ନିକଟରେ ରକ୍ଷାମନ୍ତ୍ରୀ ରାଜନାଥ ସିଂ ସ୍ୱଦେଶୀ ଯୁଦ୍ଧ ବିମାନ ତେଜସ୍‌ରେ ଅଧ ଘଣ୍ଟା ଉଡ଼ିଛନ୍ତି । ତିନି ବର୍ଷ ପୂର୍ବରୁ ବାୟୁସେନାରେ ସାମିଲ ହୋଇଥିଲା ମଲଟିରୋଲ ଫାଇଟର ଜେଟ୍‌ ତେଜସ । ଆମେ ଆପଣଙ୍କୁ ଜଣାଇବୁ ଏହା ବିଷୟରେ କିଛି ଗୁରୁତ୍ବପୂର୍ଣ୍ଣ କଥା  ।

ତେଜସ୍‌ କଣ ?

ଆକାଶରୁ ଆକାଶକୁ ଓ ଆକାଶରୁ ଭୂପୃଷ୍ଠକୁ ମିଶାଇଲ୍‌ କ୍ଷେପଣ କରିପାରେ ତେଜସ୍‌ । ଏଥିରେ ମିଶାଇଲ ବମ୍‌ ଓ ରକେଟ୍‌ ଖଞ୍ଜା ଯାଇପାରିବ । ତେଜସ୍‌ ୪୨ ପ୍ରତିଶତ କାର୍ବନ ଫାଇବର, ୪୩ ପ୍ରତିଶତ ଆଲୁମିନିୟମ ଏଲୟ ଓ ଟାଇଟାନିୟମରେ ତିଆରି  । ଏହା ସିଙ୍ଗଲ ସିଟେଡ୍‌ ପାଇଲଟ୍‌ ବିମାନ । ଏଥିସହ ରହିଛି ଟ୍ରେନରଙ୍କ ପାଇଁ ୨ଟି ସିଟ୍‌  । ଏଯାଏଁ ପ୍ରାୟ ୩୫ଶହରୁ ଅଧିକ ଥର ଉଡ଼ାଣ ଭରିସାରିଲାଣି ତେଜସ୍ । ଏହା ଗୋଟିଏ ଥରରେ ୫୪ ହଜାର ଫୁଟ୍‌ ଉଚ୍ଚରେ ଉଡିପାରେ । ନିର୍ମାଣ ପାଇଁ ଖର୍ଚ୍ଚ ହୋଇଛି ୭ହଜାର କୋଟି ।

ଭାରତକୁ ତେଜସ୍‌ର ଆବଶ୍ୟକତା କଣ ?

ଭାରତୀୟ ବାୟୁସେନାରେ ରହିଛି ୩୫ଟି ସ୍କ୍ବାର୍ଡନ  । ଗୋଟିଏ ସ୍କ୍ବାର୍ଡନରେ ରହିଛି ୧୬ରୁ୧୮ଟି ଫାଇଟର । ୩୫ଟି ସ୍କ୍ବାର୍ଡନରୁ ୧୧ଟିରେ ମିଗ୍‌-୨୧ ଓ ମିଗ୍‌ -୨୭ ଫାଇଟର୍ ରହିଛି । ଏହି ଦୁଇଟି ଫାଇଟର୍‌ର ଅବସ୍ଥା ଏତେ ଭଲ ନାହିଁ  । ଯେହେତୁ ପଡ଼ୋଶୀ ପାକିସ୍ତାନ ଓ ଚୀନ୍‌କୁ ନେଇ ସବୁବେଳେ ସୀମାରେ ଉତ୍ତେଜନା ଲାଗିରହୁଛି, ତେଣୁ ବିଶେଷଜ୍ଞଙ୍କ ମତରେ ଭାରତକୁ ଦରକାର ୪୫ଟି ସ୍କ୍ବାର୍ଡନ । କିନ୍ତୁ ତେଜସ୍‌ ବର୍ତ୍ତମାନ ୩୪ ନମ୍ବର, ଫ୍ରାନ୍ସରୁ ରାଫେଲ୍‌ ମିଳିଲେ ଏହା ହେବ ୩୫ତମ  ସ୍କ୍ବାର୍ଡନ  ।

ଜାଣନ୍ତୁ ତେଜସ୍‌ର ବଳ ?

ତେଜସ୍‌ର ଘଣ୍ଟାପ୍ରତି ବେଗ ରହିଛି ୨,୨୨୨ କି.ମି  । ଏହା ଗୋଟିଏ ଥରରେ ୩ ହଜାର କି.ମି ଦୂର ଉଡ଼ାଣ ଭରିପାରେ  । ଗୋଟିଏ ତେଜସ୍‌ ୪୩ ଫୁଟ୍‌ ଲମ୍ବା ଓ ୧୫ ଫୁଟ୍‌ ଉଚ୍ଚ  । ସମସ୍ତ ଯୁଦ୍ଧ ସରଞ୍ଜାମ ସହ ଏହାର ଓଜନ ୧୩ ହଜାର ୫୦୦ କିଲୋଗ୍ରାମ୍  । ')}

ରିଜର୍ଭ ବ୍ୟାଙ୍କ ଅଫ୍‌ ଇଣ୍ଡିଆ ବା ଆରବିଆଇ ହେଉଛି ଦେଶର କେନ୍ଦ୍ରୀୟ ବ୍ୟାଙ୍କ । ନିକଟରେ ଆରବିଆଇ କେନ୍ଦ୍ର ସରକାରଙ୍କୁ ୧ ଲକ୍ଷ ୭୬ ହଜାର କୋଟି ଦେବା ନେଇ ଆଲୋଚନା ହୋଇଥିଲା । ଓଡ଼ିଆ ପୁଅ ଶକ୍ତିକାନ୍ତ ଦାଶ ଏବେ ଆରବିଆଇର ଗଭର୍ଣ୍ଣର  । ଏ ଚର୍ଚ୍ଚା ତ ରହିବ, କିନ୍ତୁ କେବେ ଭାବିଛନ୍ତି କି ଟଙ୍କା କେମିତି ଛପା ହୁଏ ? କେଉଁଠୁ ଛପା ହୁଏ ? ଟଙ୍କାକୁ ନେଇ ଏତେ ଟେନସନ କାହିଁକି ? ଆରବିଆଇ ତ ଯେତେ ଚାହିଁବ ସେତେ ଛପେଇପାରିବ । ଏଥିପାଇଁ ଦରକାର ପ୍ରିଣ୍ଟର, କିଛି କାଗଜ, କାଳି ଆଉ କିଛି ଲୋକ । କିନ୍ତୁ ନା, ସେମିତି ହୁଏନି । ତା ହେଲେ ଜାଣନ୍ତୁ ଆରବିଆଇର ପୂରା କାହାଣୀ ।

ନୋଟ୍‌ ଛପା ନିୟମ:

୧୯୩୪ ଆରବିଆଇ ଆଇନର ଧାରା ୨୨ ଅନୁସାରେ ରିଜର୍ଭ ବ୍ୟାଙ୍କକୁ ନୋଟ୍‌ ଇସ୍ୟୁ କରିବାର କ୍ଷମତା ଦିଆଯାଇଛି । ଏଥିପାଇଁ କାମ କରୁଛି ଭାରତୀୟ ରିଜର୍ଭ ବ୍ୟାଙ୍କ ନୋଟ୍‌ ମୁଦ୍ରଣ ପ୍ରାଇଭେଟ ଲିମିଟେଡ୍‌ ବିଭାଗ । ଏହି ନିୟମ ଅନୁସାରେ ଆରବିଆଇ ୧୦ ହଜାର ଟଙ୍କାରୁ ଅଧିକ ଦାମର ନୋଟ୍‌ ଛାପି ପାରିବନାହିଁ  । ଏଥିପାଇଁ ୧୯୩୪ ଆରବିଆଇ ଆଇନରେ ପରିବର୍ତ୍ତନ କରିବାକୁ ପଡ଼ିବ  ।

କେଉଁଠି ଛପା ହୁଏ ନୋଟ୍‌ ?

ଭାରତରେ ୪ଟି ସ୍ଥାନରେ ନୋଟ୍‌ ଛପାଯାଏ । ଅର୍ଥାତ ଏଥିପାଇଁ ରହିଛି ୪ଟି ପ୍ରିଣ୍ଟିଂ ପ୍ରେସ୍  । ମହାରାଷ୍ଟ୍ରର ନାସିକ, ମଧ୍ୟପ୍ରେଦେଶର ଦେବାସ, କର୍ଣ୍ଣାଟକର ମହୀଶୂର ଓ ପଶ୍ଚିମବଙ୍ଗ ସାଲବୋନିରେ ହୁଏ ନୋଟ୍‌ ଛପା କାମ । ପ୍ରଥମ ଦୁଇଟି ସେଣ୍ଟରକୁ ଭାରତ ସରକାର ନିୟନ୍ତ୍ରଣ କରୁଥିବା ବେଳେ ବାକି ଦୁଇଟି ରହିଛି ଆରବିଆଇ ନିୟନ୍ତ୍ରଣରେ ।

କେତେ ନୋଟ୍‌ ଛପା ହୁଏ ?

ଅର୍ଥନୈତିକ ବର୍ଷ ଆରମ୍ଭରେ ପ୍ରିଣ୍ଟିଂ ପ୍ରେସ୍‌କୁ ଏକ ତାଲିକା ଦିଆଯାଏ, ବର୍ଷର କେଉଁ ସମୟରେ କେତେ ନୋଟ ଛପାଯିବ  । ଏଥିପାଇଁ ଆରବିଆଇର ୧୯ଟି ଆଞ୍ଚଳିକ କାର୍ଯ୍ୟାଳୟରୁ ମିଳିଥିବା ଡାଟାରୁ ତିଆରି ହୁଏ  ତାଲିକା । ଯାହାକୁ କୁହାଯାଏ ଷ୍ଟାଟିଷ୍ଟିକାଲ ଆନାଲିସିସ୍‌ । ବଜାରରେ କେତେ ନୋଟ୍‌ ପ୍ରଚଳନ ଅଛି , କେତେ ନଷ୍ଟ ହୋଇଛି, କେତେ ନୂଆ, କେତେ ଖରାପ ନୋଟ୍‌ ବୁଲୁଛି ସବୁ କିଛିର ହିସାବ ଆକଳନ କରାଯାଏ  । ତାପରେ ଅର୍ଥ ମନ୍ତ୍ରାଳୟର କଏନ ଆଣ୍ଡ କରେନ୍ସି ଡିଭିଜନର ପରାମର୍ଶ ପରେ ଛପା ହୁଏ ନୋଟ୍‌  ।

କିନ୍ତୁ କଏନ ତିଆରି ହେବାର ନିୟମ ଅଲଗା । କଏନ ଆକ୍ଟ ୧୯୦୬ ଅନୁସାରେ ଏହା ଭାରତ ସରକାରଙ୍କ ନିୟନ୍ତ୍ରଣରେ ରହିଛି । କୋଲକତାର ଅଲିପୁର, ହାଇଦ୍ରାବାଦ ସୈଫାବାଦ ଓ ଚରଲାପଲ୍ଲୀ ଏବଂ ୟୁପିର ନୋଏଡାରେ ତିଆରି ହୁଏ କଏନ । ସରକାର ହଜାରେ ଟଙ୍କା ଯାଏଁ କଏନ ପ୍ରଚଳନ କରିପାରିବେ  ।

ଯେଉଁ ପ୍ରଶ୍ନ ଆପଣଙ୍କୁ ଏବେ ଯାଏଁ ଉତ୍ତର ମାଗୁଥିବ ତାହା ହେଉଛି, ଆରବିଆଇ ମନଇଚ୍ଛା କାହିଁକି ନୋଟ୍‌ ଛପାଇପାରୁନି  ? ନା, ସେମିତି ହୁଏନି  ।  ନିୟମ ଅନୁସାରେ ଆରବିଆଇ ଭଣ୍ଡାରରେ ଯେତିକି ସୁନା ଓ ବିଦେଶୀ ମୁଦ୍ରା ଥିବ ସେତିକି ନୋଟ୍ ଛପା ହେବ । ଯଦି ଏହା ଠାରୁ ଅଧିକ ଛପାଯିବ ତେବେ କମିଯିବ କରେନ୍ସି ମୁଲ୍ୟ  ।

ବର୍ତ୍ତମାନ ଆମ ଭଣ୍ଡାରରେ ୬୧୨ ଦଶମିକ ୬ଟନ୍‌ ସୁନା ବା ୬ଲକ୍ଷ ୧୨ ହଜାର କିଲୋ ସୁନା ଗଚ୍ଛିତ ଅଛି  । ବର୍ଷ ୨୦୧୯ରେ ୫୨ ଦଶମିକ ୩ ଟନ୍ ସୁନା କିଣିଥିଲା ଆରବିଆଇ । ବିଶ୍ୱ ତାଲିକାରେ ୧୧ ନମ୍ବରରୁ ଉଠି ୧୦ ନମ୍ବରକୁ ଯାଇଛି ଭାରତ । ଆରବିଆଇର ସୁନା, ବ୍ୟାଙ୍କ ଅଫ ଇଂଲଣ୍ଡରେ ବି ଅଛି  । ଆଉ ସୁରକ୍ଷିତ ବି ଅଛି ।

  ')}

ସାରା ବିଶ୍ୱ ଆଗରେ ପାକିସ୍ତାନର ନାପାକ୍ ଚେହେରା ପଦାରେ ପଡ଼ିବା ପରେ ବିଳି ବିଳେଇ ହେଉଛନ୍ତି ଇମ୍ରାନ ଖାନ୍  । ବିଭିନ୍ନ ଫୋରମ୍‌ରେ ଫେରାଦି ବିଫଳ ହେବା ପରେ ଗଣମାଧ୍ୟମ ଆଗରେ ଭାରତ ସହ ପରମାଣୁ ଯୁଦ୍ଧର ଧମକ ଦେଇଚାଲିଛନ୍ତି  । କିନ୍ତୁ ଇମ୍ରାନ ଭୁଲି ଯାଇଛନ୍ତି ପରମାଣୁ ସେ ଏକା ପକାଇବେନି, ଯୁଦ୍ଧ ଘୋଷଣା ହେଲେ ଭାରତ ବି ବ୍ୟବହାର କରିବ ତାର ପରମାଣୁ ଅସ୍ତ୍ର  । ଯଦି ପାକିସ୍ତାନର ଇସଲାମାବାଦ ଉପରେ ପରମାଣୁ ବୋମା ପଡ଼େ, ତେବେ କଣ ହେବ ଜାଣନ୍ତି କି ? କେତେ କ୍ଷତି ସହିବ ଶତୃ ଦେଶ ?

ଇସଲାମାବାଦରେ ଆଟମବମ୍ ପଡ଼ିଲେ ବରବାଦ ହୋଇଯିବ ପାକିସ୍ତାନ  । ବିଶ୍ୱ ନକ୍ସାରୁ ଲିଭିଯିବ ପାକିସ୍ତାନ ରାଜଧାନୀର ନାମ ନିଶାନ  । ଯଦି ଭାରତ ଇସଲାମାବାଦ ଉପରେ ୧୦୦ କିଲୋଟନ୍ ଓଜନର ପରମାଣୁ ପକାଏ, କିଛି କ୍ଷଣରେ ବରବାଦ ହୋଇଯିବ ଇସଲାମାବାଦ ସହର, ପାକିସ୍ତାନୀ ସ୍ମାରକୀ, ଇଣ୍ଟରନ୍ୟାସନାଲ ଇସଲାମିକ ୟୁନିଭରସିଟି, ସ୍ୟାଟେଲାଇଟ୍‌ ଟାଉନ, ପାକିସ୍ତାନ ସଂସଦ । କାହାର ବି ରହିବନି ଚିହ୍ନବର୍ଣ୍ଣ  । ତା ସହ ଆବୋଟାବାଦ, ପେଶାଓ୍ବାରା ଓ ଜଲାଲାବାଦ ପର୍ଯ୍ୟନ୍ତ ହେବ ଭୟଙ୍କର ବିକିରଣ  । ବିସ୍ତୃତ ଭାବେ କହିଲେ, ୧୦୦ କିଲୋଟନର ଆଟମବମ୍‌ ଦଶମିକ ୭୯ କିଲୋମିଟର ପର୍ଯ୍ୟନ୍ତ ସବୁ କିଛି ବରବାଦ କରିଦେବ  । ଲିଭିଯିବ ଜୀବନର ସତ୍ତା  । ପ୍ରଥମ ଏୟାର ବ୍ଲାଷ୍ଟରେ ଲାଗିବ ୩ ଦଶମିକ ୨୧ କି.ମି ପର୍ଯ୍ୟନ୍ତ ଝଟକା  । କିନ୍ତୁ ପାଖାପାଖି ୧୦ କି.ମି ଯାଏଁ ହେଉଥିବା ରଶ୍ମି ବିକିରଣରେ ୫୦ରୁ ୯୦ ପ୍ରତିଶତ ଲୋକ ଗଭୀର ଭାବରେ ପ୍ରଭାବିତ ହେବେ  ।

ଦ୍ବିତୀୟ ଏୟାର ବ୍ଲାଷ୍ଟ ୧୪ କି.ମି ଯାଏଁ ଥିବା ଘରଦ୍ୱାରକୁ ମାଟିରେ ମିଶାଇଦେବ  । ପ୍ରାୟ ୪୮ କି.ମି ଯାଏଁ ପଡ଼ିବ ଥର୍ମାଲ ରେଡିଏସନ୍‌ର ପ୍ରଭାବ  । ତୃତୀୟ ଏୟାର ବ୍ଲାଷ୍ଟରେ ଲାଗିବ ଜୋରଦାର ଝଟକା  । ୯୪ କିମି ଯାଏଁ ଥିବା ଘରଦ୍ବାର ଗୁଡ଼ିକର କବାଟ ଝରକା କାଚ ଭାଙ୍ଗିଯିବ  । ତେଣୁ କହିବାକୁ ଗଲେ ୧୦୦ କିଲୋମିଟର ଯାଏଁ ଏମିତି ପ୍ରଭାବ ପକାଇବ ପରମାଣୁ ବୋମା ଯାହାର କଳ୍ପନା ବି କରିପାରିବନି ପାକିସ୍ତାନ  । ଆଉ କେତେ ଶହ ବର୍ଷ ପଛକୁ ଚାଲିଯିବ ଦେଶ ତାହା ଭାବିଲେ ଡର ଲାଗୁଛି  । ବୋଧ ହୁଏ ପାକିସ୍ତାନ ଭୁଲିଯାଇଛି ହିରୋସୀମା, ନାଗାସାକିର ଅବସ୍ଥା । ଦ୍ୱିତୀୟ ବିଶ୍ବଯୁଦ୍ଧର ଭୟଙ୍କର ବରବାଦିକୁ ଏଯାଏଁ ଭୁଲିନାହାନ୍ତି ଜାପାନବାସୀ  । ଯୁଦ୍ଧ କଥା କହିଲେ ଏବେବି ଜାପାନବାସୀଙ୍କ ଦେବ ଶୀତେଇ ଉଠେ  । ')}

ବିଦେଶ ଯାଉଥିବା ଆମ ଓଡ଼ିଆ ଲୋକଙ୍କ ମନରେ ସେଠାକାର ଖାଦ୍ୟକୁ ନେଇ ଭାରୀ ଚିନ୍ତା । ଅଧିକ ଚିନ୍ତିତ ସେଠାକୁ ଯେଉଁମାନେ ଦୀର୍ଘ ବର୍ଷ ଧରି ରହିବାକୁ ଯାଆନ୍ତି ।  ସେଠି ଖାଇବାକୁ କଣ ମିଳୁଥିବ ? ଆମ ଓଡ଼ିଆଙ୍କ ଖାଦ୍ୟ ମିଳୁଛି ନା ନାହିଁ ? ଯଦି ମିଳୁଛି କଣ କଣ ? ଆମକୁ ପସନ୍ଦ ଆସିବ ତ ? କେମିତି ବଞ୍ଚିବା ସେଠିକାର ଖାଦ୍ୟ ପାନୀୟରେ….ଏମିତି କେତେ କଣ କଥା ମନକୁ ଆସେ  । ଯଦି କଥା ଆମେରିକା ସହ ଯୋଡ଼ିହୁଏ  ତେବେ ଆମ ଲୋକ ତ ସେଠି ବହୁତ ଅଛନ୍ତି  । ନିଇତି ଏଠି ଘରେ ୯ ତିଅଣ ଛ’ ଭଜା କରି ଖାଉଥିବା ଲୋକ ସେଠି ଖାଉଛି କଣ ? ପ୍ରିୟ ଖାଦ୍ୟରେ ପଖାଳ, ମାଛଭଜା, ଶାଗ ଭଜା, ବଡ଼ି ଚୁରା, ଡଙ୍କରାଇ, ବାଇଗଣ ପୋଡ଼ା ଖୋଜୁଥିବା ଖାଦ୍ୟ ପ୍ରେମୀଟି ସେଠି ଏହାକୁ ନପାଇ ରହିଛି କେମିତି ?

କିନ୍ତୁ କଥା ସେଇଆ ନୁହେଁ ବନ୍ଧୁ  । ଆମ ଓଡ଼ିଶା ଭଳି ବି ସେଠି ପ୍ରାୟ ସବୁ ମିଳୁଛି  । କଣ ଖାଇବେ କହୁନାହାନ୍ତି  । ଯାହା ଖୋଜିବେ ତାହା ମିଳିବ  । ଏମିତିକି ଜାନିଯାତରାର ଜିନିଷ ଦରବ ବି ମିଳୁଛି ସେଠି  । ଆମେ ଆଜି କହିବୁ ଆମେରିକାର ପରିବା ହାଟରେ ମିଳୁଛି କଣ ? କେଉଁ ସବୁ ପରିବା ସେଠି ମିଳୁଛି ? ଓଡ଼ିଆ ଲୋକଟେ କଣ ଖାଇ ବଞ୍ଚିପାରିବ ?

ପ୍ରଥମେ ଶାଗରୁ ଆରମ୍ଭ କରିବା: ଆପଣ ଜାଣନ୍ତି ଖଡ଼ା, କୋଶଳା, ସଜନା ଶାଗ ଠାରୁ ଆରମ୍ଭ କରି କଳମ, କଖାରୁ ଡଙ୍କ , ଲେଉଟିଆ ପୋଇ ଶାଗ ପର୍ଯ୍ୟନ୍ତ ମିଳୁଛି ଆମେରିକାର ପରିବା ହାଟରେ  । ହଁ ରେଟ ଟିକେ ଉଚ୍ଚା  । ଆମ ଓଡ଼ିଶାରେ ୩ ବିଡ଼ା ଶାଗ ୧୫-୨୦ଟଙ୍କା ଭିତରେ ମିଳୁଥିବା ବେଳେ ଆମେରିକାରେ କିନ୍ତୁ ଗୋଟିଏ ବିଡ଼ାର ଦାମ୍‌ ଆମ ମୁଦ୍ରାରେ ୧୦୦ଟଙ୍କା  । ପ୍ରାୟ ୨୦ ଗୁଣା ଅଧିକ ରେଟ୍‌  । ପୋଇ ଶାଗ ଆପେ ଆପେ କାହା ବାଡ଼ି କିମ୍ବା ଚାଳରେ ମାଡ଼ୁଥିବା ବେଳେ , ଆମେରିକା ଦର କିନ୍ତୁ ଚମକାଇ ଦେବ  । ପୋଇ ୪୫୦ଗ୍ରାମକୁ ଦାମ୍‌ ୨୧୦ ଟଙ୍କା  । ଟଙ୍କା କିନ୍ତୁ ଯାହାବି ହେଉ ସବୁ ଶାଗ ତ ପ୍ରାୟ ସେଠି ମିଳିଯାଉଛି  । ସେଠିକା ଲୋକଙ୍କର ଆୟ ବି ସେହି ଅନୁସାରେ ଅଧିକ ରହିଛି  ।

ଅନ୍ୟ ପରିବାରେ ଜହ୍ନି, ବାଇଗଣ, ଟମାଟୋ, ପୋଟଳ, କାଙ୍କଡ଼, ଛଚିନ୍ଦ୍ରା, ସଜନା ଛୁଇଁ, ବିନ୍‌ ଛୁଇଁ ଭେଣ୍ଡି ଠାରୁ ଆରମ୍ଭ କରି ପିଆଜ ସାଇଁ ଯାଏଁ ସବୁ କିଛି ମିଳୁଛି  । ଦାମ୍‌ କିନ୍ତୁ ଅଳ୍ପ କିଛି ଓଜନକୁ ୧୦୦ ଟଙ୍କା  । ତେଣୁ ଆମେରିକା ଗଲେ ଓଡ଼ିଆ ଲୋକକୁ ତା ପସନ୍ଦର ପରିବା ବା ଖାଦ୍ୟ ପାଇବାକୁ ଟେନସନ ନାହିଁ  ।

ଆଉ ଗୋଟେ କଥା ଆପଣ ଜାଣିଛନ୍ତି କି ନାହିଁ, ପ୍ରଥମାଷ୍ଟମୀରେ ଏଣ୍ଡୁରି ପିଠା ପ୍ରସ୍ତୁତ ପାଇଁ ଦରକାର ହେଉଥିବା ହଳଦୀ ପତ୍ର ବି ମଳୁଛି ସେଠି । ମାଣବସା ଗୁରୁବାର ପାଇଁ ସମସ୍ତ ଜିନିଷଠାରୁ ଆରମ୍ଭ କରି ଗେଣ୍ଡୁ ଫୁଲ ଯାଏଁ ଆମେରିକାରେ ମିଳୁଛି  ।

ଆମିଷରେ ବିଭିନ୍ନ ପ୍ରକାର ମାଛଠାରୁ ଆରମ୍ଭ କରି ମାଂସ ସବୁ କିଛି ଉପଲବ୍ଧ  ।

ତେଣୁ ଆମେରିକା ଗଲେ ଖାଇବା ଟେନସନ ଜମା ବି ରଖନ୍ତୁନି, ଯଦି ନିଜେ ରୋଷେଇ କରି ଖାଉଛନ୍ତି  । ଖାଲି ନିଜେ ଆପଣ ବନେଇ ପାରିଲେ ହେଲା  ।

  ')}

ରାଫେଲ ଭଳି ଦୁନିଆର ପାଞ୍ଚଟି ସବୁଠୁ ଶକ୍ତିଶାଳୀ ଯୁଦ୍ଧ ବିମାନ କଣ ? ପରମାଣୁ ଯୁଦ୍ଧ ଓ ଅସ୍ତ୍ରଶସ୍ତ୍ର ବ୍ୟତୀତ ଯାହା ପାଖରେ ଭଲ ଲଢ଼ୁଆ ବିମାନ ଥିବ ସେ ହିଁ ଶକ୍ତିଶାଳୀ । ପରାକ୍ରମୀ, ଉଭୟ ସ୍ପିଡ, ରାଡାରଠାରୁ ଲୁଚିବାର କ୍ଷମତା ଅନୁସାରେ  । ଆମେ ଆପଣଙ୍କୁ କହିବୁ ଦୁନିଆର ସବୁଠାରୁ ଶକ୍ତିଶାଳୀ ୫ଟି ଯୁଦ୍ଧ ବିମାନ ବିଷୟରେ, ଯାହା ଶତ୍ରୁ ରାଷ୍ଟ୍ରକୁ ଚକମା ଦେବାରେ ମାହିର ।

୧. F-22 ରାଫ୍ଟର

ଆମେରିକା ଦ୍ୱାରା ନିର୍ମିତ ଏହି ବିମାନ ବର୍ତ୍ତମାନ ସମୟରେ ପଞ୍ଚମ ପିଢ଼ିର ସବୁଠାରୁ ଶକ୍ତିଶାଳୀ ଯୁଦ୍ଧ ବିମାନ  । ଏହା ୨୦୦୫ରେ ନିର୍ମିତ ହୋଇଥିଲା,  କିନ୍ତୁ ଆମେରିକା ବାୟୁସେନାକୁ ଏହା ୨୦୧୨ରେ ମିଳିଥିଲା । ଏବେ ଆମେରିକା ପାଖରେ ପାଖାପାଖି ୧୯୫ଟି F-22 ରାଫ୍ଟର ବିମାନ ରହିଛି  । ଏହା ଆକାଶରେ ଉଡ଼ିବା ବେଳେ ରାଡ଼ାରଠାରୁ ଅଦୃଶ୍ୟ ରହି କୌଣସି ବି ବିମାନକୁ ନିଜର ସ୍ଥିତି ସମ୍ବନ୍ଧରେ ଜଣାଇ ଦିଏନି  । ଏହାର ଘଣ୍ଟାପ୍ରତି ବେଗ ୨୪୧୦ କି.ମି  । ଗୋଟିଏ ମିନିଟରେ ୬୨ହଜାର ଫୁଟ ଉଚ୍ଚକୁ ଉଡ଼ିବାର କ୍ଷମତା ରଖିଛି F-22  । ନିର୍ମାଣ ପାଇଁ ଖର୍ଚ୍ଚ ହୋଇଛି ୧୫୦ ମିଲିୟନ ଡଲାର  ।

୨. ଚେଙ୍ଗଦୁ J-20

ଚୀନ ଦ୍ୱାରା ନିର୍ମିତ ଏହା ଏକ ହାଲକା ବିମାନ ଯାହା କୌଣସି ବି ପାଗରେ ଉଡ଼ାଣ ଭରିପାରେ  । ୨୦୧୭ରେ ଚୀନ ଏହାକୁ ନିର୍ମାଣ କରିଥିଲା । ବର୍ତ୍ତମାନ ସମୟରେ ଚୀନ ସେନାର ଏହା ସବୁଠୁ ଟାଣୁଆ ହତିଆର  । ବିମାନ ଭିତରେ ଲେଜର ଗାଇଡେଡ୍‌ ବମ୍ ସହ ସାଟେଲାଇଟ୍‌ ଗାଇଡେଡ୍‌ ବମ୍‌ ବି ରହିଛି  । ଏହାର ଘଣ୍ଟାପ୍ରତି ବେଗ ୨୧୦୦ କି.ମି । ଗୋଟିଏ ମିନିଟରେ ୪୫ ହଜାର ଫୁଟ ଉଚ୍ଚକୁ ଉଡ଼ିପାରେ ଏହି ଯୁଦ୍ଧ ବିମାନ । ନିର୍ମାଣ ପାଇଁ ଖର୍ଚ୍ଚ ହୋଇଛି ୧୧୦ ମିଲିୟନ ଡଲାର ।

୩. ସୁଖୋଇ Su-57 କିମ୍ବା T-50

ଭାରତ ଓ ଋଷ ପ୍ରୟାସରେ ଉଭୟ ଦେଶର ସେନା ପାଇଁ ନିର୍ମିତ ହୋଇଛି ଏହି ଯୁଦ୍ଧ ବିମାନ  । ଏହା ଶ୍ରେଷ୍ଠ, ସିଙ୍ଗଲ ସିଟ୍ ଓ ଦୁଇଟି ଇଂଜିନ ଜେଟ୍‌ ଦ୍ବାରା ନିର୍ମିତ ବହୁମୂଖୀ ଯୁଦ୍ଧ ବିମାନ  । ଯାହାର ଘଣ୍ଟା ପ୍ରତି ବେଗ ୨୧୪୦ କି.ମି  । ନିର୍ମାଣ ପାଇଁ ଖର୍ଚ୍ଚ ହୁଏ ୪୦-୪୫ ମିଲିୟନ ଡଲାର ।

୪. ଲୋକହିର୍ଡ ମ୍ୟାର୍ଟିନ ଓ୍ବାନ -୩୫ ଲାଇଟନିଙ୍ଗ-୨ USA

ସଂଯୁକ୍ତ ରାଷ୍ଟ୍ର ଆମେରିକା ଦ୍ୱାରା ନିର୍ମିତ ପଞ୍ଚମ ପିଢ଼ିର ଯୁଦ୍ଧ ବିମାନ  । ଏଯାଏଁ ମାତ୍ର ୧୩ ୟୁନିଟ୍ ହିଁ ନିର୍ମିତ ହୋଇଛି  । ସୁପର ଆଡଭାନ୍ସଡ୍‌ କମ୍ପ୍ୟୁଟର ଟେକନିକ୍‌ରେ ଏହା ନିର୍ମିତ  । ରାଡାରକୁ ଚକମା ଦେବାରେ ସିଦ୍ଧହସ୍ତ । ଏହାର ରହିଛି ତିନିଟି ଅଲଗା ଅଲଗା ମଡେଲ । F-35 A, F-35B ଓ F-35 C  । ଘଣ୍ଟାପ୍ରତି ବେଗ ୧୯୩୦ କି.ମି  ।

୫. ମିସ୍ତୁବିଶି X-2 ସିନସିନ, ଜାପାନ

ଜାପାନ ଏହି ନାଁରେ ପଞ୍ଚମ ପିଢ଼ିର ପ୍ରଥମ ଯୁଦ୍ଧ ବିମାନ ତିଆରି କରିଛି  । ଯାହାର ଘଣ୍ଟାପ୍ରତି ସର୍ବାଧିକ ବେଗ ୨୫୭୦ କି.ମି  । ପ୍ରତି ମିନିଟ୍‌ରେ ୪୫ହଜାର ଫୁଟ ଉପରକୁ ଉଠିପାରେ ମିସ୍ତୁବିଶି  । ଏହାର ବାହାରେ ରହିଛି ଦୁଇଟି ଇନ୍ଧନ ଟ୍ୟାଙ୍କ  । ୭୬୧ କିମି ବ୍ୟାସାର୍ଦ୍ଧ କଭର କରିପାରେ  । ଏଯାଏଁ ମାତ୍ର ଗୋଟିଏ ହିଁ ତିଆରି ହୋଇଛି  । ଯାହାର ପରୀକ୍ଷଣ ୨୨ ଏପ୍ରିଲ ୨୦୧୬ରେ ହୋଇଥିଲା  ।

-ଅବିନାଶ ଷଡ଼ଙ୍ଗୀ

')}