ଭୁବନେଶ୍ବରର ୟୁନିଟ-୪ ଅଞ୍ଚଳରେ ନାବାଳିକାଙ୍କୁ ସେକ୍ସ ରାକେଟରେ ଲଗାଇବା ଘଟଣା । ସମ୍ପୃକ୍ତ ହୋଟେଲରେ ପୋଲିସର ଚଢ଼ାଉ । ଅନୈତିକ କାମ ଚାଲୁଥିବା ଅଭିଯୋଗରେ ଚଢ଼ାଉ କରି ଖାରବେଳନଗର ଥାନା ପୋଲିସ ରେଜିଷ୍ଟର ସହ ସିଜ କରିଛି କ୍ୟାମେରା ହାର୍ଡଡିସ୍କ। ଏହାସହ ପଦାକୁ ଆସିଛି ହୋଟେଲ କର୍ତ୍ତୃପକ୍ଷଙ୍କ କଳା କାରନାମା । ହୋଟେଲଟି ସରାଇ ଆପ ଅଧୀନରେ ରେଜିଷ୍ଟର ନଥିଲା ବୋଲି ଜଣାପଡିଛି । ପୋଲିସକୁ ଚକମା ଦେବା ପାଇଁ ଦୁଇଟି ନାଁରେ ଦଲାଲ ଆଧାର କାର୍ଡ ଦେଇଥିଲା । ଗତକାଲି ଦଲାଲକୁ ଗିରଫ କରିବା ସହ ଢେଙ୍କାନାଳର ନାବାଳିକା ପୀଡିତା ଜଣଙ୍କୁ ଉଦ୍ଧାର କରିଥିଲା ଖାରବେଳ ନଗର ଥାନା ପୋଲିସ । ଏକ ସୋ ରୁମରେ ରିସେପ୍ସନିଷ୍ଟ ଚାକିରି ଦେବା ଆଳରେ ନାବାଳିକାଙ୍କୁ ଭୁବନେଶ୍ୱର ଆଣିଥିଲା ଦଲାଲ । ଏକ ହୋଟେଲରେ ରଖି ଅନୈତିକ କାର୍ଯ୍ୟରେ ଲିପ୍ତ ପାଇଁ ଡିଲ କରୁଥିଲେ । ଦଲାଲର କାରନାମା ଜାଣି ସ୍ଥାନୀୟ ଲୋକଙ୍କ ସାହାଯ୍ୟରେ ପୋଲିସକୁ ଖବର ଦେଇଥିଲେ ନାବାଳିକା । କମିଶନରେଟ ପୋଲିସ ଖବର ପାଇ ରେଡ କରି ନାବାଳିକାକୁ ଉଦ୍ଧାର କରିଥିଲା ପୋଲିସ ।
କାହିଁକି ରାଗିଗଲେ ସନ୍ନି ଦେଓଲ ? ଫଟୋ ଗ୍ରାଫରଙ୍କୁ କହିଲେ…
ନନ୍ଦିଘୋଷ ବ୍ୟୁରୋ: ବଲିଉଡର ଜଣାଶୁଣା ଅଭିନେତା ଧର୍ମେନ୍ଦ୍ର ଚିକିତ୍ସିତ ହୋଇ ଏବେ ନିଜ ଘରେ ଅଛନ୍ତି । ତାଙ୍କ ସ୍ବାସ୍ଥ୍ୟବସ୍ଥା ଏବେ ସ୍ଥିର ରହିଛି । ମାତ୍ର ଦୁଇଦିନ ତଳେ ତାଙ୍କର ପରଲୋକ ହୋଇଥିବା ନେଇ ଏକ ଗୁଜବ ପ୍ରଚାର ହୋଇଥିଲା । ଯାହାକି ବେଶ ଭାଇରାଲ ହୋଇଥିଲା । ଏପରିକି ଗଣମାଧ୍ୟମରେ ମଧ୍ୟ ଖବର ବାଜିଥିଲା କି, ତାଙ୍କ ଦେହାନ୍ତ ହୋଇଯାଇଛି । ମାତ୍ର ଏବେ ସେ ଯେତେବେଳେ ଘରକୁ ଫେରିଛନ୍ତି ତାଙ୍କ ଘର ସମ୍ମୁଖରେ ଫ୍ୟନ୍ସଙ୍କ ଭିଡ଼ ଜମିବାରେ ଲାଗିଛି । ସେ ବନାଇଥିବା ଭିଡିଓ ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି । ଯେଉଁଥିରେ ସେ ଗୁଜବକାରୀ ଏବଂ ଗଣମାଧ୍ୟମରେ ପ୍ରକାଶ କରାଯାଉଥିବା ମିଥ୍ୟ ଖବରକୁ ନେଇ ନିଜର କ୍ରୋଧ ପ୍ରକାଶ କରିଥିବା ଦେଖିବାକୁ ମିଳିଛି ।
ଯେତେବେଳେ ମେଡିକାଲରେ ରହିଥିଲେ ଧର୍ମେନ୍ଦ୍ର ସେତେବେଳେ ବଲିଉଡର ବହୁ ବଡ଼ ବନ କଳାକାର ସଲମାନ, ଶାହାରୁଖ, ଅମୀର ଖାନ ଏବଂ ଗୋବିନ୍ଦାଙ୍କ ଭଳି କଳାକାରମାନେ ତାଙ୍କ ଭେଟିଥିଲେ । ତେବେ ଗତ ୧୧ ତାରିଖରେ ତାଙ୍କର ଦେହାନ୍ତ ହୋଇଥିବାବେଳେ ଗୁଜବ ପ୍ରଚାର ହୋଇଥିଲା । ଏହାକୁ ନେଇ ତାଙ୍କ ପରିବାର ଲୋକଙ୍କ ପାଖକୁ ଫୋନକଲ ଯିବାରେ ଲାଗିଥିଲା । ଶେଷରେ ଝିଅ ଇଶା ଏନେଇ ସୋସିଆଲ ମିଡିଆରେ ଏକ ପୋଷ୍ଟ କରିଥିଲେ । ବାପା ଏବେ ମେଡିକାଲରେ ଚିକିତ୍ସିତ ହେଉଛନ୍ତି । ଦୟାକରି ଏଭଳି ଗୁଜବ ପ୍ରଚାର କରନ୍ତୁ ନାହିଁ ବୋଲି ସେ ନିବେଦନ କରିଥିଲେ । ପରେ ଏନେ ପତ୍ନୀ ହେମା ମାଳିନୀ ମଧ୍ୟ ଗୁଜବକାରୀଙ୍କୁ କଡ଼ା ଭାଷାରେ ନିନ୍ଦା କରିଥିଲେ । ଏବଂ କହିଥିଲେ କି, ଦୟାକରି କିଛି ଭିୟ୍ୟୁ ପାଇଁ ଏଭଳି ପ୍ରଚାର କରନ୍ତୁ ନାହିଁ । ସେପଟେ ସନ୍ନି କହିଛନ୍ତି କି, ଆମ ପରିବାରର ଗୋପନୀୟତା ରକ୍ଷା କରନ୍ତୁ । ଏବେ ଘରେ ବାପା ଚିକତ୍ସିତ ହେଉଛନ୍ତି ।
ରାୟଗଡ଼ା ଜିଲାପାଳଙ୍କ ନାଁରେ ଖୋଲାଯାଇଛି ନକଲି ଫେସବୁକ ଆକାଉଣ୍ଟ
ରାୟଗଡ଼ା ଜିଲାପାଳ ଆଶୁତୋଷ କୁଲକର୍ଣ୍ଣିଙ୍କ ନାଁରେ ଖୋଲାଯାଇଛି ନକଲି ଫେସବୁକ ଆକାଉଣ୍ଟ । ରାୟଗଡ଼ା ସହରର ଜଣେ ଯୁବକ ଅଂଶୁମାନ ପଟ୍ଟନାୟକଙ୍କୁ ଜିଲ୍ଲାପାଳଙ୍କ ନକଲି ଆକାଉଣ୍ଟରୁ ଫ୍ରେଣ୍ଡ ରିକ୍ୟୁେଷ୍ଟ ଆସିଥିଲା । ଅଂଶୁମାନ ଜିଲ୍ଲାପାଳଙ୍କ ସୋସିଆଲ ମିଡ଼ିଆ ଆକାଉଂଟ ଭାବି ବନ୍ଧୁତା ଅନୁରୋଧକୁ ଗ୍ରହଣ କରିଥିଲେ I ଏହାପରେ ଉକ୍ତ ଆକାଉଂଟରୁ ଫେସବୁକ ମେସେଞ୍ଜର ମାଧ୍ୟମରେ ଅଂଶୁମାନଙ୍କୁ ନମସ୍କାର ସହିତ ମୋବାଇଲ ନମ୍ବର ମାଗିଥିଲେ । ଏଥି ସହିତ ଉକ୍ତ ଆକାଉଂଟରୁ ତାଙ୍କର ଜଣେ ବନ୍ଧୁ ସିଆରପିଏଫ ଅଫିସର ଏବଂ ବଦଳି କାରଣରୁ ନିଜର ସମସ୍ତ ଘରକରଣା ସାମଗ୍ରୀ ବିକ୍ରି କରିଦେବେ କହୁଛନ୍ତି । ତେଣୁ ଆପଣ ଯଦି କିଣିବାକୁ ରାଜି ତେବେ ସେ ଆପଣଙ୍କୁ ଫୋନ କରିବେ ବୋଲି ମେସେଜରେ ଉଲେଖ କରିଛନ୍ତି । ଅଂଶୁମାନଙ୍କୁ ସନ୍ଦେହ ହେବାରୁ ସେ ଏନେଇ ବିଭିନ୍ନ ଗଣମାଧ୍ୟମର ପ୍ରତିନିଧିମାନଙ୍କୁ ସୂଚନା ଦେଇଥିଲେ । ଗଣମାଧ୍ୟମ ପ୍ରତିନିଧି ଏନେଇ ଜିଲାପାଳଙ୍କୁ ସୂଚନା ଦେବା ପରେ ଜିଲ୍ଲାପାଳ ଆଶୁତୋଷ କୁଲକର୍ଣ୍ଣି ପୋଲିସକୁ ଏହାର ଯାଂଚ କରି ଉକ୍ତ ଆକାଉଂଟକୁ ସୋସିଆଲ ମିଡ଼ିଆରୁ ହଟାଇବାକୁ ନିର୍ଦ୍ଦେଶ ଦେଇଥିଲେ ।
IPLର ଏହି ୫ ଜଣଙ୍କ ଖେଳାଳିଙ୍କୁ କେବେ ବି ରିଲିଜ କରିନାହିଁ ଫ୍ରାଞ୍ଚାଇଜୀ
ଆଇପିଏଲର ଆଗାମୀ ସଂସ୍କରଣ ପାଇଁ ସମସ୍ତ ୧୦ଟି ଟିମର ଫୁଲ ରିଟେନସନ ଲିଷ୍ଟ ନଭେମ୍ବର ୧୫ରେ ଜାରି ହେବ । ତେବେ ଏଠାରେ ୫ ଜଣ ଖେଳାଳିଙ୍କ ନାମ ସାମ୍ନାକୁ ଆସୁଛି । ଏମାନଙ୍କୁ ଫ୍ରାଞ୍ଚାଇଜୀ କେବେ ବି ରଲିଜ୍ କରିନାହିଁ । ଆସନ୍ତା ଡିସେମ୍ବରରେ ଆଇପିଏଲ ୨୦୨୬ ପାଇଁ ମିନି ଅକ୍ସନ ହେବାକୁ ଥିବାବେଳେ ତା’ ପୂର୍ବରୁ ସବୁ ଟିମ୍ ନିଜର ରିଟେନ ଖେଳାଳଙ୍କ ଲିଷ୍ଟ ଜାରି କରିବେ ।
ସଚିନ ତେନ୍ଦୁଲକର: କ୍ରିକେଟର ଭଗବାନ ସଚିନ ତେନ୍ଦୁଲକର ୨୦୦୮ରୁ ୨୦୧୩ ପର୍ଯ୍ୟନ୍ତ ମୁମ୍ବାଇ ଇଣ୍ଡିଆନ୍ସ ପାଇଁ ଖେଳିଥିଲେ । ମୁମ୍ବାଇ ସଚିନଙ୍କୁ କେବେ ବି ରିଲିଜ କରିନାହିଁ । ପରେ ସଚିନ ଏହି ଟିମର ମେଣ୍ଟର ହୋଇଥିଲେ ।
ବିରାଟ କୋହଲି: ଦ୍ବିତୀୟ ନମ୍ବରରେ ରହିଛନ୍ତି ବିରାଟ କୋହଲି । ୨୦୦୮ରୁ ବିରାଟ ରୟାଲ ଚାଲେଞ୍ଜର୍ସ ବେଙ୍ଗଲୁରୁ ପାଇଁ ଖେଳୁଛନ୍ତି । କିଛି ବର୍ଷ ସେ ଦଳର କମାଣ ମଧ୍ୟ ସମ୍ଭାଳିଛନ୍ତି । ୧୮ ବର୍ଷ ପରେ ମଧ୍ୟ ଆରସିବି ବିରାଟଙ୍କୁ ରିଲିଜ କରିନାହିଁ ।
ମହେନ୍ଦ୍ର ସିଂହ ଧୋନୀ ଚେନ୍ନାଇ ସୁପର କିଙ୍ଗସ କେବେ ବି ମହେନ୍ଦ୍ର ସିଂହ ଧୋନୀଙ୍କୁ ରିଲିଜ କରିନାହିଁ । ଏହି ଟିମକୁ ଧୋନୀ ୫ ଥର ଚାମ୍ପିୟନ କରାଇଛନ୍ତି ।
ସୁନୀଲ ନରେନ: ଓ୍ବେଷ୍ଟଇଣ୍ଡିଜର ସ୍ପିନର ସୁନୀଲ ନରେନ୨୦୧୨ରେ ଆଇପିଏଲରେ ଡେବ୍ୟୁ କରିଥିଲେ । ସେ ୨୦୧୨ରେ କୋଲକତା ସହ ଯୋଡ଼ି ହୋଇଥିଲେ ଓ ଆଜି ବି ଅଛନ୍ତି ।
ଶେନ ଓ୍ବର୍ଣ୍ଣ: ଆଇପିଏଲର ପ୍ରଥମ ଚାମ୍ପିୟନ ହୋଇଥିବା ଶେନ ଓ୍ବର୍ଣ୍ଣ ଆଜି ଆମ ଗହଣରେ ନାହାନ୍ତି । ସେ ୨୦୦୮ରୁ ୨୦୧୧ ପର୍ଯ୍ୟନ୍ତ ଖଳିଥିଲେ । ତାଙ୍କୁ ଫ୍ରାଞ୍ଚାଇଜୀ କେବେ ବି ରିଲିଜ କରିନାହିଁ ।
ନିର୍ବାଚନ ଫଳାଫଳ ପୂର୍ବରୁ ପାଟନାରେ ଲାଗିଲା ‘ଟାଇଗର ଅଭି ଜିନ୍ଦା ହେ’ ପୋଷ୍ଟର
ନନ୍ଦିଘୋଷ ବ୍ୟୁରୋ: ଶୁକ୍ରବାର ପ୍ରକାଶ ପାଇବାକୁ ଯାଉଛି ବିହାରର ନିର୍ବାଚନୀ ଫଳାଫଳ । ବୁଥ ବାହୁଡ଼ା ମତ ବା ଏଗଜିଟ୍ ପୋଲ୍ ଏନଡିଏ ସପକ୍ଷରେ ଯାଇଛି । ତେ ବେ ପୁଣିଥରେ ନୀତିଶ କୁମାର ମୁଖ୍ୟମନ୍ତ୍ରୀ ହୋଇପାରନ୍ତି ବୋଲି କୁହାଯାଉଛି । ପାଟନାର ୟୁନାଇଟେଡ କାର୍ଯ୍ୟାଳୟ ବାହାରେ ଏକ ପୋଷ୍ଟର ଲାଗିଛି । ଯେଉଁଥିରେ ନୀତିଶ କୁମାର ଏବଂ ପୂର୍ବତନ ମନ୍ତ୍ରୀ ରଞ୍ଜିତ ସିହ୍ନାଙ୍କ ଫଟୋ ରହିଛି । ଏଥିରେ ଲେଖା ରହିଛି କି, ଟାଇଗର ଅଭି ଜିନ୍ଦା ହେ । ଚତୁର୍ଥ ଥର ଲାଗି ବିହାରର ମୁଖ୍ୟମନ୍ତ୍ରୀ ହୋଇପାରନ୍ତି ନୀତିଶ କୁମାର । ଏଣୁ ତାଙ୍କ ଉଦ୍ଦେଶ୍ୟରେ ଏଭଳି ପୋଷ୍ଟ ଲଗାଯାଇଥିବା କୁହାଯାଉଛି ।
'Tiger Zinda Hai': JD(U) celebrates its chief Nitish Kumar day before poll results
Read @ANI Story | https://t.co/iqGiN0D0sb#NitishKumar #BiharAssemblyElections pic.twitter.com/7Lg0zeJhBi
— ANI Digital (@ani_digital) November 13, 2025
ଚଳିତ ନିର୍ବାଚନରେ ଏନଡିଏ ସମର୍ଥିତ ଦଳ ପକ୍ଷରୁ କିଏ ମୁଖ୍ୟମନ୍ତ୍ରୀ ହେବେ ଏହାକୁ ନେଇ କୌଣସି ଘୋଷଣା ହୋଇନଥିଲା । ବିଳମ୍ବରେ ଘୋଷଣା କରିଥିଲେ ଅମିତ ଶାହ । ସେ ନୀତିଶଙ୍କ ନାମ ନେଇଥିବାବେଳେ ପୂର୍ବରୁ ବାରମ୍ବାର ତେଜସ୍ବୀ ଏହାକୁ ଟାର୍ଗେଟ କରିଥିଲେ । ସେ ଏହା ମଧ୍ୟ କହିଥିଲେ କି, ନୀତିଶ କେବେ ମଧ୍ୟ ମୁଖ୍ୟମନ୍ତ୍ରୀ ହେବେ ନାହିଁ । ଏହାସହ ସେ କହିଥିଲେ କି, ନୀତିଶ ଜେଡିୟୁ ନୁହେଁ ବରଂ ବିଜେପି ନେତାଙ୍କ କଥାରେ ପରିଚାଳିତ ହେଉଛନ୍ତି ।
ଇସଲାମବାଦରେ ବିସ୍ଫୋରଣ ପରେ ଭୟଭୀତ ଶ୍ରୀଲଙ୍କା ଖେଳାଳୀ, ବୋର୍ଡ କହିଲା…
ନନ୍ଦିଘୋଷ ବ୍ୟୁରୋ: ପାକିସ୍ତାନର ଇସଲାମବାଦରେ ବଡ଼ ଧରଣର ବିସ୍ଫୋରଣ ଏବେ ସବୁଠି ଚର୍ଚ୍ଚାର ବିଷୟ ପାଲଟିଛି । ଏହାରି ଭିତରେ ପାକିସ୍ତାନ ଗସ୍ତରେ ଦିନିକିଆ ସିରିଜ ଖେଳିବାକୁ ଯାଇଛି ଶ୍ରୀଲଙ୍କା । ଏହି ବିସ୍ଫୋରଣ ପରେ ଏବେ ସିଂହଳୀ କ୍ରିକେଟରମାନେ ଭୟଭୀତ ହୋଇ ଯାଇଛନ୍ତି । କିଛି ଖେଳାଳି ସ୍ବଦେଶ ଫେରିବା ଲାଗି ମନ ବଳାଇଥିବା ଜଣାପଡ଼ିଛି । ସେପଟେ ମ୍ୟାଚ ସୂଚୀରେ ମଧ୍ୟ ପରିବର୍ତ୍ତନ କରାଯାଇଛି ।
ସେପଟେ ସିରିଜ ମଝିରେ ଭୟରେ ୮ରୁ ୧୦ ଜଣ ଖେଳାଳି ସ୍ବଦେଶ ମଧ୍ୟ ଫେରି ଆସିଥିବା କୁହାଯାଉଛି । ତେବେ ଶ୍ରୀଲଙ୍କା ଖେଳାଳିଙ୍କ ଏଭଳି ନିଷ୍ପତ୍ତିକୁ ନେଇ ପାକିସ୍ତାନ ବୋର୍ଡ ସଭାପତି ମହସିନ୍ ନକଭିଙ୍କୁ ବେଶ ବାଧିଛି । ସେ ଶ୍ରୀଲଙ୍କାର ଖେଳାଳିଙ୍କୁ ବୁଝାଇବାକୁ ଚେଷ୍ଟା କରିଛନ୍ତି । ଆଜି ଅର୍ଥାତ ଗୁରୁବାର ଦ୍ବିତୀୟ ଦିନିକିଆ ଖେଳାଯାଇଥାନ୍ତା । ମାତ୍ର ଏହି ମ୍ୟାଚକୁ ଗତକାଲି ତରବରିଆ ଭାବେ ସୂଚୀରେ ପରିବର୍ତ୍ତନ କରାଯାଇଛି । ୧୫ ତାରିଖରେ ଦ୍ବିତୀୟ ମ୍ୟାଚ ଖେଳାଯିବାକୁ ରହିଛି । ଏବଂ ଶେଷ ମ୍ୟାଚଟି ୧୬ ତାରିଖରେ ଅନୁଷ୍ଠିତ ହେବ । ମାତ୍ର ଏହି ମ୍ୟାଚ ଅନୁଷ୍ଠିତ ହେବ କି ନାହିଁ ତାହା ସ୍ପଷ୍ଠ ହୋଇନାହିଁ ।
ପୁଣି ଇସ୍କନର ମନମାନି: ଆସନ୍ତା ୨୩ ତାରିଖ ଦିନ ଆୟୋଜିତ ହେବ ଅଦିନିଆ ରଥଯାତ୍ରା
ପୁଣି ଇସ୍କନର ମନମାନି । ଆସନ୍ତା୨୩ ତାରିଖ ରବିବାର ଦିନ ଆୟୋଜିତ ହେବାକୁ ଯାଉଛି ଅଦିନିଆ ରଥଯାତ୍ରା । ତାଇୱାନର ଜିମେଣ୍ଡିଙ୍ଗ ଏମଆରଟି ଏକ୍ସିଟ ୬ରେ ଆୟୋଜିତ ହେବାକୁ ଯାଉଛି ଅଦିନିଆ ରଥଯାତ୍ରା । ଏନେଇ ଇସ୍କନ ଅନୁଗାମୀ ଏବଂ ଜଗନ୍ନାଥ ପ୍ରେମୀଙ୍କୁ ଅନଲାଇନ ମାଧ୍ୟମରେ ସୂଚନା ଦିଆଯାଇଛି । ଏହି ଅବସରରେ ସାଂସ୍କୃତିକ, କୀର୍ତ୍ତନ, ଯୋଗ ସହ ଅନ୍ୟାନ୍ୟ କାର୍ଯ୍ୟକ୍ରମ ହେବ । ତେବେ ଏହି ଘଟଣାକୁ ନେଇ ପୁରୀରେ ତୀବ୍ର ପତିକ୍ରିୟା ପ୍ରକାଶ ପାଇଛି l ଇସ୍କନ ଏପରି ବାରମ୍ବାର ନିୟମ ବାହାରେ କାର୍ଯ୍ୟ କରୁଥିବାକୁ ଜଗନ୍ନାଥ ପ୍ରେମୀ ଓ ସେବାୟତ ମାନଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି ।
ସମ୍ବଲପୁର ବିଶ୍ଵବିଦ୍ୟାଳୟରେ ଆତ୍ମଦାହ ମାମଲା: ରିପୋର୍ଟ ମାଗିଲେ ମାନବ ଅଧିକାର ଆୟୋଗ
ସମ୍ବଲପୁର ବିଶ୍ଵବିଦ୍ୟାଳୟରେ ଦୀନବନ୍ଧୁ ମିଶ୍ର ଆତ୍ମଦାହ ମାମଲା। ବିଶ୍ଵବିଦ୍ୟାଳୟ କର୍ତ୍ତୃପକ୍ଷଙ୍କୁ ରିପୋର୍ଟ ମାଗିଲେ ମାନବ ଅଧିକାର ଆୟୋଗ। ଏନେଇ କୁଳ ସଚିବଙ୍କୁ ଓଡ଼ିଶା ମାନବ ଅଧିକାର ଆୟୋଗ ରିପୋର୍ଟ ମାଗିଥିବା ସୂଚନା ମିଳିଛି। ୨୦୨୧ ଏପ୍ରିଲ ୨୦ ତାରିଖରେ କୁଳପତିଙ୍କ ପ୍ରକୋଷ୍ଠ ସମ୍ମୁଖରେ ନିଜ ଦେହରେ ନିଆଁ ଲଗାଇ ଦେଇଥିଲେ ଦୀନବନ୍ଧୁ ମିଶ୍ର। ମେଡ଼ିକାଲ ନେବା ବାଟରେ ତାଙ୍କର ମୃତ୍ୟୁ ହୋଇଥିଲା। ଏନେଇ ତାଙ୍କ ପୁଅ ଅଭିଷେକ ମିଶ୍ର ମାନବ ଅଧିକାର ଆୟୋଗଙ୍କ ଦ୍ବାରସ୍ଥ ହୋଇଥିଲେ। ଆସନ୍ତା ଜାନୁଆରୀ ୧୫ ସୁଦ୍ଧା ରିପୋର୍ଟ ଦେବେ ସମ୍ବଲପୁର ବିଶ୍ଵ ବିଦ୍ୟାଳୟ କର୍ତ୍ତୃପକ୍ଷ।
ପୋଲିସ ଏସଆଇ ସ୍କାମ ମାମଲା: ଘଟଣାରେ ମାମଲା ରୁଜୁ କଲା ସିବିଆଇ
ପୋଲିସ ଏସଆଇ ସ୍କାମ ମାମଲା। ଘଟଣାରେ ମାମଲା ରୁଜୁ କଲା ସିବିଆଇ । ବିଜ୍ଞପ୍ତି ପ୍ରକାଶ ପରେ ମାମଲା ରୁଜୁ । ଡିଏସପିଙ୍କ ନେତୃତ୍ୱରେ ଗଠିତ ଟିମ କରିବ ତଦନ୍ତ । କ୍ରାଇମବ୍ରାଞ୍ଚ ଆଇଓଙ୍କଠାରୁ ସମସ୍ତ ତଥ୍ୟ ନେଇଛି ସିବିଆଇ । ସିବିଆଇ ଭୁବନେଶ୍ୱର ଶାଖା ପକ୍ଷରୁ ଏନେଇ ରୁଜୁ ହୋଇଥିଲା ମାମଲା। । ଗତକାଲି ଶଙ୍କର ପୃଷ୍ଟିର ଏକାନ୍ତ ଘନିଷ୍ଠ ତଥା କେୟାର ଟେକର ସାଗର ଗୌଡ଼କୁ ଗିରଫ କରାଯାଇଥିଲା । ଦୀଘା ମୋଡ୍ୟୁଲ ସମ୍ଭାଳୁଥିଲା ସାଗର । ଆର୍ଥିକ ନେଣଦେଣ ନେଇ ମିଳିଛି ଗୁରୁତ୍ୱପୂର୍ଣ୍ଣ ପ୍ରମାଣ । ବର୍ତ୍ତମାନ ସୁଦ୍ଧା ୧୨୬ ଜଣ ଚାକିରୀ କେଲେଙ୍କାରୀ ଘଟଣା ରେ ଗିରଫ ହୋଇଛନ୍ତି । ସିବିଆଇ ତଦନ୍ତ ବେଳେ ପୁଣି ବଡ଼ବଡ଼ିଆଙ୍କ ପ୍ରତି ବଢ଼ିପାରେ ଅଡ଼ୁଆ
‘ଡାକ୍ତର’ ଆତଙ୍କବାଦୀଙ୍କୁ ଧରିଥିଲେ ଏହି ‘ଡାକ୍ତର’ ଆଇପିଏସ୍
ନୂଆଦିଲ୍ଲୀ: ଲାଲ କିଲ୍ଲା ନିକଟରେ ହୋଇଥିବା ବିସ୍ଫୋରଣ ପରେ ଦିଲ୍ଲୀ ସହ ଦେଶ ଆତଙ୍କିତ । । କୁହାଯାଉଛି ଯେ ଏହି ବିସ୍ଫୋରଣ ତରବରିଆ ଭାବେ କରାଯାଇଥିଲା, କାରଣ ଫରିଦାବାଦରେ ପ୍ରଚୁର ପରିମାଣର ବିସ୍ଫୋରକ ଜବତ ହେବା ପରେ ଡାକ୍ତର ଉମର ଭୟରେ ଥିଲା। ଧରା ପଡ଼ିବା ଆଗରୁ ଦିଲ୍ଲୀ ଷଡ଼ଯନ୍ତ୍ରକାରୀ ବିସ୍ଫୋରଣ କରିଥିଲେ । ତେବେ ଏହି ‘ହ୍ୱାଇଟ୍ କଲର ଟେରର’ ମଡ୍ୟୁଲର ପର୍ଦ୍ଧାଫାସ କରିବା ପଛରେ କାଶ୍ମୀରର ଜଣେ ପୋଲିସ୍ ଅଧିକାରୀଙ୍କ ବଡ଼ ଭୂମିକା ରହିଛି। ଆଉ ସଂଯୋଗର କଥା ହେଉଛି ଏହି ଅଧିକାରୀ ଜଣକ ଆଇପିଏସ ହେବା ପୂର୍ବରୁ ଡାକ୍ତର ଥିଲେ । ଅର୍ଥାତ ଡାକ୍ତର ଆତଙ୍କବାଦୀଙ୍କୁ ଜଣେ ଡାକ୍ତର ପୋଲିସ ଅଧିକାରୀ ଧରିଥିଲେ ।
ପ୍ରକୃତରେ, ୧୭ ଅକ୍ଟୋବରରେ ଜମ୍ମୁ ଓ କାଶ୍ମୀରର ଅନନ୍ତନାଗ ଜିଲ୍ଲାର ନୌଗାମର ରାସ୍ତାଗୁଡ଼ିକରେ ଉର୍ଦ୍ଦୁରେ ପୋଷ୍ଟର ଲଗାଯାଇଥିଲା। ଏଗୁଡ଼ିକରେ ଜୈଶ-ଏ-ମହମ୍ମଦର ସଦସ୍ୟ କମାଣ୍ଡର ହଞ୍ଜଲା ଭାଇର ସ୍ୱାକ୍ଷର ଥିଲା। ପ୍ରଥମ ଦୃଷ୍ଟିରେ ଏହି ପୋଷ୍ଟରଗୁଡ଼ିକ ସାଧାରଣ ଲାଗୁଥିଲା, କିନ୍ତୁ ଶ୍ରୀନଗରର ବରିଷ୍ଠ ପୋଲିସ୍ ଅଧୀକ୍ଷକ (ଏସ୍ଏସ୍ପି) ଡା. ଜିଭି ସନ୍ଦୀପ ଚକ୍ରବର୍ତ୍ତୀ ତୁରନ୍ତ ପୋଷ୍ଟରରେ ଲୁଚିଥିବା ବିପଦକୁ ଅନୁଭବ କରିଥିଲେ।
କାଶ୍ମୀର ଅଞ୍ଚଳରେ ଡା. ଜିଭି ସନ୍ଦୀପଙ୍କୁ ଆତଙ୍କବାଦୀମାନଙ୍କ ପାଇଁ କାଳ କୁହାଯାଏ। ସେ ଅନେକ ଟେରର ମଡ୍ୟୁଲ୍ ସହ ପରିଚିତ ରହିଛନ୍ତି। ସେ ଅପରେସନ୍ ମହାଦେବରେ ଜମ୍ମୁ-କାଶ୍ମୀର ପୋଲିସ୍ର ନେତୃତ୍ୱ ନେଇଥିଲେ। ଜିଭି ସନ୍ଦୀପ ଜୈଶର ପୋଷ୍ଟରଗୁଡ଼ିକ ନେଇ ତଦନ୍ତ ଆରମ୍ଭ କରିଥିଲେ। ସିସିଟିଭି ଫୁଟେଜ୍ ଖୋଜିଥିଲେ। ସେଥିରୁ ତିନି ଜଣ ବ୍ୟକ୍ତିଙ୍କ ପତ୍ତା ମିଳିଥିଲା, ଯେଉଁମାନେ ପୂର୍ବରୁ ମଧ୍ୟ କାଶ୍ମୀରର ରାସ୍ତାରେ ପଥର ମାଡ଼ କରୁଥିବା ବ୍ୟକ୍ତିଙ୍କ ଭିତରୁ ଥିଲେ । ତଦନ୍ତରେ ଜମ୍ମୁ-କାଶ୍ମୀର, ହରିୟାଣା ଏବଂ ଉତ୍ତର ପ୍ରଦେଶ ପର୍ଯ୍ୟନ୍ତ ବିସ୍ତୃତ ଏକ ନେଟୱର୍କର ଖୁଲାସା ହୋଇଥିଲା।
ଆଉ ଧରାପଡ଼ିଲେ କାଶ୍ମୀରୀ ଡାକ୍ତର
ଏହି ସଫଳତା ପରେ ଜୈଶ-ଏ-ମହମ୍ମଦର ଆତଙ୍କବାଦୀ ମଡ୍ୟୁଲ୍ରେ ସାମିଲ ଅନେକ କାଶ୍ମୀରୀ ଡାକ୍ତରମାନେ ଏବଂ ଅନ୍ୟ ଲୋକଙ୍କ ଗିରଫଦାରୀ ହୋଇଥିଲା। ଏହି ଅଭିଯାନରେ ୨୯୦୦ କିଲୋଗ୍ରାମ ବିସ୍ଫୋଟକ, ବୋମା ତିଆରି ସାମଗ୍ରୀ ଏବଂ ରାଇଫଲ୍ଗୁଡ଼ିକ ଜବତ ହୋଇଥିଲା। ୧୦ ନଭେମ୍ବରର ବ୍ଲାଷ୍ଟ୍ ପରେ ତଦନ୍ତ ଏଜେନ୍ସିଗୁଡ଼ିକ ମାମଲାର ଚେନକୁ ଯୋଡ଼ୁଛନ୍ତି । କିନ୍ତୁ ଗୋଟିଏ କଥା ସ୍ପଷ୍ଟ,ଛୋଟ ଜଣା ପଡୁଥିବା ଗୋଟିଏ ଘଟଣାରୁ ଏହି ବଡ଼ କାଣ୍ଡର ରହସ୍ୟ ଉଜାଗର ହୋଇଥିଲା । ଆଉ ଏଥିପାଇଁ ଜଣେ ବ୍ୟକ୍ତି ହିଁ ପ୍ରଶଂସାର ପାତ୍ର । ସେ ହେଉଛନ୍ତି ଆପିଏଏସ ଚକ୍ରବର୍ତ୍ତି
ବର୍ଦ୍ଦି ପିନ୍ଧା ଡାକ୍ତର ହେଉଛନ୍ତି ଜିଭି ସନ୍ଦୀପ
ଡା. ଜିଭି ସନ୍ଦୀପ ଚକ୍ରବର୍ତ୍ତୀଙ୍କ ଜନ୍ମ ଆନ୍ଧ୍ର ପ୍ରଦେଶର କୁର୍ନୁଲରେ ଏକ ଏପରି ପରିବାରରେ ହୋଇଥିଲା ଯାହା ଜନସେବାରେ ସମର୍ପିତ ଥିଲା। ତାଙ୍କ ପିତା ଡା. ଜିଭି ରାମ ଗୋପାଳ ରାଓ ସରକାରୀ ହସ୍ପିଟାଲରେ ରେଜିଡେଣ୍ଟ ମେଡିକାଲ୍ ଅଫିସର (ଆର୍ଏମ୍ଓ) ପଦରେ କାର୍ଯ୍ୟରତ ଥିଲେ। ତାଙ୍କ ମା’ ପିସି ରଙ୍ଗମ୍ମା ସ୍ୱାସ୍ଥ୍ୟ ବିଭାଗରେ ଅଧିକାରୀ ଥିଲେ। କୁର୍ନୁଲର ଏ-କ୍ୟାମ୍ପରେ ଅବସ୍ଥିତ ମଣ୍ଟେସରି ପବ୍ଲିକ୍ ସ୍କୁଲରେ ଜିଭି ସନ୍ଦୀପଙ୍କ ପ୍ରାରମ୍ଭିକ ଶିକ୍ଷା ହୋଇଥିଲା।
ସେ କୁର୍ନୁଲ ମେଡିକାଲ୍ କଲେଜରୁ ଡାକ୍ତରୀ ପଢିଥିଲେ । ୨୦୧୦ରେ ସେ ସ୍ନାତକ ଉପାଧି ପ୍ରାପ୍ତ କରିଥିଲେ। ୨୦୧୪ରେ ସେ ଭାରତୀୟ ପୋଲିସ୍ ସେବାରେ ଯୋଗ ଦେଇଥିଲେ। ଡା. ସନ୍ଦୀପଙ୍କ ଜମ୍ମୁ-କାଶ୍ମୀରରେ ତାଇନାତୀ ରଣନୈତିକ ଭାବେ ଗୁରୁତ୍ୱପୂର୍ଣ୍ଣ ଏବଂ ଉଚ୍ଚ ବିପଦପୂର୍ଣ୍ଣ ଭୂମିକାଗୁଡ଼ିକ ଦ୍ୱାରା ବ୍ୟାଖ୍ୟାତ ଥିଲା, ଯେଉଁଥିରେ ଆତଙ୍କବାଦ ବିରୋଧୀ ଅଭିଯାନ ଏବଂ ପୋଲିସ୍ ପ୍ରଶାସନରେ ତାଙ୍କ ବିଶେଷଜ୍ଞତାକୁ ବଢ଼ାଯାଇଥିଲା।
୨୧ ଏପ୍ରିଲ୍ ୨୦୨୫ରେ ସେ ଇମ୍ତିୟାଜ୍ ହୁସେନ୍ ମୀରଙ୍କ ସ୍ଥାନରେ ଶ୍ରୀନଗରର ଏସପି ପଦଭାର ଗ୍ରହଣ କରିଥିଲେ। ଯେକୌଣସି ପୋଲିସ୍ ଅଧିକାରୀଙ୍କ ପାଇଁ କାଶ୍ମୀରର ଏହା ସବୁଠାରୁ ଗୁରୁତ୍ୱପୂର୍ଣ୍ଣ ପୋଷ୍ଟିଙ୍ଗ୍ ହୋଇଥାଏ। ଅନନ୍ତନାଗ, କୁପୱାଡ଼ା ଏବଂ କୁଲଗାମର ବିଭିନ୍ନ ଅଞ୍ଚଳରେ ତାଙ୍କ ନେତୃତ୍ୱ ଆତଙ୍କବାଦୀ ବିପଦଗୁଡ଼ିକୁ ନିଷ୍କ୍ରିୟ କରିଥିଲା।
ଛୋଟ ଧମକୀରେ ମଧ୍ୟ ବଡ଼ ସନ୍ଦେଶ
ଛୋଟ ଧମକୀରେ ମଧ୍ୟ ବଡ଼ ସନ୍ଦେଶ ଲୁଚି ରହିଥାଏ…ଡା. ଜିଭି ସନ୍ଦୀପ ଏହି ଥିଓରୀ ଉପରେ କାମ କରନ୍ତି। ସେ ଛୋଟରୁ ଛୋଟ ଧମକୀର ମଧ୍ୟ ତଦନ୍ତ କରିଥାନ୍ତି । ଜୈଶର ପୋଷ୍ଟର ପରେ ମୌଲବୀ ଇରଫାନ୍ ଅହମଦଙ୍କୁ ଧରାଯାଇଥିଲା। ପଚରାଉଚରା ସମୟରେ ମୌଲବୀ ଜୈଶ-ଏ-ମହମ୍ମଦର ଏକ ଆତଙ୍କବାଦୀ ନେଟୱର୍କର ଖୁଲାସା କରିଥିଲେ। ଡା. ସନ୍ଦୀପଙ୍କ ନେତୃତ୍ୱରେ ପୋଲିସ୍ ୨୯୨୧ କିଲୋ ବିସ୍ଫୋଟକ, ବୋମା ତିଆରି ସାମଗ୍ରୀ ଏବଂ ଦୁଇଟି ଏକେ ସିରିଜ୍ର ରାଇଫଲ୍ ଜବତ କରିଥିଲା। ସେମାନେ ଫରିଦାବାଦରେ ସାଧାରଣ ନାଗରିକ ହୋଇ ଡାକ୍ତରମାନଙ୍କୁ ଗିରଫ କରିଥିଲେ।
ଶ୍ରୀନଗର, ଫରିଦାବାଦ ଏବଂ ଉତ୍ତର ପ୍ରଦେଶରେ ତାଙ୍କ ନେତୃତ୍ୱରେ ହ୍ୱାଇଟ୍ କଲର୍ ଟେରର ମଡ୍ୟୁଲ୍ର ପର୍ଦ୍ଦାଫାଶ ହୋଇଥିଲା। କାଶ୍ମୀରୀ ଡାକ୍ତର ମୁଜମ୍ମିଲ୍, ଅଦୀଲ ଅହମଦ ଏବଂ ଡା. ଶାହୀନ ସଈଦଙ୍କୁ ଗିରଫ କରାଯାଇଥିଲା।
ଆତଙ୍କବାଦ ବିରୋଧୀ ଅଭିଯାନଗୁଡ଼ିକରେ ସାହସ ଦେଖାଇବା ପାଇଁ ତାଙ୍କୁ ଛଅ ଥର ରାଷ୍ଟ୍ରପତି ପୋଲିସ୍ ବୀରତା ପଦକ (ପିଏମ୍ଜି) ଦ୍ୱାରା ସମ୍ମାନିତ କରାଯାଇଛି। ସେ ଚାରି ଥର ଜମ୍ମୁ-କାଶ୍ମୀର ପୋଲିସ୍ ବୀରତା ପଦକ ଜିତିଛନ୍ତି।