ଆଜି ସାତ ଜନ୍ମର ସାଥୀ ହେବେ ଗ୍ୟାଙ୍ଗଷ୍ଟାର କାଲା ଜଠେଡି ଓ ମ୍ୟାଡାମ ମିଞ୍ଜ
ନୂଆଦିଲ୍ଲୀ: ଦେଶରେ ଏବେ ଏମିତି ଏକ ବିବାହର ଚର୍ଚ୍ଚା ଚାଲିଛି ଯାହା ଦେଖିବାକୁ ପ୍ରତ୍ୟେକ ବ୍ୟକ୍ତି ଏବେ ଆଗ୍ରହୀ । ତିହାର ଜେଲରେ ସଜା କାଟୁଥିବା ଗ୍ୟାଙ୍ଗଷ୍ଟାର କାଲା ଜଠେଡି ଓ ତା ପ୍ରେମିକା ଲେଡି ଡନ ଅନୁରାଧା ଅର୍ଥାତ ମ୍ୟାଡାମ ମିଞ୍ଜର ପଡିବ ହାତଗଣ୍ଠି । ଏହି ବିବାହରେ ଅତିଥିଙ୍କ ଠୁ ଅଧିକ ସୁରକ୍ଷାକର୍ମୀଙ୍କୁ ଦେଖିବାକୁ ମିଳିବ । ବିବାହରେ ଦିଲ୍ଲୀ ପୋଲିସର ସ୍ପେଶାଲ ସେଲ୍, ସ୍ବତନ୍ତ୍ର ଅଧିକାରୀ, କ୍ରାଇମ ବ୍ରାଞ୍ଚ ସମେତ ପୋଲିସ ଟିମ ଉପସ୍ଥିତ ରହିବେ ।
ମାର୍ଚ୍ଚ ୧୨ରେ ହେବାକୁ ଥିବା କଏଦୀଙ୍କ ଏଭଳି ବିବାହ ପାଇଁ ସୁରକ୍ଷା ବ୍ୟବସ୍ଥାକୁ କଡାକଡି କରାଯାଇଛି । ଦୁଇ ଗ୍ୟାଙ୍ଗଷ୍ଟାରଙ୍କ ଜେଲରେ ଅନେକ ବିରୋଧୀ ଅଛନ୍ତି । ଯେଉଁମାନେ ପ୍ରତି ମୂହୂର୍ତ୍ତରେ ପ୍ରତିଶୋଧ ନେବାକୁ ଚାହିଁ ରହିଛନ୍ତି । ବିବାହରେ ଯୋଗ ଦେବାକୁ ଅତିଥିଙ୍କୁ ସ୍ବତନ୍ତ୍ର ବାରକୋଡ ଦିଆଯିବ । ପୋଲିସ ଉପସ୍ଥିତିରେ ଅତିଥି ମାନେ ବିବାହରେ ଯୋଗ ଦେବେ । ପାରୋଲରେ ଆସି ଉଭୟ ଜେଲ ବାହାରେ ବିବାହ କରିବାକୁ ନିଷ୍ପତ୍ତି ନେଇଛନ୍ତି ।
କାଲା ଜଠେଡି ଓ ଲେଡି ଡନର ବିବାହ ଉତ୍ସବ ହଲ୍ ବାହାରେ ମେଟାଲ ଡିଟେକ୍ଟର ଲଗାଯାଇଛି । ଏହା ମଧ୍ୟ ଦେଇ ଅତିଥି ମାନେ ବିବାହ ମଣ୍ଡପକୁ ପ୍ରବେଶ କରିବେ । ଦିଲ୍ଲୀର ଦ୍ବାରକା ସ୍ଥିତ ସନ୍ତୋଷ ପ୍ୟାଲେସରେ ପରିବାରର ଉପସ୍ଥିତିରେ ଉଭୟ ଉଭୟଙ୍କୁ ବରମାଲା ପିନ୍ଧାଇ ସାତ ଜନ୍ମର ସାତୀ ହେବେ । ଗୁରୁତ୍ବପୂର୍ଣ୍ଣ କଥା ହେଉଛି ଯେ ଏହି ଅଞ୍ଚଳରେ ଥିବା ସମସ୍ତ ଦୋକାନ ବନ୍ଦ କରିଦିଆଯାଇଛି । ସମସ୍ତ ସିସିଟିଭିକୁ ବାରମ୍ବାର ଚେକିଂ କରାଯାଉଛି ।
