କଟକ : କଟକରେ ବାଂଲାଦେଶୀ ନାବାଳିକା ଉଦ୍ଧାର ଘଟଣା। ନାବାଳିକାର ଜନ୍ମ ପ୍ରମାଣ ପତ୍ର ପୋଲିସ ପାଖରେ ପହଂଚିଛି। ଏଥିରୁ ସେ ନାବାଳିକା ଓ ତାଙ୍କର ବୟସ ୧୭ ବର୍ଷ ବୋଲି ଜଣାପଡିଛି। ସେହିପରି ନାବାଳିକାର ବାପା ମା ସେମାନଙ୍କର ପରିଚୟ ପତ୍ର ମଧ୍ଯ କଟକ ପୋଲିସ ନିକଟକୁ ପଠାଇଛନ୍ତି। ଅନ୍ଯ ପକ୍ଷରେ ଅଭିଯୁକ୍ତମାନେ ଟଙ୍କା କାରବାର ପାଇଁ ନାବାଳିକାଙ୍କୁ ଦେହ ବ୍ୟବସାୟରେ ନିୟୋଜିତ କରୁଥିଲେ ବୋଲି ପୋଲିସ ସ୍ପଷ୍ଟ କରିଛି। ଏଭଳି କାରବାର ପାଇଁ ସେମାନେ ନାବାଳିକାଙ୍କୁ କିଛି ଅର୍ଥ ଦେଉଥିଲେ। ବର୍ତ୍ତମାନ ପର୍ଯ୍ୟନ୍ତ ଗିରଫ ତିନି ଜଣ କମିଶନ ନେଇ ଦଲାଲ୍ କାମ କରୁଥିଲେ। ଏବେ ବି ଏହି ଘଟଣାରେ ସଂପୃକ୍ତ କିଛି ଦଲାଲ୍ ଫେରାର୍ ଅଛନ୍ତି। ଏମାନଙ୍କୁ ପୋଲିସ ଧରିବା ପାଇଁ ଅପରେସନ ଜାରି ରଖିଛି ବୋଲି କଟକ ଡିସିପି କହିଛନ୍ତି।
