ଚଣ୍ଡିଖୋଲ: ଚଣ୍ଡିଖୋଲ ଶ୍ରୀରାମପୁର ଟୋଲଗେଟ୍ ପାଖରୁ ଯୁବକଙ୍କ ମୃତଦେହ ଉଦ୍ଧାର । ହାତଗୋଡ଼ ବନ୍ଧା ଅବସ୍ଥାରେ ମୃତଦେହ ଉଦ୍ଧାର କରିଛି ପୋଲିସ । ମୃତକ ଜଣକ ହେଲେ ଜଗତପୁରର ବଳରାମ ବାରିକ ।
ସେ ପାରାଦୀପରେ ଟ୍ରକ ଡ୍ରାଇଭର ଭାବେ କାର୍ଯ୍ୟ କରୁଥିଲେ । ଦୁର୍ବୃତ୍ତମାନେ ତାଙ୍କ ଟ୍ରକ ଚୋରି କରିନେଇଥିବା ବେଳେ ୨ ଦିନ ହେଲା ନିଖୋଜ ଥିଲେ ବଳରାମ ।
ଦୁର୍ବୃତ୍ତମାନେ ହିଁ ବଳରାମଙ୍କୁ ହତ୍ୟା କରିଥିବା ତାଙ୍କ ବାପା ଅଭିଯୋଗ କରିଛନ୍ତି ।
ପୂର୍ବରୁ ଧର୍ମଶାଳା ଥାନାରେ ବଳରାମଙ୍କ ନିଖୋଜ ନେଇ ଅଭିଯୋଗ ହୋଇଥିଲା ।
ଭୁବନେଶ୍ୱର: ମୁମ୍ବାଇରୁ ଭୁବନେଶ୍ୱର ଆସୁଥିବା ଲୋକମାନ୍ୟ ତିଳକ୍ ଏକ୍ସପ୍ରେସ୍ ଲାଇନଚ୍ୟୁତ ହେବା ଯୋଗୁଁ ଅନେକ ଟ୍ରେନ୍ର ଗତିପଥ ବଦଳିଛି । କଟକ ରେଳଷ୍ଟେସନ୍ ଦେଇ ଯିବାକୁ ଥିବା ୫ଟି ଟ୍ରେନ୍ର ଗତିପଥ ବଦଳା ଯାଇଥିବାର ସୂଚନା ମିଳିଛି ।
ଏହି ଟ୍ରେନ୍ ଗୁଡ଼ିକ କଟକ ପରିବର୍ତ୍ତେ ନରାଜ ବାଟ ଦେଇ ଯାତ୍ରା କରିବେ ବୋଲି ଜଣାଯାଇଛି । ତାଳଚେର-ପୁରୀ ମେମୁ ଟ୍ରେନ୍, ଦୁର୍ଗ-ପୁରୀ ଏକ୍ସପ୍ରେସ୍, ପୁରୀ-ରାଉରକେଲା , ଧାନବାଦ୍- ଭୁବନେଶ୍ୱର ରାଜାରାଣୀ ଏକ୍ସପ୍ରେସ୍ ଏବଂ ଭୁବନେଶ୍ୱର-ମୁମ୍ବାଇ ଲୋକମାନ୍ୟ ତିଳକ ଏକ୍ସପ୍ରେସ୍ ନରାଜ ବାଟ ଦେଇ ଯାତ୍ରା କରିବ । ଘଟଣାର ତଦନ୍ତ ପାଇଁ ଏକ ଯାଞ୍ଚ୍ ଟିମ୍ ଗଠନ ହେଲା ।
ସମସ୍ତ ଦିଗ ଉପରେ ତଦନ୍ତ କରାଯିବ । ଟ୍ରେନର ସ୍ପୀଡ଼ ମିଟର ସିଜ୍ କରାଯାଇଛି । ରେଳବାଇ ପକ୍ଷରୁ ବସ୍ ଯୋଗେ ଘଟଣା ସ୍ଥଳରୁ ଯାତ୍ରୀଙ୍କୁ ଗନ୍ତବ୍ୟ ସ୍ଥଳକୁ ନିଆଯାଇଛି । ଟ୍ରେନ୍ରେ ମୋଟ ୪୫୦ ଯାତ୍ରୀ ଥିଲେ ବୋଲି ସୂଚନା ଦେଲେ ମୁଖ୍ୟ ଲୋକସମ୍ପର୍କ ଅଧିକାରୀ ଜେ.ପି. ମିଶ୍ର ।
ଢେଙ୍କାନାଳ: ଢେଙ୍କାନାଳ ସଦର ରେଞ୍ଜ ନୂଆଗାଁ ଗଉଡ଼ ସାହିରେ ଦେଖିବାକୁ ମିଳିଛି ଗୋଟିକିଆ ଦନ୍ତା ହାତୀ ଆତଙ୍କ । ସକାଳୁ ସକାଳୁ ଦନ୍ତାଟି ଗ୍ରାମ ଭିତରେ ପଶି ବୁଲୁଥିବା ବେଳେ ବର୍ତ୍ତମାନ ଗ୍ରାମ ନିକଟରେ ଥିବା ଏକ ଛୋଟ ଜଙ୍ଗଲ ରେ ଛିଡା ହୋଇ ରହିଛି । ହାତୀଟି କିଛି କୋବି ବାରିରେ ପଶି ମଧ୍ୟ କୋବି ଖାଇ ନଷ୍ଟ କରି ଦେଇଛି । ତେବେ ୩ଦିନ ହେବ ଦନ୍ତାଟି ଏହି ଗ୍ରାମରେ ଆତଙ୍କ ଖେଳାଇ ରଖିଛି । ଗାଁ ଲୋକେ ମଧ୍ୟ ହାତୀର କାର୍ଯ୍ୟକଳାପକୁ ଦେଖି ଡରି ସକାଳୁ ଘନ କୁହୁଡିରେ ପଦାକୁ ବାହାରୁ ନାହାନ୍ତି ।
ତେବେ ଜଣା ପଡିଛି ଏହି ଦନ୍ତାଟି ଏକ ୧୨ଟିକିଆ ହାତୀପଲ ଭିତରୁ କୌଣସି ବସତ ବାହାରି ଅଲଗା ହୋଇ ଯାଇଥିଲା । ସୂଚନା ମୁତାବକ ବନ ବିଭଗ ବର୍ତ୍ତମାନ ହାତୀଟି ଉପରେ ନଜର ରଖିଛି ।
ଚିଲିକା: ଚିଲିକା ମଝିରେ ଫସିଲେ ୩୦ ଜଣ ଯାତ୍ରୀ । ଘନ କୁହୁଡ଼ି ଯୋଗୁଁ ଏଭଳି ଚିଲିକା ମଝିରେ ଫସିଥିବା ସୂଚନା । ଆଜି ସକାଳୁ ସାତପଡ଼ାରୁ ଜହ୍ନିକୁଦାକୁ ଯାଇଥିବା ଏକ ଯାତ୍ରୀବାହୀ ଡ଼ଙ୍ଗା କୁହୁଡ଼ି ଯୋଗୁଁ ଚିଲିକା ମଝିରେ ଫସିରହିଛି ।
ଡ଼ଙ୍ଗାରେ ୩୦ଜଣ ଯାତ୍ରୀଙ୍କ ସମେତ ୧୦ଟି ମୋଟର ସାଇକେଲ ରହିଛି । ଡ଼ଙ୍ଗାଟି ମହିସା ଗାଁ ନିକଟରେ ଚିଲିକା ମଝିରେ କୁହୁଡ଼ି ଯୋଗୁଁ ବାଟବଣା ହୋଇ ଅଟକି ରହିଛି ।
ଭୁବନେଶ୍ୱର: ବିଲ୍ ପଇଠ କରି ନଥିଲେ ଆଜିଠୁ ବିଦ୍ୟୁତ ବିଚ୍ଛିନ୍ନ । ପୂର୍ବରୁ ଦେଇଥିବା ଚେତାବନୀକୁ କାର୍ଯ୍ୟକାରି କରିବ ସେସୁ । ୮ ଲକ୍ଷ ୩୬ ହଜାର ୨୬୯ ଜଣ ଘରୋଇ ଉପଭୋକ୍ତାଙ୍କୁ ବିଦ୍ୟୁତ୍ ବିଚ୍ଛିନ୍ନ ନୋଟିସ ପଠାଯାଇଛି ।
୫୯ ହଜାର ୧୯୦ ବ୍ୟାବସାୟିକ ପ୍ରତିଷ୍ଠାନକୁ ବି ଯାଇଛି ନୋଟିସ୍ । ୫ ହଜାର ୯୬୫ ସରକାରୀ ଉପଭୋକ୍ତ। ଓ ୭୩ ହଜାର ୯୫୬ କୃଷିଶିଳ୍ପକୁ ନୋଟିସ ଜାରି କରାଯାଇଛି । ଗାଁରେ ଯାହାର ବିଲ୍ ବାକି ଥିବ, ସେମାନଙ୍କର ବି ବିଦ୍ୟୁତ୍ ବିଚ୍ଛିନ୍ନ କରିବ ସେସୁ ।
ବ୍ୟାବସାୟିକ ପ୍ରତିଷ୍ଠାନରୁ ଆରମ୍ଭ ହେବ ଏହି ପ୍ରକ୍ରିୟା । ବିଲ୍ ପଇଠ କରି ନଥିବା ବ୍ୟକ୍ତିଙ୍କ ତାଲିକା ପୂର୍ବରୁ ପ୍ରସ୍ତୁତ ହୋଇଛି । ସେସୁ ଅଧୀନ ୯ଟି ଜିଲ୍ଲାରେ ଏଭଳି ବିଚ୍ଛିନ୍ନ କରିବାକୁ ସ୍କ୍ୱାଡ୍ ଗଠନ କରାଯାଇଛି । ଆଜିଠାରୁ ବିଦ୍ୟୁତ ବିଚ୍ଛିନ୍ନ ପ୍ରକିୟା ଆରମ୍ଭ ହୋଇ ଫେବ୍ରୁଆରୀ ୫ ସୁଦ୍ଧା ସରିବ ।
ଆମେ ସାଧାରଣତଃ ଫଳ ମାନଙ୍କ ମଧ୍ୟରୁ ସେଓ ଖାଇବାକୁ ପସନ୍ଦ କରୁ । ସହରର ପ୍ରତ୍ୟକ ବଜାରରେ ଏହା ସହଜରେ ଉପଲବ୍ଧ ମଧ୍ୟ ହୋଇଥାଏ । ଏଥିରେ ଭରପୁର ମାତ୍ରାରେ ପୋଷକ ତତ୍ତ୍ଵ ରହିଥାଏ । ଏହା ସହ ଏଥିରେ ପ୍ରଚୁର ପରିମାଣରେ ଆଣ୍ଟି ଆକ୍ସିଡାଣ୍ଟ, ଫାଇବର ଓ ଅନ୍ୟାନ୍ୟ ଉପକାରୀ ତତ୍ତ୍ଵ ମଧ୍ୟ ରହିଥାଏ । ତେବେ ଆସନ୍ତୁ ଜାଣିବା ସେଓ ଖାଇବା ସମୟରେ କେଉଁ କେଉଁ ସାବଧାନତା ଅବଲମ୍ବନୀୟ ।
୧. ସେଓ ଖାଇବା ପରେ ଭୁଲରେ ମଧ୍ୟ ପାଣି ପିଅନ୍ତୁ ନାହିଁ । ଅତି କମରେ ସେଓ ଖାଇବାର ଏକ ଘଣ୍ଟା ପରେ ପାଣି ପିଇବା ପାଇଁ ଚେଷ୍ଟା କରନ୍ତୁ । ଏପରି ନ କରିବା ଦ୍ୱାରା କଫ ସମସ୍ୟା ଦେଖା ଯାଇଥାଏ ।
୨. କିଛି ଲୋକ ସେଓ ଖାଇବା ପରେ ଖଟା ଜାତୀୟ ଖାଦ୍ୟ ଖାଇଥାନ୍ତି । ସେଓ ଖାଇବା ପରେ ଆଚାର ବା ଅନ୍ୟ ଖଟାଜାତୀୟ ଖାଦ୍ୟ ଖାଇବା ଦ୍ୱାରା ଗ୍ୟାସ୍ ସୃଷ୍ଟି ହୋଇଥାଏ ।
୩.ସେଓ ଖାଇବାର ତୁରନ୍ତ ପରେ ମୂଳା ଖାଆନ୍ତୁ ନାହିଁ । ଏପରି କଲେ ଶରୀରରେ ଧଳା ରଙ୍ଗର ଦାଗ ଦେଖା ଯାଇଥାଏ ।
କଟକ: ଲାଇନଚ୍ୟୁତ ହେଲେ ଏକ୍ସପ୍ରସ୍ । ଘନ କୁହୁଡ଼ି ହୋଇଥିବାରୁ ଏଭଳି ଦୁର୍ଘଟଣା ହୋଇଥିବା ସୂଚନା । କଟକ ନିର୍ଗୁଣ୍ଡି ରେଳ ଷ୍ଟେସନ୍ ଶାଳଗାଁ ନିକଟରେ ଲାଇନଚ୍ୟୁତ ହୋଇଛି ମୁମ୍ବାଇ-ଲୋକମାନ୍ୟ ତିଲକ୍ ଭୁବନେଶ୍ୱର ଏକ୍ସପ୍ରେସ୍ ।
ଆଜି ସକାଳୁ ଘନ କୁହୁଡ଼ି ଯୋଗୁଁ ଏପରି ଦୁର୍ଘଟଣା ଘଟିଥିବା ଆଶଙ୍କା କରାଯାଉଛି। ଟ୍ରେନ୍ର ୮ଟି ବଗି ଲାଇନ୍ଚ୍ୟୁତ୍ ହୋଇଥିବା ବେଳେ କ୍ଷୟକ୍ଷତି ସମ୍ପର୍କରେ ସବିଶେଷ ତଥ୍ୟ ଜଣା ପଡ଼ିନାହିଁ । ତେବେ ଏହି ଦୁର୍ଘଟଣାରେ ବହୁ ଯାତ୍ରୀ ଆହତ ହୋଇଥିବା ଜଣାପଡ଼ିଛି ।
ଆହାତ ମାନଙ୍କୁ ଏସ୍ବିରେ ଭର୍ତ୍ତି କରାଯାଇଥିବା ସୂଚନା ମିଳିଛି । ଟ୍ରେନ୍ ଦୁର୍ଘଟଣା ନେଇ ରେଲୱେକୁ ଖବର ପାଇବା ପରେ ଘଟଣା ସ୍ଥଳରେ ପହଞ୍ଚିଛି । ସ୍ଥାନୀୟ ଲୋକଙ୍କ୍ ଦ୍ୱରା ଉଦ୍ଧାର କାର୍ଯ୍ୟ ଆରମ୍ଭ ହୋଇଯାଇଥିବା ଜଣାଯାଇଛି। ସେପଟେ ପ୍ରତ୍ୟକ ବଗିକୁ ଗୋଟି ଗୋଟି କରି ଜାଞ୍ଚ କରାଯାଉଛି ।
ଯୋଡ଼ା: ଯାତ୍ରୀବାହୀ ବସ୍ ଓଲଟି ୧୦ରୁ ଅଧିକ ଆହତ। ଗତକାଲି ବିଳମ୍ବିତ ରାତିରେ ଚମ୍ପୁଆ ଥାନା ପର୍ଶଳା ନିକଟରେ ଭାରସାମ୍ୟ ହରାଇ ଯାତ୍ରୀବାହୀ ବସ୍ ଓଲଟି ଯାଇଥିଲା । ଦୁର୍ଘଟଣା ପରେ ବସ୍ କର୍ମଚାରୀ ଫେରାର ହୋଇଯାଇଥିଲେ ।
ସ୍ଥାନୀୟ ଲୋକଙ୍କ ସହୟତାରେ ଯାତ୍ରୀଙ୍କୁ ଉଦ୍ଧାର କରାଯାଇଥିଲା । ରିମୁଳି ଥାନା ଅଧିକାରୀ ଓ ୧୦୮ ଆମ୍ବୁଲାନ୍ସ ଘଟଣାସ୍ଥଳରେ ପହଞ୍ଚି ୧୦ରୁ ଅଧିକ ଆହତଙ୍କୁ ଉଦ୍ଧାର କରି ଚମ୍ପୁଆ ଡାକ୍ତରଖାନାରେ ଭର୍ତ୍ତି କରିଥିଲେ । ବସ୍ଟି କୋଇଡାରୁ ଭୁବନେଶ୍ୱର ଯାଉଥିଲା।
ଭୁବନେଶ୍ୱର: ଆଜି ପୁରୀ ଯିବେ ମୁଖ୍ୟମନ୍ତ୍ରୀ । ଦିନିକିଆ ଗସ୍ତ କାର୍ଯ୍ୟକ୍ରମରେ ବିଶ୍ୱଐତିହ୍ୟ ସହର ଭାବେ ପୁରୀକୁ ଗଢିତୋଳିବା ପାଇଁ ଦେଖିଥିବା ସ୍ୱପ୍ନର ଭିତ୍ତିପ୍ରସ୍ତର ସ୍ଥାପନ କରିବେ ନବୀନ । ପୁରୀରେ ପହଞ୍ଚିବା ପରେ ପ୍ରଥମେ ସେ ଶ୍ରୀମନ୍ଦିରରେ ଶ୍ରୀଜିଉଙ୍କୁ ଦର୍ଶନ କରିବେ । ପରେ ମାର୍କେଟ ଛକଠାରେ ଥିବା ମାର୍କେଟ କମ୍ପ୍ଲେକ୍ସରେ ପହଞ୍ଚି ନିର୍ମାଣ ହେବାକୁ ଥିବା ୭ଟି ବଡ଼ ପ୍ରକଳ୍ପର ଶୁଭ ଦେବେ ।
ଅଭଡା ଯୋଜନାରେ ୧୮୧ କୋଟି ବ୍ୟୟ ଅଟକଳରେ ନିର୍ମାଣ ହେବାକୁ ଥିବା ଶ୍ରୀ ସେତୁର ଭିତ୍ତି ପ୍ରସ୍ଥର ସ୍ଥାପନ କରିବେ ନବୀନ । ଏହାସହ ୧୯୦ କୋଟି ବ୍ୟୟ ଅଟକରେ ନିର୍ମାଣ ହେବାକୁ ଥିବା ଶ୍ରୀଜଗନ୍ନାଥବଲ୍ଲଭ ପଲିଗ୍ରିମ ସେଣ୍ଟର, ୯୦ କୋଟିରୁ ଉର୍ଦ୍ଧ ଟଙ୍କାରେ ନିର୍ମାଣ ହେବାକୁ ଥିବା ମଲ୍ଟି ଲେବେଲ କାର ପାର୍କିଂ, ୪୪ କୋଟରୁ ଉର୍ଦ୍ଧଟଙ୍କାରେ ନିର୍ମାଣ ହେବାକୁ ଥିବା ବଡ଼ଦାଣ୍ଡ ମୁନିସିପାଲଟି ମାର୍କେଟର ପୁନରୁଦ୍ଧାର ପାଇଁ ମଧ୍ୟ ଭିତ୍ତିପ୍ରସ୍ଥର ସ୍ଥାପନ କରିବେ ।
ଏହାସହ ୧୨ କୋଟି ଟଙ୍କାର ସୁମୁଦ୍ର କୂଳ ଭେଡିଂଜୋନ୍, ମଙ୍ଗଳାଘାଟରେ ସେଣ୍ଟ୍ରାଲାଇଜଡ୍ କିଚେନ୍ ଓ ସ୍ୱର୍ଗଦ୍ଵାର ଉନ୍ନତିକରଣର ଭିତ୍ତିପ୍ରସ୍ଥର ସ୍ଥାପନ କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ମୁଖ୍ୟମନ୍ତ୍ରୀ ପୁରୀ ଗସ୍ତ ପାଇଁ ଜିଲ୍ଲା ପ୍ରଶାସନ ପକ୍ଷରୁ କଡ଼ା ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି । ଉଦଘାଟନି କାର୍ଯ୍ୟକ୍ରମ ଶେଷ ପରେ ଭୁବନେଶ୍ୱର ଫେରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।
ଆଜି ପବିତ୍ର ମକର ସଂକ୍ରାନ୍ତି । ଆଜିଠୁ ସୂର୍ଯ୍ୟଙ୍କ ଉତ୍ତରାୟଣ ଗତି ଆରମ୍ଭ ହେବ । ଫଳରେ ଦିନ ବଢିବ ରାତି କମିବ । ଏହି ଅବସରରେ ଶ୍ରୀମନ୍ଦିରରେ ଶ୍ରୀଜିଉଙ୍କ ବିଶେଷ ନୀତି ଅନୁଷ୍ଠିତ ହେବ
