ଭୁବନେଶ୍ୱର: ଏଣିକି ଓଡ଼ିଆ ଲେଖାରେ ମିଳିବ ଟ୍ରେନ ଟିକେଟ । ବର୍ତ୍ତମାନ ଇଂରାଜୀ ଏବଂ ହିନ୍ଦିରେ ଟ୍ରେନ ଟିକେଟ ମିଳୁଥିବା ବେଳେ ଏପ୍ରିଲ ୧ ରୁ ଓଡ଼ିଆ ଭାଷାରେ ଲେଖାଥିବା ଟିକେଟ ଉପଲବ୍ଧ ହେବ । ଏହାକୁ ଉନ୍ମୋଚନ କଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ।  କେବଳ ଅଣସଂରକ୍ଷିତ ଟିକେଟ ପାଇଁ ଏହି ବ୍ୟବସ୍ଥା ଲାଗୁ ହେବ । ଏହା ଲାଗୁ ହେବା ପରେ ଇଂରାଜୀ, ହିନ୍ଦି ଏବଂ ଓଡ଼ିଆ ଭାଷାରେ ଟିକେଟ ଉପଲବ୍ଧ ହେବ ।

ଇଷ୍ଟ କୋଷ୍ଟ ରେଲୱେ ଅଧିନରେ ଥିବା ରାଜ୍ୟର ୩୧୭ଟି ଷ୍ଟେସନରେ ଏହି ବ୍ୟବସ୍ଥା ଲାଗୁ ହେବ । ଏହା ଦ୍ଵାରା ଇଂରାଜୀ ଓ ହିନ୍ଦିରେ ପଢ଼ିବାକୁ ଅସୁବିଧା ହେଉଥିବା ଲୋକ ମାନେ ବିଶେଷ ଉପକୃତ ହେବେ । କୋଲକାତାର ଏକ ସଂସ୍ଥା ସି.ଆର.ଆଇ.ଏସର ସାହାଯ୍ୟରେ ୮ ହଜାର ଷ୍ଟେସନର ନାଁ ଓଡ଼ିଆରେ ପ୍ରସ୍ତୁତ କରାଯାଇଛି । ଅଣସଂରକ୍ଷିତ ରେଳ ଟିକେଟରେ ଓଡ଼ିଆ ଭାଷା ।

ଅନ୍ୟପଟେ ଭୁବନେଶ୍ୱରରୁ ଦିଲ୍ଲୀ ଯାଉଥିବା ରାଜଧାନୀ ଏକ୍ସପ୍ରେସକୁ ଉଦଘାଟଲ କରିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଏହି ଟ୍ରେନରେ ସ୍ଥାନ ପାଇଛି ଓଡ଼ିଶାର ଐତିହ୍ୟ । ଓଡ଼ିଶାର ବିଭିନ୍ନ ପର୍ଯ୍ୟଟନ ସ୍ଥଳୀ, ସଂସ୍କୃତି ଓ ଲୋକକଳାର ଛବି ଏହି ଟ୍ରେନରେ ସ୍ଥାନ ପାଇଛି ।

ଭଦ୍ରକ: ଜାତୀୟ ରାଜପଥରୁ ଅନ୍ୟ ରାସ୍ତାକୁ ଓହ୍ଲାଉଥିବା ବେଳେ ଭାରସାମ୍ୟ ହରାଇ ଓଲଟି ପଡ଼ିଲା ଅଟୋ । ଦୁର୍ଘଟଣାରେ ୫ ଜଣ ଗୁରୁତର ହୋଇଥିବାବେଳେ ତାଙ୍କୁ ଭଦ୍ରକ ମେଡିକାଲ ରେ ଭର୍ତ୍ତି କରାଯାଇଛି । ଦୁର୍ଘଟଣା ଗ୍ରସ୍ଥ ମାନେ ବାଲେଶ୍ୱର ଜିଲ୍ଲା ଡୁଙ୍ଗୁରା ଅଞ୍ଚଳର  ରୁ ଭଦ୍ରକ ଆଡକୁ ଆସୁଥିବା ବେଳେ ଦୁର୍ଘଟଣା ଘଟିଥିବା ସୂଚନା ମିଳିଛି ।

୧୬ ନଂ ଜାତୀୟ ରାଜପଥର ଚରମ୍ପା କେନାଲ ଛକ ନିକଟରେ ବାଲେଶ୍ୱର ଆଡୁ ଲୋକଙ୍କୁ ନେଇ ଆସୁଥିବା ଏକ ଅଟୋ ରାଜପଥରୁ  ତଳ ରାସ୍ତାକୁ ଖସୁଥିବା ବେଳେ ଭାରସାମ୍ୟ ହରାଇ ଓଲଟି ଥିବା  ସୂଚନା ମିଳିଛି । ଗୁରୁତରଙ୍କୁ ଭଦ୍ରକ ମୁଖ୍ୟ ଡାକ୍ତରଖାନାରେ ଭର୍ତ୍ତି କରାଯାଇଛି ।

ଦୁଇ ଜଣଙ୍କ ଅବସ୍ଥା ସଙ୍କଟାପନ୍ନ ଥିବା ସୂଚନା ମିଳିଛି । ଗୁରୁତରଙ୍କ ମଧ୍ୟ ରେ ୩ ଜଣ ମହିଳା ଓ ୨ ଜଣ ପୁରୁଷ ଅଛନ୍ତି  । ଭଦ୍ରକ ଅଗ୍ନିଶମ ବାହିନୀ ଗୁରୁତରଙ୍କୁ ଉଦ୍ଧାର କରି ଭଦ୍ରକ ଜିଲ୍ଲା ମୁଖ୍ୟଡାକ୍ତରଖାନାରେ ଭର୍ତ୍ତି କରିଛି ।

ପଟ୍ଟାମୁଣ୍ଡାଇ: ରାଜନଗର ଭିତରକନିକା ଅଭୟାରଣ୍ୟରେ କୁମ୍ଭୀର ଗଣନା ପ୍ରକ୍ରିୟା ଆରମ୍ଭ ହୋଇଛି । କୁମ୍ଭୀର ଗଣନା କାର୍ଯ୍ୟରେ ୨୩ ଟି ଟିମ୍ ନିୟୋଜିତ ହୋଇଛି । ରାଜନଗର, ଡଙ୍ଗମାଳ, ମହାକାଳପଡ଼ା, ଗହୀରମଥା ଚାରୋଟି ରେଞ୍ଜରେ ଚାଲିଛି କୁମ୍ଭୀର ଗଣନା ପ୍ରକ୍ରିୟା ।

ପ୍ରତ୍ୟେକ ଟିମରେ ୫ ଜଣ ଲେଖାଏଁ ସଦସ୍ୟ ସାମିଲ ହୋଇଛନ୍ତି । ରାଜନଗର ବନଖଣ୍ଡ ଅଧିକାରୀ ଓ କୁମ୍ଭୀର ବିଶାରଦ ଡ଼ଃ ସୁଧାକର କରଙ୍କ ନେତୃତରେ ଚାଲିଛି ଗଣନା କାର୍ଯ୍ୟ ।

ନବରଙ୍ଗପୁର: ନବରଙ୍ଗପୁର ଜିଲ୍ଲା କୋଷାଗୁମୁଡ଼ା ବ୍ଲକ ଗୁମଣ୍ଡଳୀ ଗ୍ରାମରେ ଘଟିଥିବା ନାବାଳିକା ଗଣଦୁର୍ଷମ ଓ ହତ୍ୟାର ଅଭିଯୁକ୍ତଙ୍କୁ ତୁରନ୍ତ ଗିରଫ ଦାବି କରି ଆଜି ଜିଲ୍ଲା କଂଗ୍ରେସ ତରଫରୁ ୧୨ ଘଣ୍ଟିଆ ବନ୍ଦ ଡାକରା ଦିଆଯାଇଛି ।

ଏହାର ପ୍ରଭାବ ଜିଲ୍ଲାର ଉମରକୋଟ,ରାଇଘର, ଝରିଗାଁ, ଚନ୍ଦାହାଣ୍ଡି ଓ ଡାବୁଗାଁ ରେ ମଧ୍ୟ ଦେଖିବାକୂ ମିଳିଛି । ବନ୍ଦ ପ୍ରଭାବରେ ଏସବୁ ସ୍ଥାନରେ ଦୋକାନ ବଜାର ବନ୍ଦ ରହିଛି । ଏହା ସହ ଗାଡି ଚଳାଚଳ ମଧ୍ୟ ଠପ୍ ହୋଇଛି। ଗତ ୧୩ ତାରିଖ ରେ ନବରଙ୍ଗପୁର ଜିଲ୍ଲା କୋଷାଗୁମୁଡା ବ୍ଳକ୍ ଗୁମଣ୍ଡଳୀ ଗ୍ରାମର ଜଣେ ନାବାଳିକାଙ୍କ କ୍ଷତ ବିକ୍ଷତ ମୃତଦେହ ଏକ ଜମିରୁ ମିଳିଥିଲା ।

ଗଣ ଦୁର୍ଷମ କରିବା ପରେ ନାବାଳିକାଙ୍କୁ ହତ୍ୟା କରାଯାଇଛି । ଘଟଣାକୁ ୧୫ ଦିନ ବିତି ସାରିଥିଲେ ବି ଅଭିଯୁକ୍ତଙ୍କୁ ଧରିବାରେ ସଫଳ ହୋଇ ପାରିନି । ଏହାର ପ୍ରତିବାଦ ରେ କଂଗ୍ରେସ ପକ୍ଷରୁ ବନ୍ଦ ଡାକରା ଦିଆଯାଇଛି ।

ପୋଲିସ ଯଦି ଅଭିଯୁକ୍ତଙ୍କୁ ଶୀଘ୍ର ନଧରିଲେ ଆଗାମୀ ଦିନରେ ଆନ୍ଦୋଳନକୁ ବ୍ୟାପକ କରାଯିବ ବୋଲି ଚେତାବନି ଦେଇଛି କଂଗ୍ରେସ ।

କେନ୍ଦୁଝର: ପିକନିକ୍ ରେ ମୌଜ ମସ୍ତି ଚାଲିଥିବା ବେଳେ ଚାଲିଗଲା ଜୀବନ । ଭୀମକୁଣ୍ଡରେ ଗାଧୋଇବା ହେଲା କାଳ । ଖର ସ୍ରୋତରେ ପଡ଼ି ଯୁବକ ନିଖୋଜ ହୋଇଥିବା ସୂଚନା ମିଳିଛି । ଲୋକେ ଦେଖିଲେ ଭିଡ଼ିଓ ଶୁଟ୍ କଲେ ହେଲେ କେହି ସାହସ କରି ଟିକେ ସାହାଯ୍ୟର ହାତ ବଢ଼େଇ ପାରିଲେ ନାହିଁ । ଭାସି ଯାଉଥିବା ଲୋକଙ୍କୁ କୁଟା ଖିଅର ବଳ ବୋଲି କୁହାଯାଏ କିନ୍ତୁ ସେତିକି ବି ମିଳିଲାନି ଏହି ଯୁବକଙ୍କୁ ।

ଏମିତି ଏକ ହୃଦୟ ବିଦାରକ ଘଟଣା ର ଭିଡ଼ିଓ ଜିଏବି ଦେଖୁଛି ହୃଦୟର ସ୍ପନ୍ଦନ ବଢିଯିବା ସ୍ୱାଭାବିକ । ଘଟଣା ଘଟିଛି ପର୍ଯ୍ୟଟନ ସ୍ଥଳୀ ଭୀମକୁଣ୍ଡରେ । ଗତ କାଲି ଅପରାହ୍ନରେ ଜଣେ ପର୍ଯ୍ୟଟକ ଗାଧୋଉଥିବା ବେଳେ ପାଣି ସ୍ରୋତରେ ପଡି ଟିକେ ଭାସି ଯିବା ପରେ ବୁଡି ଯାଇଥିଲେ ।

ବହୁ ଖୋଜାଖୋଜି କରାଯାଇଥିବା ବେଳେ ଏଯାଏଁ ଉକ୍ତ ବ୍ୟକ୍ତିଙ୍କ କୈାଣସି ପତ୍ତା ମିଳିପାରିନାହିଁ । ନିଖୋଜ ପର୍ଯ୍ୟଟକଙ୍କ ପରିଚୟ ମିଳିପାରିନଥିବା ବେଳେ ଏବେ ବି ପୁଲିସ ଓ ଅଗ୍ନିଶମ ବିଭାଗ ଘଟଣାସ୍ଥଳରେ ପହଂଚି ଉଦ୍ଧାର କାର୍ଯ୍ୟ ଜାରି ରଖିଛନ୍ତି ।

ଅନୁଗୁଳ: ପୁଣି ମାତିଲା ହାତୀ । ଅନୁଗୁଳ ହାତୀମୁ୍ଣ୍ଡା ଗାଁରେ ହାତୀ ଆକ୍ରମଣରେ ଜଣେ ଯୁବକ ଗୁରୁତର । ଗୁରୁତର ଜଣକ ସେହି ଗାଁର ଧନେଶ୍ୱର ପ୍ରଧାନ ବୋଲି ଜଣାପଡିଛି । ନିଜ କ୍ଷେତରୁ ଫେରୁଥିବା ସମୟରେ ହାତୀ ଆକ୍ରମଣର ଶିକାର ହୋଇଥିବା ସେ କହିଛନ୍ତି ।

ଗୁରୁତର ଅବସ୍ଥାରେ ତାଙ୍କୁ ମେଡିକଲରେ ଭର୍ତ୍ତି କରାଯାଇଛି ।