶୁପକ୍ଷୀ ପ୍ରଭାବିତ ହୋଇଥିବା ବେଳେ ୫ଶହ ଘର ସଂପୂର୍ଣ୍ଣ ନଷ୍ଟ । ୧୫ହଜାର ଘର ଆବାଶିକ ନଷ୍ଟ ହୋଇଛି । ୨୮ଟି ବୃହତ୍‌ ଜୀବ,୯ଟି କ୍ଷୁଦ୍ର ପ୍ରାଣୀ, ୩ହଜାର ୬୮୦ କୁକୁଡ଼ା ଓ ବତକ ପ୍ରାଣ ହରାଇଛନ୍ତି । ଚଳିତ ବାତ୍ୟାରେ ରାଜ୍ୟର ଜଣେ ବି ପ୍ରାଣ ହରାଇ ନାହାଁନ୍ତି ।

ବାତ୍ୟା ଆସିବା ପୂର୍ବରୁ ୨ଲକ୍ଷ ୩୪୬ଲୋକଙ୍କୁ ସ୍ଥାନାନ୍ତର କରାଯାଇଥିଲା । ଆସନ୍ତା ୨୬ ତାରିଖରେ ରାଜ୍ୟ ସରକାର ପୂର୍ଣ୍ଣାଙ୍ଗ ରିପୋର୍ଟ ଦାଖଲ କରିବେ । ତେବେ ବାତ୍ୟାରେ ୩୪ କିଲୋମିଟରର ୩୩ କେଭି ଲାଇନ୍‌, ୪୫୩ କିଲୋମିଟର ୧୧କେଭି ଲାଇନ୍‌ ଓ ୬୮୦ କିଲୋମିଟର୍‌ ଏଲ୍‌ଟି ଲାଇନ୍‌ ପ୍ରଭାବିତ ହୋଇଛି । ପବନରେ ଓଲିଟି ପଡିଛି ୨ହଜାର ୪୩୯ଟି ଟ୍ରାନ୍‌ସଫର୍ମର ।

ଭୁବନେଶ୍ୱର: ବାତ୍ୟା କ୍ଷତି ଭରଣା ପାଇଁ ପ୍ରଧାନମନ୍ତ୍ରୀ ଘୋଷଣା କରିଥିବା ୫ ଶହ କୋଟି ଟଙ୍କାର ସହାୟତା ଆଜି କେନ୍ଦ୍ର ସରକାର ରିଲିଜ୍‌ କରିଛନ୍ତି । ୨୪ ଘଣ୍ଟା ନପୂରୁଣୁ ଟଙ୍କା ରିଲିଜ୍‌ ହୋଇଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗତକାଲି ବାତ୍ୟାଞ୍ଚଳ ପରିଦର୍ଶନ ପରେ ଭୁବନେଶ୍ୱରରେ ସ୍ଥିତିର ସମୀକ୍ଷା କରିଥିଲେ ଓ ଅଗ୍ରୀମ ଭାବେ ୫ଶହ କୋଟି ଟଙ୍କା ସହାୟତା ଦିଆଯିବ ବୋଲି ଘୋଷଣା କରିଥିଲେ । କେନ୍ଦ୍ର ସରକାର ଆଜି ଏହି ଟଙ୍କା ପ୍ରଦାନ କରିଛନ୍ତି । କେନ୍ଦ୍ରୀୟ ଟିମ୍‌ର କ୍ଷୟକ୍ଷତି ଅନୁଧ୍ୟାନ ଓ ବିସ୍ତୃତ ରିପୋର୍ଟ ମିଳିବା ପରେ ଆବଶ୍ୟକ ଅନୁସାରେ ପ୍ୟାକେଜ୍‌ ମିଳିବ ବୋଲି କହିଥିଲେ ମୋଦି ।

ଉଲ୍ଲେଖନୀୟଯେ ଶୁକ୍ରବାର ଦିନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଅମ୍ଫାନ ବାତ୍ୟା ପରବର୍ତ୍ତି କ୍ଷୟକ୍ଷତି ଅନୁଧ୍ୟାନ କରିବା ଲାଗି ଓଡ଼ିଶା ଆସିଥିଲେ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସହ ସେ ବାତ୍ୟା କ୍ଷତିଗ୍ରସ୍ତ ଅଞ୍ଚଳର ଆକାଶ ମାର୍ଗରୁ ଅନୁଧ୍ୟାନ କରିଥିଲେ । ଏହାପରେ ଓଡ଼ିଶାକୁ ବାତ୍ୟା ସହାୟତା ଭାବେ ୫ଶହ କୋଟି ଟଙ୍କା କେନ୍ଦ୍ର ଦେବ ବୋଲି ଘୋଷଣା କରିଥିଲେ । ମୁଖ୍ୟମନ୍ତ୍ରୀଙ୍କ ଉପସ୍ଥିତିରେ ସେ ଘୋଷଣା କରିଥିଲେ । ଏହାସହ ସେ ବାତ୍ୟା ମୁକାବିଲା ପାଇଁ ଓଡ଼ିଶା ସରକାରଙ୍କୁ ପ୍ରଶଂସା କରିଥିଲେ ।