ମୁମ୍ବାଇ: ବର୍ତ୍ତମାନ କରୋନା ମହାମାରୀ ପାଇଁ ଉପୁଜିଥିବା ପରିସ୍ଥିତି ଯୋଗୁଁ ସମସ୍ତ କାର୍ଯ୍ୟ ସ୍ଥଗିତ ହୋଇଯାଇଛି । ବଲିଉଡର ଅନେକ ଚଳଚ୍ଚିତ୍ରର ସୁଟିଂ ବାତିଲ ହୋଇଛି, ତେଣୁ ରିଲିଜ୍ ତାରିଖ ଉପରେ ଅନେକଙ୍କର କୌଣସି ଧାରଣା ନାହିଁ । ତଥାପି, ଧୀରେ ଧୀରେ କାମ ଆରମ୍ଭ କରିବାର ଚର୍ଚ୍ଚା ଚାଲିଛି । ନିକଟରେ ଅକ୍ଷୟ କୁମାର ମାସ୍କ ପିନ୍ଧି ଆର ବାଲ୍କୀଙ୍କ ଫିଲ୍ମ ପାଇଁ ସୁଟିଂ କରୁଥିବା ନଜର ଆସିଥିଲେ। ଇତିମଧ୍ୟରେ ବଲିଉଡର ବହୁ ପ୍ରତୀକ୍ଷିତ ସିକ୍ୱେଲ ଚଳଚ୍ଚିତ୍ର ବିଷୟରେ ଖବର ଜୋର ଧରିଛି । ଦୀର୍ଘ ସମୟ ଧରି ଏହି ସିକ୍ୱେଲ ଚଳଚ୍ଚିତ୍ରଗୁଡ଼ିକ ବିଷୟରେ ବିଭିନ୍ନ ପ୍ରକାରର ସୂଚନା ପ୍ରକାଶ ପାଇଛି, ଯଦିଓ ଲକଡାଉନ ପରେ କୌଣସି ଚଳଚିତ୍ର କାମ ଆରମ୍ଭ ହୋଇପାରିନାହିଁ  । ଏବେ ପ୍ରଶ୍ନ ଉଠୁଛି ଏହି ଚଳଚ୍ଚିତ୍ର ସହିତ ଜଡିତ ସଲମାନ ଖାନ ଏବଂ ସଞ୍ଜୟ ଦତ୍ତଙ୍କ ପରି ଅନେକ ସୁପରଷ୍ଟାର ସେମାନଙ୍କ ପ୍ରତିଶ୍ରୁତି ପୂରଣ କରିବେ କି ?

ସଞ୍ଜୟ ଦତ୍ତଙ୍କ ବିଷୟରେ କହିବାକୁ ଗଲେ ତାଙ୍କର ଦୁଇ ଦୁଇଟି ସୁପରହିଟ୍ ଚଳଚ୍ଚିତ୍ରର ସିକ୍ୱେଲ ବିଷୟରେ ଚର୍ଚ୍ଚା ହେଉଛି । ପ୍ରଥମ ଚଳଚ୍ଚିତ୍ର ହେଉଛି ରାଜକୁମାର ହିରାନୀଙ୍କ ଚଳଚ୍ଚିତ୍ର ମୁନ୍ନା ଭାଇ ଏମବିବିଏସର ତୃତୀୟ ଭାଗ, ଯାହାକୁ ‘ମୁନ୍ନା ଭାଇ ଚଲେ ଆମେରିକା’ ନାମରେ ନାମିତ କରାଯାଇଛି । ଯଦିଓ ଏପର୍ଯ୍ୟନ୍ତ ଏହା ବିଷୟରେ କୌଣସି ବଡ଼ ଘୋଷଣା କରାଯାଇ ନାହିଁ ।

ଏହା ବ୍ୟତୀତ ତାଙ୍କର ଦ୍ୱିତୀୟ ଚଳଚ୍ଚିତ୍ର ହେଉଛି ୨୯ ବର୍ଷ ପୂର୍ବେ ପୂଜା ଭଟ୍ଟଙ୍କ ସହ ଅଭିନିତ ‘ସଡକ’ର ସିକ୍ୱେଲ । ମହେଶ ଭଟ୍ଟଙ୍କ ଏହି ଚଳଚ୍ଚିତ୍ରର ଘୋଷଣା କରାଯାଇଛି। ଏହି ଚଳଚ୍ଚିତ୍ରରେ ସଞ୍ଜୟ ଏବଂ ପୂଜା ବ୍ୟତୀତ ଆଲିଆ ଭଟ୍ଟ ଏବଂ ଆଦିତ୍ୟ ରୟ କପୁର ମଧ୍ୟ ନଜର ଆସିବେ । ଏହି ଚଳଚ୍ଚିତ୍ର ପାଇଁ ପ୍ରସ୍ତୁତି ଚାଲିଥିଲା, କିନ୍ତୁ କାମ ଏପର୍ଯ୍ୟନ୍ତ ଆରମ୍ଭ ହୋଇନାହିଁ ।

ସଲମାନ ଖାନଙ୍କ ବିଷୟରେ କହିଲେ, ତାଙ୍କର ବ୍ଲକବଷ୍ଟର ଚଳଚ୍ଚିତ୍ର କିକ୍ ର ଦ୍ୱିତୀୟ ସିକ୍ୱେଲ ଯଥା ‘କିକ ୨’ ବିଷୟରେ ଅନେକ ଆଲୋଚନା ଚାଲିଛି । ୨୦୧୯ରେ କିକ୍ କୁ ପାଞ୍ଚ ବର୍ଷ ପୂରଣ ହେବା ପରେ ସାଜିଦ ନାଡିଆଡୱାଲା ଏହାର ସିକ୍ୱେଲ ଘୋଷଣା କରିଥିଲେ । ଏହି ଘୋଷଣା ପରେ ଆଉ କୌଣସି ସୂଚନା ମିଳିନାହିଁ ।

ଏହା ସହିତ ବଲିଉଡରେ କମେଡି କିଙ୍ଗ ନାମରେ ପରିଚିତ ନିର୍ଦ୍ଦେଶକଙ୍କର ଦୁଇଟି ସୁପରହିଟ୍ ଚଳଚ୍ଚିତ୍ରର ସିକ୍ୱେଲ ବିଷୟରେ ଆଲୋଚନା ହୋଇଥିଲା । ଏହି ଚଳଚ୍ଚିତ୍ରଗୁଡ଼ିକ ହେଉଛି ‘ହେରା ଫେରି ୩’ ‘ଏବଂ ‘ହଙ୍ଗାମା ୨ ‘ ।

‘ହେରା ଫେରି’ ‘ବିଷୟରେ କହିବାକୁ ଗଲେ ତାହାର ଶୁଟିଂ ଆରମ୍ଭ ହୋଇନାହିଁ,  ​​କିନ୍ତୁ ପରେଶ ରାୱଲ, ମୀଜାନ, ଶିଳ୍ପା ଶେଟ୍ଟୀ ଏବଂ ଦକ୍ଷିଣ ଅଭିନେତା ପ୍ରଣିତା ସୁଭାଷଙ୍କ ଅଭିନୀତ’ ହଙ୍ଗାମା ୨’ ର କାମ ଆରମ୍ଭ ହୋଇଯାଇଥିଲା କିନ୍ତୁ ଲକଡାଉନ୍ ହେତୁ ତାହା ମଧ୍ୟ ବନ୍ଦ ହୋଇଗଲା ।

ଅଭିନେତା ହ୍ରିତିକ ରୋଶନ ଏବଂ ତାଙ୍କ ଚଳଚ୍ଚିତ୍ର ନିର୍ମାତା ପିତା ରାକେଶ ରୋଶନଙ୍କ ସବୁଠାରୁ ବଡ ପ୍ରୋଜେକ୍ଟ ‘କ୍ରିଶ ୪’ ବିଷୟରେ ଅନେକ ଖବର ଶୁଣିବାକୁ ମିଳୁଛି । କିନ୍ତୁ ଏପର୍ଯ୍ୟନ୍ତ ଏହାର ଟାଇଟଲ୍ କିମ୍ବା ପୋଷ୍ଟର ଘୋଷଣା କରାଯାଇନାହିଁ। ଜଣାଇ ରଖୁଛୁ ଯେ ୨୦୧୮ରେ, ରାକେଶ ରୋଶନ ହ୍ରିତିକ ରୋଶନଙ୍କ ଜନ୍ମଦିନରେ କୃଷ୍ଣ ୪ର ଘୋଷଣା କରିଥିଲେ ଏବଂ ଏହା ୨୦୨୦ଶେଷ ସୁଦ୍ଧା ମୁକ୍ତିଲାଭ କରିବ ବୋଲି ଆଶା କରାଯାଉଥିଲା ।

ମୁମ୍ବାଇ: ଚଳଚ୍ଚିତ୍ରରେ ଅଧିକାଂଶ ଖଳନାୟକର ଭୂମିକାରେ ଅଭିନୟ କରୁଥିବା ବଲିଉଡ ଅଭିନେତା ସୋନୁ ସୁଦ ଆଜିକାଲି ଲୋକଙ୍କ ହୃଦୟରେ ଶାସନ କରୁଛନ୍ତି । ରିଲ୍ ଲାଇଫ୍ ଭିଲେନ୍ ବର୍ତ୍ତମାନ ବାସ୍ତବ ଜୀବନର ହିରୋ । ଟ୍ୱିଟରରେ ତାଙ୍କ ପ୍ରଶଂସକମାନେ ବର୍ତ୍ତମାନ ତାଙ୍କ ପ୍ରଶଂସାର ପୋଲ ବାନ୍ଧୁଛନ୍ତି । ଜଣାଇ ରଖୁଛୁ ଯେ, ନିକଟରେ ସେ ପ୍ରବାସୀ ଶ୍ରମିକମାନଙ୍କୁ ସାହାଯ୍ୟ କରିବାକୁ ଆଗେଇ ଆସିଥିଲେ । ମହାରାଷ୍ଟ୍ର ଏବଂ କର୍ଣ୍ଣାଟକ ସରକାରଙ୍କ ଅନୁମତି ପାଇବା ପରେ ସେ କୋଭିଡ -୧୯ ମହାମାରୀ ମଧ୍ୟରେ ଫସି ରହିଥିବା ପ୍ରବାସୀ ଶ୍ରମିକଙ୍କ ପାଇଁ ବସ୍ ବ୍ୟବସ୍ଥା କରିଥିଲେ ଏବଂ ସେମାନଙ୍କୁ ନିଜ ଘରକୁ ପଠାଇବାରେ ଲାଗିଲେ । ଆଜ୍ଞା  ହୁଁ… କେବଳ ଏତିକି ନୁହେଁ, ସୋସିଆଲ ମିଡିଆରେ ସକ୍ରିୟ ସୋନୁ ଲୋକଙ୍କୁ ପ୍ରତ୍ୟେକ କ୍ଷେତ୍ରରେ ସାହାଯ୍ୟ କରିବାକୁ ପ୍ରସ୍ତୁତ ଥିବା କହିଛନ୍ତି । ଚଳଚ୍ଚିତ୍ର ଇଣ୍ଡଷ୍ଟ୍ରିର ଅନେକ ତାରକା ତାଙ୍କ ପଦକ୍ଷେପକୁ ପ୍ରଶଂସା କରୁଛନ୍ତି । ପ୍ରଶଂସକମାନେ ଟ୍ୱିଟରରେ ସୋନୁଙ୍କୁ ଧନ୍ୟବାଦ ମଧ୍ୟ ଜଣାଉଛନ୍ତି । ନିକଟରେ ଜଣେ ପ୍ରଶଂସକ ସୋନୁ ସୁଦଙ୍କୁ ଅମିତାଭ ବଚ୍ଚନଙ୍କ ସହ ତୁଳନା କରିଛନ୍ତି, କିନ୍ତୁ ସୋନୁ ଆପଣଙ୍କ ହୃଦୟ ଜିତିଯିବା ଭଳି ଉତ୍ତର ଦେଇଥିଲେ ।

ବାସ୍ତବରେ, ସୋନି ସୁଦଙ୍କର ଜଣେ ପ୍ରଶଂସକ ଟ୍ୱିଟରରେ ଲେଖିଛନ୍ତି – ‘ଯେତେବେଳେ ସବୁକିଛି ଠିକ ହୋଇଯିବ, ଏହା ପରେ ଆପଣଙ୍କୁ ପ୍ରତ୍ୟେକ ରବିବାର ଶୁଟ୍ ରୁ ଛୁଟି ନେବାକୁ ପଡିବ । ଲୋକମାନେ ଆପଣଙ୍କୁ ଦେଖା କରିବା ପାଇଁ ଆସିବେ, ଯେଉଁମାନେ ବୁଲିବା ପାଇଁ ଆସିଥିବେ ସେମାନେ ଆପଣଙ୍କ ଘରର ଠିକଣା ନିଶ୍ଟୟ ଖୋଜିବେ ।’ ସୋନୁ ସୁଦଙ୍କୁ ପରବର୍ତ୍ତୀ ଅମିତାଭ ବଚ୍ଚନ ବୋଲି ପ୍ରଶଂସକ ଜଣଙ୍କ ତାଙ୍କ ଟ୍ୱିଟରେ ଉଲ୍ଲେଖ କରିଛନ୍ତି । ବାସ୍ତବରେ ରବିବାର ଦିନ ଅମିତାଭ ବଚ୍ଚନ ତାଙ୍କ ଘର ‘ଜଲସା’ ବାହାରେ ପ୍ରଶଂସକଙ୍କୁ ଦେଖା କରନ୍ତି । ସେଥିପାଇଁ ପ୍ରଶଂସକ ତାଙ୍କୁ ପରବର୍ତ୍ତୀ ଅମିତାଭ ବଚ୍ଚନ ବୋଲି କହିଥିଲେ।

https://twitter.com/sandeepashwin/status/1265483664848281602

ପ୍ରଶଂସକଙ୍କ ଏହି ଟୁଇଟର ଜବାବରେ ସୋନୁ ଲେଖିଛନ୍ତି ଯେ, ସେ ମୋ ଘରକୁ କାହିଁକି ଆସିବେ, ବନ୍ଧୁ, ମୁଁ ସେ ସମସ୍ତଙ୍କ ପାଖକୁ ଯିବି। ମୋ ଭାଇମାନଙ୍କ ଉପରେ ବହୁତ ଆଳୁ ପାରଟା, ପାନ ଏବଂ ଚା’ ବାକ ଅଛି । ଟ୍ୱିଟରରେ ସୋନୁ ଦେଇଥିବା ଏହି ଉତ୍ତରକୁ ଲୋକମାନେ ଖୁବ ପ୍ରଶଂସା କରୁଛନ୍ତି ।

वो क्यों मेरे घर आएँगे दोस्त। मैं उन सब के घर जाऊँगा। बहुत सारे आलू के पराँठे, पान और चाय उधार है मेरे भाइयों पर। ❣️ https://t.co/4PFSn68E13

— sonu sood (@SonuSood) May 27, 2020

ଜଣାଇ ରଖୁଛୁ ଯେ, ଏହି କଠିନ ସମୟରେ ସୋନୁଙ୍କର ଏହି ସାହାଯ୍ୟ ମନୋଭାବକୁ ବିଭିନ୍ନ ମହଲରେ ଖୁବ ପ୍ରଶଂସା କରାଯାଉଛି । ମହାରାଷ୍ଟ୍ର ରାଜ୍ୟପାଳ ଭଗତ ସିଂ କୋଶ୍ୟରୀ ମଧ୍ୟ ଏହି କାର୍ଯ୍ୟ ପାଇଁ ଅଭିନେତାଙ୍କୁ ଅଭିନନ୍ଦନ ଜଣାଇଛନ୍ତି ।

ନିକଟରେ ସେ ଶ୍ରମିକମାନଙ୍କୁ ସାହାଯ୍ୟ କରିବା ପାଇଁ ଟ୍ୱିଟର ଆକାଉଣ୍ଟରେ ଏକ ହେଲ୍ପଲାଇନ ନମ୍ବର ପ୍ରକାଶ କରିଛନ୍ତି। ଏହା ସେୟାର କରି ସେ ଲେଖିଛନ୍ତି ଯେ, ‘ହେଲୋ ! ମୁଁ ତୁମ ସାଙ୍ଗ ସୋନୁ ସୁଦ କହୁଛି । ମୋର ପ୍ରିୟ ଶ୍ରମିକ ଭାଇ ଓ ଭଉଣୀମାନେ, ଯଦି ଆପଣ ମୁମ୍ବାଇରେ ଅଛନ୍ତି ଏବଂ ଆପଣଙ୍କ ଘରକୁ ଯିବାକୁ ଚାହୁଁଛନ୍ତି, ଦୟାକରି ଏହି ନମ୍ବରରେ କଲ କରନ୍ତୁ – ୧୮୦୦୧୨୧୩୭୧୧ କିମ୍ବା ହ୍ୱାଟସ ଆପ୍ ରେ ଆପଣଙ୍କର ଠିକଣା ଦିଆନ୍ତୁ, ମୋବାଇଲ ନମ୍ବର ହେଉଛି ୯୩୨୧୪୭୨୧୧୮  ।

ସୋନୁ ଆହୁରି ଲେଖିଛନ୍ତି ଯେ, ‘ ଆପଣ କେତେ ଲୋକ ଅଛନ୍ତି ଏବଂ ଆପଣ ବର୍ତ୍ତମାନ କେଉଁଠାରେ ଅଛନ୍ତି ଏବଂ କେଉଁଠାକୁ ଯିବାକୁ ଚାହୁଛନ୍ତି ତାହାର ମଧ୍ୟ ସୂଚନା ଦିଅନ୍ତୁ । ମୁଁ ଏବଂ ମୋର ଟିମ୍ ଯଥା ସମ୍ଭବ ସାହାଯ୍ୟ କରିବାକୁ ପ୍ରସ୍ତୁତ ଅଛୁ ।  ଆମ ଟିମ୍ ଖୁବଶୀଘ୍ର ଆପଣଙ୍କ ସହିତ ଯୋଗାଯୋଗ କରିବ । ଲୋକମାନେ ସୋସିଆଲ ମିଡିଆରେ ଯାହା ସାହାଯ୍ୟ ମାଗୁଛନ୍ତି, ସୋନୁ ସେମାନଙ୍କୁ ସାହାଯ୍ୟ କରିବା ପାଇଁ ସମସ୍ତ ପ୍ରକାର ଚେଷ୍ଟା କରୁଛନ୍ତି ।