କରୋନା ମୁକାବିଲା ଦିଗରେ ବେଶ୍ ତତ୍ପରତା ପ୍ରକାଶ କରୁଛନ୍ତି ଉଭୟ କେନ୍ଦ୍ର ଓ ରାଜ୍ୟ ସରକାର । ଆଉ ସରକାରଙ୍କୁ ସ୍ୱାସ୍ଥ୍ୟକର୍ମୀ, ପୋଲସ ପ୍ରଶାସନ ଯଥା ସମ୍ଭବ ସହଯୋଗ କରୁଛନ୍ତି । ଯାହାର ଏକ ଝଲକ ନୋଏଡାରେ ଦେଖିବାକୁ ମିଳିଛି।

ଉତ୍ତରପ୍ରଦେଶର ନୋଏଡା ସହରରେ ରହୁଥିବା ଜଣେ ମହିଳା କନୁପ୍ରିୟା ସୋମବାର ରାତିରେ ତାଙ୍କ ଟ୍ୱିଟ ଦ୍ୱାରା ସରକାରୀ କର୍ମଚାରୀ ଏବଂ ଲୋକଙ୍କ ଦୃଷ୍ଟି ଆକର୍ଷଣ କରିଥିଲେ। କନୁପ୍ରିୟା କେନ୍ଦ୍ର ମନ୍ତ୍ରୀ ହର୍ଷ ବର୍ଦ୍ଧନ, ସାଂସଦ ବରୁଣ ଗାନ୍ଧୀ ଏବଂ ରାଜ୍ୟର ମୁଖ୍ୟ ସଚିବ ତଥା ପିଲିଭୀତର ଡିଏମ ବୈଭଵ ଶ୍ରୀବାସ୍ତବଙ୍କୁ ଟ୍ୱିଟ କରିଛନ୍ତି। ତାଙ୍କ ଟ୍ଵିଟରେ ମହିଳା ଜଣକ ଲେଖିଛନ୍ତି ଯେ ତାଙ୍କ ଶ୍ୱଶୁର ପିଲିଭିତରେ ରୁହନ୍ତି ଏବଂ ସେ ଜଣେ ହୃଦଘାତ ପୀଡ଼ିତ। ମହିଳା ଜଣକ କହିଛନ୍ତି ଯେ ଏପ୍ରିଲ ୧୦ ସୁଦ୍ଧା ତାଙ୍କ ଶ୍ୱଶୁରଙ୍କ ପାଖରେ ଔଷଧ ପହଞ୍ଚିବା ଆବଶ୍ୟକ।

https://mobile.twitter.com/ladkiatrangi/status/1247223418472325126

ମହିଳାଙ୍କ ଟ୍ୱିଟକୁ ଦେଖି ଜିଲ୍ଲା ସ୍ତର ପର୍ଯ୍ୟନ୍ତ ସରକାରୀ କର୍ମଚାରୀ କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି। ଗତ ମଙ୍ଗଳବାର ଦିନ ମହିଳାଙ୍କୁ କଣ୍ଟ୍ରୋଲ ରୁମ ସହିତ ଯୋଗାଯୋଗ କରିବାକୁ ସରକାର କହିଥିଲେ, କିନ୍ତୁ ମହିଳା ଜଣକ କହିଛନ୍ତି ଯେ କଣ୍ଟ୍ରୋଲ ରୁମ ନମ୍ବର କ୍ରମାଗତ ବ୍ୟସ୍ତ ରହୁଛି।

ଏହା ଉପରେ ପଲିଭିତ ଡିଏମ୍ ବୈଭବ ଶ୍ରୀବାସ୍ତବ ମହିଳାଙ୍କୁ ଟୁଇଟ୍ କରି ତାଙ୍କ ହ୍ଵାଟସ୍ ଆପ୍ ନମ୍ବର ପଚାରିଥିଲେ ଏବଂ ଔଷଧର ସମ୍ଭନ୍ଧରେ କିଛି ତଥ୍ୟ ମାଗିଥିଲେ। ଯେଉଁଥିରେ ମହିଳା ଜଣକ ଡିଏମଙ୍କୁ କହିଥିଲେ ଯେ ଔଷଧ କେବଳ ଲକ୍ଷ୍ନୌରେ ହିଁ ମିଳିବ।

ବୁଧବାର ଦିନ ମହିଳାଙ୍କଠାରୁ ଔଷଧ ବିଷୟରେ ସୂଚନା ପାଇବା ପରେ ଡିଏମ ବୈଭବ ଶ୍ରୀବାସ୍ତବ ଏହି ମାମଲାକୁ ଗୁରୁତର ସହ ନେଇ ସିଏମଓ ଡକ୍ଟର ସୀମା ଅଗରୱାଲଙ୍କ ଠାରୁ ଔଷଧ ବିଷୟରେ ସୂଚନା ନେଇଥିଲେ ଏବଂ ତୁରନ୍ତ ଔଷଧକୁ ମହିଳାଙ୍କ ଶ୍ୱଶୁରଙ୍କ ନିକଟରେ ପହଞ୍ଚାଇବାକୁ ନିର୍ଦ୍ଦେଶ ଦେଇଥିଲେ।

ସିଏମଓଙ୍କ ନିର୍ଦ୍ଦେଶରେ ଡକ୍ଟର ଆର.କେ ସିଂ ବୁଧବାର ଅପରାହ୍ନରେ ମହିଳାଙ୍କ ଶ୍ୱଶୁର ଘରକୁ ଯାଇ ଔଷଧ ଯୋଗାଇ ଦେଇଥିଲେ। କିଛି ସମୟ ପରେ ମହିଳା ଔଷଧ ଘରେ ପହଞ୍ଚିବା ବିଷୟରେ ଡିଏମଙ୍କୁ ଜଣାଇଥିଲେ। ଡିଏମ ବୈଭବ ଶ୍ରୀବାସ୍ତବ କହିଛନ୍ତି ଯେ ମହିଳାଙ୍କ ଟ୍ୱିଟକୁ ନେଇ ଔଷଧ ତାଙ୍କ ଘରେ ପହଞ୍ଚିଛି।

କରୋନା, ସାରା ବିଶ୍ୱରେ ଏହି ରାକ୍ଷସର ଭୟ ଅହରହ ଲାଗିରହିଛି। ସାମାଜିକ ଦୂରତା ହେଉଛି ଏକମାତ୍ର ଉପାୟ ଏହି ଭାଇରସଠୁ ବଞ୍ଚିବା ପାଇଁ। ଯାହାକୁ ନେଇ ପୁରା ଦେଶ ଏବେ ନିଜ ନିଜ ଘରେ ଏକ ପ୍ରକାରର ବନ୍ଦୀ ଜୀବନ ବିତାଉଛନ୍ତି।

ସାରା ଦେଶରେ ସରକାର ବିଭିନ୍ନ ପ୍ରକାରର କଡ଼ା ପଦକ୍ଷେପ ମାନ ନେଇଛନ୍ତି। କରୋନା ଭାଇରସକୁ ଦୂର କରିବା ପାଇଁ ବିଭିନ୍ନ ଅଞ୍ଚଳରେ ସରକାରଙ୍କ ଦ୍ୱାରା ସାନିଟାଇଜର ସ୍ପ୍ରେ କରାଯାଉଛି। କିନ୍ତୁ ଅମିତି କିଛି ସ୍ଥାନ ରହିଛି ଯେଉଁଠି ସରକାରୀ ସାହାଯ୍ୟ କୁ ଅପେକ୍ଷାନକରୀ କିଛି ପ୍ରାକୃତିକ ଉପାୟରେ ସାନିଟାଇଜର ପ୍ରସ୍ତୁତ କରି ଚାରିଆଡେ ପକାଉଛନ୍ତି।

ତାମିଲନାଡୁର ରାଜଧାନୀ ଚେନ୍ନାଇର ଆବାସିକ ଅଞ୍ଚଳର ଲୋକମାନେ ସଂକ୍ରମଣକୁ ରୋକିବା ପାଇଁ ପ୍ରାକୃତିକ ପଦ୍ଧତି ବ୍ୟବହାର କରୁଛନ୍ତି। ଏହି କ୍ରମରେ ଲୋକମାନେ ପାଣିରେ ହଲଦୀ ଏବଂ କିଛି ଚେରମୂଳି ମିଶ୍ରଣ ପ୍ରସ୍ତୁତ କରି ରାସ୍ତାରେ ସ୍ପ୍ରେ କରୁଛନ୍ତି । ଲୋକଙ୍କ କହିବାନୁସାରେ, ଏହା ମାରାତ୍ମକ ଜୀବାଣୁ ସଂକ୍ରମଣକୁ ଦୂର କରିବାର କ୍ଷମତ ରଖେ।

ସ୍ୱାସ୍ଥ୍ୟ ମନ୍ତ୍ରଣାଳୟ ଅନୁଯାୟୀ ଗୁରୁବାର ଦିନ ସକାଳ ୧୦:୩୦ ସୁଦ୍ଧା ତାମିଲନାଡୁର ମୋଟ ସଂକ୍ରମଣ ୭୩୮ରେ ପହଞ୍ଚିଛି। ଗତ ବର୍ଷ ଶେଷରେ ଚାଇନାର ୱୁହାନ ସହରରୁ ଆରମ୍ଭ ହୋଇଥିବା କରୋନା ଭାରତରେ ମୋଟ ୫୦୯୫ ମାମଲା ରହିଛି, ଯେଉଁଥିରେ ୪୭୨ ଜଣ ସୁସ୍ଥ ହୋଇ ୧୬୬ ଜଣଙ୍କର ମୃତ୍ୟୁ ଘଟିଛି।

୩୩ ବର୍ଷ ପୂର୍ବେ ଆରମ୍ଭ ହୋଇଥିଲା ପୌରାଣିକ ଟିଭି ସିରିଏଲ ରାମାୟଣ। ଯାହାକୁ ତିଆରି କରିଥିଲେ ରମାନନ୍ଦ ସାଗର। ଏହି ସିରିଏଲ ଏତେ ମାତ୍ରାରେ ଲୋକଙ୍କ ମନକୁ ଛୁଇଁଥିଲା ଯେ ଲୋକେ ଟିଭି ସାମ୍ନାରେ ବସିରହୁଥିଲେ ଏହା ଦେଖିବାପାଇଁ। ଯଦି ଘରେ ଟିଭି ନାହିଁ ତେବେ ପଡ଼ୋଶୀଙ୍କ ଘରେ ଯାଇ ଭିଡ ଯମାଉଥିଲେ ଏହା ଦେଖିବାପାଇଁ। ଲୋକମାନେ ବାସ୍ତବ ଜୀବନରେ ରାମ ଏବଂ ସୀତାଙ୍କୁ ପୂଜା କରନ୍ତି କିନ୍ତୁ ସେହି ସମୟରେ ରାମାୟଣ ଦେବା ମାତ୍ରେ ଲୋକେ ଟିଭି ସାମ୍ନାରେ ମଧ୍ୟ ପୂଜା କରିବାକୁ ଲାଗିଥିଲେ।ଏପରି ଅଲୌକିକ ଏବଂ ଚମତ୍କାର ପ୍ରଦର୍ଶନ କରି ରମାନନ୍ଦ ସାଗର ସବୁଦିନ ପାଇଁ ଅମର ହୋଇଗଲେ ।

ଆଜି ଲକଡାଉନ୍ ସମୟରେ ଏହି ଐତିହାସିକ ଶୋ ପୁଣିଥରେ ଟେଲିକାଷ୍ଟ କରାଯାଉଛି । କିନ୍ତୁ ଆପଣ କେବେ ଭାବିଛନ୍ତିକି ୮୦ ଦଶକରେ ରାମାୟଣ ପରି ଏକ ଗ୍ରାଣ୍ଡ ସୋ ତିଆରି କରିବା ପାଇଁ କେତେ ଟଙ୍କା ଖର୍ଚ୍ଚ ହୋଇଥିବ। ଏହା କରିବା ପାଇଁ ରମାନନ୍ଦ ସାଗରଙ୍କ ପାଇଁ କେତେ କଷ୍ଟ ହେଇଥିବ। ଆଜି ଆମେ ଆପଣଙ୍କୁ ଏସବିଶେଷ ତଥ୍ୟ ଦେବୁ ।

ଚଳଚ୍ଚିତ୍ର ନିର୍ମାଣ କରୁଥିବା ରମାନନ୍ଦ ସାଗର। ହଠାତ୍ ରାମାୟଣ ତିଆରି କରିବାକୁ ଚିନ୍ତା କଲେ । କିନ୍ତୁ ତାଙ୍କ ସ୍ୱପ୍ନର ପ୍ରୋଜେକ୍ଟକୁ ପ୍ରାୟୋଜିତ କରିବାକୁ କେହି ପ୍ରସ୍ତୁତ ନଥିଲେ। ରମାନନ୍ଦ ସାଗର ଏବଂ ତାଙ୍କ ପୁଅ ପାଣ୍ଠି ସଂଗ୍ରହ ପାଇଁ ବହୁତ ଚେଷ୍ଟା କରିଥିଲେ ମଧ୍ୟ କୌଣସି ସଫଳତା ମିଳି ନଥିଲା।

ପ୍ରେମ ସାଗରଙ୍କ କହିବା ଅନୁଯାୟୀ ତାଙ୍କ ବାପା ତଥାପି ହାର ମାନି ନଥିଲେ। ସେ ନିଜ ଭିତରେ ପୁରା ପ୍ରସ୍ତୁତ ଥିଲେ କି ’ରାମାୟଣ, କୃଷ୍ଣ ଏବଂ ଦୁର୍ଗା’ ସୋ କରିବାପାଇଁ।

ତେବେ ରାମାୟଣକୁ ସମର୍ଥନ ନକରିବାର ମୁଖ୍ୟ କାରଣ ଥିଲାକି ସେତେବେଲବ ଲୋକଙ୍କ ମଧ୍ୟରେ ଏହି ମୁଣ୍ଡ ଏବଂ ମୁକୁଟର ଚିନ୍ତାଧାରା କାମ କରିବନି ବୋଲି। ଏହି ସମୟରେ, ରମାନନ୍ଦ ସାଗର ୧୯୮୬ ରେ ବିକ୍ରମ ଏବଂ ବେତାଲ ସୋ କରିଥିଲେ। ଏହି ସୋ ଏକ ଜବରଦସ୍ତ ହିଟ୍ ହୋଇଗଲା ।
ବିକ୍ରମ ଏବଂ ବେତାଲ ହିଟ୍ ହେବା ପରେ ରମାନନ୍ଦ ସାଗରଙ୍କ କମ୍ପାନୀ ରାମାୟଣ ପାଇଁ ପ୍ରାୟୋଜକ ପାଇବା ଆରମ୍ଭ କଲା । ପ୍ରେମ ସାଗରଙ୍କ ଅନୁଯାୟୀ ବିକ୍ରମ ବେତାଲର ଏକ ଏପିସୋଡରେ ୧ ଲକ୍ଷରୁ ନିର୍ମିତ ହୋଇଥିଲା। କିନ୍ତୁ ରାମାୟଣର ପ୍ରତ୍ୟେକ ଏପିସୋଡ୍ ତିଆରି କରିବାରେ ପ୍ରାୟ ୯ ଲକ୍ଷ ଟଙ୍କା ଖର୍ଚ୍ଚ ହୋଇଥିଲା ।

ସେହି ସମୟରେ ୧ ଏପିସୋଡ ପିଛା ୯ ଲକ୍ଷ ଖର୍ଚ୍ଚ କରିବା ଏକ ବଡ଼ କଥା ଥିଲା । ରାମାୟଣକୁ ସେହି ସମୟର ସବୁଠାରୁ ମହଙ୍ଗା ଶୋ ମଧ୍ୟ କୁହାଯାଉଥିଲା।

ଲିମକା ବୁକ୍ ଅଫ୍ ରେକର୍ଡସ ୨୦୦୩ ତଥ୍ୟ ଅନୁଯାୟୀ, ରାମାୟଣର ପ୍ରଥମ ଟେଲିକାଷ୍ଟକୁ ୪୦ ମିଲିଅନ ଲୋକ ଦେଖିଥିଲେ। ୫୫ ଟି ଦେଶରେ ରାମାୟଣ ଟେଲିକାଷ୍ଟ ହୋଇଥିଲା। ବିବିସି ଅନୁଯାୟୀ, ଏହି ସୋକୁ ସାରା ବିଶ୍ୱରେ ୬୫୦ ମିଲିଅନରୁ ଅଧିକ ଲୋକ ଦେଖିଥିଲେ। ଏହା ସହିତ ରାମାୟଣ ଦୁନିଆର ସବୁଠୁ ଅଧିକ ଦେଖାଯାଉଥିବା ସୋ ହୋଇପାରିଥିଲା ।

ରାମାୟଣର ସଫଳତାକୁ ଲକ୍ଷ କରି ଏହାକୁ ୩ ଥର ବୃଦ୍ଧି କରାଯାଇଥିବାର ଆକଳନ କରାଯାଇଛି । ଗୁଜୁରାଟର ଅମ୍ବରଗାଓଁରେ ଏହାର ପୁରା ସୁଟିଂ ହୋଇଥିଲା।