ବାହାଘର ପାଇଁ ଭାରତରେ ଏକ ନିର୍ଦ୍ଧିଷ୍ଟ ବୟସ ସୀମା ରହିଛି । ତେବେ ଏହା ଯୁବକ ମାନଙ୍କ ପାଇଁ ୨୧ ଥିବା ବେଳେ ଯୁବତୀ ମାନଙ୍କର ୧୮ ରହିଛି । ଏହି ବୟସ ସୀମାରୁ କମ୍ ଥିଲେ ସେମାନେ ଆମ ସମ୍ବିଧାନିକ ନିୟମ ଅନୁଯାୟୀ ବିଭାଘର ଯୋଗ୍ୟ ନୁହଁନ୍ତି । ତେବେ ନିକଟରେ ଏହି କାରଣରୁ ଏକ ବର ନିଜ ବିଭାଘର ପାଇଁ ଆସି ଶିଶୁପାଳ ହୋଇଥିବା ଦେଖାଯାଇଛି ।

ବାଲେଶ୍ୱର ଜିଲ୍ଲା ବାହାନଗା ବ୍ଲକ ଅଞ୍ଚଳରେ ଦେଖିବାକୁ ମିଳିଛି ଏଭଳି ଘଟଣା । ଭାଲେଣ୍ଟାଇନ ଡେ’ରେ ଶିଶୁପାଳ ହୋଇଛି ବର । କନ୍ୟା ନାବାଳିକା ଥିବାରୁ ବାହା ନହୋଇ ବର ଫେରିଛି ଘରକୁ ।

ଖଇରା ଥାନା ତୁଡିଗଡିଆ ପଞ୍ଚାୟତର ଶରତ ମହାରଣା ବାହାନଗାର ଜଣେ ନାବାଳିକାକୁ ବାହା ହେବା ପାଇଁ ଯାଇଥିଲେ । ଖବରପାଇ ଶିଶୁ ସୁରକ୍ଷାର ୫ ଜଣିଆ ସଦସ୍ୟ ଓ ପୋଲିସ ଘଟଣାସ୍ଥଳରେ ପହଞ୍ଚି ବାହାଘର ନକରିବାକୁ କହିଥିଲେ । ବିଳମ୍ବିତ ରାତିରେ ବର ଏବଂ ବରଯାତ୍ରୀ ପ୍ରସେସନ କରି ଆସିଥିବା ବେଳେ ଗୋପାଳପୁର ବଜାରରେ ପୋଲିସକୁ ଦେଖି ଫେରାର ହୋଇଥିଲେ ।

ଭୁବନେଶ୍ୱର: ଆଜିଠୁ ସିବିଏସଇ ବୋର୍ଡ ପରୀକ୍ଷା ଆରମ୍ଭ  ହୋଇଯାଇଛି । ଉଭୟ ଦଶମ ଓ ଦ୍ଵାଦଶ ଶ୍ରେଣୀ ଛାତ୍ର ଛାତ୍ରୀ ପରୀକ୍ଷା ଦେଉଛନ୍ତି । ତେବେ ଗୋଟିଏ ତାରିଖରେ ଉଭୟ ଶ୍ରେଣୀର ଛାତ୍ରଛାତ୍ରୀଙ୍କ ପରୀକ୍ଷା ଆରମ୍ଭ ହେଉଥିଲେ ହେଁ ଦଶମ ଶ୍ରେଣୀ ମାର୍ଚ୍ଚ ୨୦ ଓ ଦ୍ଵାଦଶ ପରୀକ୍ଷା ମାର୍ଚ୍ଚ ୩୦ରେ ଶେଷ ହେବ । ୧୪ଟି ବିଷୟରେ ପରୀକ୍ଷା ଦେବେ ଦଶମ ଶ୍ରେଣୀ ଛାତ୍ର ଛାତ୍ରୀ ।

ମାର୍ଚ୍ଚ ୨୦ ତାରିଖରେ କମ୍ପ୍ୟୁଟର ଆପ୍ଲିକେସନ୍‌ ଓ ଇନଫରମେସନ୍‌ ଆଣ୍ଡ କମ୍ୟୁନିକେସନ୍‌ ଟେକ୍ନୋଲୋଜି ବିଷୟରେ ପରୀକ୍ଷା ଦେବେ । ଫେବୃୟାରୀ ୨୪ରେ ଓଡ଼ିଆ କିମ୍ବା ଅନ୍ୟାନ୍ୟ ଭାଷାର ପରୀକ୍ଷା ଥିବା ବେଳେ ୨୬ ତାରିଖରେ ଇଂରାଜୀ, ୨୯ରେ ହିନ୍ଦୀ, ମାର୍ଚ୍ଚ ୪ରେ ବିଜ୍ଞାନ ପରୀକ୍ଷା ହେବ । ସେହିପରି ମାର୍ଚ୍ଚ ୭ ତାରିଖରେ ସଂସ୍କୃତ ଓ ଗଣିତ ବିଷୟର ପରୀକ୍ଷା ଅନୁଷ୍ଠିତ ହେବ । ୧୦ଟା ୩୦ରୁ ଆରମ୍ଭ ହେବ ପରୀକ୍ଷା ।

୧୦ଟା ସୁଦ୍ଧା ସମସ୍ତ ପରୀକ୍ଷାର୍ଥି ପରୀକ୍ଷା କେନ୍ଦ୍ରରେ ପହଞ୍ଚିବେ । ଚଳିତ ବର୍ଷ ଓଡ଼ିଶାରୁ ଦଶମ ଶ୍ରେଣୀରେ ୧୯ ହଜାର ଓ ଦ୍ଵାଦଶ ଶ୍ରେଣୀରେ ୧୪ ହଜାରରୁ ଅଧିକ ଛାତ୍ର ଛାତ୍ରୀ ପରୀକ୍ଷା ଦେଉଥିବା ନେଇ ସୂଚନା ରହିଛି ।

ଆଜି ବଲାଙ୍ଗିର ଗସ୍ତରେ ଯିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଜିଲ୍ଲାରେ କିସ ଆବାସିକ ଜନଜାତି ବିଦ୍ୟାଳୟର ଉଦଘାଟନ କରିବେ ମୁଖ୍ୟମନ୍ତ୍ରୀ । ତୁଷୁରା ଏୟାରଫିଲ୍ଡରେ ପହଞ୍ଚିବା ପରେ କିସ ସ୍କୁଲରେ ଆୟୋଜିତ ସଭା ସ୍ଥଳକୁ ଯିବେ ମୁଖ୍ୟମନ୍ତ୍ରୀ । ଏଥିପାଇଁ ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରାଯାଇଛି । ସଭାସ୍ଥଳରେ ବ୍ୟାପକ ପୋଲିସ ମୁତୟନ କରାଯାଇଛି ।

ଏହି ବସରରେ କିଟ୍‌-କିସର ପ୍ରତିଷ୍ଠାତା ଡ. ଅଚ୍ୟୁତ ସାମନ୍ତ, ମହିଳା ଓ ଶିଶୁ ବିକାଶ ମନ୍ତ୍ରୀ ଟୁକୁନି ସାହୁ, ବଲାଙ୍ଗିର ସାଂସଦ ସଂଗୀତା ସିଂହଦେଓ, ବଲାଙ୍ଗିର ବିଧାୟକ ନରସିଂହ ମିଶ୍ର ଯୋଗଦେବାର କାର୍ଯ୍ୟକ୍ରମ ରହିଛି । କିସର ୨୦ ଏକର ବିଶିଷ୍ଟ ଜମିରେ ଓସାଲ ଗ୍ରୁପର ସହଯୋଗରେ ଆବାସିକ ବିଦ୍ୟାଳୟ ନିର୍ମାଣ କରାଯାଇଛି । ଏଠାରେ ପ୍ରଥମ ଶ୍ରେଣୀରୁ ଦ୍ଵାଦଶ ଶ୍ରେଣୀ ଯାଏଁ ବଲିଙ୍ଗିର ଜିଲ୍ଲାର ୧୫ ଶହ ଛାତ୍ରଛାତ୍ରୀ ପାଠ ପଢ଼ିବାର ବ୍ୟବସ୍ଥା କରାଯାଇଛି ।

କଟକ: ରେଭେନ୍ସାରେ ଛାତ୍ରୀଙ୍କୁ ରାଗିଂ ଅଭିଯୋଗେ । ବିଶ୍ୱବିଦ୍ୟାଳୟ ଜଣେ ସିନିୟର ଛାତ୍ର ସମ୍ପୃକ୍ତ ଛାତ୍ରୀଙ୍କୁ ରାଗିଂ କରିଥିବା ନେଇ ଅଭିଯୋଗ ହୋଇଛି । ଗତ ଜାନୁଆରୀ ୮ ତାରିଖରେ କଲେଜ କର୍ତ୍ତୃପକ୍ଷଙ୍କ ନିକଟରେ ଏ ନେଇ ଅଭିଯୋଗ ହୋଇଛି । ଏହା ପରେ କଲେଜ କର୍ତ୍ତୃପକ୍ଷଙ୍କ ପକ୍ଷରୁ ଆରମ୍ଭ ହୋଇଛି ତଦନ୍ତ । ସିନିୟର ଛାତ୍ର ଜଣଙ୍କ ଛାତ୍ରୀଙ୍କୁ ଏକତରଫା ପ୍ରେମ କରିବା ସହ ତାଙ୍କୁ ମାଡ଼ ମାରିଥିବା ଓ ଧମାକାଉଥିବା ସୂଚନା ରହିଛି । ସୂଚନା ଯୋଗ୍ୟ ଯେ, ଆଜି ଅପରାହ୍ନରେ ଆଣ୍ଟି ରାଗିଂ ସେଲର ବୈଠକ ଅନୁଷ୍ଠିତ ହେବ । ବୈଠକରେ ଅଭିଯୋଗ ସଂପର୍କରେ ଆଲୋଚନା କରାଯିବା ନେଇ  ଆଣ୍ଟି ରାଗିଂ ସେଲ ପକ୍ଷରୁ ସୂଚନା ଦିଆଯାଇଛି ।