ଭୁବନେଶ୍ୱର: ଭୁବନେଶ୍ୱରରେ ସିରିଜ ଚୋରି । ଏୟାରଫିଲ୍ଡ ଥାନା ଠାରୁ ମାତ୍ର ୧୦୦ ମିଟର ଦୂରତା ଭିତରେ ହୋଇଛି ଏହି ଚୋରି । ମଧ୍ୟରାତ୍ରିରେ ୩ଟି ଦୋକାନରେ ତାଳା ଭାଙ୍ଗି ପଶିଥିଲେ ଚୋର ।

ତାପରେ ଦୋକାନରୁ ଚୋରୀ କଲେ ୩ କମ୍ପ୍ୟୁଟର । ପାଖରେ ଥିବା ଆଉ ଏକ ଇଲେକଟ୍ରୋନିକ ଦୋକାନରୁ ବି ବହୁ ଜିନିଷ ଚୋରୀ କରିନେଇଛନ୍ତି ଏହି ଚୋରମାନେ ।

ଦୋକାନରେ ସିସିଟିଭି ଲାଗିଥିଲେ ବି ଚୋରୀ କରିବା ପରେ ସିସିଟିଭିର ହାର୍ଡ ଡିସ୍କ୍ ବି କାଢି ନେଇଯାଇଛନ୍ତି ଚୋର ।

ଚୋରଙ୍କୁ ଧରିବା ପାଇଁ କୈାଣସି ପ୍ରମାଣ ଛାଡିନାହିଁ ଚୋର ଗ୍ୟାଙ୍ଗ । ତେବେ ଚୋରୀ କରିବା ଷ୍ଟାଇଲରୁ ଗୋଟିଏ କଥା ସ୍ପଷ୍ଟ ଯେ ଏହି ଗ୍ୟାଙ୍ଗର ଚୋର ବହୁ କୈାଶଳ କ୍ରମେ ଚୋରୀ କରିଥିଲେ ।

ମାଲକାନଗିରିରେ ଓଡ଼ିଶା ପୋଲିସର ବଡ଼ ଅପରେସନ୍‌ ସଫଳ ହୋଇଛି । ବିପୁଳ ପରିମାଣର ଅସ୍ତ୍ରଶସ୍ତ୍ର ଜବତ କରାଯାଇଛି । ମାଲକାନଗିରି ସ୍ୱାଭିମାନ ଅଞ୍ଚଳ ଓ ଏହାର ଆଖପାଖ ଅଞ୍ଚଳରୁ ଅସ୍ତ୍ରଶସ୍ତ୍ର ଜବତ ହୋଇଛି । ଗତ ୧୫ତାରିଖରେ ପୋଲିସ ଓ ମାଓବାଦୀଙ୍କ ମଧ୍ୟରେ ଗୁଳି ବିନିମୟ ହୋଇଥିଲା । ଏହାପରେ ଓଡ଼ିଶା ପୋଲିସ ପକ୍ଷରୁ ୩ଦିନ ଧରି ଅପରେସନ୍‌ କରାଯାଇଥିଲା । ଏଥିରେ ଓଡ଼ିଶା ପୋଲିସକୁ ବିଏସଏଫ୍ ଓ ସିଆରପିଏଫ୍‌ ସହଯୋଗ କରିଥିଲେ । ଏନେଇ ପୋଲିସ ଡିଜି ସୂଚନା ଦେଇଛନ୍ତି । ମାଲକାନଗିରି ଯୋଡାମ୍ବରେ ଅଢେଇ କୋଟି ଟଙ୍କା ବିନିମୟରେ ପୋଲିସ ଥାନା ପ୍ରତିଷ୍ଠା ହେବ । ସ୍ୱାଭିମାନ ଅଞ୍ଚଳରେ ଏହା ଦ୍ୱିତୀୟ ଥାନା ହେବ । ଏହା ପୂର୍ବରୁ ପେପରମାଟଲାରେ ଗୋଟିଏ ଥାନା ରହିଛି ।

ଆଜି ‘ସ୍କିଲ୍‌ ଓଡ଼ିଶା’ ୨୦୨୦ର ଶୁଭାରମ୍ଭ ହୋଇଛି । ଏପ୍ରିଲ ୨୮ରୁ ୩୦ ପର୍ଯ୍ୟନ୍ତ ଆୟୋଜିତ ହେବ ଏହାର ଦ୍ୱିତୀୟ ସଂସ୍କରଣ । ତେବେ ଫେବ୍ରୁଆରୀ ୮ରୁ ଆରମ୍ଭ ହେବ ଜିଲ୍ଲାସ୍ତରୀୟ ପ୍ରତିଯୋଗିତା । ଯେଉଁଥିରେ ୨୩ଟି ବର୍ଗରେ ଭାଗ ନେବେ ୩୦ ଜିଲ୍ଲାର ପ୍ରତିଯୋଗୀ । ସେହିପରି ରାଜ୍ୟସ୍ତରୀୟ ପ୍ରତିଯୋଗିତା ପାଇଁ ପଞ୍ଜିକରଣ କରିଛନ୍ତି ୧୫ ହଜାର ଛାତ୍ରଛାତ୍ରୀ । ୪୬ଟି ବର୍ଗରେ ଭାଗ ନେବେ ଏହି ଛାତ୍ରଛାତ୍ରୀ । ଏଥିରେ ଭଲ ପ୍ରଦର୍ଶନ କଲେ, ସାଂଘାଇରେ ହେବାକୁ ଥିବା ଦକ୍ଷତା ବିକାଶ ପ୍ରତିଯୋଗିତାରେ ଭାଗ ନେବାକୁ ସୁଯୋଗ ମିଳିବ । ଏପରିକି ସେହି ପ୍ରତିଯୋଗିତାରେ ଓଡ଼ିଶା ୨ଟି ସ୍ୱର୍ଣ୍ଣ, ୪ ରୌପ୍ୟ ଓ ୬ ବ୍ରୋଞ୍ଜ ପଦକ ଜିତିବାକୁ ଲକ୍ଷ୍ୟ ରଖାଯାଇଛି । ଏ ନେଇ ସୂଚନା ଦେଇଛନ୍ତି ଦକ୍ଷତା ବିକାଶ ସଚିବ ସଞ୍ଜୟ ସିଂ । ଆଜିର କାର୍ଯ୍ୟକ୍ରମକୁ ଟାଟା ଏରୋ ସ୍ପେସ ଆଣ୍ଡ ଡିଫେନ୍ସର-ଏରୋ ଷ୍ଟ୍ରକ୍‌ଚର ଇଞ୍ଜିନ ମୁଖ୍ୟ ମାସୁଦ ହୁସିଆନି ଉଦ୍‌ଘାଟନ କରିଛନ୍ତି । ସେହିପରି ଦକ୍ଷତା ବିକାଶ ମନ୍ତ୍ରୀ ପ୍ରେମାନନ୍ଦ ନାୟକ, ସଚିବ ସଞ୍ଜୟ ସିଂ, ଦକ୍ଷତା ବିକାଶ ପ୍ରାଧିକରଣର ଅଧ୍ୟକ୍ଷ ସୁବ୍ରତ ବାଗ୍‌ଚି ଓ ସ୍ୱତନ୍ତ୍ର ସଚିବ ଅନୁ ଗର୍ଗ ପ୍ରମୁଖ ଉପସ୍ଥିତ ଥିଲେ ।

ଯାଜପୁର: ବୁଲିଲା ବୁଲ୍‌ଡୋଜର, ଭାଙ୍ଗିଲା ଧର୍ମଶାଳାର ବେଆଇନ୍‌ ଗେଷ୍ଟ ହାଉସ୍‌। ଯାଜପୁର ହରିଦାସପୁର ପିଇଓ ସ୍ମିତାରାଣୀ ବିଶ୍ୱାଳ ମୃତ୍ୟୁ ଘଟଣା । ଅଭିଯୁକ୍ତ ରୂପେଶ ଭଦ୍ରର ବେଆଇନ୍‌ ଗେଷ୍ଟ ହାଉସରେ ବୁଲ୍‌ଡୋଜର ବୁଲିଛି । ପାଚେରୀ ଓ କୋଠାକୁ ଭଙ୍ଗା ଯାଇଛି । ଗେଷ୍ଟ ହାଉସ୍‌ ଭାଙ୍ଗିବା ପୂର୍ବରୁ ସ୍ଥାନୀୟ ଅଞ୍ଚଳରେ ଉତ୍ତେଜନା ଦେଖା ଦେଇଥିଲା।

ରୂପେଶଙ୍କ ପତ୍ନୀ ଓ ସ୍ଥାନୀୟ ଲୋକେ ଏହାକୁ ବିରୋଧ କରିଥିଲେ । ଉତ୍ତେଜନାକୁ ଆଖିରେ ରଖି ସେଠାରେ ଏକ ପ୍ଲାଟୁନ୍‌ ଫୋର୍ସ ମୁତୟନ କରାଯାଇଛି। ଘଟଣାସ୍ଥଳରେ ଯାଜପୁର ଏଡିଏମ୍‌, ଧର୍ମଶାଳା ତହସିଲଦାର ଉପସ୍ଥିତ ଅଛନ୍ତି। ଗତ ବର୍ଷ ଅକ୍ଟୋବର ୧୬ରେ ଗେଷ୍ଟ ହାଉସ୍‌ରୁ ଉଦ୍ଧାର ହୋଇଥିଲା ସ୍ମିତାରାଣୀଙ୍କ ମୃତଦେହ । ଏହାପରେ ଅଭିଯୁକ୍ତ ରୂପେଶଙ୍କୁ ଗିରଫ କରାଯାଇଥିଲା। ଘଟଣାର ତଦନ୍ତ ବେଳେ ଗେଷ୍ଟ ହାଉସଟି ସରକାରୀ ଜମି ଉପରେ ବେଆଇନ୍‌ ଭାବେ ନିର୍ମାଣ ହୋଇଥିବା ଜଣାପଡିଥିଲା । ଏହାପରେ ପ୍ରଶାସନ ପକ୍ଷରୁ ଗେଷ୍ଟ ହାଉସ୍‌କୁ ସିଲ୍‌ କରାଯାଇଥିଲା। ଆଜି ଗେଷ୍ଟ ହାଉସ୍‌ରୁ ସମସ୍ତ ଆସବାବପତ୍ର ବାହାର କରିବା ପରେ ଏହାକୁ ଭଙ୍ଗାଯାଉଛି।

ବ୍ରହ୍ମପୁର: ଗତ ୨୭ ତାରିଖରେ ବ୍ରହ୍ମପୁର ପଣ୍ଡା କଲୋନୀରେ ଏଭଳି ଘଟଣା ଘଟିଛି । ପାର୍କିଂକୁ ନେଇ ମା, ପୁଅଙ୍କୁ ମରଣାନ୍ତକ ଆକ୍ରମଣ କରିଛନ୍ତି କିଛି ଯୁବକ । ଆକ୍ରମଣ ବେଳର ସମ୍ପୁର୍ଣ୍ଣ ଘଟଣା ସିସିଟିଭି ଫୁଟେଜ୍‌ରେ ରେକର୍ଡ ହୋଇଛି । ତେବେ ସେମାନେ ଯୁବକଙ୍କୁ ତଳେ ପକାଇ ଏକ କ୍ରିକେଟ୍‌ ବ୍ୟାଟ୍‌ରେ ପିଟିଛନ୍ତି ବୋଲି ଭିଡ଼ିଓରେ ଦେଖାଯାଇଛି ।

ସୂଚନା ଅନୁଯାୟୀ ସେଠାରେ ଭୋଜି ଚାଲିଥିବା ବେଳେ ପାର୍କିଂକୁ ନେଇ ଗଣ୍ଡଗୋଳ ହୋଇଥିଲା । ଏହାପରେ ଯୁବକ ଓ ତାଙ୍କ ମାଆଙ୍କୁ ସଂଘବଦ୍ଧ ଭାବେ କିଛି ଯୁବକ ଆକ୍ରମଣ କରିଥିଲେ । କ୍ରିକେଟ୍‌ ବ୍ୟାଟ୍‌ ଓ ଖଣ୍ଡାରେ ଆକ୍ରମଣ କରାଯାଇଥିଲା ।

ଏଥିରେ ଉଭୟ ଯୁବକ ଓ ତାଙ୍କ ମା ଆହତ ହୋଇ ଏମ୍‌କେସିଜିରେ ଚିକିତ୍ସିତ ହୋଇଛନ୍ତି । ଆକ୍ରମଣକାରୀଙ୍କୁ ଗିରଫ କରିବାକୁ ସେମାନେ ଏସ୍‌ପିଙ୍କ ନିକଟରେ ଫେରାଦ ହୋଇଛନ୍ତି । ତେବେ ଏଯାଏଁ ଘଟଣାରେ କାହାକୁ ଗିରଫ କରାଯାଇନଥିବାର ଜଣାଯାଇଛି ।

ମାଲକାନଗିରି: ପ୍ରଥମେ ସମାଲିଙ୍ଗୀ ପ୍ରେମ ଓ ପରେ ବିବାହ । କିଛି ଏଭଳି ଆଶ୍ଚର୍ଯ୍ୟ କର ଘଟଣା ଦେଖିବାକୁ ମିଳିଛି ମାଲକାନଗିରି ଜିଲ୍ଲାରେ । ଜିଲ୍ଲାର ୨ ଜଣ ଯୁବତୀ ପରସ୍ପରକୁ ଭଲ ପାଉଥିବା ବେଳେ ଏବେ ସାତ ଜନମର ସାଥି ହୋଇଛନ୍ତି ଦୁହେଁ ।

ସମଲିଙ୍ଗୀରୁ ପ୍ରେମ ଆରମ୍ଭ ହୋଇଥିଲା, ଆଉ ତାପରେ ସମାଜର ଟାହିଟାପରା । ତାକୁ ସହିନପାରି ଉଭୟ ନିଅନ୍ତି ବିବାହର ନିଷ୍ପତ୍ତି । ଆଉ ଏହାକୁ ସଫଳ କରିବାକୁ ଯାଇ ଲିଙ୍ଗ ପରିବର୍ତ୍ତନ କରିଛନ୍ତି ପ୍ରେମିକା । ଏମିତି ଏକ ରୋମାଞ୍ଚକର କାହାଣୀ ହେଉଛି ୨ଯୁବତୀଙ୍କର ।

ତେବେ ୨ଯୁବତୀଙ୍କ ମଧ୍ୟରୁ ୨ ଜଣ ଯୁବତୀ ନିଜ ଲିଙ୍ଗ ପରିବର୍ତ୍ତନ କରି ଏବେ ବିବାହ ବନ୍ଧନରେ ବାନ୍ଧି ହୋଇଛନ୍ତି ଦୁହେଁ ।  ଯାହାକୁ ସେମାନଙ୍କ ପରିବାର ଲୋକେ ମଧ୍ୟ ସହମତି ଦେଇଛନ୍ତି । ତେଣୁ ବୈଦିକ ରୀତିନୀତିରେ ବିବାହ ହୋଇଥିଲା ବିବାହ । ତେବେ ସେମାନେ ଏଇ କଥାକୁ ସମାଜ ଠାରୁ ଗୁପ୍ତ ରଖିଛନ୍ତି ।