ବାଲିଗୁଡ଼ା: ବାଲିଗୁଡ଼ାରେ ୧୬ କୋଟି ଟଙ୍କାର ବେଆଇନ ଗଞ୍ଜେଇ ଚାଷ ନଷ୍ଟ । ପ୍ରାୟ ୧ଲକ୍ଷ ୬୦ ହଜାର ଗଛକୁ ଚଢ଼ାଉ ବେଳେ ନଷ୍ଟ କରିଦିଆଯାଇଛି । ପୋଲିସ, ବନ ଓ ଅବକାରୀ ବିଭାଗ ପକ୍ଷରୁ ମିଳିତ ଚଢ଼ାଉ କରାଯାଇଥିଲା ।
କନ୍ଧମାଳ ବାଲିଗୁଡ଼ା ଥାନା ମିଡ଼ିଆକିଆ ଓ ଜକିକିଆ ଅଞ୍ଚଳର ୧୬୦ଏକର ଜମିରେ ଏହି ବେଆଇନ ଗଞ୍ଜେଇ ଚାଷ ହେଉଥିଲା ।
ଭୁବନେଶ୍ୱର: ଆଜି ପବିତ୍ର ଶାମ୍ବଦଶମୀ । ଘରେ ଘରେ ସୂର୍ଯ୍ୟ ପୂଜା ସହ ଜମିବ ପିଠା ପଣାର ଆସର । ଏପଟେ ଚନ୍ଦ୍ରଭାଗାରେ ସୂର୍ଯ୍ୟୋଦୟ ଦର୍ଶନ କରିଛନ୍ତି ହଜାର ହଜାର ଶ୍ରଦ୍ଧାଳୁ ।
ଏଥିସହ ସ୍ୱତନ୍ତ୍ର ନୀତି ପରେ ସୂର୍ଯ୍ୟ ରଥଯାତ୍ରା ଅନୁଷ୍ଠିତ ହେବ । ସକାଳୁ ହୋମ ସ୍ୱତନ୍ତ୍ର ନୀତି ପରେ ରଥରେ କଳସ ସ୍ଥାପନ ସହ ସୂର୍ଯ୍ୟ ବିଗ୍ରହଙ୍କୁ ରଥାରୁଢ଼ କରାଯିବ । ରଥ ଉପରେ କାକରା, ୧୦୮ ବରା ଓ ପୋଡ଼ ପିଠା ଲାଗି ହେବ ।
ଏହାପରେ ଶତାଧିକ ଶ୍ରଦ୍ଧାଳୁ ଆନନ୍ଦ ଉଲ୍ଲାସର ସହ ରଥ ଟାଣିବେ । ଏହି ରଥ ୨୭ ଦିନ ପର୍ଯ୍ୟନ୍ତ ଚନ୍ଦ୍ରଭାଗାରେ ରହିବ ।
ମାଘ ସପ୍ତମୀରେ ବାହୁଡା ଅନୁଷ୍ଠିତ ହେବ । ପୌରାଣିକ ମତ ଅନୁସାରେ ଦ୍ଵାପର ଯୁଗରେ କୃଷ୍ଣଙ୍କ ପୁଅ ଶାମ୍ବ କୁଷ୍ଠ ରୋଗରୁ ମୁକ୍ତ ହେବା ପାଇଁ ସୂର୍ଯ୍ୟଙ୍କ ଉପାସନା କରିଥିଲେ । ପରେ ସେ ବ୍ୟାଧି ମୁକ୍ତ ହୋଇଥିଲେ । ଶାକଲ୍ୟ ଦ୍ୱୀପରୁ ବ୍ରାହ୍ମଣଙ୍କୁ ଆଣି ବିଗ୍ରହ ପୂଜା କରି ସୂର୍ଯ୍ୟ ରଥ ଯାତ୍ରା ଆରମ୍ଭ କରିଥିଲେ ।
ଭୁବନେଶ୍ୱର: ପାଗରେ ଆସିବ ସୁଧାର । ବର୍ଷାରୁ ମିଳିବ ତ୍ରାହି । ୨ ଦିନ ହେଲା ସାରା ରାଜ୍ୟରେ ଅଦିନିଆ ବର୍ଷା ଲାଗି ରହିଥିବା ବେଳେ ଏବେ ଆଶ୍ୱସ୍ତି ମିଳିବାକୁ ଯାଉଛି । ଆଜିଠୁ ପାଗରେ ପରିବର୍ତ୍ତନ ଆସିବ । ତେବେ, ବର୍ଷା ଛାଡ଼ିବା ପରେ ପୁଣି ହାଡ଼ଭଙ୍ଗା ଶୀତ ଫେରିବ ବୋଲି ଭୁବନେଶ୍ୱର ପାଣିପାଗ କେନ୍ଦ୍ର ପୂର୍ବାନୁମାନ କରିଛି ।
୩ ଦିନ ପର୍ଯ୍ୟନ୍ତ ଆଭ୍ୟନ୍ତରୀଣ ଓଡ଼ିଶାରେ ଦେଖାଦେବ ଘନ କୁହୁଡ଼ି । ଶୀତଋତୁରେ ୨ ଦିନ ଧରି ବର୍ଷା ଯୋଗୁଁ ଜନଜୀବନ ଅସ୍ତବ୍ୟସ୍ତ ହୋଇ ପଡ଼ିଥିଲା । ତାଳଚେରରେ ସର୍ବାଧିକ ୫୮ ମିଲିମିଟର, ବାଲେଶ୍ୱରରେ ୨୨, କେନ୍ଦୁଝରରେ ୧୫ ଓ ଭୁବନେଶ୍ୱରରେ ୧୨ମିଲିମିଟର ବର୍ଷା ହୋଇଛି ।
ଆସନ୍ତା ୬ ତାରିଖଠାରୁ ରାଜ୍ୟର ଉପାନ୍ତରୁ ଉପକୂଳ, ସବୁଠି ଶୀତ ଅନୁଭୂତ ହେବ । ସାରା ଓଡ଼ିଶାକୁ ଥରାଇବ ହାଡ଼ଭଙ୍ଗା ଶୀତ । ତାପମାତ୍ରା ୩ରୁ ୪ ଡିଗ୍ରୀ ଯାଏଁ ତାପମାତ୍ରା ହ୍ରାସ ପାଇବ । କୋହଲା ପାଗ ସାଙ୍ଗକୁ ଥଣ୍ଡା ପବନ ବହିବ ବୋଲି ଭୁବନେଶ୍ୱର ପାଣିପାଗ କେନ୍ଦ୍ର ପକ୍ଷରୁ ପୂର୍ବାନୁମାନ କରାଯାଇଛି ।
ଅନୁଗୁଳ: ପୁଣି ଦନ୍ତା ହାତୀର ମୃତ୍ୟୁ । ପୁରୁଣାଗଡ଼ ରେଞ୍ଜ ପୁପୁଣ୍ଡା ଜଙ୍ଗଲରୁ ଦନ୍ତାର ମୃତଦେହ ଠାବ । ମୃତ୍ୟୁର କାରଣ ଅସ୍ପଷ୍ଟ, ଘଟଣାସ୍ଥଳରେ ବନ ବିଭାଗର ତଦନ୍ତ ।
ଗୁଆହାଟି: ଆଜି ଭାରତ ଶ୍ରୀଲଙ୍କା ପ୍ରଥମ ଟି-୨୦ ମ୍ୟାଚ । ୨୦୨୦ ବର୍ଷର ପ୍ରଥମ ଟି-୨୦ ମ୍ୟାଚ ଜିତିବା ଲକ୍ଷ୍ୟ ନେଇ ପଡ଼ିଆକୁ ଓହ୍ଲାଇବ ଟିମ ଇଣ୍ଡିଆ । ଆସାମର ଗୁଆହାଟିରେ ଥିବା ବରସାପରା ଷ୍ଟାଡିୟମରେ ଭାରତ-ଶ୍ରୀଲଙ୍କା ମଧ୍ୟରେ ୩ ମ୍ୟାଚ ବିଶିଷ୍ଟ ଟି-୨୦ ସିରିଜର ପ୍ରଥମ ମ୍ୟାଚ ଖେଳାଯିବ ।
ଆହତରୁ ଦଳକୁ କମବ୍ୟାକ କରିଛନ୍ତି ଦ୍ରୁତ ବୋଲର ଯଶପ୍ରୀତ ବୁମରା ଏବଂ ଓପନର ଶିଖର ଧୱନ । ତେବେ ଆଜିର ମ୍ୟାଚରେ ରୋହିତ ଶର୍ମା ଖେଳୁନଥିବାରୁ ଧୱନ ଇନିଂସ ଓପନ କରିପାରନ୍ତି । ସେପଟେ ଆହତ କାରଣରୁ ଭୁବନେଶ୍ୱର କୁମାର ଓ ଦୀପକ ଚହର ଦଳରୁ ବାଦ୍ ପଡ଼ିଛନ୍ତି ।
ସେହିପରି ମହମଦ ସାମିଙ୍କୁ ମଧ୍ୟ ବିଶ୍ରାମ ଦିଆଯାଇଛି । ଅନ୍ୟପକ୍ଷେ ଶ୍ରୀଲଙ୍କା ବିଜୟରୁ ତାର ୨୦୨୦ ଟି-୨୦ ଅଭିଯାନ ଆରମ୍ଭ କରିବାକୁ ଲକ୍ଷ୍ୟ ରଖିଛି । ସେହିପରି ଲସିତ ମାଲିଙ୍ଗାଙ୍କ ସହ ଆଞ୍ଜେଲା ମାଥ୍ୟୁସଙ୍କ ଭଳି ବରିଷ୍ଠ ଖେଳାଳି ଥିବାରୁ ଦଳ ଭଲ ପ୍ରଦର୍ଶନ ନେଇ ଆଶାବାଦୀ ରହିଛି ।
ନୂଆଦିଲ୍ଲୀ: ଘନେଇବାରେ ଲାଗିଛି ଆମେରିକା-ଇରାନ୍ ମଧ୍ୟରେ ବିବାଦ । ବାଗଦାଦରେ ଥିବା ଆମେରିକା ଦୂତାବାସ ଓ ବଲ୍ଲାଦ ସେନା କ୍ୟାମ୍ପ ଉପରେ ଇରାନର ରକେଟ୍ ମାଡ଼ ପରେ ଉତ୍ତେଜନା ଚରମ ସୀମାରେ ପହଞ୍ଚିଛି । ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଇରାନକୁ କଡ଼ା ଚେତାବନୀ ଦେଇଛନ୍ତି । ଆମେରିକୀୟ ସେନା ଇରାନର ୫୨ଟି ଠିକଣାକୁ ଚିହ୍ନଟ କରିନେଇଛି । ଇରାନ କୌଣସି ଆମେରିକୀୟ ସମ୍ପତ୍ତି କିମ୍ବା ଆମେରିକୀୟ ନାଗରିକଙ୍କ ଉଫରେ ଆକ୍ରମଣ କରେ ତେବେ, ପରିଣାମ ବହୁତ ବିଧ୍ୱଂସକ ହେବ ବୋଲି ଟ୍ରମ୍ପ କହିଛନ୍ତି ।
….targeted 52 Iranian sites (representing the 52 American hostages taken by Iran many years ago), some at a very high level & important to Iran & the Iranian culture, and those targets, and Iran itself, WILL BE HIT VERY FAST AND VERY HARD. The USA wants no more threats!
— Donald J. Trump (@realDonaldTrump) January 4, 2020
ଇରାକରେ ଆମେରିକୀୟ ଦୂତାବାସ ଓ ବଲ୍ଲାଦ ସେନା କ୍ୟାମ୍ପରେ ରକେଟ୍ ଆକ୍ରମଣ ପରେ ଟ୍ରମ୍ପ ଏଭଳି କଡ଼ା ଚେତାବନୀ ଦେଇଛନ୍ତି । ଇରାନର ଟପ୍ ନେତା କାସିମ ସୁଲେମାନିକୁ ଆମେରିକା ଏୟାର ଷ୍ଟ୍ରାଇକ୍ କରି ମାରିବା ପରେ ୨ ଦେଶ ମଧ୍ୟରେ ଉତ୍ତେଜନା ଲାଗି ରହିଛି ।
Under President @realDonaldTrump, America's policy is unambigious toward terrorists who harm or plan to harm any American. pic.twitter.com/4rYsj2ZxSF
— The White House 45 Archived (@WhiteHouse45) January 4, 2020
ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ କହିଛନ୍ତି, କାସିମ ସୁଲେମାନିକୁ ନିହତ କରି ଆମେରିକା ଦୁନିଆକୁ ଆତଙ୍କୀ ନେତାଠାରୁ ମୁକ୍ତି ଦେଇଛି । ସୁଲେମାନି ଆମେରିକୀୟଙ୍କ ସମେତ ଇରାନୀୟଙ୍କୁ ହତ୍ୟା କରୁଥିଲା । ଆତଙ୍କବାଦକୁ ନେଇ ଆମେରିକାର ନୀତି ସ୍ପଷ୍ଟ । ଯେ କେହିବି ଆମେରିକାର କ୍ଷତି କରିବାକୁ ଭାବିବ । ଆମେ ତାକୁ ଶେଷ କରିଦେବୁ ବୋଲି ଟ୍ରମ୍ପ ଧମକ ଦେଇଛନ୍ତି ।
ଇରାନ ଜେନେରାଲ କାସେମ ସୋଲେମାନିଙ୍କୁ ହତ୍ୟା କରିବାକୁ ଡୋନାଲ୍ଡ ଟ୍ରମ୍ଫ ଦେଇଥିଲେ ନିର୍ଦ୍ଦେଶ !
ବାଲେଶ୍ୱର: ଧାନକୁଟା ମେସିନ୍ ଓଲଟି ୨ ମୃତ । ଧାନକୁଟି ସାରି ଟ୍ରାକ୍ଟରରେ ମେସିନ୍ ଆଣୁଥିବା ବେଳେ ୨ ଜଣଙ୍କ ଉପରେ ଖସିପଡ଼ିଲା ମେସିନ୍ । ମୃତକ ଗୋପାଳ ଟୁଡୁ ଓ ମାବ୍ରା ହାସଦା । ରାଇବଣିଆ ଥାନା ଖୁଆଡ଼ ଗାଁର ଘଟଣା ।
ଭଦ୍ରକ: ବ୍ଲକ ଅଫିସ୍ ଓ ଥାନାଠାରୁ ମାତ୍ର ୨୦୦ ମିଟର ବ୍ୟବଧାନରେ ଚାଲିଛି ବେଆଇନ୍ କାରବାର । ସରକାରୀ ଗୋଦାମ ଗୃହ ଥିବା ସତ୍ତ୍ୱେ ବ୍ୟକ୍ତିଗତ ଘରେ ଗଚ୍ଛିତ ରହୁଛି ସରକାରୀ ଚାଉଳ । ଏନେଇ ଅଭିଯୋଗ ପରେ ତିହିଡ଼ି ତହସିଲଦାର ଓ ଯୋଗାଣ ବିଭାଗ ଚଢ଼ାଉ କରିଛନ୍ତି । ଚଢ଼ାଉ ବେଳେ ବିପୁଳ ପରିମାଣର ସରକାରୀ ଚାଉଳ ଜବତ ହୋଇଛି ।
ପ୍ରଶାସନ ଚଢ଼ାଉ କରି ଘର ଆଗରେ ୨ଟି ଟ୍ରକରେ ଲୋଡ ହୋଇଥିବା ୩୪୦ ବସ୍ତା ଚାଉଳ ଜବତ କରିଥିଲା । ପରେ ଚାଉଳ ଗଛିତ ହୋଇ ରହୁଥିବା ଘରକୁ ଯାଞ୍ଚ କରିଥିଲା । ଘର ଭିତରୁ ୫୦୦ରୁ ଊର୍ଦ୍ଧ୍ୱ ବସ୍ତା ଚାଉଳ ଜବତ କରାଯାଇଛି । ବ୍ୟକ୍ତିଗତ ଘରେ ଗଚ୍ଛିତ ଚାଉଳ ଅଙ୍ଗନୱାଡ଼ିର ହୋଇଥିବା ଜଣାପଡ଼ିଛି ।
ପରେ ଜିଲ୍ଲା ସମାଜ ମଙ୍ଗଳ ଅଧିକାରୀ ଓ ସିଡିପିଓ ପହଞ୍ଚି ଚାଉଳ ଗଛିତ ଥିବା ଘରକୁ ସିଲ୍ କରିଛନ୍ତି । ଚାଉଳ ଲୋଡ୍ ଥିବା ୨ଟି ଟ୍ରକକୁ ପୋଲିସ ଜବତ କରିଛି । ତେବେ, ଏତେ ପରିମାଣର ସରକାରୀ ଚାଉଳ ବ୍ୟକ୍ତିଗତ ଘରେ କାହିଁକି ଷ୍ଟକ ରଖାଯାଇଥିଲା । ଏହା ପଛରେ କିଏ ଅଛି ? ଏନେଇ ତଦନ୍ତ ଚାଲିଛି, ତଦନ୍ତ ପରେ ସବୁକିଛି ସ୍ପଷ୍ଟ ହେବ ବୋଲି ତଦନ୍ତକାରୀ ଅଧିକାରୀ କହିଛନ୍ତି ।
ନୂଆଦିଲ୍ଲୀ: ଘନଉଛି ଆମେରିକା-ଇରାନ୍ ମଧ୍ୟରେ ବିବାଦ । ଇରାନକୁ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଧମକ । କୌଣସି ଆମେରିକୀୟ ସମ୍ପତ୍ତି ଓ ବ୍ୟକ୍ତିଙ୍କ ଉପରେ ଆକ୍ରମଣ କଲେ ପରିଣାମ ଭୟଙ୍କର ହେବ । ଇରାନର ୫୨ଟି ସ୍ଥାନକୁ ଚିହ୍ନଟ କରିଛୁ, ଉଡ଼ାଇ ଦେବୁ କହିଲେ ଟ୍ରମ୍ପ ।
ଖୋର୍ଦ୍ଧା: ଚିଲିକାରେ ପକ୍ଷୀ ଗଣନା ଆରମ୍ଭ । ଗଣନାରେ ୨୧ଟି ଟିମ୍ ସାମିଲ୍ । ପ୍ରତି ଟିମରେ ଅଛନ୍ତି ୪ରୁ ୫ ସଦସ୍ୟ ।
