ଢ଼େଙ୍କାନାଳ: ବିହାର ଭଳି ଢ଼େଙ୍କାନଳରେ କପି ଦିଆ ନିଆର ଝଲକ୍ । କପି ଦେବାକୁ ଚାଲିଛି ସଂଘର୍ଷ । ପାଚେରୀ ଡ଼େଇଁ ସ୍କୁଲ ଭିତରେ ଦିଆଯାଉଛି ମାଟ୍ରିକ ପରୀକ୍ଷାର୍ଥିଙ୍କୁ କପି । ଜଣେକି ଦୁଇ ଜଣ ନୁହେଁ ଏକାଥରକେ ୨୦ରୁ ଉର୍ଦ୍ଧ୍ୱ ଯୁବକ ପାଚେରୀ ଡ଼େଇଁ କପି ଦେଉଛନ୍ତି ।
ଢ଼େଙ୍କାନାଳର ଦୁଇଟି ସ୍କୁଲରେ ଦେଖାଦେଇଛି ଏଭଳି ଘଟଣା । ପରଜଙ୍ଗ ଥାନା ବିରିବୁଲେଇ ଜନତା ସରକାରୀ ଉଚ୍ଚ ବିଦ୍ୟାଳୟ ଏବଂ ଗଡ଼ପଳାଶୁଣି ବାପୁଜୀ ପିଦ୍ୟାପୀଠର ଏ ହେଉଛି ଦୃଶ୍ୟ ।
ସୂଚନା ଅନୁଯାୟୀ, ଏହି ଦୁଇଟି ସ୍କୁଲରେ ଆଜି ଇଂରାଜି ପରୀକ୍ଷା ଚାଲିଥିଲା । ଏହି ପରୀକ୍ଷାରେ ପିଲାଙ୍କୁ ସାହାର୍ଯ୍ୟ କରିବା ପାଇଁ ଆସିଥିଲେ ଚେଲାଚାମୁଣ୍ଡା । ପରୀକ୍ଷା ଆରମ୍ଭର ମାତ୍ର କିଛି ସମୟ ପରେ ଆରମ୍ଭ ହୋଇଥିଲା କପି ଦେବା ସଂଘର୍ଷ ।
ବାନର ଭଳି ଗୋଟିଏ ପରେ ଗୋଟିଏ ଯୁବକ ଚଢ଼ିବାକୁ ଲାଗିଥିଲେ ସ୍କୁଲ ପାଚେରି ଉପରେ । ସ୍କୁଲର ପାଚେରୀ ଡ଼େଇଁ ଦିଆ ଯାଉଛି କପି । ବିରିବୁଲେଇ ସ୍କୁଲରେ ସ୍ଥାନୀୟ ଲୋକେ ଏହା ଦେଖି କପି ଦେଉଥିବା ଲୋକଙ୍କୁ ବିରୋଧ କରିଥିଲେ ।
ଅନ୍ୟପଟେ ଗଡ଼ପଳାଶୁଣି ସ୍କୁଲରେ ଜଣେ ବାପା ତାଙ୍କ ଝିଅକୁ କପି ଦେଉଥିବା ବେଳେ ପୋଲିସ ଠାରୁ ନିର୍ଧୁମ ଛେଚା ଖାଇଛନ୍ତି । ଗୁରୁତର ଅବସ୍ଥାରେ ପ୍ରଥମେ ତାଙ୍କୁ ପରଜଙ୍ଗ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ପରେ ତାଳଚେର ମଣ୍ଡାପାଳ ସ୍ଥିତ ଡାକ୍ତରଖାନାକୁ ସ୍ଥାନାନ୍ତରିତ କରାଯାଇଥିଲା ।
ହିନ୍ଦୀ ଭାଷାରେ ଭୁବନେଶ୍ୱର ଏମ୍ସର ସମସ୍ତ ପ୍ରଶାସନିକ କାର୍ଯ୍ୟ ଓ ଆଲୋଚନା କରିବାକୁ ଗତ ୨୦ ତାରିଖରେ ନୋଟିସ୍ ପ୍ରକାଶ ପାଇଥିଲା । ଯାହାକୁ ବିଜେଡି ପକ୍ଷରୁ ବିରୋଧ କରାଯାଇଛି । ହିନ୍ଦୀକୁ ଜୋରଜବରଦସ୍ତ ଓଡ଼ିଆ ଲୋକଙ୍କୁ ଉପରେ ଲଦି ଦିଆଯାଉଥିବା ଦଳ ଅଭିଯୋଗ କରିଛି । ଦଳ ଏ ନେଇ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟର ଦୃଷ୍ଟି ଆକର୍ଷଣ କରିଛି ।
ତୁରନ୍ତ ନୋଟିସକୁ ପ୍ରତ୍ୟାହାର କରିବାକୁ ଦାବି କରାଯାଇଛି । ଏଥିସହ ଓଡ଼ିଆ ଭାଷାରେ ସମସ୍ତ କାର୍ଯ୍ୟ ହେଲେ ଲୋକ ଚିକିତ୍ସା ସେବାର ସମ୍ପୂର୍ଣ୍ଣ ଲାଭ ଉଠାଇ ପାରିବେ ବୋଲି କୁହାଯାଇଛି ।
ଆସନ୍ତାକାଲି ଝାରସୁଗୁଡ଼ା, ସମ୍ବଲପୁର, ସୁନ୍ଦରଗଡ଼, ଦେବଗଡ଼, କେନ୍ଦୁଝର ସହ ମୟୂରଭଞ୍ଜ ଜିଲ୍ଲାରେ ସ୍ୱଳ୍ପରୁ ମଧ୍ୟମ ଧରଣର ବର୍ଷା ହେବ । ୨୪ ତାରିଖରେ ତ୍ତରର ଆଭ୍ୟନ୍ତରୀଣ ଜିଲ୍ଲା ଗୁଡ଼ିକରେ ବର୍ଷା ହେବ । ବାଲେଶ୍ୱର, ଝାରସୁଗୁଡ଼ା, ସମ୍ବଲପୁର, ସୁନ୍ଦରଗଡ଼, ଦେବଗଡ଼, କେନ୍ଦୁଝର, ମୟୂରଭଞ୍ଜ, ଅନୁଗୁଳ, ଢେଙ୍କାନାଳ ଏବଂ ନୟାଗଡ଼ ସହ ଉପକୂଳ ଓଡ଼ିଶାରେ ବର୍ଷା ହେବ । କୋରାପୁଟ, ମାଲକାନଗିରି, ନବରଙ୍ଗପୁର, ବୌଦ୍ଧ, ସୋନପୁର, କଳାହାଣ୍ଡି, କନ୍ଧମାଳ ଏବଂ ନୂଆପଡ଼ାରେ ବର୍ଷିବ ।
୨୫ରୁ ବର୍ଷା ଆହୁରି ବଢ଼ିବ । ଉପକୂଳ ଜିଲ୍ଲା ଗୁଡ଼ିକରେ ପ୍ରବଳ ବର୍ଷା ହେବ । ବାଲେଶ୍ୱର, କେନ୍ଦୁଝର, ମୟୂରଭଞ୍ଜ, ଭଦ୍ରକ, ଅନୁଗୁଳ, ଢେଙ୍କାନାଳ, କେନ୍ଦ୍ରାପଡ଼ା, ଯାଜପୁର, ଜଗତସିଂହପୁର, କଟକ, ପୁରୀ, ଖୋର୍ଦ୍ଧା, ନୟାଗଡ଼, ଗଞ୍ଜାମ ଏବଂ ଗଜପତିରେ ଘଡ଼ଘଡ଼ି ସହ ବର୍ଷା ହେବ । ବର୍ଷାକୁ ଦୃଷ୍ଟିରେ ରଖି ସମ୍ପୃକ୍ତ ଜିଲ୍ଲା ଗୁଡ଼ିକ ପାଇଁ ୟେଲୋ ଆଲର୍ଟ ଜାରି କରାଯାଇଛି । ୨୬ ତାରିଖ ପରେ ପାଗରେ ପରିବର୍ତ୍ତନ ହେବ । ଉପକୂଳ ଓଡ଼ିଶାର କିଛି ସ୍ଥାନରେ ବର୍ଷା ହେଲେ ମଧ୍ୟ ଅନ୍ୟ ଜିଲ୍ଲା ଗୁଡ଼ିକରେ ଆକାଶ ମେଘମୁକ୍ତ ରହିବା ସାଙ୍ଗକୁ ତାପମାତ୍ରା ବୃଦ୍ଧି ପାଇବ ।
ଆଜି ଲୋକାର୍ପିତ ହୋଇଥିବା ଗାନ୍ଧି ଶାନ୍ତି କେନ୍ଦ୍ର ସୋମବାର ବନ୍ଦ ରହିବ । ମଙ୍ଗଳବାର ଠାରୁ ରବିବାର ପର୍ଯ୍ୟନ୍ତ ଏହି କେନ୍ଦ୍ର ଦିନ ୧୧ଟାରୁ ସନ୍ଧ୍ୟା ୭ଟା ପର୍ଯ୍ୟନ୍ତ ସାଧାରଣ ଜନତାଙ୍କ ପାଇଁ ଖୋଲା ରହିବ ।