ନୂଆଦିଲ୍ଲୀ: ପାକିସ୍ତାନ ଲାଗି ଗୁଇନ୍ଦାଗିରି ସନ୍ଦେହରେ ୮ ରାଜ୍ୟର ୧୫ଟି ସ୍ଥାନରେ ଏନଆଇଏ ରେଡ। ଦିଲ୍ଲୀ, ମୁମ୍ବାଇ, ହରିୟାଣା, ଉତ୍ତରପ୍ରଦେଶ, ରାଜସ୍ଥାନ, ଛତିଶଗଡ଼, ଆସାମ ଏବଂ ପଶ୍ଚିମବଙ୍ଗର ଏକାଧିକ ସ୍ଥାନରେ ଚାଲିଛି ଚଢାଉ। ରେଡରୁ ଅନେକ ଇଲେକ୍ଟୋନିକ୍ସ ସାମଗ୍ରୀ ସହ ଦସ୍ତାବିଜ ଜବତ ହୋଇଛି। ରେଡରୁ NIA ଇଲେକ୍ଟ୍ରୋନିକ୍ ଡିଭାଇସ୍, ସମ୍ବେଦନଶୀଳ ଅର୍ଥ କାରବାର ଡକ୍ୟୁମେଣ୍ଟ୍ ଏବଂ ଅନ୍ୟାନ୍ୟ ଅପରାଧମୂଳକ ସାମଗ୍ରୀ ଜବତ କରିଛି। ଭାରତ ବିରୋଧୀ ଆତଙ୍କବାଦ ଷଡ଼ଯନ୍ତ୍ରକୁ ନେଇ ଚାଲିଛି ଯାଞ୍ଚ। ଜଣେ CRPF କର୍ମଚାରୀଙ୍କ ଦ୍ୱାରା ପାକିସ୍ତାନୀ ଗୁଇନ୍ଦା ଅଧିକାରୀଙ୍କ ସହିତ ଗୋପନୀୟ ସୂଚନା ବାଣ୍ଟିବା ଅଭିଯୋଗକୁ ନେଇ ଖୋଳତାଡ଼ କରୁଛି ଏନଆଇଏ। ସିଆରପିଏଫ ଯବାନ ମୋତିରାମ ଜାଟଙ୍କୁ ପୂର୍ବରୁ ଚାକିରିରୁ ବହିଷ୍କାର କରାଯାଇଥିବାବେଳେ ହେପାଜତକୁ ନେଇ ପଚରାଉଚରା କରୁଛି ଏନଆଇଏ। ପାକିସ୍ତାନୀ ଏଜେଣ୍ଟ ଠାରୁ ମାସିକ ୩ ଲକ୍ଷରୁ ଅଧିକ ଟଙ୍କା ପାଉଥିଲେ ଏହି ଯବାନ। ୨୦୨୩ ମସିହାରୁ ପାକିସ୍ତାନୀ ଗୁଇନ୍ଦା ଅଧିକାରୀମାନଙ୍କୁ ସମ୍ବେଦନଶୀଳ ସୂଚନା ପ୍ରଦାନ କରୁଥିବା ଅଭିଯୋଗ ହୋଇଛି।…

ନୂଆଦିଲ୍ଲୀ: ବର୍ଷା ଓ ବନ୍ୟାରେ ଭାସୁଛି ଦେଶର ଉତ୍ତର ପୂର୍ବାଞ୍ଚଳ । ୩୨ରୁ ଅଧିକ ଲୋକଙ୍କ ମୃତ୍ୟୁ ହେଲାଣି । ଲକ୍ଷାଧିକ ଲୋକ ପ୍ରଭାବିତ ହୋଇଥିବା ବେଳେ ହଜାର ହଜାର ଲୋକ ବାସହରା ହୋଇଛନ୍ତି। ଆସାମ, ଅରୁଣାଚଳ ପ୍ରଦେଶ, ମଣିପୁର, ମିଜୋରମ ସବୁଠି ପ୍ରବଳ ବର୍ଷା ଓ ବନ୍ୟା। ଗାଁରୁ ସହର ସବୁ ଯେମିତି ଭାସୁଛି। ଆସାମର ଦିବ୍ରୁଗଡ଼, ଗୁଆହାଟୀ ସହରରେ ପ୍ରବେଶ କରିଛି ବ୍ରହ୍ମପୁତ୍ର ନଦୀର ପାଣି। ଲୋକେ ନାହିଁ ନ ଥିବା ଅସୁବିଧାର ସମ୍ମୁଖୀନ ହୋଇଛନ୍ତି। ମଣିପୁରରେ ମଧ୍ୟ ସମାନ ସ୍ଥିତି। କିଛି ଦିନ ହେଲାଣି ଉତ୍ତର ପୂର୍ବାଞ୍ଚଳରେ ଜାରି ରହିଛି ମୂଷଳଧାରା ବର୍ଷା। ଆହୁରି ବର୍ଷା ହେବାର ସମ୍ଭାବନା ଥିବାରୁ କର୍ତ୍ତୃପକ୍ଷ ସମଗ୍ର ଅଞ୍ଚଳରେ ସତର୍କତା ଜାରି କରିଛନ୍ତି। ସିକିମରେ ପ୍ରବଳ ବର୍ଷାରେ ଏକ ପୋଲ ଧୋଇ ଯାଇଛି। ମଣିପୁରରେ ତିନି ଦିନ ଧରି ଲଗାଣ ବର୍ଷା ଯୋଗୁଁ ରାଜଧାନୀ ଇମ୍ଫାଲରେ ଦୈନନ୍ଦିନ ଜୀବନ ଠପ୍ ହୋଇଯାଇଛି। ସହରର ବିଭିନ୍ନ ସ୍ଥାନରୁ ଜଳବନ୍ଦୀ ହୋଇଥିବା ଖବର ମିଳିଛି, ଯାହା ଫଳରେ କର୍ତ୍ତୃପକ୍ଷ ବନ୍ୟା ଚେତାବନୀ ଜାରି କରିଛନ୍ତି ଏବଂ ଇମ୍ଫାଲ ନଦୀର ବନ୍ୟା କୂଳରେ ରହୁଥିବା ବାସିନ୍ଦାଙ୍କୁ ସ୍ଥାନାନ୍ତର କରିବାକୁ ଅନୁରୋଧ କରିଛନ୍ତି। ଅବିରତ ବର୍ଷା ଯୋଗୁଁ ଭୂସ୍ଖଳନ ହେବାରୁ ସିକିମର ପ୍ରମୁଖ ରାସ୍ତା ଅବରୋଧ ହୋଇଛି। ତେଣୁ ବିଭିନ୍ନ ସ୍ଥାନରେ ଫସି ରହିଛନ୍ତି ୧୫୦୦ ପର୍ଯ୍ୟଟକ। ମାଙ୍ଗାନ ଜିଲ୍ଲାରେ ଏକ ଗାଡ଼ି ତିସ୍ତା ନଦୀକୁ ଖସି ପଡ଼ିବାରୁ ୮ ଜଣ ନିଖୋଜ ଅଛନ୍ତି। ସେମାନଙ୍କୁ ଖୋଜାଖୋଜି ଚାଲିଛି। ସେମାନଙ୍କ ମଧ୍ୟରେ କିଛି ଓଡ଼ିଆ ବି ଅଛନ୍ତି। କିନ୍ତୁ ତିସ୍ତା ନଦୀର ଜଳସ୍ତର ଅଧିକ ଥିବାରୁ ଅପରେସନରେ ବାଧା ଉପୁଜିଛି। ଆସାମରେ, ବନ୍ୟା ଏବଂ ଭୂସ୍ଖଳନର ମୋଟ ୧୭ଟି ଜିଲ୍ଲା ପ୍ରଭାବିତ ହୋଇଛି ଏବଂ ଲକ୍ଷାଧିକ ଲୋକ ପ୍ରଭାବିତ ହୋଇଛନ୍ତି। ଲୋକଙ୍କୁ ରିଲିଫ କ୍ୟାମ୍ପରେ ରଖାଯାଇଛି। ପ୍ରଭାବିତ ଆସାମରେ ରିଲିଫ୍ ଏବଂ ଉଦ୍ଧାର କାର୍ଯ୍ୟ ଜୋରଦାର ହୋଇଛି। NDRF, SDRF, ପୋଲିସ ଏବଂ ଅଗ୍ନିଶମ ସେବା ଟିମ୍ ଲୋକଙ୍କୁ ଉଦ୍ଧାର କରିଛନ୍ତି। ପ୍ରବଳ ବର୍ଷା ପବନ ଯୋଗୁଁ ଗୁଆହାଟୀର ବିମାନ ଚଳାଚଳ ବି ପ୍ରଭାବିତ ହୋଇଥିଲା। …

ନୂଆଦିଲ୍ଲୀ: ଗୋଟିଏ ସପ୍ତାହ ମଧ୍ୟରେ ଭାରତରେ କୋଭିଡ କେସ୍ ୧୨୦୦ % ରୁ ଅଧିକ ବୃଦ୍ଧି ପାଇଛି। ଏହି ବୃଦ୍ଧିର କାରଣ କ’ଣ ? ଏବେ ଦେଶରେ ଆକ୍ରାନ୍ତଙ୍କ ସଂଖ୍ୟା ୩ ହଜାର ୭୫୮ ଥିବା ବେଳେ ଦିନକରେ ଆକ୍ରାନ୍ତଙ୍କ ସଂଖ୍ୟା ୩୬୩ ବୃଦ୍ଧି ପାଇଛି। କେରଳ, ମହାରାଷ୍ଟ୍ର ଏବଂ ଦିଲ୍ଲୀ ସଦ୍ୟତମ ଲହରରେ ସବୁଠାରୁ ଅଧିକ ପ୍ରଭାବିତ ରାଜ୍ୟ। କେରଳରେ ଆକ୍ରାନ୍ତଙ୍କ ସଂଖ୍ୟା ୧୪୦୦ ହୋଇଥିବା ବେଳେ, ମହାରାଷ୍ଟ୍ରରେ ୪୮୫,

ତଥ୍ୟ ଅନୁଯାୟୀ ସବୁଠାରୁ ଅଧିକ ପ୍ରଭାବିତ ରାଜ୍ୟ କେରଳରେ ୧୮୯ ଜଣ ନୂତନ କୋଭିଡ୍ ମାମଲା ରିପୋର୍ଟ ହୋଇଛି ଏବଂ ଏଠାରେ ୧,୩୩୬ ଜଣ ସକ୍ରିୟ ସଂକ୍ରମଣ ଅଛନ୍ତି। ଏହା ପରେ ମହାରାଷ୍ଟ୍ରରେ ୪୬୭, ଦିଲ୍ଲୀରେ ୩୭୫, ଗୁଜରାଟରେ ୨୬୫, କର୍ଣ୍ଣାଟକରେ ୨୩୪, ପଶ୍ଚିମବଙ୍ଗରେ ୨୦୫, ତାମିଲନାଡୁରେ ୧୮୫, ଉତ୍ତର ପ୍ରଦେଶରେ ୧୧୭ ଆକ୍ରାନ୍ତ ଚିହ୍ନଟ ହୋଇଛନ୍ତି।
ଇଣ୍ଡିଆନ୍ କାଉନସିଲ୍ ଅଫ୍ ମେଡିକାଲ୍ ରିସର୍ଚ୍ଚ (ICMR) କହିଛି ଯେ ପଶ୍ଚିମ ଏବଂ ଦକ୍ଷିଣରେ ନମୁନାଗୁଡ଼ିକର ଜିନୋମ୍ ସିକୋଇନ୍ସିଂରୁ ଜଣାପଡିଛି ଯେ ନୂତନ ଭାରିଆଣ୍ଟ ଓମିକ୍ରନର ସବ୍ – ଭାରିଆଣ୍ଟ। ଏହି ଷ୍ଟ୍ରେନ 2022 ରେ ଭାରତରେ ବଡ଼ ଲହରର କାରଣ ହୋଇଥିଲା। ଏହି ଭାରିଆଣ୍ଟଗୁଡ଼ିକ ହେଲା LF.7, XFG, JN.1 ଏବଂ NB.1.8.1 ।
ତେବେ ବିଶେଷଜ୍ଞ କହିଛନ୍ତି, ବର୍ତ୍ତମାନ ସଂକ୍ରମଣ ଏତେ ଗମ୍ଭୀର ନୁହେଁ। ଚିନ୍ତାର କୌଣସି କାରଣ ନାହିଁ। ନୂଆ ଭାରିଆଣ୍ଟ ଆମର ପୂର୍ବ ରୋଗ୍ ପ୍ରତିରୋଧକ ଶକ୍ତିକୁ ପରାସ୍ତ କରିପାରୁ ନାହାନ୍ତି, ତେଣୁ ଚିନ୍ତିତ ହେବା ଅନୁଚିତ। …

କୋଲକାତା: କୋଲକାତା ପୋଲିସ ଦ୍ବାରା ସୋସିଆଲ ମିଡିଆ ସେନସେସନ ଶର୍ମିଷ୍ଠା ପାନୋଲିଙ୍କୁ ଗିରଫ କରାଯିବା ପରେ ରାଜନୈତିକ ମହଲରେ ହଇଚଇ ସୃଷ୍ଟି ହୋଇଛି । ଏ ନେଇ ବିଜେପି ପଶ୍ଚିମବଙ୍ଗ ସରକାରଙ୍କୁ ଟାର୍ଗେଟ କରିଛି । ବିରୋଧୀ ଦଳ ନେତା ଶୁଭେନ୍ଦୁ ଅଧିକାରୀ ଏବଂ ଉପମୁଖ୍ୟମନ୍ତ୍ରୀ ପବନ କଲ୍ୟାଣ ଶର୍ମିଷ୍ଠା ପାନୋଲିଙ୍କ ଗିରଫଦାରୀକୁ ଭୁଲ ବୋଲି କହିଛନ୍ତି । ଏହା ସହ ସେ ଏ କିଛି ନିର୍ଦ୍ଧିଷ୍ଟ ବର୍ଗଙ୍କୁ ଖୁସି କରିବାକୁ ଏପରି କରିଛନ୍ତି ବୋଲି କହିଛନ୍ତି ।

ଆଇନ ଛାତ୍ରୀ ଶର୍ମିଷ୍ଠା ଅପରେସନ ସିନ୍ଦୂର ବେଳେ ଏପରି କଥା କହିଥିଲେ ଯେ, କିଛି ଲୋକଙ୍କ ପାଇଁ ଦୁଃଖଦ ଏବଂ ଆଘାତଦାୟକ ଥିଲା । ସେ ନିଜର ଭୁଲ ସ୍ବୀକାର କରି ଭିଡିଓ ଡିଲିଟ କରିଦେଇଛନ୍ତି । ତଥାପି ପୋଲିସ ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିଛି ।

ସେ ଆହୁରି କହିଛନ୍ତି ଯେ, ଟିଏମସି ନେତା, ସାଂସଦ ଧର୍ମକୁ ମଜା କରନ୍ତି । ଆମ ଧର୍ମକୁ ଖରାପ ଧର୍ମ ବୋଲି କୁହାଯାଏ । ସେତେବେଳେ ତ ସେମାନେ ଭୁଲ ମାଗନ୍ତିନାହିଁ । ତାଙ୍କର ତ ଗିରଫଦାରି ହୁଏନି ।

ଏ ନେଇ ପବନ କଲ୍ୟାଣ କହିଥିଲେ ଯେ, ଇଶ୍ବରଙ୍କୁ ନିନ୍ଦା କରୁଥିବା ଲୋକଙ୍କୁ ସବୁବେଳେ ନିନ୍ଦା କରାଯିବା ଉଚିତ । ପଶ୍ଚିମବଙ୍ଗ ପୋଲିସ ଯାହା କରୁଛି ଦେଶ ଦେଖୁଛି । ସମସ୍ତଙ୍କ ପ୍ରତି ନ୍ୟାୟ କରିବା ଉଚିତ । ମୁଁ ଶର୍ମିଷ୍ଠାଙ୍କ ସହ ଠିଆ ହୋଇଛି ।

ନନ୍ଦିଘୋଷ ବ୍ୟୁରୋ: ବଢ଼ିପାରେ ପିଆଜ ଦର । ଦକ୍ଷିଣ ଏବଂ ମଧ୍ୟ ଭାରତରେ ପ୍ରବଳ ବର୍ଷା ଯୋଗୁ ପିଆଜ ଫସଲ ନଷ୍ଟ ହୋଇଛି । ଏଥିରେ ଚାଷୀଙ୍କର କୋଟି କୋଟି ଟଙ୍କା ନଷ୍ଟ ହୋଇଥିବାରୁ ବଜାରରେ ପିଆଜର ଅଭାବ ଦେଖାଦେଇପାରେ । ଏତେ ବର୍ଷା ହୋଇଛି ଯେ, ଚାଷୀମନେ ଏକର ପିଛା ଏକ ଲକ୍ଷ ଟଙ୍କା କ୍ଷତିପୂରଣ ଦାବି କରିଛନ୍ତି । ତେବେ ଏତେ କ୍ଷତି ଭିତରେ ଆଗାମୀ ଦିନରେ ପିଆଜ ଦର ବଢ଼ିବ ନା ନାହିଁ ଯଦି ବଢ଼ିବ କେତେ ବଢ଼ିବ ତାକୁ ନେଇ ଆଶଙ୍କା ସୃଷ୍ଟି ହୋଇଛି ।

ଚଳିତ ବର୍ଷ ମହାରାଷ୍ଟ୍ରରେ ପ୍ରବଳ ବର୍ଷା ହୋଇଛି । ଏଥିରେ ଜଲଗାଓଁ, ଧୁଲେ, ନାଶିକ, ଅହଲୀନଗର, ପୁଣେ, ସୋଲାପୁର, ବିଡ ଇତ୍ୟାଦି ଅଞ୍ଚଳରେ ପିଆଦ ଉତ୍ପାଦନ ବାଧାପ୍ରାପ୍ତ ହୋଇଛି ।

ଅମଳ ହୋଇ ସଂରକ୍ଷଣ ପାଇଁ ରହିଥିବା ପିଆଜ ମଧ୍ୟ ନଷ୍ଟ ହୋଇଯାଇଛି । କମ୍ ମୂଲ୍ୟରେ ଚାଷୀମାନେ ଫସଲ ବିକିବାକୁ ବାଧ୍ୟ ହେଉଛନ୍ତି । କ୍ଷେତରେ ହଜାର ହଜାର ଟନ୍ ପିଆଜ ପଚି ଯାଇଛି । ଯାହା ଫଳରେ ଚାଷୀ କୋଟି କୋଟି ଟଙ୍କାର କ୍ଷତି ସହିଛି ।

ତେବେ ଏହି ସବୁ କାରଣ ଯୋଗୁ ପିଆଜ ଦର ବୃଦ୍ଧି ହେବ ବୋଲି ଆଶଙ୍କା କରାଯାଉଛି । ପୂର୍ବ ବର୍ଷ ଗୁଡ଼ିକରେ ବର୍ଷା ଯୋଗୁ ଫସଲ ନଷ୍ଟ ହେବା ଫଳରେ ଦର ବଢ଼ିବାକୁ ଲାଗିଥିଲା ।