ଲକ୍ ଡାଉନ୍କୁ ମାନୁନଥିବା ଲୋକଙ୍କ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ନିର୍ଦ୍ଦେଶ
ନୂଆଦିଲ୍ଲୀ: ଦେଶରେ ବଢ଼ିବାରେ ଲାଗିଛି କରୋନା ପଜେଟିଭ୍ଙ୍କ ସଂଖ୍ୟା । ଦେଶର ୧୦ରୁ ଅଧିକ ରାଜ୍ୟକୁ ଲକ୍ ଡାଉନ୍ ଘୋଷଣା କରିଛନ୍ତି ରାଜ୍ୟ ସରକାର । ଏହାବ୍ୟତୀତ ଲୋକେ ଲଗାତାର ଘର ବାହାରକୁ ବାହାରୁଛନ୍ତି । ଏ ନେଇ ଅସନ୍ତୋଷ ବ୍ୟକ୍ତ କରିବା ସହ ଦୃଢ଼ କାର୍ଯ୍ୟାନୁଷ୍ଠାନ ଲାଗି ରାଜ୍ୟ ସରକାରମାନଙ୍କୁ ନିର୍ଦ୍ଦେଶ ଦେଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।
ଲକ୍ ଡାଉନ୍ ପରିସ୍ଥିତି ସମ୍ପର୍କରେ ଟ୍ୱିଟ୍ କରି ପ୍ରଧାନମନ୍ତ୍ରୀ ଲେଖିଛନ୍ତି ଯେ, ନିଜେ ନିଜକୁ ବଞ୍ଚାଇବାକୁ କହିବା ସହ ନିଜ ପରିବାରକୁ ବଞ୍ଚାଇବାକୁ ନିବେଦନ କରିବା ସହ ସରକାରଙ୍କ ନିର୍ଦ୍ଦେଶକୁ ଗମ୍ଭୀରତାର ସହ ପାଳନ କରିବାକୁ ନିର୍ଦ୍ଦେଶ ଦେଇଛନ୍ତି । ଏଥିସହିତ ଏବେ ବି କିଛି ଲୋକେ ଏହାକୁ ଗମ୍ଭୀରତାର ସହ ନେଉନଥିବା କହିଛନ୍ତି ପ୍ରଧାନମନ୍ତ୍ରୀ । ଏଣୁ ନିୟମକୁ କଡ଼ାକଡ଼ିଭାବେ ପାଳନ କରିବାକୁ ରାଜ୍ୟ ସରକାରମାନଙ୍କୁ ଅନୁରୋଧ କରିଛନ୍ତି ପ୍ରଧାନମନ୍ତ୍ରୀ ।
लॉकडाउन को अभी भी कई लोग गंभीरता से नहीं ले रहे हैं। कृपया करके अपने आप को बचाएं, अपने परिवार को बचाएं, निर्देशों का गंभीरता से पालन करें। राज्य सरकारों से मेरा अनुरोध है कि वो नियमों और कानूनों का पालन करवाएं।
— Narendra Modi (@narendramodi) March 23, 2020
ସୂଚନା ଯୋଗ୍ୟ ଯେ, କରୋନା ଭାଇରସ୍ ଜନିତ ଆକ୍ରାନ୍ତଙ୍କ ସଂଖ୍ୟା ବଢ଼ୁଥିବା ବେଳେ ଦିଲ୍ଲୀ, ଉତ୍ତରପ୍ରଦେଶ, ରାଜସ୍ଥାନ, ସମେତ ଦେଶର ୧୦ରୁ ଅଧିକ ରାଜ୍ୟରେ ଲକ୍ ଡାଉନ୍ର ସ୍ଥିତି ରହିଛି । କିନ୍ତୁ ସୋମବାର ସକାଳେ ଯାହା ସ୍ଥିତି ରହିଥିଲା ସେଥିରେ ଗୁଡ଼ାଏ ଲୋକଙ୍କୁ ରାସ୍ତା ଘାଟରେ ଚଳପ୍ରଚଳ କରୁଥିବା ଦେଖିବାକୁ ମିଳିଥିଲା । ଦିଲ୍ଲୀ-ନୋଏଡା ଏକ୍ସପ୍ରେସ ଓ୍ୱେ,ରେ ସୋମବାର ସକାଳେ ଜାମ ଲାଗିଯାଇଥିଲା ।
ଲକ୍ ଡାଉନ୍ ପୂର୍ବରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଜନତା କର୍ଫ୍ୟୁର ଘୋଷଣା କରିଥିଲେ । ଯେଉଁଥିରେ କିଛି ଲୋକଙ୍କୁ ରାସ୍ତା ଉପରେ ଦେଖିବାକୁ ମିଳିଥିଲା । ସନ୍ଧ୍ୟା ୫ଟାରେ ଡାକ୍ତର, ପୋଲିସ କର୍ମଚାରୀଙ୍କୁ କୃତଜ୍ଞତା ଜଣାଇଥିଲେ ଏବଂ ତାଳି ବଜାଇଥିଲେ
କରୋନା ପାଇଁ ହାଇକୋର୍ଟ ଜାରି କଲେ ଗାଇଡ୍ ଲାଇନ୍
କରୋନା ସତର୍କତା ନେଇ ଓଡ଼ିଶା ହାଇକୋର୍ଟଙ୍କ ପଦକ୍ଷେପ । ସମସ୍ତ ନ୍ୟାୟିକ କାମ ବନ୍ଦ ରଖିବାକୁ ପୂର୍ଣ୍ଣ ଖଣ୍ଡପୀଠଙ୍କ ନିଷ୍ପତ୍ତି ନେଇଥିବା ବେଳେ ମାର୍ଚ୍ଚ ୩୧ ତାରିଖ ପର୍ଯ୍ୟନ୍ତ କେବଳ ଅତି ଗୁରୁତ୍ୱପୂର୍ଣ୍ଣ ମାମଲା ଜୁଡିସିଆଲ୍ ରେଜିଷ୍ଟରଙ୍କ ଦ୍ଵାରା ତାଲିକାଭୁକ୍ତ ହେବ । ହାଇକୋର୍ଟଙ୍କ ଫୁଲ୍ବେଞ୍ଚ ଏହି ନିଷ୍ପତ୍ତି ନେଇଛନ୍ତି । ରୋଟେସନ ଭିତ୍ତିରେ ଅଧିକାରୀ ଓ କର୍ମଚାରୀ କାର୍ଯ୍ୟରେ ଯୋଗଦେବେ । ହାଇକୋର୍ଟ ପରିସରରେ ଆମ୍ବୁଲାନ୍ସ ଓ ଡାକ୍ତରୀ ଟିମ୍ ୨୪ ଘଣ୍ଟା ଉପସ୍ଥିତ ରହିବେ ।
ଅନ୍ୟପଟେ କରୋନା ମୁକାବିଲା ପାଇଁ ତଳ କୋର୍ଟଙ୍କ ପାଇଁ ହାଇକୋର୍ଟଙ୍କ ନିର୍ଦ୍ଦେଶ । ଲକଡାଉନ ଲାଗୁ ସ୍ଥାନରେ ମଧ୍ୟାହ୍ନ ୧୨ ରୁ ୧ଟା ଯାଏ କୋର୍ଟ ଶୁଣାଣି । ୧ଟାରୁ କୋର୍ଟ କାର୍ଯ୍ୟ ବନ୍ଦ । ଅନ୍ୟ ସହରରେ ପୂର୍ବାହ୍ନ ୧୧ଟାରୁ ୧ଟା ଯାଏଁ କୋର୍ଟ ଖୋଲା ରହିବ । ୧ଟାରେ କୋର୍ଟ କାର୍ଯ୍ୟ ବନ୍ଦ ରଖିବାକୁ ହାଇକୋର୍ଟଙ୍କ ନିର୍ଦ୍ଦେଶ । ଏହାସହ କୋର୍ଟ ପରିସରରେ ଭିଡ ନ କରିବାକୁ ନିର୍ଦ୍ଦେଶ ।
କରୋନା ପାଇଁ ହାଇକୋର୍ଟ ଜାରି କଲେ ଗାଇଡ୍ ଲାଇନ୍
କରୋନା ସତର୍କତା ନେଇ ଓଡ଼ିଶା ହାଇକୋର୍ଟଙ୍କ ପଦକ୍ଷେପ । ସମସ୍ତ ନ୍ୟାୟିକ କାମ ବନ୍ଦ ରଖିବାକୁ ପୂର୍ଣ୍ଣ ଖଣ୍ଡପୀଠଙ୍କ ନିଷ୍ପତ୍ତି ନେଇଥିବା ବେଳେ ମାର୍ଚ୍ଚ ୩୧ ତାରିଖ ପର୍ଯ୍ୟନ୍ତ କେବଳ ଅତି ଗୁରୁତ୍ୱପୂର୍ଣ୍ଣ ମାମଲା ଜୁଡିସିଆଲ୍ ରେଜିଷ୍ଟରଙ୍କ ଦ୍ଵାରା ତାଲିକାଭୁକ୍ତ ହେବ । ହାଇକୋର୍ଟଙ୍କ ଫୁଲ୍ବେଞ୍ଚ ଏହି ନିଷ୍ପତ୍ତି ନେଇଛନ୍ତି । ରୋଟେସନ ଭିତ୍ତିରେ ଅଧିକାରୀ ଓ କର୍ମଚାରୀ କାର୍ଯ୍ୟରେ ଯୋଗଦେବେ । ହାଇକୋର୍ଟ ପରିସରରେ ଆମ୍ବୁଲାନ୍ସ ଓ ଡାକ୍ତରୀ ଟିମ୍ ୨୪ ଘଣ୍ଟା ଉପସ୍ଥିତ ରହିବେ ।
ଅନ୍ୟପଟେ କରୋନା ମୁକାବିଲା ପାଇଁ ତଳ କୋର୍ଟଙ୍କ ପାଇଁ ହାଇକୋର୍ଟଙ୍କ ନିର୍ଦ୍ଦେଶ । ଲକଡାଉନ ଲାଗୁ ସ୍ଥାନରେ ମଧ୍ୟାହ୍ନ ୧୨ ରୁ ୧ଟା ଯାଏ କୋର୍ଟ ଶୁଣାଣି । ୧ଟାରୁ କୋର୍ଟ କାର୍ଯ୍ୟ ବନ୍ଦ । ଅନ୍ୟ ସହରରେ ପୂର୍ବାହ୍ନ ୧୧ଟାରୁ ୧ଟା ଯାଏଁ କୋର୍ଟ ଖୋଲା ରହିବ । ୧ଟାରେ କୋର୍ଟ କାର୍ଯ୍ୟ ବନ୍ଦ ରଖିବାକୁ ହାଇକୋର୍ଟଙ୍କ ନିର୍ଦ୍ଦେଶ । ଏହାସହ କୋର୍ଟ ପରିସରରେ ଭିଡ ନ କରିବାକୁ ନିର୍ଦ୍ଦେଶ ।
ଜାଣନ୍ତୁ କ’ଣ ଖାଇଲେ କରୋନା ସହ ଲଢିବାକୁ ଶରୀରକୁ ମିଳିବ ଶକ୍ତି ?
କରୋନାଠୁ ବଞ୍ଚିବାକୁ ସାରା ଦୁନିଆ ଏବେ ଅଣ୍ଟାଭିଡ଼ିଛି । ଦେଶରେ ଏନେଇ ରବିବାରରେ ଜନତା କର୍ଫ୍ୟୁର ଆହ୍ୱାନ ଦେଇଥିଲେ ପ୍ରଧାନମନ୍ତ୍ରୀ । ଦେଶର ୨୩ଟି ରାଜ୍ୟ ଏବେ କରୋନା କବଳରେ । କିପରି ଏହି ଭାରସଟି ଅଧିକ ସଂକ୍ରମିତ ନହେବ ତେଣୁ ବିଭିନ୍ନ ରାଜ୍ୟରେ ପୂର୍ଣ୍ଣ କିମ୍ବା ଆଂଶିକ ଲକଡାଉନର ଘୋଷଣା କରାଯାଇଛି । ଏବଂ କେତେକ ରାଜ୍ୟର ସୀମା ଗୁଡ଼ିକୁ ସିଲ କରିଦିଆଯାଇଛି ।
ଘରେ ରହିଥିବା ଲୋକମାନଙ୍କୁ ମଧ୍ୟ ନିଜର ଖାଇବା ପିଇବା ପ୍ରତି ବିଶେଷ ଧ୍ୟାନ ଦେବା ଆବଶ୍ୟକ । ଆଜି ଆପଣଙ୍କୁ ଆମେ ଏମିତି କିଛି ଖାଦ୍ୟ ପଦାର୍ଥ ବିଷୟରେ କହିବୁ ଯହାକୁ ଖାଇବା ଦ୍ୱାରା ଆପଣଙ୍କ ଦେହର ଇମ୍ୟୁନିଟି ପାୱାର ବା ସିଷ୍ଟମ ମଜବୁତ ହେବ। ଏବଂ କରୋନାକୁ ସହଜରେ ଜିତି ପାରିବେ ।
- ଏପରି ସମୟରେ ଖାଦ୍ୟ କେବଳ ତିନିଥର ଖାଇବା ଉଚିତ୍ ।
- ପ୍ରଚୁର ପନିପରିବା ଖାଇବା ଦ୍ୱାରା ଆପଣଙ୍କୁ ସୁସ୍ଥ ଅନୁଭବ ହେବ ।
- ଏହି ସମୟରେ ସୁପ୍ ପିଅନ୍ତୁ ଏବଂ ଚାଉଳ ଜାତୀୟ ଦ୍ରବ୍ୟ କମ୍ ଖାଆନ୍ତୁ । ଅଧିକ ପନିପରିବା ଖାଇବା ଉପରେ ଧ୍ୟାନ ଦିଅନ୍ତୁ ।
- ବର୍ତ୍ତମାନ ଜଙ୍କ୍ ଫୁଡରୁ ଦୂରେଇ ରହିବା ଦେହ ପାଇଁ ଭଲ ।
- ଏହା ସହ ଯଦି ଆପଣ ନିଜର ରୋଗ ପ୍ରତିରୋଧକ ଶକ୍ତି ବଢାଇବାକୁ ଚାହୁଁଛ, ତେବେ ମସଲାରେ ହଳଦୀର ବ୍ୟବହାର କର ।
- ତୁଳସୀ ଏବଂ ଅଶ୍ୱଗନ୍ଧାର ବ୍ୟବହାର କରିବା ଦ୍ୱାରା ଏହା ଆପଣଙ୍କ ରୋଗ ପ୍ରତିରୋଧକ ଶକ୍ତି ବଢାଇଥାଏ ।
- ଏହା ବ୍ୟତୀତ ଯଦି ଆପଣ ବିଭିନ୍ନ ଗୁଜବ କାରଣରୁ ମାଂସ, କୁକୁଡ଼ା ଏବଂ ମାଛ ଖାଉ ନାହାନ୍ତି ତେବେ ଆପଣ ନିର୍ଦ୍ୱନ୍ଦରେ ଏହାକୁ ଖାଇପାରିବେ। କିନ୍ତୁ ପନିପରିବା ପ୍ରତି ବିଶେଷ ଧ୍ୟାନ ଦେବା ଆବଶ୍ୟକ ।
- ଜଦି ଆପଣ ଶାକାହାରୀ ତେବେ ଆପଣ କମଳା, ବାଦାମ, ନଟସ୍, କ୍ଷୀର, ଘିଅ, ପନୀର, ସୋୟାବିନ୍,ଡାଲି ଜାତୀୟ ଦ୍ରବ୍ୟ ଏବଂ ଖିଚୁଡ଼ି ଖାଇବା ଦେହ ପାଇଁ ଭଲ ।
ଦୁନିଆର କୋଟିପତି ମାନେ ଦେଲେଣି ଶହଶହ କୋଟି, ଭାରତର ସେଲିବ୍ରିଟି ଶିଖାଉଛନ୍ତି କେମିତି ଧୋଇବେ ହାତ !
ନୂଆଦିଲ୍ଲୀ: କରୋନା ଭାଇରସ ବିରୋଧରେ ପୁରା ଦୁନିଆ ଯୁଦ୍ଧ ଲଢୁଛି । ଧନି ଓ ସେଲିବ୍ରିଟିଙ୍କଠାରୁ ସ୍ପୋର୍ଟସ ସଂସ୍ଥା ସବୁ କରୋନାର ମୁକାବିଲା ପାଇଁ ଆର୍ଥିକ ସହାୟତା ଘୋଷଣା କରିଛନ୍ତି । ଶହ ଶହ କୋଟିର ଦାନ ବିଶ୍ୱର ଅନେକ ଧନି ଦେଉଛନ୍ତି । କିନ୍ତୁ ଭାରତର ଧନି ଓ ସେଲିବଙ୍କ ଅବଦାନ କେବଳ ହତାଧୋଇବା ଶିଖାଇବାରେ ସୀମିତ ରହିଯାଇଛି । ବିଲ ଗେଟସ ନିଜ ସଂଗଠନ ଜରିଆରେ କରୋନା ଟିକା ବିକାଶ ପାଇଁ ୭୫୦ କୋଟିର ଦାନ ଘୋଷଣା କରିଛନ୍ତି । ଏହା ପୂର୍ବରୁ ସେ ୧ କୋଟି ଡଲାର ଦେଇ ସାରିଛନ୍ତି
ଜ୍ୟାକ୍ ମା ଦେଲେ ୧୦୦ କୋଟି:: ଆଲିବାବାର ପ୍ରତିଷ୍ଠାତା ଜ୍ୟାକ୍ ମା କରୋନା ଭ୍ୟାକସିନ୍ ବିକଶିତ କରିବା ପାଇଁ ୧୦୦ କୋଟି ଟଙ୍କ ଦେଇ ସାରିଛନ୍ତି । ଏହାସହ ସେ ଆମେରିକାକୁ ୫ ଲକ୍ଷ ଟେଷ୍ଟିଂ କିଟ୍ ଓ ୧୦ ଲକ୍ଷ ମାସ୍କ ପଠାଇ ସାରିଛନ୍ତି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଦ୍ୱାରା ରବିବାର ଦିନ ଆହୁତ ଜନତା କର୍ଫ୍ୟୁ ପରେ ଭାରତୀୟ ମାନେ ଦେଶର ଧନୀ ମାନିଙ୍କୁ ପଚାରୁଛନ୍ତି ଆପଣ ମାନେ କେବଳ ଭାଷଣ ଦେବା ଛଡା ଦେଶକୁ ଆଉ କଣ ଦେଇଛନ୍ତି । ମହିନ୍ଦ୍ରା ଆଣ୍ଡ୍ ମହିନ୍ଦ୍ରାର ଅନନ୍ଦ ମହିନ୍ଦ୍ରଙ୍କୁ ଛାଡି ଦେଲେ ଦେଶର ଆଉ କୌଣସି ଶିଳ୍ପପତି ଫଟା ପାହୁଲା ଦେଇ ନାହାନ୍ତି କି ଦେବେ ବୋଲି ଘୋଷଣା କରିନାହନ୍ତି ।
।
ଭାରତରେ ହାତ ଧୋଇବା ଶିଖାଉଛନ୍ତି : ବିଶ୍ୱର ନାମିଦାମି ଫୁଟବଲ ଖେଳାଳୀ ଏପର୍ଯ୍ୟନ୍ତ ୫୦ କୋଟି ଟଙ୍କା ଦାନ କରି ସାରିଛନ୍ତି । ଆମେରିକାର ନ୍ୟାସନାଲ ବାସ୍କେଟବଲ ଆସୋସିଏସନ ଫଣ୍ଡ୍ ଯୋଗାଡ ପାଇ ଉଦ୍ୟମ ଜାରି ରଖିଛି । ଏହି ସଂଗଠନ ଏପର୍ଯ୍ୟନ୍ତ ୩୦୦ କୋଟି ଟଙ୍କା ଦାନ ଭାବେ ଦେଇ ସାରିଲାଣି । ଅନ୍ୟପକ୍ଷରେ ଭାରତର ସ୍ପୋର୍ଟସ ଆଇକନ ସଚିନଙ୍କଠାରୁ ପି ଭି ସାନ୍ଧୁ,ସମସ୍ତେ କେବଳ ହାତଧୂଆ ଶିଖାଉଛନ୍ତି । ଟଙ୍କାଟିଏ କେହି ଦାନ କରି ନାହାନ୍ତି କି ଆଗକୁ ଦେବେ ବୋଲି କହି ନାହାନ୍ତି । ଭାରତର ୪୦ କୋଟି ନାଗରିକ ପ୍ରତିଦିନ ମୁଲମଜୁରୀ ଲାଗି ଚଳନ୍ତି । ଲକ୍ ଡାଉନ୍ ଏମାନଙ୍କ ପାଇଁ ଭାରି ପଡିବ । କିନ୍ତୁ ଆମ ସେଲିବ୍ ସେମାନଙ୍କୁ କେବଳ ହାତ ଧୂଆ ଶିଖାଉଛନ୍ତି ।
ଇଟାଲୀର ୧୮ ଧନି ଦେଲେ ୨୫୦ କୋଟି ଟଙ୍କା:
ଇଟାଲୀରେ ସବୁଠୁ ଭୟଙ୍କର ପରିସ୍ଥିତ ଦେଖିବାକୁ ମିଳୁଛି । ଏଭଳି ସ୍ଥିତିରେ ସେଠାକାର ଧନି ଆଗକୁ ଆସିଛନ୍ତି । ଇଟାଲୀର ୧୮ ଜଣ ଧନୀ ମିଳିତ ଭାବେ ୨୫୦ କୋଟି ଟଙ୍କା ଦେଇଛନ୍ତି । ଫେସନ ଲିଜେଣ୍ଡ୍ ଅରମାନୀ ରୋମ ଓ ମିଲାନ ହସ୍ପିଟାଲକୁ ୧୦ କୋଟି ଟଙ୍କା ଦେଇଛନ୍ତି । ହଙ୍ଗକଙ୍ଗର ସବୁଠୁ ଧନୀ ବ୍ୟକ୍ତି ଲି କାଙ୍ଗ ସିଙ୍ଗ୍ ବୁହାନର ମେଡିକାଲ କର୍ମଚାରୀଙ୍କ ପାଇଁ ୯୮ କୋଟି ଟଙ୍କା ଦାନ ଦେଇଛନ୍ତି ।
ଅନିଲ ଅଗ୍ରୱାଲ ୧୦୦ କୋଟି ଦେବେ, ମହିନ୍ଦ୍ରା ଦେବେ ଭେଣ୍ଟିଲେଟର
ବେଦାନ୍ତ ଚେୟାରମ୍ୟାନ୍ ଅନିଲ ଅଗ୍ରୱାଲ କରୋନା ବିରୋଧୀ ଲଢେଇ ପାଇଁ ୧୦୦ କୋଟି ଟଙ୍କା ଦାନ ଦେବାକୁ ଘୋଷଣା କରିଛନ୍ତି । ଅନ୍ୟପକ୍ଷରେ ରବିବାର ଦିନ ମହିନ୍ଦ୍ରା ମୁଖ୍ୟ ଆନନ୍ଦ ମହିନ୍ଦ୍ର ଟ୍ୱିଟ୍ କରି ତାଙ୍କ କଂପାନି ଭେଣ୍ଟିଲେଟର ତିଆରି କରିବ ବୋଲି କହିଛନ୍ତି । ତାଙ୍କ କଂପାନି ଏଥିପାଇଁ କାମ ଆରମ୍ଭ କରି ସାରିଛି ବୋଲି ସେ ଟ୍ୱିଟ୍ କରିଛନ୍ତି । ଏହାସହ ମହିନ୍ଦ୍ରା କ୍ଷୁଦ୍ର ବ୍ୟବସାୟୀ ଓ ସ୍ୱରୋଜଗାରକାରୀଙ୍କ କ୍ଷତି ଭରଣ ଦିଗରେ କାମ କରିବ ବୋଲି ସେ ଘୋଷଣା କରିଛନ୍ତି ।
ଦେଶରେ କରୋନା ଆକ୍ରାନ୍ତଙ୍କ ସଂଖ୍ୟା ୫୦୦ ପାର: ୧୦ ଛୁଇଁଲା ମୃତ୍ୟୁ ସଂଖ୍ୟା
ନୂଆଦିଲ୍ଲୀ: ଦେଶରେ କରୋନା ଆକ୍ରାନ୍ତ ସଂଖ୍ୟା ବଢ଼ିବାରେ ଲାଗିଛି । ମଙ୍ଗଳବାର କରୋନା ଆକ୍ରାନ୍ତଙ୍କ ସଂଖ୍ୟା ୫୨୫ରେ ପହଞ୍ଚିଥିବା ବେଳେ ୧୦ରେ ପହଞ୍ଚିଛି ମୃତ୍ୟୁ ସଂଖ୍ୟା । କରୋନା ଦ୍ୱାରା ସବୁଠାରୁ ଅଧିକ ମହାରାଷ୍ଟ୍ର ଓ କେରଳ ପ୍ରଭାବିତ ହୋଇଛି । ମହାରାଷ୍ଟ୍ରରେ ଏ ଯାଏଁ ୧୦୧ ଏବଂ କେରଳାରେ ୯୫ଟି ମାମଲା ସାମ୍ମାନକୁ ଆସିଛି । କରୋନା ଯୋଗୁଁ ୩୦ ରାଜ୍ୟ ଏବଂ କେନ୍ଦ୍ରଶାସିତ ଅଞ୍ଚଳକୁ ଲକ୍ ଡାଉନ୍ କରାଯାଇଛି ।
ଚଣ୍ଡିଗଡ଼, ଦିଲ୍ଲୀ, ଗୋଆ, ଜମ୍ମୁ-କଶ୍ମୀର, ନାଗାଲ୍ୟାଣ୍ଡ, ରାଜସ୍ଥାନ, ଉତ୍ତରାଖଣ୍ଡ, ପଶ୍ଚିମବଙ୍ଗ, ଲଦାଖ, ଝାରଖଣ୍ଡ, ଅରୁଣାଚଳପ୍ରଦେଶ, ବିହାର, ତେଲେଙ୍ଗାନା, ଛତିଶଗଡ଼, ପଞ୍ଚାବ, ହିମାଚଳପ୍ରଦେଶ, ମହାରାଷ୍ଟ୍ର, ଆନ୍ଧ୍ର ପ୍ରଦେଶ, ମେଘାଳୟ, ମଣିପୁର, ତାମିଲନାଡ଼ୁ, କେରଳ, ହରିୟାଣା, ଡାମନ ଡିଉ, ଦାଦ୍ରାନଗର ହାବେଳୀ, ପଣ୍ଡିଚେରୀ, ଆଣ୍ଡାମାନ ନିକୋବର, ଗୁଜୁରାଟ କର୍ଣ୍ଣାଟକା, ଆସାମ, ମିଜୋରାମ, ସିକିମ୍ର ସମସ୍ତ ଜିଲ୍ଲାକୁ କରୋନା ଭାଇରସ ଲାଗି ୩୧ ମାର୍ଚ୍ଚ ଯାଏଁ ଲକ୍ ଡାଉନ୍ ରହିଛି । ଅପରପକ୍ଷରେ ଓଡ଼ିଶାରେ ମଙ୍ଗଳବାର ମଧ୍ୟରାତ୍ରୀରୁ ସାରା ଓଡ଼ିଶାରେ ଲାଗୁ ହେବ ଲକ୍ ଡାଉନ୍ ।
କରୋନା ଭୟ: ବିମାନରେ ଛିଙ୍କିଲେ ଯାତ୍ରୀ… ଝରକା ବାହାରକୁ ଡେଇଁଲେ ପାଇଲଟ୍
କରୋନା ଡରାଉଛି । ସମଗ୍ର ବିଶ୍ୱ ଏହାକୁ ନେଇ ସତର୍କତା ଅବଲମ୍ବନ କରୁଛି । କରୋନାର ପ୍ରଭାବ ଚାରିଆଡେ ଦେଖିବାକୁ ମିଳୁଛି । କେବଳ ସେତିକି ନୁହେଁ ଦେଶର ଅର୍ଥନୀତିରେ ମଧ୍ୟ କରୋନାର ପ୍ରଭାବ ଦେଖିବାକୁ ମିଳୁଛି । କରୋନା ଭାଇରସର ଡର ଲୋକଙ୍କ ମଧ୍ୟରେ ବଢିବାରେ ଲାଗିଛି। ନିକଟରେ ଏଭଳି ଏକ ଖବର ସାମ୍ନାକୁ ଆସିଛି ଯାହା ଅନେକଙ୍କୁ ଆଚମ୍ବିତ କରିଛି। ଖବର ହେଉଛି, ଜଣେ ଯାତ୍ରୀ ଏକ ବିମାନରେ ଛିଙ୍କିଥିବାରୁ ସେହି ବିମାନର ପାଇଲଟ୍ କକପିଟ୍ ର ଜରୁରୀକାଳୀନ ଗେଟ୍ ରୁ ଡେଇଁପଡିଥିଲେ । ଏହି ଘଟଣା ଏୟାର ଏସିଆ ଇଣ୍ଡିଆର ପୁଣେ-ଦିଲ୍ଲୀ ବିମାନ ୧୫-୭୩୨ରେ ଘଟିଛି । ଶୁକ୍ରବାର ଦିନ ଏହି ବିମାନ ଭିତରେ ହଇଚଇ ସୃଷ୍ଟି ହୋଇଥିଲା । ବିମାନରେ ବିଶୃଙ୍ଖଳା ବାତାବରଣ ସେତେବେଳେ ସୃଷ୍ଟି ହୋଇଥିଲା ଯେତେବେଳେ ଜଣା ପଡିଥିଲା ଯେ, କରୋନା ଭାଇରସର ଜଣେ ସନ୍ଦିଗ୍ଧ ରୋଗୀ ବିମାନରେ ଯାତ୍ରା କରୁଥିଲେ। ଜଣେ ଯାତ୍ରୀ ଛିଙ୍କିଥିବାରୁ ଏହି ଖବର ବ୍ୟାପିଥିଲା । ଏହି ଖବର ପାଇବା ମାତ୍ରେ ବିମାନ ଲ୍ୟାଣ୍ଡ ହେବା ପରେ ପାଇଲଟ୍-ଇନ୍-କମାଣ୍ଡ କକପିଟ୍ ଜରୁରୀକାଳୀନ ପ୍ରସ୍ଥାନରୁ ଡେଇଁପଡିଥିଲେ।
ସାଧାରଣତଃ ପାଇଲଟମାନେ ବିମାନର ସାମ୍ନା ଗେଟ୍ ରୁ ବାହାରକୁ ଯାଆନ୍ତି । କିନ୍ତୁ ଯେତେବେଳେ ପାଇଲଟ ଜାଣିବାକୁ ପାଇଲେ ଯେ ବିମାନର ପ୍ରଥମ ଧାଡିରେ ବସିଥିବା ଯାତ୍ରୀ ଛିଙ୍କିଛନ୍ତି, ସେ ଭୟଭୀତ ହୋଇ ଡେଇଁପଡିଥିଲେ । ଏହା ପରେ ସମସ୍ତ ଯାତ୍ରୀଙ୍କ ମଧ୍ୟରେ ହଇଚଇ ସୃଷ୍ଟି ହୋଇଥିଲା। ତେବେ ସମସ୍ତ ଯାତ୍ରୀଙ୍କୁ ପଛ ଦ୍ୱାର ଦେଇ ସୁରକ୍ଷିତ ଭାବେ ବାହାର କରାଯାଇଥିଲା। ଛିଙ୍କୁଥିବା ଯାତ୍ରୀଙ୍କୁ ଆଗ ଗେଟ ଦେଇ ଯିବାକୁ କୁହାଯାଇଥିଲା। ପରବର୍ତ୍ତୀ ସମୟରେ ସମସ୍ତ ଯାତ୍ରୀଙ୍କୁ ପରୀକ୍ଷା କରାଯାଇଥିଲା ଏବଂ ସମସ୍ତେଙ୍କ ଟେଷ୍ଟ ନେଗେଟିଭ୍ ଆସିଥିଲା । ଏହି ଘଟଣା ପରେ ଏୟାର ଏସିଆ ଇଣ୍ଡିଆ ମୁଖପାତ୍ର କହିଛନ୍ତି ଯେ ପରେ ବିମାନକୁ ସମ୍ପୂର୍ଣ୍ଣ ଭାବେ ସଫା କରାଯାଇଛି। ଏହିପରି ଘଟଣା ପାଇଁ ଆମର କର୍ମଚାରୀମାନେ ଭଲ ଭାବେ ତାଲିମପ୍ରାପ୍ତ । ଏହା ସହିତ, ସେ ସେ ସବୁ କର୍ମଚାରୀଙ୍କୁ ଧନ୍ୟବାଦ ଦେଇଛନ୍ତି ।
#WATCH: Pilots of Air Asia Pune to Delhi flight step out of the flight through rear gate after passengers possibly infected with #Covid19 sat in Row 1 of the flight. The passengers were later tested negative. (March 20) https://t.co/ot46QKZPSb pic.twitter.com/xnsvTeLd24
— ANI (@ANI) March 22, 2020
ଭାଇରସ ସଂକ୍ରମଣ ରୋକିବାକୁ ଦେଶର ୭୬ ଜିଲ୍ଲାରେ ତାଲାବନ୍ଦ
ଦେଶରେ କାୟା ମେଲୁଛି କରୋନା । ୪ଶହ ପାଖାପାଖି ପହଞ୍ଚିଛି ଆକ୍ରାନ୍ତଙ୍କ ସଂଖ୍ୟା। ଗୋଟିଏ ଦିନରେ ୮୧ ନୂଆ କରୋନା ରୋଗୀ ଚିହ୍ନଟ କରାଯାଇଛି । ଭାଇରସ ସଂକ୍ରମଣ ରୋକିବାକୁ ଦେଶର ୭୬ ଜିଲ୍ଲାରେ ତାଲାବନ୍ଦ କରାଯାଇଛି । ରାଜଧାନୀ ଦିଲ୍ଲୀ, ମୁମ୍ବାଇ ସମେତ ବଡ଼ ସହର ଓ ରାଜ୍ୟରେ ଲକ୍ଡାଉନ୍ କରାଯାଇଛି। ମୁମ୍ବାଇରେ ଲୋକାଲ୍ ଟ୍ରେନ୍ ଉପରେ ରୋକ୍ ଲଗାଯାଇଛି। ସେହିପରି ଉତ୍ତରପ୍ରଦେଶର ୧୬ଟି ଜିଲ୍ଲାରେ ଲକ୍ଡାଉନ୍ ହୋଇଛି । ବିହାରରେ ବି ତାଲାବନ୍ଦ । ଗତକାଲି କରୋନା ସଂକ୍ରମଣରେ ଜଣଙ୍କର ମୃତ୍ୟୁ ପରେ ପୂରା ରାଜ୍ୟରେ ୩୧ ତାରିଖ ପର୍ଯ୍ୟନ୍ତ ଲକ୍ଡାଉନ୍ କରାଯାଇଛି । ରାଜସ୍ଥାନ ଓ ଉତ୍ତରାଖଣ୍ଡରେ ବି କଟକଣା ଜାରି ହୋଇଛି । ରାଜସ୍ଥାନର ସୀମା ସିଲ୍ । ପଞ୍ଜାବର ୫ ଜିଲ୍ଲାରେ ମାର୍ଚ୍ଚ ୩୧ ତାରିଖ ପର୍ଯ୍ୟନ୍ତ ଲକ୍ଡାଉନ୍ ଘୋଷଣା ହୋଇଛି । କରୋନା ସଂକ୍ରମଣ ରୋକିବାକୁ ମଧ୍ୟପ୍ରଦେଶ, କର୍ଣ୍ଣାଟକ, ତାମିଲନାଡୁ, ଆନ୍ଧ୍ରପ୍ରଦେଶ, ହରିୟାଣା, କେରଳ, ଗୁଜରାଟ, ଛତିଶଗଡ଼, ଝାଡ଼ଖଣ୍ଡ, ଗୋଆ, ତେଲେଙ୍ଗାନା ଓ ନାଗାଲାଣ୍ଡରେ ବି କଟକଣା ଲଗାଯାଇଛି। ସେପଟେ ଆଜିଠୁ ସଂସଦ ମଧ୍ୟ ମୁଲତବି କରାଯିବ। ଗତକାଲି କରୋନା ୩ ଜୀବନ ନେଇଛି । ଜଣେ ବିଦେଶୀ ନାଗରିକଙ୍କ ସହ କୋଭିଡ୍-୧୯ରେ ମୃତ୍ୟୁ ସଂଖ୍ୟା ୮ରେ ପହଞ୍ଚିଛି ।