ନନ୍ଦିଘୋଷ ବ୍ୟୁରୋ: ଭାରତ ପାକିସ୍ତାନ ମଧ୍ୟରେ ଅସ୍ତ୍ରବିରତି ହେବା ପରେ ମାର୍କେଟରେ ଉତ୍ସାହ। ଆଜି ଗ୍ରୀନରୁ ମାର୍କେଟ ଖୋଲିଥିଲା। ସେନସେକ୍ସ ୨୨୦୦ ପଏଣ୍ଟରୁ ଅଧିକ ବୃଦ୍ଧି ପାଇଥିବା ବେଳେ ନିଫଟି ୭୦୦ ପଏଣ୍ଟରୁ ଅଧିକ ବଢ଼ିଛି। ଦୁଇ ଦେଶ ମଧ୍ୟରେ ଯୁଦ୍ଧ ହେବାର ସମ୍ଭାବନା ହ୍ରାସ ପାଇବା ପରେ ମାର୍କେଟରେ ଏହି ଉତ୍ସାହ ଦେଖା ଦେଇଛି ଏବଂ କାରବାର ବଢ଼ିଛି। ସେନସେକ୍ସ ୮୧ ହଜାର ୭୦୦ ଟପିଥିବା ବେଳେ ନିଫଟି ମଧ୍ୟ ୨୪ ହଜାର ୭୦୦ ପଏଣ୍ଟ ପାର୍ କରିଛି। ମାର୍କେଟ ପାଇଁ ଆଉ ଏକ ଖୁସି ଖବର ହେଲା- ବାଣିଜ୍ୟ ନିଅଣ୍ଟ ହ୍ରାସ କରିବା ପାଇଁ ଆମେରିକା ଓ ଚୀନ ମଧ୍ୟରେ ହୋଇଛି ଏକ ଡିଲ୍। ଦୁଇ ଦେଶର ଆଲୋଚନା ପରେ ଏହି ଚୁକ୍ତି ହୋଇଛି। ଏହା ପରେ ଆମେରିକା ଓ ଚୀନ ମଧ୍ୟରେ ଯେଉଁ ଟାରିଫ୍ ୱାର୍ ଚାଲିଥିଲା, ତାହା ବନ୍ଦ ହେବାର ଆଶା କରାଯାଉଛି। ଏହି କାରଣରୁ ମଧ୍ୟ ମାର୍କେଟ ଆଶ୍ଵସ୍ତ ହୋଇଛି ଏବଂ କାରବାର ବଢ଼ିଛି। କେବଳ ଭାରତ ନୁହେଁ, ହଂକଂ, ସାଙ୍ଘାଇ, ସିଡନି, ସିଓଲ୍ ତାଇପେଇ ଏବଂ ୱେଲିଂଟନରେ ମାର୍କେଟ ବଢ଼ିଛି। ତେବେ ଏହି ଉତ୍ସାହ ଜାପାନର ଟୋକିଓରେ ଦେଖା ଦେଇ ନାହିଁ।
ରୋହିତଙ୍କ ପରେ.. ଟେଷ୍ଟ କ୍ରିକେଟରୁ ଅବସର ଘୋଷଣା କଲେ ବିରାଟ କୋହଲି
ନନ୍ଦିଘୋଷ ବ୍ୟୁରୋ: ପୁଣି ଟେଷ୍ଟ କ୍ରିକେଟରେ ଟିମ ଇଣ୍ଡିଆକୁ ଲାଗିଲା ବଡ଼ ଝଟକା । ରୋହିତ ଶର୍ମାଙ୍କ ପରେ ଟେଷ୍ଟ କ୍ରିକେଟରୁ ଅବସର ଘୋଷଣା କରିଛନ୍ତି ବିରାଟ କୋହଲି । ପୂର୍ବରୁ ଅବସର ନେବା ନେଇ ଚର୍ଚ୍ଚା ହୋଇଥିବା । ଏଣୁ ସେ ନିଷ୍ପତ୍ତି ବଦଳାଇବେ ବୋଲି ବିସିସିଆଇ ପକ୍ଷରୁ ଆଲୋଚନା ହୋଇଥିଲା । ମାତ୍ର ଏବେ ସେ ଟେଷ୍ଟ କ୍ରିକେଟରୁ ଅବସର ଘୋଷଣା କରିଛନ୍ତି । ଟି-୨୦ ବିଶ୍ବକପ ପରେ ଟି-୨୦ରୁ ଅବସର ଘୋଷଣା କରିଥିଲେ । ଏବେ ଟେଷ୍ଟରୁ ଅବସର ଘୋଷଣା କରିଥିବାବେଳେ ଆଗାମୀ ଦିନରେ କେବଳ ଦିନିକିଆରେ ଖେଳ ଜାରି ରଖିବେ । ବିରାଟ ଭାରତ ପାଇଁ ୧୨୩ଟି ଟେଷ୍ଟ ମ୍ୟାଚ ଖେଳିଛନ୍ତି । ତାଙ୍କ ନାମରେ ଅନେକ ରେକର୍ଡ ରହିଥିବାବେଳେ ୨୦୧୧ ମସିହାରେ ଓ୍ବେଷ୍ଟ ଇଣ୍ଡିଜ ବିପକ୍ଷରେ ଟେଷ୍ଟରେ ଡେବ୍ୟୁ କରିଥିଲେ କୋହଲି । ବିରାଟ ନିଜର ଶେଷ ଟେଷ୍ଟ ମ୍ୟାଚ ଅଷ୍ଟ୍ରେଲିଆ ବିପକ୍ଷରେ ଖେଳିଥିଲେ ।
‘ଅପରେସନ ସିନ୍ଦୂର’ : କଣ ମିଳିଲା ଶିକ୍ଷା ?
ନନ୍ଦିଘୋଷ ବ୍ୟୁରୋ: ପହଲଗାମରେ ଆତଙ୍କବାଦୀଙ୍କ ଆକ୍ରମଣରେ ୨୬ ଜଣ ନିରିହ ପର୍ଯ୍ୟଟକ ପ୍ରାଣ ହରାଇଲେ । ଏହାର ପ୍ରତିଶୋଧ ନେବାକୁ ଯାଇ ଭାରତ ଆତଙ୍କବାଦୀଙ୍କ ୯ଟି ଆଡ୍ଡାକୁ ଧ୍ବଂସ କରି ଦେଇଛି । ପାକିସ୍ତାନ ସହ ଭାରତର ଯୁଦ୍ଧ ହେଲା, ଶେଷରେ ଟ୍ରମ୍ପଙ୍କ ମଧ୍ୟସ୍ଥତାରେ ସମାଧାନ ହୋଇଛି । ଅସ୍ତ୍ର ବିରତି ହୋଇଥିବାବେଳେ ଅପରେସନ ସିନ୍ଦୂର ମାଧ୍ୟମରେ ପାକିସ୍ତାନକୁ କଡ଼ା ଜବାବ ଦେଇଛି ଭାରତ । ମାତ୍ର ଯୁଦ୍ଧ ମାଧ୍ୟମରେ ଚୀନ ଏବଂ ତୁର୍କୀ ଭଳି ଦେଶର ଚାଲବାଜି ଜଣା ପଡ଼ିଛି ।
ଭାରତର ସୀମା ଏବଂ ପ୍ରମୁଖ ସହର ଉପରେ ପାକିସ୍ତାନ ପକ୍ଷରୁ ଉଦ୍ୟମ କରିବା ପାଇଁ ଉଦ୍ୟମ କରାଯାଇଥିଲା । ଯଦିଓ ଭାରତୀୟ ସେନା ପକ୍ଷରୁ କଡ଼ା ଜବାବ ଦିଆଯାଇଥିଲା । ତଥାପି ତୁର୍କୀ ପକ୍ଷରୁ ପାକିସ୍ତାନକୁ ଦିଆଯାଇଥିବା ଡ୍ରୋନ ଆକ୍ରମଣ କରାଯାଇଥିଲା । ଭାରତୀୟ ସେନା ପକ୍ଷରୁ ଯଦିଓ ଏହିସବୁ ଡ୍ରୋନକୁ ଖସାଯାଇଥିଲା । ତେବେ ଏହିସବୁ ଡ୍ରୋନ୍ ଗୁଡ଼ିକ ତୁର୍କି ନିର୍ମିତ ବୋଲି ଜଣାପଡ଼ିଥିଲା । ତୁର୍କି ପାକିସ୍ତାନକୁ ଅସ୍ତ୍ରଶସ୍ତ୍ର ଯୋଗାଇଥିବାବେଳେ ପାକିସ୍ତାନକୁ ସମର୍ଥନ ମଧ୍ୟ କରିଥିଲା । ତେବେ ଭାରତୀୟ ସାମରିକ ବିଭାଗ ପକ୍ଷରୁ ତୁର୍କୀ ଅସ୍ତ୍ର ଶସ୍ତ୍ର ଗୁଡ଼ିକ ବ୍ୟାନ୍ କରାଯିବା ଉଚିତ୍ ।
ଆତଙ୍କବାଦୀଙ୍କ ବିରୋଧରେ ସ୍ଲାଗାନ ଦେଉଥିବା ଚୀନ କିନ୍ତୁ ଖୁଲମଖୁଲା ଭାବେ ପାକିସ୍ତାନକୁ ଯୁଦ୍ଧ ସମୟରେ ଅସ୍ତ୍ର ଶସ୍ତ୍ର ଯୋଗାଇଥିଲା । ଯେଉଁଥିରୁ ଚୀନର ଦୋଗଲା ନୀତି ମଧ୍ୟ ଜଣାପଡ଼ିଛି । ଏପରିକି ପାକିସ୍ତାନ ପକ୍ଷରୁ ବ୍ୟବହାର କରାଯାଉଥିବା ଅନେକ ବିମାନ ମଧ୍ୟ ଚୀନର ବୋଲି ଜଣାପଡ଼ିଛି । ସେପଟେ ଯୁଦ୍ଧ ବିରତିର ଶ୍ରେୟ ନେଇଛନ୍ତି ଟ୍ରମ୍ପ ।
ପାକିସ୍ତାନୀ ଟ୍ରୋଲରଙ୍କ ମୁହଁ ବନ୍ଦ କରିଦେଲେ ଦିଶା ପଟାନୀଙ୍କ ଉଭଣୀ
ନନ୍ଦିଘୋଷ ବ୍ୟୁରୋ: ଭାରତ-ପାକିସ୍ତାନ ଉତ୍ତେଜନା କମିଥିଲେ ସୁଦ୍ଧା ସୋସିଆଲ ମିଡିଆରେ ଏହାକୁ ନେଇ ବିଭିନ୍ନ ଚର୍ଚ୍ଚା ଚାଲୁଛି । ଭାରତର ବ୍ରହ୍ମସକୁ ପାକିସ୍ତାନୀ ୟୁଜର୍ସମାନେ ବିଭିନ୍ନ କମେଣ୍ଟ କରୁଛନ୍ତି । ଏପରିକି ଭାରତର ଅପରେସନ ସିନ୍ଦୂରକୁ ନେଇ ପାକିସ୍ତାନୀ ୟୁଜର୍ସମାନେ ଅପରେସନ ସୁହାଗରାତ ବୋଲି କହି କମେଣ୍ଟ କରିଛନ୍ତି । ଯାହାକୁ ନେଇ କଡ଼ା ସମାଲୋଚନା କରିଛନ୍ତି ବଲିଉଡ ଅଭିନେତ୍ରୀ ଦିଶା ପଟାନୀଙ୍କ ଉଭଣୀ । ପୂର୍ବରୁ ଭାରତୀୟ ସେନାରେ କାମ କରି ସାରିଥିବା ଖୁସବୁ ପଟାନୀଙ୍କ ପାକିସ୍ତାନୀ ୟୁଜର୍ସଙ୍କୁ କଡ଼ା ସମାଲୋଚନା କରିଛନ୍ତି ।
https://www.instagram.com/khushboo_patani/?utm_source=ig_embed&ig_rid=7096a5d5-9b7b-44e8-b4d6-ff9cd7061fa2
ଖୁସବୁ କହିଛନ୍ତି କି, ବ୍ରହ୍ମସର ତାକତ ପାକିସ୍ତାନୀ ସେନାମାନେ ବେଶ ଭଲଭାବେ ଜାଣି ପାରିଥିବେ । ତେବେ ଯେଉଁମାନେ ଅପରେସନ ସିନ୍ଦୂରକୁ ନେଇ ସୁହାଗରାତ ବୋଲି କହୁଛନ୍ତି ସେମାନେ ବୁଝି ରଖିବା ଉଚିତ କି, ସୁହାଗରାତରେ ଯେପରି କ୍ଷୀର ହଳଦୀ ଯାଏ ସେପରି ପାକିସ୍ତାନକୁ ବ୍ରହ୍ମସ ଯାଇଛି । ସେମାନେ ଭଲଭାବେ ଏହାର ତାକତ ଜାଣିପାରିଥିବେ । ଭାରତ ବ୍ରହ୍ମସ ଲଞ୍ଚ କରିଥିବାବେଳେ ପାକିସ୍ତାନର ଅବସ୍ଥା କଣ ହେଉଛି ସେମାନେ ଜାଣିପାରୁଥିବେ ।
ଆଇପିଏଲ ୨୦୨୫ର ବାକି ମ୍ୟାଚରେ ଖେଳି ନପାରନ୍ତି ଅଷ୍ଟ୍ରେଲିୟ ଖେଳାଳି
ନନ୍ଦିଘୋଷ ବ୍ୟୁରୋ: ଭାରତ-ପାକିସ୍ତାନ ଉତ୍ତେଜନା ମଧ୍ୟରେ ସ୍ଥଗିତ ରହିଛି ଆଇପିଏଲ-୨୦୨୫ । ବାକିଥିବା ମ୍ୟାଚ ଗୁଡ଼ିକ ପୁଣିଥରେ ଖେଳାଯିବ । ଖୁବଶୀଘ୍ର ମ୍ୟାଚ ଆରମ୍ଭ ହେବ ବୋଲି କୁହାଯାଉଥିବାବେଳେ ଆଉ ଏକ ବଡ଼ ଖବର ସାମ୍ନାକୁ ଆସୁଛି । ବାକି ମ୍ୟାଚରେ ଅଷ୍ଟ୍ରେଲିୟ ଖେଳାଳିମାନେ ଅନୁପସ୍ଥିତ ରହିପାରନ୍ତି ବୋଲି କୁହାଯାଉଛି । ଯଦିଓ ଏନେଇ କୌଣସି ଅଫିସିଆଲ ସୂଚନା ମିଳିନାହିଁ । ତଥାପି ବିଶ୍ବ ଟେଷ୍ଟ ଚାମ୍ପିୟନ୍ସସିପ ପାଇଁ ଅଷ୍ଟ୍ରେଲିୟ ଖେଳାଳିମାନେ ଅଭ୍ୟାସ କରିପାରନ୍ତି । ଯେଉଁ କାରଣରୁ ସେମାନେ ଆଉ ଆସି ନପାରନ୍ତି । ଜୁନରେ ଅଷ୍ଟ୍ରେଲିଆ ଟିମ୍ ଇଂଲଣ୍ଡରେ ପହଞ୍ଚିବ । ଏଠାରେ ଦକ୍ଷିଣ ଆଫ୍ରିକା ବିପକ୍ଷରେ ବିଶ୍ବ ଟେଷ୍ଟ ଚାମ୍ପିୟନସିପ ଖେଳିବ । ଜୁନ ୧୧ରୁ ମ୍ୟାଚ ଆରମ୍ଭ ହେବ । ଯଦିଓ ଆହୁରି ଅନେକ ଦିନ ଅଛି ତଥାପି ଖେଳାଳିମାନେ ସ୍ବଦେଶ ଫେରିଥିବାରୁ ପୁଣିଥରେ ନଆସିପାରନ୍ତି ବୋଲି କୁହାଯାଉଛି । କାରଣ ଅଷ୍ଟ୍ରେଲିଆ କ୍ରିକେଟ ବୋର୍ଡ ପକ୍ଷରୁ ମେ’ ୨୫ ପର୍ଯ୍ୟନ୍ତ ଖେଳାଳିଙ୍କୁ NOC ମିଳିଛି । ମାତ୍ର ଆଇପିଏଲ ୨୦୨୫ର ଫାଇନାଲ ମେ ୩୦ ଖେଳିଯିବ ବୋଲି ଖବର ଆସୁଛି । ଏଣୁ ଅଷ୍ଟ୍ରେଲିୟ ଖେଳାଳି କେବେ ଆସିବେ କିମ୍ବା ଆସିବେନି କିଛି ସ୍ପଷ୍ଠ ହୋଇନାହିଁ ।
ଓଡ଼ିଶା ଉପକୂଳ ଅଂଚଳରେ ସୁରକ୍ଷା କଡ଼ାକଡ଼ି
ନନ୍ଦିଘୋଷ ବ୍ୟୁରୋ: ଭାରତ-ପାକିସ୍ତାନ ମଧ୍ୟରେ ଉତ୍ତେଜନାକୁ ନେଇ ଦେଶର ବିଭିନ୍ନ ସ୍ଥାନରେ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି। ପୁରୀ ଜିଲ୍ଲା ଅସ୍ତରଙ୍ଗ ଉପକୂଳ ଓ କୋଣାର୍କ ଚନ୍ଦ୍ରଭାଗା ସାମୁଦ୍ରିକ ଥାନା ଅଞ୍ଚଳରେ ସୁରକ୍ଷା ବଢ଼ାଇ ଦିଆଯାଇଛି। ଗୋଟିଏ ଲେଖାଏଁ ସେକ୍ସନ ଫୋର୍ସ ମୁତୟନ କରାଯିବା ସହ ସମ୍ଭାବ୍ୟ ପରିସ୍ଥିତିର ମୁକାବିଲା ପାଈଁ ଜରୁରୀ ଉପକରଣ ଯୋଗାଇ ଦିଆଯାଇଛି। ସମୁଦ୍ର ପଥରେ ସମ୍ଭାବ୍ୟ ଆକ୍ରମଣ କିମ୍ବା ଅନୁପ୍ରବେଶକୁ ରୋକିବା ପାଈଁ ଜଳପଥରେ ହାଇଆଲର୍ଟ ଜାରି କରାଯାଇଛି।ଜଳପଥରେ ଅଚିହ୍ନା ଡ଼ଙ୍ଗା, ମସ୍ଚ୍ୟଜୀବୀମାନଙ୍କ ଉପରେ ତୀକ୍ଷ୍ଣ ନଜର ରଖିବା ପାଈଁ ନିର୍ଦ୍ଦେଶ ଦିଆଯାଇଛି । ସାମୁଦ୍ରିକ ଥାନା, ଉପକୂଳ ସୁରକ୍ଷା ବାହିନୀ, ସ୍ୱତନ୍ତ୍ର ସଶସ୍ତ୍ର ବଳ ତରଫରୁ ମିଳିତ ଭାବେ ୨୪ ଘଣ୍ଟିଆ ପହରା ଦିଆଯାଉଛି ।
ବେଆଇନ ଭାବେ ପାଉଁଶ ପକାଉଥିବା ୨୩ଟି ଟ୍ରକ ଜବତ
ନନ୍ଦିଘୋଷ ବ୍ୟୁରୋ: ସମ୍ବଲପୁରରେ ବେଆଇନ ଭାବେ ପାଉଁଶ ପକାଉଥିବା ୨୩ଟି ଟ୍ରକ ଜବତ। ଟ୍ରକ ଗୁଡିକୁ ଜବତ କରିଛି ସମ୍ବଲପୁର ପୋଲିସ। ଶହ ଶହ ଟନ ପାଉଁଶ ପକାଉଥିବା ଅଭିଯୋଗ ହୋଇଆସୁଥିଲା। ଠେଲକୋଲି ଥାନା ଅଞ୍ଚଳରେ ବ୍ୟାପକ ପରିମାଣରେ ପକାଉଥିଲେ ବେଆଇନ ପାଉଁଶ। ଅଭିଯୋଗ ପରେ ଆକ୍ସନ ମୋଡ଼କୁ ଆସିଛି ସମ୍ବଲପୁର ପୋଲିସ। ଝାରସୁଗୁଡ଼ାରୁ ସମ୍ବଲପୁରରୁ ପ୍ରତିଦିନ ଶହଶହ ଟନ୍ ପାଉଁଶ ରାସ୍ତା କଡ଼ରେ ପକାଉଥିବାବେଳେ ଆଜି ସମସ୍ତ ଟ୍ରକ ଜବତ କରି ତଦନ୍ତ ଆରମ୍ଭ କରିଛି ପୋଲିସ।
ଓଡିଶା ହାଇକୋର୍ଟ ବିଚାରପତି ଭାବେ ଆଜି ଶପଥ ଗ୍ରହଣ କରିବେ ଜଷ୍ଟିସ ଦିକ୍ଷିତ କ୍ରୀଷ୍ଣା ଶ୍ରୀପଦ
ନନ୍ଦିଘୋଷ ବ୍ୟୁରୋ: ଓଡିଶା ହାଇକୋର୍ଟ ବିଚାରପତି ଭାବେ ଆଜି ଶପଥ ଗ୍ରହଣ କରିବେ ଜଷ୍ଟିସ ଦିକ୍ଷିତ କ୍ରୀଷ୍ଣା ଶ୍ରୀପଦ। ହାଇକୋର୍ଟ ନୂଆ କନଫରେନ୍ସ ହଲରେ ପୂର୍ବାହ୍ନ ୧୦ଟାରେ ଶପଥପାଠ ଉତ୍ସବ ଅନୁଷ୍ଠିତ ହେବ। ମୁଖ୍ୟ ବିଚାରପତି ତାଙ୍କୁ ପଦ ଓ ଗୋପନୀୟତାର ଶପଥ ପାଠ କରାଇବେ। ପୂର୍ବରୁ ଜଷ୍ଟିସ କ୍ରୀଷ୍ଣା ଶ୍ରୀପଦ କର୍ଣ୍ଣାଟକ ହାଇକୋର୍ଟର ବିଚାରପତି ଭାବେ ଦାୟିତ୍ବ ତୁଲାଉଥିଲେ। ଏହି ଉତ୍ସବରେ ହାଇକୋର୍ଟର ବିଚାରପତି ବୃନ୍ଦ, ଅଧିକାରୀ, ଆଡଭୋକେଟ ମାନେ ଯୋଗ ଦେବେ।
ଜାଣନ୍ତୁ ଯୁଦ୍ଧକୁ ନେଇ ପାକିସ୍ତାନ ପକ୍ଷରୁ କଣ କୁହାଗଲା…
ନନ୍ଦିଘୋଷ ବ୍ୟୁରୋ: ଭାରତ-ପାକିସ୍ତାନ ମଧ୍ୟରେ ଚାଲିଥିବା ଯୁଦ୍ଧରେ ବିରାମ ଲାଗିଛି । ଉଭୟ ଦେଶ ମଧ୍ୟ ଚାଲିଥିବା ଯୁଦ୍ଧ ବନ୍ଦ ହୋଇଥିବାବେଳେ ଏହାକୁ ବିଭିନ୍ନ ମହଲରୁ ବିଭିନ୍ନ ପ୍ରକାରର ଆଲୋଚନା ଶୁଣିବାକୁ ମିଳୁଛି । ତେବେ ଯୁଦ୍ଧ ବିରତି ପରେ ପାକିସ୍ତାନର ତିନି ସେନାମୁଖ୍ୟଙ୍କ ପକ୍ଷରୁ ଏକ ପ୍ରେସମିଟ୍ କରାଯାଇଥିଲା । ତେବେ ପାକିସ୍ତାନ ପକ୍ଷରୁ କୁହାଯାଇଛି କି, ଯୁଦ୍ଧରେ ପାକିସ୍ତାନର ଗୋଟିଏ ବିମାନ ନଷ୍ଟ ହୋଇଛି । ମାତ୍ର ଏହା କେଉଁ ବିମାନ ତାହା ସ୍ପଷ୍ଠ କରାଯାଇନାହିଁ । ସେପଟେ ଭାରତୀୟ ପାଇଲଟକୁ ପାକିସ୍ତାନ ରଖିଥିବା ଖବର ସେମାନେ ସିଧା ସଳଖ ମନା କରି ଦେଇଛନ୍ତି । ପାକିସ୍ତାନ ପକ୍ଷରୁ କୁହାଯାଇଛି କି, ଆମେ କବଜାରେ କୌଣସି ଭାରତୀୟ ପାଇଲଟ ନାହାନ୍ତି । ସୋସିଆଲ ମିଡିଆରେ ଗୁଜବ ପ୍ରଚାର କରାଯାଉଛି ।
ଗ୍ୟାସ ସିଲିଣ୍ଡର ଫାଟି ଉଡିଗଲା ଦୋକାନ ଘର
ନନ୍ଦିଘୋଷ ବ୍ୟୁରୋ: ବାଲେଶ୍ଵର ବଳରାମଗଡ଼ି ଥାନା ନାଉପାଳଗଡିରେ ଭୟଙ୍କର ଅଗ୍ନିକାଣ୍ଡ । ଗ୍ୟାସ ସିଲିଣ୍ଡର ଫାଟି ଉଡିଗଲା ଦୋକାନ ଘର । ୯ରୁ ଅଧିକ ସିଲିଣ୍ଡର ବ୍ଲାଷ୍ଟ ହୋଇଥିବା ସୂଚନା ମିଳିଛି। ବିସ୍ପୋରୋଣରେ ଉଡ଼ିଥିବା ଦୋକାନଟି ବାଲେଶ୍ୱର ଥାନାର ପୂର୍ବତନ ହୋମଗାର୍ଡ ଏସକେ ହାଫିଜଙ୍କର ବୋଲି ଜଣାପଡ଼ିଛି। ବେଆଇନ୍ ଭାବରେ ଦୋକାନ ଘରେ ରଖାଯାଇଥିଲା ୬୦ରୁ ଅଧିକ ସିଲିଣ୍ଡର । ଆଜି ସକାଳେ ହଠାତ ନିଆଁ ଲାଗି ବିସ୍ଫୋରଣ ହୋଇଛି। ଘଟଣାସ୍ଥଳରେ ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରୁଛି ।