ଭୁବନେଶ୍ୱର: ବୟସ ୬୦ ଟପିଲାଣି । କିନ୍ତୁ ଏମାନେ ପୂରା ଫିଟ ।  ରାସ୍ତାରେ ଦୌଡିଲେ ଯୁବବର୍ଗଙ୍କୁ ବି ପଛରେ ପକାଇ ଦେଉଛନ୍ତି ଏମାନେ ।  ସତେ ଯେମିତି ଏମାନଙ୍କ ଉତ୍ସାହ ଆଗରେ ହାର ମାନିଛି ବୟସ । ପୂର୍ବତନ ମୁଖ୍ୟମନ୍ତ୍ରୀ ତଥା ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ଜୟନ୍ତୀ ଅବସରରେ ଅନୁଷ୍ଠିତ ବିଜୁ ମିନି ମାରାଥନରେ ଦେଖିବାକୁ ମିଳିଥିଲା

ଏଭଳି କିଛି ଧାବକ ଧାବିକାଙ୍କୁ ଯାହାଙ୍କର କାହାଣୀ ଭାରି ନିଆରା । ପଶ୍ଚିମବଙ୍ଗର  ବିଭିନ୍ନ ଗାଁରୁ ଆସିଛନ୍ତି ଏହି ଧାବକ ଧାବିକା ।  ପେଶାରେ ଏମାନେ ଚାଷୀ ।  କିନ୍ତୁ ପରିବାର ପୋଷିବା ପାଇଁ ଏମାନେ ସାଜିଛନ୍ତି ମାରାଥନର ।  ଧାନ ଅମଳରେ ଯେତିକି ମିଳେ ସେତିକିରେ ପରିବାର ଚଳିବା କଷ୍ଟ , ସେଥିପାଇଁ ଏଭଳି ମାରାଥନର ପୁରସ୍କାର ରାଶିକୁ ଚାହିଁ ବସିଥାନ୍ତି ଏହି ଧାବକ ।

ଧାନ ଚାଷ କରିବା ସହ ଘରେ ରୋଷେଇ କରିବାରେ ବ୍ୟସ୍ତ ଥାନ୍ତି ଏହି ମହିଳା ।  କିନ୍ତୁ ଅଧିକ ଟଙ୍କା ରୋଜଗାର କରିବା ପାଇଁ ଏମାନେ ବି ମାରାଥନକୁ ଟଙ୍କା ରୋଜଗାରର ବାଟ ବାଛିଲେ ।  ଏଥିପାଇଁ ବର୍ଷ ତମାମ୍‌ ଅଭ୍ୟାସ ବି କରୁଥାନ୍ତି । ମାରାଥନ ଆୟୋଜନର ଖବର ଶୁଣିଲେ ପହଞ୍ଚିଯାନ୍ତି ଭେନ୍ୟୁରେ ।  ରେଳଯାତ୍ରା ହେଉ ଅବା ବସ ଯାତ୍ରା ଯେତେ ସମସ୍ୟା ହେଉ ପଛେ ମାରାଥନରେ ଭାଗ ନେବା ଯେମିତି ନିଶା ପାଲଟିଯାଇଛି ।  ବିଭିନ୍ନ ବର୍ଗରେ ମାରାଥନର ଆୟୋଜନ ହୋଇଥିବାବେଳେ ବର୍ଷିୟାନ ମାରାଥନର ସଭିଙ୍କ ହୃଦୟ ଜିଣିଥିଲେ ।

ଭୁବନେଶ୍ୱର: A decent roof over the head of every citizen of my state. ଅର୍ଥାତ ସମସ୍ତଙ୍କ ପାଇଁ ପକ୍କା ଘର ଥିଲା ବିଜୁ ବାବୁଙ୍କ ସ୍ୱପ୍ନ ଥିଲା ।  ଆଉ ଏହି ଦିଗରେ ଅନେକ ବାଟ ଆଗେଇଛି ରାଜ୍ୟ । ଏ ପର୍ଯ୍ୟନ୍ତ ୨୫ ଲକ୍ଷ ହତିାଧିକାରୀଙ୍କୁ ପକ୍କା ଘର ଦିଆଯାଇଛି । ଆଗାମୀ ୪ ବର୍ଷ ଭିତରେ ଆଉ ୨୦ ଲକ୍ଷ ପକ୍କା ଘର ଯୋଗାଇ ଦେବା ପାଇଁ ଲକ୍ଷ୍ୟ ରଖାଯାଇଥିବା କହିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏଥିସହିତ ବିଜୁ ବାବୁଙ୍କ ଜୟନ୍ତୀ ଅବସରରେ ୨୦ ଲକ୍ଷ ପକ୍କା ଘର ପାଇଁ ହିତାଧିକାରୀଙ୍କୁ ପକ୍କା ଘର ଯୋଗ୍ୟତା କାର୍ଡ ବଣ୍ଟନ କାର୍ଯ୍ୟ ଆରମ୍ଭ କରି ଖୁସି ବ୍ୟକ୍ତ କରିଛନ୍ତି ମୁଖ୍ୟମନ୍ତ୍ରୀ ।

ସେ ଆହୁରି କହିଛନ୍ତି, ମୋ ସରକାର କଥାରେ ନୁହେଁ, କାମରେ ବିଶ୍ୱାସ କରେ । ପକ୍କା ଘର ଯୋଗ୍ୟତା କାର୍ଡ ପାଇଁ ସମସ୍ତଙ୍କୁ ମୋର ଶୁଭେଚ୍ଛା । ମୋର ବିଶ୍ୱାସ , ଆପଣମାନେ ଠିକ୍ ସମୟରେ ଘର ତିଆରି କରିବେ ଏବଂ ଓଡ଼ିଶାର ସବୁ କଚ୍ଛା ଘରକୁ ପକ୍କା କରିବା ପାଇଁ ସରକାରଙ୍କ ଉଦ୍ୟମରେ ସହଯୋଗ କରିବେ ।

ପଞ୍ଚାୟତିରାଜ ବ୍ୟବସ୍ଥାକୁ ଶକ୍ତିଶାଳୀ କରିବା ପାଇଁ ମୋ ସରକାର ବିଭିନ୍ନ ପଦକ୍ଷେପ ନେଇଛି । ଗଣତନ୍ତ୍ରରେ ଲୋକ ହିଁ ଶ୍ରେଷ୍ଠ । ସାଧାରଣ ଲୋକ ହିଁ ମାଲିକ । ବିଜୁ ବାବୁ ସବୁବେଳେ ସାଧାରଣ ଲୋକର ହକ୍‌କୁ ଗୁରୁତ୍ୱ ଦେଉଥିବା କହିଛନ୍ତି ମୁଖ୍ୟମନ୍ତ୍ରୀ । ଏଥିସହିତ ମାର୍ଚ୍ଚ ୫ ତାରିଖକୁ ପଞ୍ଚାୟତିରାଜ ଓ ଲୋକସେବା ଦିବସଭାବରେ ପାଳନ କରାଯିବ ବୋଲି ଘୋଷଣା କରିଛନ୍ତି ।

ବାଲିଗୁଡ଼ା/ଆନନ୍ଦପୁର: କନ୍ଧମାଳ ଜିଲ୍ଲା ତୁମୁଡ଼ିବନ୍ଧ ଥାନା ରାମପୁର ଛକରେ ମର୍ମନ୍ତୁଦ ସଡ଼କ ଦୁର୍ଘଟଣା । ଝିଅକୁ ଟିଉସନ ଆଣିବାକୁ ଯିବାବେଳେ ଟ୍ରକ ଧକ୍କାରେ ଚାଲିଗଲା ଶିକ୍ଷକଙ୍କ ଜୀବନ । ମତକ ହେଲେ ତୁମୁଡିବନ୍ଧ ବାଟବଡି ସ୍କୁଲ ଶିକ୍ଷକ ବିଶ୍ୱରଞ୍ଜନ ସାମନ୍ତରାୟ । ନିଜ ଝିଅକୁ ଟିଉସନରୁ ଆଣିବା ପାଇଁ ଯାଉଥିବା ବେଳେ ଦ୍ରୁତ ଗତିରେ ଆସୁଥିବା ଏକ ଟ୍ରକ ତାଙ୍କୁ ଧକ୍କା ଦେଇଥିଲା ।

ଗୁରୁତର ଅବସ୍ଥାରେ ତାଙ୍କୁ ପ୍ରଥମେ ତୁମୁଡିବନ୍ଧ ଓ ପରେ ବାଲିଗୁଡ଼ା ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରାଯାଇଥିଲା ।  ଚିକିତ୍ସାଧୀନ ଅବସ୍ଥାରେ ତାଙ୍କ ମୃତ୍ୟୁ ହୋଇଛି । ଘଟଣା ନେଇ ଦୁର୍ଘଟଣାସ୍ଥଳରେ ଉତ୍ତେଜନା ପ୍ରକାଶ ପାଇଥିବା ବେଳେ ଟ୍ରକ ଓ ଡ୍ରାଇଭରକୁ ଅଟକ ରଖି ତଦନ୍ତ ଚଳାଇଛି ପୋଲିସ  ।

ସେହିଭଳି କେନ୍ଦୁଝର ଜିଲ୍ଲା ଘଷିପୁରା ଥାନା କୋଳିମାଟି ଛକରେ ମର୍ମତୁଦ ସଡ଼କ ଦୁର୍ଘଟଣା ଘଟିଛି । କାରକୁ ପଛରୁ ଧକ୍କା ଦେଇଛି ବୋଲେରୋ । ଘଟଣାସ୍ଥଳରେ ଡ୍ରାଇଭରର ମୃତ୍ୟୁ ହୋଇଥିବା ବେଳେ 2 ଜଣ ଗୁରୁତର ଆହାତ ହୋଇଛନ୍ତି ।