ନଈ ମଝିରେ ମଦ୍ୟପ ଯୁବକଙ୍କ ହାଇଡ୍ରାମା, ବିଳମ୍ବିତ ରାତିରେ ନଦୀରୁ ଉଦ୍ଧାର

ବାଙ୍କୀ: ସାରା ରାତି ନଈ ମଝିରେ ହାଇଡ୍ରାମା । ଅଗ୍ନିଶମ ବାହିନୀଙ୍କୁ ନାକେଦମ କଲା ମଦ୍ୟପ ଯୁବକ । ଏ ଦୃଶ୍ୟ ହେଉଛି ବାଙ୍କୀ ଭେଡା ରାମଚନ୍ଦ୍ରପୁର ଗାଁର । ମହାନଦୀରେ ପାଣି ଆସିଯିବାରୁ ଚନ୍ଦନ ବେହେରା ନାମକ ଯୁବକ ଜଣକ ଫସି ରହିଥିଲେ । ତାଙ୍କୁ ଉଦ୍ଧାର କରିବାକୁ ଯାଇ ଆଉ ଦୁଇ ଜଣ ମଧ୍ୟ ସେଠାରେ ଫସି ରହିଥିଲେ । ଦୀର୍ଘ ସମୟ ପରେ ଅଗ୍ନିଶମ ବାହିନୀ ପହଞ୍ଚି ୨ ଜଣଙ୍କୁ ଉଦ୍ଧାର କରିଥିଲେ ।

ହେଲେ ଏହି ମଦ୍ୟପ ଯୁବକ ଜଣକ ଧରା ନଦେଇ ଦଉଡିବାକୁ ଲାଗିଥିଲେ । ନଦୀ ମଝିରେ ରାତି ଅଧରେ ଲୁଚକାଳି ଖେଳ ଚାଲିଥିଲା । ଶେଷରେ ଯୁବକ ଜଣକ ନଦୀର ସୁଅକୁ ଡେଇଁ ପଡିଥିଲେ । ବହୁ ଚେଷ୍ଟା ପରେ ଉଦ୍ଧାର ପରେ ଯୁବକ ଜଣକୁ ଚିକିତ୍ସା ପାଇଁ ବାଙ୍କୀ ମେଡିକାଲକୁ ପଠାଯାଇଛି । ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଚର୍ଚ୍ଚା ଜୋର ଧରିଛି ।