ରାସ୍ତାରେ ଗଡ଼ିପାରିବ ୧୫ ବର୍ଷରୁ ଅଧିକ ଗାଡ଼ି, ବାସ୍ କରିବାକୁ ପଡ଼ିବ ଏତିକି
ଭୁବନେଶ୍ୱର: ଆପଣଙ୍କ ପାଖେ ୧୫ ବର୍ଷରୁ ଅଧିକ ପୁରୁଣା ଗାଡ଼ି ଅଛି କି ? ତେବେ ଚିନ୍ତା ଛାଡ଼ନ୍ତୁ । କାରଣ ରାସ୍ତା ଉପରେ ୧୫ ବର୍ଷରୁ ଅଧିକ ହୋଇଥିବା ଗାଡ଼ି ବି ଗଡ଼ିପାରିବ । ଏନେଇ ରାଜ୍ୟ ପରିବହନ କର୍ତ୍ତୃପକ୍ଷ ସୂଚନା ଦେଇଛନ୍ତି । ତେବେ ଆପଣଭଙ୍କ ପାଖେ ୧୫ ବର୍ଷରୁ ଅଧିକ ଦିନର ଗାଡ଼ି ଥିଲେ । ଆପଣଙ୍କୁ ଆରଟିଓ କାର୍ଯ୍ୟାଳୟ ଯାଇ ଗାଡ଼ି ରିନ୍ୟୁ କରିବାକୁ ପଡ଼ିବ । ଗାଡ଼ିର ଫିଟନେସ ଥିବା ଯାଏଁ ପଞ୍ଜିକରଣ ବୈଧ ରହିବ ।
ତେବେ, ୧୫ ବର୍ଷରୁ ଅଧିକ ସବୁ ଗାଡ଼ି କ୍ଷେତ୍ରରେ ଏହି ନିୟମ ଲାଗୁ ହେବନାହିଁ । କେବଳ ଅଣ-ପରିବହନ ଗାଡ଼ି କ୍ଷେତ୍ରରେ ଏହା କାର୍ଯ୍ୟକାରୀ ହେବ ବୋଲି ରାଜ୍ୟ ପରିବହନ କର୍ତ୍ତୃପକ୍ଷ ସୂଚନା ଦେଇଛନ୍ତି ।
https://nandighoshatv.comnew-mv-act-strictly-applied-after-4-days/
କାଲି ମୁଖ୍ୟମନ୍ତ୍ରୀ ଭାବେ ଶପଥ ନେବେ ଉଦ୍ଧବ ଠାକରେ, ୩ ସୁଦ୍ଧା ପ୍ରମାଣ କରିବେ ବହୁମତ
ମୁମ୍ବାଇ: ଆସନ୍ତାକାଲି ମହାରାଷ୍ଟ୍ର ମୁଖ୍ୟମନ୍ତ୍ରୀ ଭାବେ ଶପଥ ନେବେ ଉଦ୍ଧବ ଠାକରେ । ପୂର୍ବରୁ ଠାକରେ ଡିସେମ୍ବର ୧ରେ ଶପଥ ନେବେ ବୋଲି କୁହାଯାଉଥିଲା । ମଙ୍ଗଳବାର ବିଳମ୍ବିତ ରାତିରେ କଂଗ୍ରେସ ନେତା ବାଲା ସାହେବ ଥୋରାଟ ୨୮ ତାରିଖରେ ଉଦ୍ଧବ ଠାକରେ ଶପଥ ନେବେ ବୋଲି କହିଛନ୍ତି । କାଲି ଶିବାଜୀ ପାର୍କରେ ସନ୍ଧ୍ୟା ୬ଟା ୪୦ରେ ଶପଥ ଗ୍ରହଣ କାର୍ଯ୍ୟକ୍ରମ ହେବ ।
ଶପଥ ଗ୍ରହଣକୁ ବିଜେପି ଅଧ୍ୟକ୍ଷ ତଥା କେନ୍ଦ୍ର ଗୃହମନ୍ତ୍ରୀ ଅମିତ ଶାହ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ନିମନ୍ତ୍ରଣ କରାଯିବ ବୋଲି କହିଛନ୍ତି ସେନା ନେତା ସଞ୍ଜୟ ରାୱତ । ଆଜି ସ୍ୱତନ୍ତ୍ର ଅଧିବେଶନରେ ପ୍ରୋଟେମ ସ୍ପିକର ବିଧାୟକମାନଙ୍କୁ ପଦ ଓ ଗୋପନୀୟତାର ଶପଥ ପାଠ କରାଇବେ । ଅନ୍ୟପଟେ ରାଜ୍ୟପାଳ ଭଗତ ସିଂହ କୋଶ୍ୟାରୀ ଉଦ୍ଧବ ଠାକରେଙ୍କୁ ପତ୍ର ଲେଖି ୭ ଦିନ ମଧ୍ୟରେ ଅର୍ଥାତ୍ ଡିସେମ୍ବର ୩ ମଧ୍ୟରେ ବହୁମତ ପ୍ରମାଣ ଦେବାକୁ କହିଛନ୍ତି ।
ଏଥିସହ ପଢ଼ନ୍ତୁ ଶକ୍ତି ପରୀକ୍ଷା ପୂର୍ବରୁ ମୈଦାନ ଛାଡ଼ିଲା ବିଜେପି, ଶପଥ ଗ୍ରହଣର ୮୦ ଘଣ୍ଟାରେ ଇସ୍ତଫା
ଗତକାଲି ଉଦ୍ଧବ ଠାକରେଙ୍କୁ ଶିବସେନା, ଏନସିପି ଓ କଂଗ୍ରେସ ମେଣ୍ଟ ‘ମହା ବିକାଶ ଅଘାଡ଼ି’ର ନେତା ଭାବେ ନିର୍ବାଚିତ କରାଯାଇଥିଲା ।
https://nandighoshatv.comuddhav-thackeray-next-cm-of-maharastra/
‘ମହା ବିକାଶ ଅଘାଡ଼ି’ ମେଣ୍ଟର ନେତା ଭାବେ ଉଦ୍ଧବ ଠାକରେ ନିର୍ବାଚିତ, ରବିବାର ନେବେ ଶପଥ
ମୁମ୍ବାଇ: ମହାରାଷ୍ଟ୍ର ମହାନାଟକର ଅନ୍ତ । ଗଠନ ହେଲା ‘ମହା ବିକାଶ ଅଘାଡ଼ି’ ମେଣ୍ଟ । ମେଣ୍ଟର ନେତା ଭାବେ ନିର୍ବାଚିତ ହେଲେ ଶିବସେନା ମୁଖ୍ୟ ଉଦ୍ଧବ ଠାକରେ । ଆସନ୍ତା ଡିସେମ୍ବର ୧ ତାରିଖରେ ମୁଖ୍ୟମନ୍ତ୍ରୀ ଭାବେ ଉଦ୍ଧବ ଠାକରେ ଶପଥ ନେବେ । ହୋଟେଲ ଟ୍ରିଡେଣ୍ଟରେ ଶିବସେନା, ଏନସିପି ଓ କଂଗ୍ରେସ ବିଧାୟକଙ୍କ ମିଳିତ ବୈଠକରେ ଏହି ନିଷ୍ପତ୍ତି ନିଆଯାଇଛି ।
‘ମହା ବିକାଶ ଅଘାଡ଼ି’ର ୩ ଜଣ ନେତା ଆଜି ରାଜ୍ୟପାଳଙ୍କୁ ଭେଟି ସରକାର ଗଠନ ନେଇ ଦାବି ଜଣାଇବେ । ୧ ତାରିଖରେ ଶିବାଜୀ ପାର୍କରେ ଶପଥ ଗ୍ରହଣ ସମାରୋହ ହେବ ବୋଲି ଏନସିପି ମୁଖ୍ୟ ଶରଦ ପାୱାର କହିଛନ୍ତି । ଶିବସେନାକୁ ମୁଖ୍ୟମନ୍ତ୍ରୀ ପଦ ମିଳିଥିବା ବେଳେ ଏନସିପି ଓ କଂଗ୍ରେସରୁ ଜଣେ ଲେଖାଏଁ ଉପ ମୁଖ୍ୟମନ୍ତ୍ରୀ ଭାବେ ଶପଥ ନେବେ ।
ତେବେ, କିଏ ଉପ ମୁଖ୍ୟମନ୍ତ୍ରୀ ହେବେ ସେ ନେଇ ଚିତ୍ର ସ୍ପଷ୍ଟ ହୋଇନାହିଁ । ବୁଧବାର ପ୍ରୋଟେମ ସ୍ପିକର କାଳୀଦାସ କୋଲାମ୍ବକର ସ୍ୱତନ୍ତ୍ର ଅଧିବେଶନରେ ବିଧାୟକଙ୍କୁ ଶପଥ ପାଠ କରାଇବେ । ‘ମହା ବିକାଶ ଅଘାଡ଼ି’ର ନେତା ନିର୍ବାଚିତ ହେବା ପରେ ଉଦ୍ଧବ ପ୍ରତିକ୍ରିୟା ରଖିଛନ୍ତି । ମୁଁ ରାଜ୍ୟର ନେତୃତ୍ୱ ନେବି ବୋଲି ସ୍ୱପ୍ନରେ ସୁଦ୍ଧା ଭାବି ନଥିଲି । ଏଥିସହ ସେ ସୋନିଆ ଗାନ୍ଧି ଓ ଅନ୍ୟମାନଙ୍କୁ ଧନ୍ୟବାଦ ଜଣାଇଛନ୍ତି ।
ନାଟକୀୟ ମୋଡ଼ରେ ରାଷ୍ଟ୍ରପତି ଶାସନ ଉଠିବା ଓ ମୁଖ୍ୟମନ୍ତ୍ରୀ ଭାବେ ଦେବେନ୍ଦ୍ର ଫଡ଼ନାବିସ୍ ଶପଥ ନେବାକୁ ନେଇ ମାମଲା ସୁପ୍ରିମକୋର୍ଟ ପହଞ୍ଚିଥିଲା । ବୁଧବାର ସନ୍ଧ୍ୟା ସୁଦ୍ଧା ବହୁମତ ପରୀକ୍ଷା ପାଇଁ କୋର୍ଟ କହିଥିଲେ । ଏହା ପୂର୍ବରୁ ଆଜି ଉପ ମୁଖ୍ୟମନ୍ତ୍ରୀ ଅଜିତ୍ ପାୱାର ଓ ମୁଖ୍ୟମନ୍ତ୍ରୀ ଫଡନାବିସ୍ ଇସ୍ତଫା ଦେଇଥିଲେ । ବିଜେପିର ‘ଅପରେସନ୍ ଲୋଟସ’ ବିଫଳ ହେବା ସହ ଦ୍ୱିତୀୟ ପାଳିରେ ମାତ୍ର ୪ ଦିନ ପାଇଁ ମୁଖ୍ୟମନ୍ତ୍ରୀ ପଦରେ ବସିଥିଲେ ଫଡ଼ନାବିସ୍ ।
ପଢ଼ନ୍ତୁ ପୂରା ଖବର
https://nandighoshatv.comfadnavis-resigns-as-cm/