ଭିତରକନିକାରେ ବିଦେଶୀ ପକ୍ଷୀଙ୍କ ଗଣନା ଆରମ୍ଭ
କେନ୍ଦ୍ରାପଡ଼ା: ଭିତରକନିକାରେ ବିଦେଶୀ ପକ୍ଷୀଙ୍କ ଗଣନା ହୋଇଛି । ଭିତରକନିକା ଜାତୀୟ ଉଦ୍ୟାନ ଏବଂ ଏଥିରେ ଥିବା ଆର୍ଦ୍ରଭୂମିରେ ଏବେ ବିଦେଶାଗତ ପକ୍ଷୀଙ୍କ ସମାଗମ ହୋଇଛି। ଆଜି ଆଗନ୍ତୁକ ବିଦେଶାଗତ ପକ୍ଷୀମାନଙ୍କ ଗଣନାକାର୍ଯ୍ୟ ଆରମ୍ଭ ହୋଇଛି । ଭିତରକନିକା, ଗହୀରମଥା, ରାଜନଗର, ମହାକାଳପଡା, କୁଜଙ୍ଗ ସମେତ ୫ଟି ରେଂଜରେ ଏହି ପକ୍ଷୀମାନଙ୍କର ଗଣନା ହୋଇଛି । ଏହି ବିଦେଶାଗତ ପକ୍ଷୀଙ୍କ ଗଣନା ପାଇଁ ୧୮ଟି ଟିମ୍ ନିୟୋଜିତ ହୋଇଥିଲେ । ପ୍ରତ୍ୟେକଟି ଟିମ୍ରେ ୪ ରୁ ୫ଜଣ ବନକର୍ମଚାରୀ ରହି ଗଣନା କରିଥିଲେ । ଏହି ଗଣନା କାର୍ଯ୍ୟରେ ପକ୍ଷୀ ବିଷାରଦଙ୍କ ସମେତ ଏନଜିଓ ସଂସ୍ଥାର କର୍ମଚାରୀ ଓ ପରିବେଶବିତ୍ ମାନେ ସାମିଲ ଥିଲେ ।
