ପରୀକ୍ଷାରେ କପି ରୋକିବାର ନୂଆ କୌଶଳ । ପରୀକ୍ଷା ହଲରେ ଦେଖିବାକୁ ମିଳିଛି ଏକ ଭିନ୍ନ ଚିତ୍ର ଯେଉଁଠି ପିଲା ପେଟି ମୁଣ୍ଡାଇ ଦେଉଛନ୍ତି ପରୀକ୍ଷା। ହଲରେ ବସିଥିବା ସମସ୍ତ ଛାତ୍ରଛାତ୍ରୀ ଏଭଳି ପରୀକ୍ଷା ଦେଉଛନ୍ତି । କର୍ଣ୍ଣାଟକର ହାଭେରି ଜିଲ୍ଲାର ଭଗତ୍ ପ୍ରି-ୟୁନିଭରସିଟି କଲେଜରେ ଏଭଳି ଦୃଶ୍ୟ ଦେଖିବାକୁ ମିଳିଛି । ପିଲାଙ୍କ ଉଜ୍ୱଳ ଭବିଷ୍ୟତ ପାଇଁ ସରକାର ଅନେକ ସହାୟତା କରୁଥିବା ବେଳେ ଘରୋଇ କଲେଜ ଆପଣାଇଛନ୍ତି ଏହି ଉପାୟ । ଏହି ନୂଆ କୌଶଳକୁ ନେଇ ସବୁଠି ନିନ୍ଦା ସହିବାକୁ ପ଼ଡ଼ିଛି । ପିଲାଙ୍କ ପରୀକ୍ଷା କିପରି ସୂଚାରୁ ରୂପେ କରାଯିବ ସେନେଇ ଶିକ୍ଷକ ଶିକ୍ଷୟତ୍ରୀ ସବୁବେଳେ ସଜାଗଥାନ୍ତି ମାତ୍ର ସେଭଳି ନକରି କପି ରୋକିବାକୁ ପେଟି ପିନ୍ଧାଇବା କେତେ ଦୂର ଠିକ୍ ସେ ନେଇ ପ୍ରଶ୍ନ କରିଛନ୍ତି ଅଭିଭାବକ ? ପରୀକ୍ଷାରେ କପି ନକରିବାକୁ ବିଭିନ୍ନ କକ୍ଷରେ କ୍ୟାମେରା ଲଗାଯାଇପାରିଥାନ୍ତା ସେଭଳି ନକରି ପିଲାଙ୍କୁ ପେଟି ମୁଣ୍ଡାଇବାକୁ ବାଧ୍ୟ କରିଛି କଲେଜ୍ ପ୍ରଶାସନ । ପରୀକ୍ଷା ସମୟରେ ପିଲାଙ୍କୁ କପିରୁ ନିବୃତ୍ତ ରଖିବାକୁ ତାଙ୍କୁ ମୁଣ୍ଡରେ ପେଟି ପିନ୍ଧିବାକୁ ବାଧ୍ୟ କରିଥିବା ଅଧିକାରୀଙ୍କୁ ସାଧାରଣ ପ୍ରଶାସନ ନିର୍ଦ୍ଦେଶାଳୟର ଉପାଧ୍ୟକ୍ଷଙ୍କ ପକ୍ଷରୁ ଏକ ନୋଟିସ୍ କରାଯାଇଛି ।… ')}