ନନ୍ଦିଘୋଷ ବ୍ୟୁରୋ: ରାଜଧାନୀରେ ହାଇଡ୍ରାମା । ଯୁବତୀଙ୍କୁ ଅଟୋରେ ଉଠାଇ ନେଉଥିବା ବେଳେ କାବୁ କଲେ ସିକ୍ୟୁରିଟି । ଫିଲ୍ମ ଷ୍ଟାଇଲରେ ଯୁବତୀଙ୍କୁ ନେଇଯାଉଥିଲେ କିଛି ଯୁବକ । ଭୋର ସମୟରେ ଜଣେ ଯୁବତୀ ଅନ୍ୟ ଜଣେ ଯୁବକଙ୍କ ସହ ବସ୍ ଷ୍ଟାଣ୍ଡରେ ଠିଆ ହୋଇଥିଲେ । ଠିକ୍ ଏତିକି ବେଳେ ଖବର ପାଇ ପହଞ୍ଚିଥିଲା ଏକ ଅଟୋ। ଯେଉଁ ଅଟୋରେ ତାଙ୍କୁ ଜୋର ଜବରଦସ୍ତ ନେଇଯାଉଥିବା ବେଳେ ପାଟିତୁଣ୍ଡ ହେବାରୁ କାବୁ କରିଥିଲେ ସିକ୍ୟୁରୀଟି ଗାର୍ଡ । ପରେ ତଦନ୍ତ ବେଳେ କିଛି ନୂଆ ତଥ୍ୟ ସାମ୍ନାକୁ ଆସିଛି । ଯୁବତୀ ଜଣଙ୍କ ନିଜ ଇଚ୍ଛାରେ ବିବାହ କରିବାକୁ ପୁରୁଷ ବନ୍ଧୁଙ୍କ ସହ ଘର ଛାଡ଼ି ଚାଲିଯାଉଥିଲେ । ଖବର ପାଇ ଯୁବତୀଙ୍କ ଭାଇ ଓ ସାଙ୍ଗ ବସ୍ ଷ୍ଟାଣ୍ଡରେ ପହଁଚି ଜୋର ଜବରଦସ୍ତ ଭଉଣୀକୁ ସାଙ୍ଗରେ ନେଇଯିବାକୁ ଚେଷ୍ଟା କରିଥିଲେ । ତେବେ ପୋଲିସ ଖବର ପାଇ ଉଭୟ ପକ୍ଷକୁ ଥାନାକୁ ନେଇ ଅଧିକ ତଦନ୍ତ ଚଳାଇଛି ।

