କୋଟିଏ କି ୨ କୋଟି ନୁହଁ ପୂରା ୪୫୦ କୋଟି ମୂଲ୍ୟର ଗହଣା ଚୋରି । ହୁଏତ ପୂର୍ବରୁ ଆପଣ ସିନେମା ଏଭଳି ବଡ଼ ଧରଣର ଚୋରି ହେଉଥିବା ଦେଖିଥିବେ । କିନ୍ତୁ ଏବେ ସତରେ ଘଟିଛି ଏଭଳି ଘଟଣା । ୩ରୁ ୪ଟି ଲେଖାଏଁ ସିସିଟିଭି ଖଞ୍ଚିତ ରୁମ୍‌, ୨୪ ଘଣ୍ଟିଆ କଡ଼ା ସୁରକ୍ଷା ଓ ଚେକ୍‌ ପଏଣ୍ଟକୁ ଚକ୍‌ମା ଦେଇ ଗହଣା ଲୁଟିନେଇଛନ୍ତି ଦୁର୍ବୃତ୍ତ । ଏଭଳି ଏକ ଘଟଣା ଦେଖିବାକୁ ମିଳିଛି ଲଣ୍ଡନ୍‌ରେ ।

ରେସିଂ କାର୍‌ ପ୍ରସ୍ତୁତକାରୀ କମ୍ପାନୀ ଫର୍ମୁଲା ଓ୍ୱାନର୍‌ ପୂର୍ବତନ ମାଲିକଙ୍କ ଝିଆ ତମାରା ଏକ୍ଳେଷ୍ଟନ୍‌ଙ୍କ ମେନସନ୍‌ ବା ବଙ୍ଗଳାରୁ ହୋଇଛି ଚୋରି । ୫୦ ମିଲିୟନ୍‌ ପାଉଣ୍ଡ ଅର୍ଥାତ ଭାରତୀୟ ମୁଦ୍ରାରେ ପ୍ରାୟ ୪୫୦ କୋଟି ଟଙ୍କାର ଗହଣା ଲୁଟିନେଇଛନ୍ତି ଦୁର୍ବୃତ୍ତ । ଲଣ୍ଡନ୍‌ ସ୍ଥିତ ବଙ୍ଗଳାରୁ ହୋଇଛି ଚୋରି । ତମାରା ବଡ଼ଦିନ ବା ଖ୍ରୀଷ୍ଟମାସ୍‌ ଛୁଟି କଟେଇବାକୁ ଦେଶ ବାହାରକୁ ଯାଇଥିବା ବେଳେ ଶୁକ୍ରବାର ରାତିରେ ଲୁଟ୍‌ ହୋଇଥିବା ସୂଚନା ।

ଚୋରମାନେ ପ୍ରଥମେ ବଗିଚା ଦେଇ ପଶିଥିଲେ । ପରେ ତାଙ୍କ ରୁମ୍‌ରେ ଥିବା ଆଲମାରୀକୁ ଭାଙ୍ଗି ଲୁଟିଥିବା ଅନୁମାନ କରାଯାଉଛି । ବହୁ ଦାମୀ ମୁଦି, କାନର ଝୁମ୍‌କା ସହ ତାଙ୍କୁ ବିବାହରେ ଗିଫ୍ଟ ମିଳିଥିବା ୭୫ ଲକ୍ଷ ମୂଲ୍ୟର କାର୍ଟିୟର୍‌ ଚୁଡ଼ି ମଧ୍ୟ ଲୁଟିନେଇଛନ୍ତି ଦୁର୍ବୃତ୍ତ । ତେବେ ଏକ୍ଳେଷ୍ଟନ୍‌ଙ୍କ ପ୍ରବକ୍ତା କହିଛନ୍ତି ଯେ, ଘର ଉପରେ ଆକ୍ରମଣ ହୋଇଛି, ମାମଲାର ତଦନ୍ତ ନେଇ ପୋଲିସକୁ ବଙ୍ଗଳା ସୁରକ୍ଷା ଦାୟିତ୍ୱରେ ଥିବା କର୍ମୀ ସହଯୋଗ କରୁଛନ୍ତି ।

ତେବେ ୩ରୁ ୪ଟି ଲେଖାଏଁ ସିସିଟିଭି ଲଗିଥିବା ୫୭ଟି ରୁମ୍‌, ୨୪ ଘଣ୍ଟିଆ କଡ଼ା ସୁରକ୍ଷା ଓ ଚେକ୍‌ ପଏଣ୍ଟକୁ ଚକ୍‌ମା ଦେଇ ଲୁଟିବା ସାଧାରଣରେ ସମସ୍ତଙ୍କୁ ଚକିତ କରିଛି । ଅପରପକ୍ଷରେ ଏଯାଏଁ କେହିଁ ଚୋର ଧରାପଡ଼ିନଥିବା ସହ ଲୁଟ୍ ହୋଇଥିବା କୌଣସି ବି ଗହଣା ଜବତ ହୋଇନଥିବା ପୋଲିସ ପକ୍ଷରୁ କୁହାଯାଇଛି ।

ଅଷ୍ଟ୍ରେଲିଆ: ଅଷ୍ଟ୍ରେଲିଆରେ ଏମିତି କିଛି ଦେଖିବାକୁ ମିଳିଛି ଯାହା ଦେଖିଲେ ଆପଣଙ୍କ ଲୋମ ଟାଙ୍କୁରି ଉଠିବ । ଜଣେ ମହିଳା ଖ୍ରୀଷ୍ଟମାସ ଟ୍ରି ଭିତରେ ୧୦ ଫୁଟର ଅଜଗର ଶୋଇଥିବା ଦେଖିବାକୁ ପାଇଲେ । ସୂଚନା ଅନୁଯାୟୀ, ଲୀନ ଚେପମେନ୍ ଏବଂ ତାଙ୍କ ସ୍ୱାମୀ କ୍ୱିସଲେଣ୍ଡ ସନ୍ଧ୍ୟାରେ ନିଜ ଆପାର୍ଟମେଣ୍ଟରେ ପହଞ୍ଚିବା ମାତ୍ରେ ବଲକୋନିରୁ କିଛି ଶବ୍ଦ ଆସୁଥିବା ଶୁଣିଲେ । ଯାହା କୌଣସି ଏକ ପକ୍ଷୀର ହୋଇଥିବା ଅନୁମାନ କରିଥିଲେ ଦମ୍ପତି । କିନ୍ତୁ ଯେତେବେଳେ ସେ ବଲକୋନିରେ ଥିବା ଖ୍ରୀଷ୍ଟମାସ ଟ୍ରି ପାଖକୁ ଗଲେ ସେତେବେଳେ ତାଙ୍କ ହୋସ ଉଡ଼ିଗଲା ।

କାରଣ ସେ ଶବ୍ଦ କୌଣସି ପକ୍ଷୀର ନୁହଁ ବରଂ ଏକ ଅଜଗରର ଥିଲା ଯାହା ଗଛରେ ଗୁଡ଼େଇ ହୋଇ ରହିଥିବାର ଦେଖିଥିଲେ । ଏବଂ ଦମ୍ପତି ସାପଟି ନ ଘଉଡ଼େଇ ତାକୁ ସେହି ଜାଗାରେ ହିଁ  ଛାଡିଦେଇଥିଲେ । ରାତିରେ ସାପଟି ଖ୍ରୀଷ୍ଟମାସ ଟ୍ରି ଛାଡିକି ପଳେଇଥିଲା । ପ୍ରଥମେ ଦମ୍ପତି ଏହାକୁ ଏକ ଛୋଟ ସାପ ବୋଲି ଅନୁମାନ କରିଥିଲେ କିନ୍ତୁ ଯେତେବେଳେ ସାପଟି ଯେତେବେ ଗଛରୁ ବାହାରକୁ ବାହାରିଲା ତାହା ୧୦ ଫୁଚ ଲମ୍ବା ବୋଲି ଜଣା ପଡ଼ିଲା ।

ଲୀନ ଚେପମେନଙ୍କ କହିବା ଅନୁସାରେ, ‘ ଆମେ ଅଜଗରକୁ ଜମାବି ହଇରାଣ କରିନାହୁଁ ବାସ୍ ଝରକା ବନ୍ଦ କରି ତା ଉପରେ ଆମେ ନଜର ରଖିଥିଲୁ । ସେ ଦେଖିବାକୁ ଖୁବ ସୁନ୍ଦର ଲାଗୁଥିଲା । ସେ ବହୁତ ବଡ଼ ମଧ୍ୟ ଥିଲା । ମୁଁ ଜୀବନରେ କେବେ ଏତେବଡ଼ ସାପ ଦେଖିନଥିଲି।’

ପାଟଣା: ବିହାରର ପୂର୍ବତନ ମୁଖ୍ୟମନ୍ତ୍ରୀ ଲାଲୁ ପ୍ରସାଦ ଯାଦବଙ୍କ ପରିବାର ଓ ତାଙ୍କ ବୋହୂ ଐଶର୍ଯ୍ୟାଙ୍କ ମଧ୍ୟରେ ଲାଗି ରହିଥିବା ବିବାଦରେ ଯୋଡ଼ି ହୋଇଛି  ନୂଆ ଫର୍ଦ୍ଧ ।  ଶାଶୂ ରାବରୀ ଦେବୀ ତଥା ବିହାରର ପୂର୍ବତନ ମୁଖ୍ୟମନ୍ତ୍ରୀ ତାଙ୍କୁ ଶାରୀରିକ ନିର୍ଯାତନା ଦେଉଥିବା ଅଭିଯୋଗ ଆଣିଛନ୍ତି ବୋହୂ ଐଶର୍ଯ୍ୟା । ଶାଶୂ ରାବରୀ ଦେବୀ ତାଙ୍କୁ ଜବରଦସ୍ତି ଘରୁ ବାହାର କରିଦେଇଥିବା ଅଭିଯୋଗ କରିଛନ୍ତି ଐଶର୍ଯ୍ୟା ।

ଗତ ୫ ମାସ ମଧ୍ୟରେ ଦ୍ୱିତୀୟ ଥର ପାଇଁ ନିଜ ଶାଶୂଙ୍କ ନାଁରେ ସେ ଏଭଳି ଅଭିଯୋଗ ଆଣିଛନ୍ତି । ରାବରୀ ଦେବୀ ତାଙ୍କ ଚୁଟି ଘୋଷାଡ଼ି ତାଙ୍କୁ ମାଡ଼ ମାରିଛନ୍ତି । ଏହା ପରେ ମୋତେ ସୁରକ୍ଷାକର୍ମୀଙ୍କ ଦ୍ୱାରା 10 ସର୍କୁଲାର ରୋଡ୍‌ରୁ ବହାର କରିଦେଇଥିଲେ । ଘଟଣାସମ୍ପର୍କରେ ଜାଣି ପୂର୍ବ ମୁଖ୍ୟମନ୍ତ୍ରୀଙ୍କ ଘରେ ପହଞ୍ଚିଥିଲେ ଐାଶର୍ଯ୍ୟାଙ୍କ ବାପା ତଥା ବିଧାୟକ ଚନ୍ଦ୍ରିକ ରାଏ ।

ମିଳିଥିବା ସୂଚନା ମୁତାବକ, ଘଟଣାନେଇ ରାବରୀ ଦେବୀଙ୍କ ନାଁରେ ସଚିବାଳୟ ପୋଲିସ ଷ୍ଟେସନ୍‌ରେ ମାମଲା ରୁଜୁ ହୋଇଛି । ଏ ନେଇ ଏସ୍‌ପି ଗରିମା ମଲ୍ଲିକଙ୍କୁ ମଧ୍ୟ ଫୋନ୍‌ କରିଜଣାଇଛନ୍ତି ଐଶର୍ଯ୍ୟା ।

ଅପରପକ୍ଷରେ ଐଶର୍ଯ୍ୟା ଓ ତାଙ୍କ ଶାଶୂ ହାତାହତି ହେବା ପରେ ତାଙ୍କୁ ବଡ଼ଗାର୍ଡଙ୍କ ଦ୍ୱାରା ଘରୁ ବାହାର କରିଦିଆାଯାଇଥିବା ତାଙ୍କ  ସ୍ୱାମୀ ତେଜ ପ୍ରତାପ ଯାଦବ ଗଣମାଧ୍ୟମକୁ କହିଛନ୍ତି ।