ଭୁବନେଶ୍ୱର: ଆଜି ରାତିରେ ଚଳିତ ବର୍ଷର ଦ୍ୱିତୀୟ ଚନ୍ଦ୍ରଗ୍ରହଣ ହୋବାକୁ ଯାଉଛି । ଏହା ଏଭଳି ଚନ୍ଦ୍ରଗ୍ରହଣ ହେବ ଯାହା ରାତି ୧୧ଟା୧୫ ରୁ ଆରମ୍ଭ ହୋଇ ୬ ଜୁନ୍ ୨ଟା ୩୪ ରେ ଶେଷ ହେବ । ଏହି ଚନ୍ଦ୍ରଗ୍ରହଣ ଆମ ଜୀବନରେ କି ପ୍ରଭାବ ପକାଇବ ଏବଂ ଏହି ଚନ୍ଦ୍ରଗ୍ରହଣ ଦ୍ୱାରା କେଉଁ ପରିମାଣର ଲୋକ ଅଧିକ ପ୍ରଭାବିତ ହେବେ ଆସନ୍ତୁ ଜାଣିବା ।
ଏହି ଉପଛାୟା ଚନ୍ଦ୍ରଗ୍ରହଣ ବିଛା ରାଶିରେ ରହିବ । ବିଛା ରାଶିର ଅଷ୍ଟମ ଘରେ ରାହୁ ଗମନାଗମନ କରୁଛନ୍ତି । ରାହୁକୁ ସଂକ୍ରମଣ, ରୋଗ ଏବଂ ରୋଗର କାରଣକାରୀ ଗ୍ରହ ବୋଲି ବିବେଚନା କରାଯାଏ । ଏହି ଚନ୍ଦ୍ରଗ୍ରହଣ ସମୟରେ ରାହୁ ଏହାର ଭଲ ପ୍ରଭାବ ଦେଖାଇବାକୁ ସମର୍ଥ ହେବେ ନାହିଁ, ଯେଉଁ କାରଣରୁ ଏହି ରାଶି ବ୍ୟକ୍ତିମାନେ କିଛି ଅସୁବିଧାର ସମ୍ମୁଖୀନ ହେବେ ।
ଏହାସହ ସେମାନଙ୍କର ସ୍ୱାସ୍ଥ୍ୟର ବିଶେଷ ଯତ୍ନ ନେବା ଆବଶ୍ୟକ କରନ୍ତି । ଏବଂ ଏହି ଚନ୍ଦ୍ରଗ୍ରହଣରେ ସେମାନେ ନିଜର ବିଶେଷ ଯତ୍ନ ନେବାକୁ ପଡିବ । ଚନ୍ଦ୍ରଗ୍ରହଣ ସମୟରେ ଭଗବାନ ଶିବଙ୍କ ଚାଳିଶା ପାଠ କରନ୍ତୁ ଏବଂ ଶିବଙ୍କର ମନ୍ତ୍ର ଓ ନମଃ ଶିବାୟ ଜପ କରନ୍ତୁ । ଆପଣମାନେ ଭଗବାନ ଶିବଙ୍କୁ ଯେତେ ପୂଜା କରିବେ, ସେତେ ଅଧିକ ଲାଭ ପାଇବ । ଏହାସହ ଆପଣ ଆପଣଙ୍କ ମାତାର ପାଦକୁ ମଧ୍ୟ ସ୍ପର୍ଶ କରନ୍ତୁ ।
ଚନ୍ଦ୍ରମା ମନର ଏକ କାରକ ବୋଲି ବିବେଚନା କରାଯାଏ, ତେଣୁ ଯେତେବେଳେ ଚନ୍ଦ୍ରରେ ଗ୍ରହଣ ଲାଗେ ସେତେବେଳେ ମନରେ, ନକାରାତ୍ମକ ଚିନ୍ତାଧାରା ନିଶ୍ଚିତ ଭାବରେ ଲୋକଙ୍କ ମନରେ ଆସେ । ଚନ୍ଦ୍ରଗ୍ରହଣ ସମୟରେ ସମସ୍ତେ ନିଜ ମନକୁ ମଜବୁତ କରିବାକୁ ଚେଷ୍ଟା କରିବା ଉଚିତ୍ । ନିଜକୁ ଶୁଦ୍ଧ ଏବଂ ପବିତ୍ର ରଖନ୍ତୁ । ଚନ୍ଦ୍ରଗ୍ରହଣ ସମୟରେ ନିଜ ସହ ଛୋଟ ପିଲାମାନଙ୍କର ବିଶେଷ ଯତ୍ନ ନିଅନ୍ତୁ ।
ଚଳିତ ବର୍ଷ କେତେଥର ଚନ୍ଦ୍ରଗ୍ରହଣ ଲାଗିବ
ବର୍ଷର ପ୍ରଥମ ଚନ୍ଦ୍ରଗ୍ରହଣ ୧୦ ଜାନୁଆରୀ ୨୦୨୦ ରେ ଆରମ୍ଭ ହୋଇଥିଲା । ଦ୍ୱିତୀୟ ଚନ୍ଦ୍ରଗ୍ରହଣ ୫ ଜୁନ୍ ଅର୍ଥାତ୍ ଆଜି ରାତିରେ ହେବାକୁ ଯାଉଛି । ଏହା ଏକ ଉପଛାୟା ଚନ୍ଦ୍ରଗ୍ରହଣ ହେବ ଯାହା ଭାରତ ସମେତ ଏସିଆ, ଆଫ୍ରିକା ଏବଂ ୟୁରୋପରେ ଦେଖାଯିବ । ଏହି ଚନ୍ଦ୍ରଗ୍ରହଣ ଭାରତ ସମେତ ସାଉଦି, ଦକ୍ଷିଣ-ପୂର୍ବ ଏବଂ ଏସିଆରେ ସମ୍ପୂର୍ଣ୍ଣ ଦୃଶ୍ୟମାନ ହେବାର ସମ୍ଭାବନା ରହିଛି । ଏହା ପରେ ୪ର୍ଥ ଚନ୍ଦ୍ରଗ୍ରହଣ ଜୁଲାଇ ୫ ରେ ହେବ କିନ୍ତୁ ଏହା ଭାରତରେ ଦେଖାଯିବ ନାହିଁ। ଦକ୍ଷିଣ ପୂର୍ବ ସମେତ ଆଫ୍ରିକା ଏବଂ ଆମେରିକାରେ ଏହା ଦେଖିବାକୁ ମିଳିବ ।
ଚନ୍ଦ୍ରଗ୍ରହଣ ଦେଖିବା ସୁରକ୍ଷିତ ନା ନାହିଁ ?
ସୂର୍ଯ୍ୟ ପରାଗଠାରୁ ଏହା ଭିନ୍ନ, ଚନ୍ଦ୍ରଗ୍ରହଣ ଖାଲି ଆଖିରେ ଦେଖାଯାଏ । ଏହା ଆଖି ଉପରେ କୌଣସି ଖରାପ ପ୍ରଭାବ ପକାଇବ ନାହିଁ । ବୈଜ୍ଞାନିକଙ୍କ ଅନୁଯାୟୀ, ୨୦୨୦ ମସିହାରେ ରାତିରେ ଚନ୍ଦ୍ରଗ୍ରହଣ ସହଜରେ ଦେଖାଯାଏ କାରଣ ରାତିରେ ବାୟୁମଣ୍ଡଳରେ କୌଣସି କ୍ଷତିକାରକ କିରଣ ରହି ନଥାଏ । ଚନ୍ଦ୍ରଗ୍ରହଣ ଦେଖିବାକୁ ଚଷମା ପନ୍ଧିବାର କୌଣସି ଆବଶ୍ୟକତା ନାହିଁ । ତେବେ ଗର୍ଭବତୀ ମହିଳାମାନଙ୍କୁ ଚନ୍ଦ୍ରଗ୍ରହଣ ସମୟରେ ଘରୁ ବାହାରକୁ ନ ଯିବାକୁ ପରାମର୍ଶ ଦିଆଯାଇଛି।
