ନୂଆଦିଲ୍ଲୀ: ବିଶ୍ୱ ସ୍ୱାସ୍ଥ୍ୟ ସଂଗଠନର ଜରୁରୀକାଳୀନ ପରିସ୍ଥିତିର ମୁଖ୍ୟ ଡାକ୍ତର ମାଇକେଲ ରୟାନଙ୍କ ଅନୁସାରେ,   କରୋନା ଭାଇରସର ଉତ୍ପତ୍ତି ପ୍ରାକୃତିକ  । ଏନେଇ WHO  ନିଶ୍ଚିତ ବୋଲି  ସେ କହିଛନ୍ତି ।  ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ବିବୃତ୍ତି ପରେ ସେ ଏହା କହିଛନ୍ତି । କରୋନା ଭାଇରସର ଉତ୍ପତି ଉହାନ ଲାବ୍ରୋଟୋରିରୁ ବୋଲି ନିକଟରେ  ଟ୍ରମ୍ପ କହିଥିଲେ । ଏନେଇ ତାଙ୍କ ପାଖରେ ପ୍ରମାଣ ଅଛି ବୋଲି ସେ ମଧ୍ୟ ଦାବି କରିଥିଲେ ।  ରିୟାନ୍ କହିଛନ୍ତି ଯେ WHO ବାରମ୍ବାର ଏନେକ ବୈଜ୍ଞାନିକଙ୍କ ସହ ଆଲୋଚନା କରିଛି, ଯେଉଁମାନେ କି  ଭାଇରସର ଜିନ୍ କ୍ରମ ଦେଖିଛନ୍ତି ଏବଂ ଏଥିରୁ ଆମେ ବୁଝୁଛୁ ଯେ ଏହି ଭୂତାଣୁ ଉତ୍ପତି ପ୍ରାକୃତିକ ଉପାୟରେ ହୋଇଛି । ସେ ଆହୁରି ମଧ୍ୟ କହିଛନ୍ତି ଯେ କରୋନା ଭାଇରସ୍ ସହିତ ପ୍ରାକୃତିକ ହୋଷ୍ଟକୁ ଚିହ୍ନଟ କରିବା ନିହାତି ଆବଶ୍ୟକ । ଯାହା ଦ୍ୱାରା ଏହା ବିଷୟରେ ଅଧିକ ସୂଚନା ମିଳିପାରିବ ଏବଂ ଭବିଷ୍ୟତରେ ଏପରି ବିପଦରୁ ବଞ୍ଚି ପାରିବା ।

ଚୀନ୍ ଉପରେ ରାଗିଛନ୍ତି ଟ୍ରମ୍ପ

ଗୁରୁବାର ଦିନ ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ କହିଛନ୍ତି ଯେ ଚୀନ୍‌ର ଭାଇରୋଲୋଜି ପ୍ରତିଷ୍ଠାନରୁ କରୋନା ଭୂତାଣୁ ଉତ୍ପନ୍ନ ହୋଇଛି ବୋଲି ସେ ନିଶ୍ଚିତ ଅଛନ୍ତି । ଟ୍ରମ୍ପ ବାରମ୍ବାର ଚୀନ୍ ଉପରେ ଆକ୍ରମଣ କରୁଛନ୍ତି । ସେ ଆହୁରି ମଧ୍ୟ କହିଛନ୍ତି ଯେ ସେ ଚୀନ୍ ଉପରେ  ଶୁଳ୍କ ବୃଦ୍ଧି କରିବେ, କାରଣ ଆଜି ଚୀନ୍ ଯୋଗୁଁ ଆମେରିକା ଏତେ ଖରାପ ଅବସ୍ଥାରେ ଅଛି ।

ଅଧିକାଂଶ ବୈଜ୍ଞାନିକ ବିଶ୍ୱାସ କରନ୍ତି ଯେ, ଏହି ଭୂତାଣୁ ଚୀନ୍ ସହରରେ ଅବସ୍ଥିତ ଏକ ମାଂସ ବଜାରରୁ ଉତ୍ପନ୍ନ ହୋଇଛି । ତେବେ ଏପର୍ଯ୍ୟନ୍ତ କେଉଁ ପ୍ରାଣୀ କରୋନା ଭୂତାଣୁ ବିସ୍ତାର କରିଛନ୍ତି ତାହା ନିଶ୍ଚିତ ହୋଇନାହିଁ।

କରୋନାରେ ଧରାସାୟୀ ହେଉଛି ଆମେରିକା

ବର୍ତ୍ତମାନ ସୁଧା ବିଶ୍ୱରେ ୩୩ ଲକ୍ଷରୁ ଅଧିକ ଲୋକ କରୋନା ଭୂତାଣୁର ସଂକ୍ରମିତ ହୋଇଛନ୍ତି ଏବଂ ପ୍ରାୟ ୨.୪୦ଲକ୍ଷ ଲୋକଙ୍କର ମୃତ୍ୟୁ ହୋଇଛି । ସବୁଠାରୁ ଖରାପ ଅବସ୍ଥା ଆମେରିକାର, ଯେଉଁଠାରେ ଏପର୍ଯ୍ୟନ୍ତ ୬୫ ହଜାର ଲୋକଙ୍କର ମୃତ୍ୟୁ ହୋଇଛି ଏବଂ ୧୧ ଲକ୍ଷରୁ ଅଧିକ ଲୋକ କରୋନା ସଂକ୍ରମିତ ହୋଇଛନ୍ତି।

କରୋନାକୁ ନେଇ ସାରା ବିଶ୍ୱ ଭୟରେ ଥରହର ହେଉଛି । ସାମାଜିକ ଦୂରତାକୁ ବଜାୟ ରଖିବା ପାଇଁ ବିଭିନ୍ନ ଦେଶ ଲକଡାଉନକୁ ଆପଣେଉଛନ୍ତି । ଯାହାଫଳରେ ସମସ୍ତେ ଏବେ ଘରେ ତାଲା ପଡ଼ି ଅଛନ୍ତି । ସାରା ବିଶ୍ୱରେ କରୋନା ଲକ୍ଷାଧିକ ଲୋକଙ୍କର ମୃତ୍ୟୁ ହୋଇଥିବା ବେଳେ, ଲକ୍ଷଲକ୍ଷ ଲୋକ କରୋନାରେ ଆକ୍ରାନ୍ତ ହୋଇଛନ୍ତି । ବିଭିନ୍ନ ଦେଶ ଏଥିରୁ ମୁକୁଳିବା ପାଇଁ ଆଣ୍ଟିଭାଇରସ ତିଆରି କରିବାରେ ଲାଗିଛନ୍ତି । କିନ୍ତୁ ପ୍ରତ୍ୟକଥର ବିଫଳର ସ୍ୱାଦ ଚାଖିବାକୁ ପଡ଼ୁଛି ।

ଏଇ ଭିତରେ କରୋନାକୁ ନେଇ ବଡ ସୂଚନା ମିଳିଛି । ଦି ସେଣ୍ଟର ଫର ଇନଫେକ୍ସନ ଡିଜିଜ ଏବଂ ପଲିସି (ସିଆଇଡିଆର୍‌ଏପି)ର ଚେତାବନୀ । ଆଗାମି ୧୮ ରୁ ୨୪ ମାସ ପର୍ଯ୍ୟନ୍ତ କରୋନା ଭାଇରସ୍ ରୋଗର ପ୍ରଭାବ ସାରା ବିଶ୍ୱରେ ଲାଗିରହିବ । ପ୍ରାୟ ୭୦ ପ୍ରତିଶତ ଜନସଂଖ୍ୟାରେ ପ୍ରତିରୋଧକ ନହେବା ପର୍ଯ୍ୟନ୍ତ ଏହି ବିସ୍ତାର ଜାରି ରହିବ ବୋଲି ଦ ସେଣ୍ଟର ଫର ଇନଫେକ୍ସନ ଡିଜିଜ ଏକ ରିପୋର୍ଟରେ କୁହାଯାଇଛି ।

ସିଆଇଡିଆର୍‌ଏପି ର ରିପୋର୍ଟରେ ଦର୍ଶାଯାଇଛି ଯେ ଏକ ଲମ୍ବା ଇନକ୍ୟୁବେସନର ଅବଧି ଏବଂ ଅଧିକ ପ୍ରଜନନ ସଂଖ୍ୟା ହେତୁ କୋଭିଡ-19 ଫ୍ଲୁ ଅପେକ୍ଷା ଅଧିକ ସହଜରେ ଦେଶ ମଧ୍ୟରେ ବ୍ୟାପିଥାଏ । ଅଧିକ ପ୍ରଜନନ ହେବା ଦ୍ୱାରା କରୋନା ମହାମାରୀ ଶେଷ ହେବା ପୂର୍ବରୁ ଅଧିକ ଲୋକଙ୍କୁ ସଂକ୍ରମିତ କରିବ ଏବଂ ଏହାକୁ ରୋକିବାକୁ ହେଲେ ରୋଗ ପ୍ରତିରୋଧକ ହେବା ଆବଶ୍ୟକ ବୋଲି ରିପୋର୍ଟରେ ଦର୍ଶାଯାଇଛି ।

ରିପୋର୍ଟରେ କୁହାଯାଇଛି ଯେ କୋଭିଡ-19 ମହାମାରୀ, ଯାହା ପ୍ରଥମେ ଡିସେମ୍ବର ୨୦୧୯ ରେ ଚାଇନାରେ ଉତ୍ପନ୍ନ ହୋଇଥିଲା । ୧୦୦ ବର୍ଷରୁ ଅଧିକ ସମୟ ମଧ୍ୟରେ ଏହା ଜନସ୍ୱାସ୍ଥ୍ୟର ସବୁଠାରୁ ଖରାପ ସଙ୍କଟ ପାଲଟିଛି । ଯଦି ଆମେ ଦେଖିବା ମାର୍ଚ୍ଚ ୧୧, ୨୦୨୦ ପର୍ଯ୍ୟନ୍ତ ବିଶ୍ୱ ସ୍ୱାସ୍ଥ୍ୟ ସଂଗଠନ (WHO) ଦ୍ୱାରା ଏହା ମହାମାରୀରେ ଘୋଷିତ ହୋଇନଥିଲା । ରିପୋର୍ଟରେ ଦର୍ଶାଯାଇଛି ଯେ ୧୭୦୦ ଦଶକ ଆରମ୍ଭରୁ ଅତି କମରେ ଆଠଟି ବିଶ୍ୱରେ ମହାମାରୀ ଆସିଛି । ସେଥିମଧ୍ୟରୁ ଚାରିଟି ୧୯୦୦ ଦଶକରେ- ୧୯୧୮-୧୯, ୧୯୫୭, ୧୯୬୮, ଏବଂ ୨୦୦୯-୧୦ ରେ ଆରମ୍ଭ ହୋଇଥିଲା ।

ମହାମାରୀର କରୋନା ଏକ ଟିକାର ଅଭାବ ପାଇଁ ବହୁ ମାତ୍ରାରେ ପ୍ରଭାବିତ ହେଉଛି । ଅବଶ୍ୟ, ୨୦୨୧ ମସିହାରେ ଅନ୍ତତଃ ପକ୍ଷେ କିଛି ଦିନ ପର୍ଯ୍ୟନ୍ତ ଟିକା ଉପଲବ୍ଧ ହେବ ନାହିଁ । ଏବଂ ଟିକା ବିକାଶ ସମୟରେ କେଉଁ ପ୍ରକାରର ପରିସ୍ଥିତିକୁ ସାମ୍ନା କରିବାକୁ ପଡ଼ିବ ତାହା କହିହେବ ନାହିଁ ବୋଲି ସିଆଇଡିଆର୍‌ଏପି ଜଣାଇଛି ।

ତେବେ ଆଗକୁ ସରକାରୀ ଏଜେନ୍ସି ଏବଂ ସ୍ୱାସ୍ଥ୍ୟସେବା ବିତରଣ ସଂସ୍ଥା ସ୍ୱାସ୍ଥ୍ୟସେବା କର୍ମଚାରୀଙ୍କ ପର୍ଯ୍ୟାପ୍ତ ସୁରକ୍ଷା ସୁନିଶ୍ଚିତ କରିବା ପାଇଁ ରଣନୀତି ପ୍ରସ୍ତୁତ କରିବା ଉଚିତ ବୋଲି କହିଛନ୍ତି । ସିଆଇଡିଆର୍‌ଏପି  ନିର୍ଦ୍ଦେଶ ଦେଇଛିଯେ ଅଧିକାରୀମାନେ ଠୋସ୍ ଯୋଜନା ପ୍ରସ୍ତୁତ କରିବା ଆରମ୍ଭ କରନ୍ତୁ । ରିପୋର୍ଟରେ ଆହୁରି ମଧ୍ୟ କୁାଯାଇଛିକି ବିଭିନ୍ନ ଦେଶରେ ଏହା ନିର୍ଦ୍ଦେଶ ରହିବା ଉଚିତ ଯେ ଏହି ମହାମାରୀ ଏବେ କମିବ ନାହିଁ ଏବଂ ଆଗାମି ୨ ବର୍ଷ ପର୍ଯ୍ୟନ୍ତ ଲୋକଙ୍କୁ ସଚେତନ ରହିବାକୁ ପଡ଼ିବ ।

ନୂଆଦିଲ୍ଲୀ: ନିଦ ହଜାଇଛି କରୋନା ମହାମାରୀ । ତିବ୍ର ଗତିରେ ଦେଶରେ ବ୍ୟାପିବାରେ ଲାଗିଛି କରୋନା ଭାଇରସ୍ । ଗତ ୨୪ ଘଣ୍ଟା ମଧ୍ୟରେ ଦେଶରେ ୨,୨୯୩ ଟି କରୋନା ମାମଲା ସାମ୍ନାକୁ ଆସିଛି । ଯାହା ଏପର୍ଯ୍ୟନ୍ତ ଗୋଟିଏ ଦିନରେ ସର୍ବାଧିକ କରୋନା ଚିହ୍ନଟଙ୍କ ସଂଖ୍ୟା ଭାବେ ଧରାଯାଇଛି । ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ମନ୍ତ୍ରଣାଳୟର ସର୍ବଶେଷ ତଥ୍ୟ ଅନୁଯାୟୀ ଗତ ୨୪ଘଣ୍ଟା ମଧ୍ୟରେ କରୋନା ଯୋଗୁଁ ୭୧ ଜଣଙ୍କର ମୃତ୍ୟୁ ହୋଇଛି ।

ଏହା ସହିତ ଦେଶରେ ସମୁଦାୟ କରୋନା ମାମଲା ୩୭୩୩୬କୁ ବୃଦ୍ଧି ପାଇଛି । ଏଥିମଧ୍ୟରେ ୨୬୧୬୭ ସକ୍ରିୟ ମାମଲା ଅନ୍ତର୍ଭୁକ୍ତ ଥିବା ବେଳେ ୯୯୫୦ ଲୋକ ସୁସ୍ଥ ହୋଇଛନ୍ତି ଏବଂ ୧୨୧୮ ଜଣଙ୍କର ମୃତ୍ୟୁ ହୋଇଛି । ଏଥିରେ ମହାରାଷ୍ଟ୍ର ୧ ନମ୍ବର ରହିଛି । ଏହାପୂର୍ବରୁ ଶୁକ୍ରବାର ଦିନ ମହାରାଷ୍ଟ୍ରରେ ୧୦୦୮ ମାମଲା ରୁଜୁ ହୋଇଥିବା ରେକର୍ଡ କରାଯାଇଛି । ଯେଉଁଥିରୁ ୭୪୧ଟି ମାମଲା କେବଳ ମୁମ୍ବାଇର ଥିଲା ।

ଶୁକ୍ରବାର ଦିନ ମହାରାଷ୍ଟ୍ର ପରେ ତାମିଲନାଡୁ ସର୍ବାଧିକ ମାମଲା ସାମ୍ନାକୁ ଆସିଛି । ରାଜ୍ୟରେ ଗୋଟିଏ ଦିନରେ ସର୍ବାଧିକ ୨୦୩ ଜଣଙ୍କ କରୋନା ସଂକ୍ରମିତ ଚିହ୍ନଟ ହୋଇଛି ।  ଗୁଜୁରାଟର ୩୨୬ ଜଣ ଏବଂ ଦିଲ୍ଲୀରେ ୨୨୩ ଜଣଙ୍କଠାରେ ଏହି ସଂକ୍ରମଣ ଚିହ୍ନଟ ହୋଇଛି । କରୋନାରେ ଅଧିକ ସଂଖ୍ୟକ ମୃତ୍ୟୁରେ ମହାରାଷ୍ଟ୍ର ମଧ୍ୟ ଏକ ନମ୍ବର ରହିଛି । ସେଠାରେ ଶୁକ୍ରବାର ଦିନ କରୋନା କାରଣରୁ ୨୬ ଜଣଙ୍କର ମୃତ୍ୟୁ ହୋଇଛି । ବର୍ତ୍ତମାନ ପର୍ଯ୍ୟନ୍ତ ରାଜ୍ୟରେ କରୋନା କାରଣରୁ ୪୮୫ ଲୋକ ପ୍ରାଣ ହରାଇଛନ୍ତି। ଗତକାଲି ଗୁଜୁରାଟରେ ୨୨ଜଣ, ମଧ୍ୟପ୍ରଦେଶରେ ୮ ଜଣ, ରାଜସ୍ଥାନରେ ୪ଜଣ ଏବଂ ଦିଲ୍ଲୀ, ଉତ୍ତରପ୍ରଦେଶ ଏବଂ ଆନ୍ଧ୍ରପ୍ରଦେଶରେ ଦୁଇଜଣଙ୍କର ମୃତ୍ୟୁ ହୋଇଛି । ତାମିଲନାଡୁ ଏବଂ ବିହାରରେ କରୋନା ଯୋଗୁଁ ଜଣେ ବ୍ୟକ୍ତି ପ୍ରାଣ ହରାଇଛନ୍ତି ।

ଏସବୁ ଖବର ମଧ୍ୟରେ ରହିଛି କିଛି ଭଲ ଖବର । ଏବେ ପର୍ଯ୍ୟନ୍ତ ୯୯୫୦ଜଣ କରୋନାକୁ ମାତ୍ ଦେଇଛନ୍ତି ଯାହା ଦେଶରେ କରୋନା ସଂକ୍ରମିତଙ୍କର ୨୬ ପ୍ରତିଶତ ।